آیوش کے مرکزی وزیر جناب  سربانند سونووال نے آج آسام کے کازرنگا نیشنل پارک میں آیوش کی وزارت کے پہلے "چنتن شیویر" کا افتتاح کیا۔ وزیر موصوف نے آیوش سیکٹر کی زبردست صلاحیتوں کے بارے میں بات کی اور نوجوان محققین اور سائنسدانوں کو شواہد پر مبنی سائنسی تحقیق پر کام کرنے اور آیوش نظام ، طب کے فوائد اور تحقیق کو مقامی زبانوں میں بیان کرنے کی تاکید کی تاکہ یہ بڑے پیمانے پر لوگوں تک پہنچ سکے۔

جناب  سربانند سونووال نے مزید کہا کہ آیوش، بھارت  میں شفا اور بھارت  کے ماحولیاتی نظام کے ذریعہ صحت مند ہونے کے لئے اہم ہے۔ آیوش ایک زمین، ایک خاندان، ایک مستقبل کے وژن کے لیے بہت اہم ہے۔ وزیر اعظم کی دور اندیش قیادت میں بھارت  کا روایتی ادویاتی نظام عالمی سطح پر اپنا مقام بنائے ہوئے ہے۔

آیوش کے مرکزی وزیر مملکت ڈاکٹر منجاپرا مہندر بھائی، آیوش کی وزارت کے سکریٹری ویدیا راجیش کوٹیچا، جناب پرمود کمار پاٹھک، خصوصی سکریٹری، ایم او اے کے ساتھ وزارت کے دیگر سینئر افسران اور نامور مقررین، ماہرین اور معززین اس چنتن شیویر میں حصہ لے رہے ہیں۔

آیوش کے مرکزی وزیر مملکت ڈاکٹر مہیندر منجپارہ نے آیوش میں ڈیجیٹل صحت اور ٹکنالوجی پر پہلے اجلاس  میں حصہ لیا اور کہا، “اب دنیا آیوش کی طاقت کو سمجھ رہی ہے۔ ڈیجیٹل ہیلتھ، آیوش گرڈ، ڈیجیٹل اور تکنیکی ترقی کی مدد سے، آیوش کی طاقت کو بنیادی صحت سے لے کر خصوصی صحت کے مراکز تک استعمال کیا جا سکتا ہے۔"

دونوں وزراء نے وزارت آیوش کے عہدیداروں کے ساتھ ڈاکٹر ایشور وی بساورادی، ڈائرکٹر، مرارجی دیسائی نیشنل انسٹی ٹیوٹ آف یوگا، نئی دہلی کے ذریعہ منعقدہ وائی بریک میں حصہ لیا۔

پہلے دن کا پہلا اجلاس،  آیوش میں ڈیجیٹل صحت اور ٹکنالوجی پر تھا، دوسرا اجلاس  آیوش ریسرچ: مستقبل کی حکمت عملی، چیلنجز اور آگے کا راستہ اور تیسرا آیوش ایجوکیشن: مستقبل کے اقدامات، صلاحیت کی تعمیر، روزگار پیدا کرنے اور این ای پی سےمتعلق تھا۔

دوسرے دن آیوش ڈرگ انڈسٹریز، خدمات اور آیوش پروڈکٹس کی معیاری کاری میں موجودہ چیلنجز اور آگے بڑھنے کے راستے پر اجلاس  ہوں گے۔ پانچواں اجلاس صحت عامہ، چیلنجز اور آگے کے راستے میں آیوش پر ہوگا اور ڈیلیوری ایبل اور روڈ میپ کے ساتھ رپورٹس کی پیشکش کے ساتھ اختتام پذیر ہوگا۔

دو روزہ چنتن شیویر کا انعقاد آیوش اداروں کی اپ گریڈیشن کے لیے روڈ میپ بنانے کے لیے کیا جا رہا ہے۔تکنیکی ترقی کے ساتھ ان کا انضمام، اور آیوش کو نئی تعلیمی پالیسی کے ساتھ مربوط کرنے کے طریقوں کی نشاندہی، جبکہ آیوش سے فائدہ اٹھانے کے لیے بہتری کی صلاحیت کے ساتھ موجودہ خدمات کی بھی نشاندہی کرنا ہے۔

۔۔۔۔۔۔۔۔۔۔۔

ش ح۔و ا۔ ع ا۔

U -2122