অয়ুস মন্ত্রালয়গী অহানবা “চিন্তন সিবির” অয়ুসকী কেন্দ্র মন্ত্রী শ্রী সর্বনন্দ সোসোৱালনা ঙসি অসামগী কাজিরঙ্গ নেস্নেল পার্কতা হৌদোকখ্রে‍। মন্ত্রীনা অয়ুস সেক্তরদা লৈরিবা য়াম্লবা মতিংশিংগী মরমদা ৱা ঙাঙখি অমদি নহা ওইরিবা রীছর্চরশিং অমদি সাইন্তিস্তশিংগী মফমদা খুদম চাংদমদা য়ুম্ফম ওইবা থিজিন হুমজিনবগী মরমদা থবক তৌনবা অমদি লম লমগী লোন্দা অয়ুস সিস্তেমগী লমদা থিজিনবনা মীয়ামদা হেন্না খঙহনবদা কান্নবশিংগী মরমদা খঙহন্নবা ৱাফম থমখি‍।

হেল্থ ইন ইন্দিয়া হীল ইন ইন্দিয়া ইকোসিস্তেমদা অয়ুসনা মরুওইবা থৌদাং লৌরি হায়না শ্রী সর্বনন্দ সোনোৱালনা মখা তাখি‍। অয়ুস অসি মালেম অমা, ইমুং অমা, তুংলমচৎ অমগী মঙলান্দা য়াম্না মরুওই‍। মীৎয়েঙ শানবা ইকায়খুম্নরবা প্রধান মন্ত্রীগী লুচিং মখাদা ভারতকী মহৌশাগী লায়েং পথাপ মালেমদা খঙনরি হায়না মহাক্না ফোঙদোকখি‍।

অয়ুসকী কেন্দ্রগী রাজ্য মন্ত্রী দোক্তর মুঞ্জপরা মহেন্দ্রভাই, অয়ুস মন্ত্রালয়গী সেক্রেতরী ভৈদ্য রাজেস কোতেচা, এম.ও.এ.গী স্পিসিএল সেক্রেতরী শ্রী প্রমোদ কুমার পাথক্কা লোয়ননা মন্ত্রালয়গী অতৈ মকোক থোংবা ওফিসিএলশিং অমদি শক্নাইরবা ৱাঙাঙলোয়, এক্সপর্ত অমসুং মীথুংশিংনা চিন্তন সিবির অসিদা শরুক য়ারি‍।

অয়ুসকী কেন্দ্রগী রাজ্য মন্ত্রী দোক্তর মহেন্দ্র মুঞ্জপরানা অয়ুসকী লমদা দিজিতেল হেল্থ অমদি তেক্নোলোজী হায়বা হীরমদা পাঙথোকখিবা অহানবা সেসন্দা শরুক য়াখি অমদি “হৌজিক্তি মালেম অসিনা অয়ুসকী মতিক মশক খঙলক্লে‍। দিজিতেল হেল্থ, অয়ুস গ্রিদ, দিজিতেল অমদি তেক্নোলোজীগী লমদা খুমাঙ চাওশিল্লিবা অসিগী মতেঙগা লোয়ননা, অয়ুসকী মতিক প্রাইমারী হেল্থকেয়রদগী স্পিসিএলাইজ হেল্থ সেন্তরশিংদা শীজিন্নবা য়াগনি” হায়খি‍।

মন্ত্রী অনিমক্না অয়ুস মন্ত্রালয়গী ওফিসিএলশিংগা লোয়ননা নই দিল্লীদা লৈবা মোরার্জী দেসাই নেস্নেল ইন্সতিত্যুৎ ওফ য়োগগী দাইরেক্তর দোক্তর ইস্বর ভি. বাসবরদ্দীনা পাঙথোকপা ৱাই-ব্রেক্তা শরুক য়াখি‍।

অহানবা নুমিৎকী অহানবা সেসন দিজিতেল হেল্থ এন্দ তেক্নোলোজী ইন অয়ুস হায়বা হীরমদা, অনিসুবা সেসন্না অয়ুস রীছর্চ: ফ্যুচর স্ত্রেতেজী, চেলেঞ্জেজ এন্দ ৱে ফোর্ৱার্দ হায়বা হীরমদা, অদুগা অহুমসুবা সেসন্না অয়ুস এজুকেসন: ফ্যুচর ইনিসিএতিব্স, কেপাসিতী বিল্দিং, এমপ্লোইমেন্ত জেনেরেসন এন্দ এন.ই.পি. হায়বা হীরমদা পাঙথোকখি‍।

নিনি চনবা নুমিত্তা করেন্ত চেলেঞ্জেজ এন্দ ৱে ফোর্ৱার্দ ইন অয়ুস দ্রগ ইন্দস্ত্রিজ, সর্ভিসেস এন্দ স্তেন্দর্দাইজেসন ওফ অয়ুস প্রদক্ত হায়বা হীরমদা সেসনশিং পাঙথোক্কনি‍। মঙাশুবা সেসন্না অয়ুস ইন পব্লিক হেল্থ, চেলেঞ্জেজ এন্দ ৱে ফোর্ৱার্দ হায়বা হীরমদা পাঙথোক্কনি অমদি দেলিবরেবল্স অমদি রোদমেপকী রিপোর্তশিং পুথোক্তুনা লোইশিনগনি‍।

নুমিৎ নিনি চত্থগদবা চিন্তন সিবির অসি অয়ুস ইন্সতিত্যুসনশিং অপগ্রেদ তৌনবগী রোদমেপ শেম্নবা অমদি মখোয়বু তেক্নোলোজীগী লমদা খুমাঙ চাওশিল্লিবসিগা পুনশিন্নবা, অমদি অয়ুসপু নিউ এজুকেসন পোলিসীগা পুনশিন্নবা লম্বীশিং খঙদোক্নবগা লোয়ননা অয়ুসকী কান্নবা লৌননবগীদমক হৌজিক পীরিবা সর্ভিসশিংগা লোয়ননা ফীভম ফগৎহন্নবগী লৈরিবা মতিংশিং খঙদোক্নবগীদমক পাঙথোকপনি‍।

****