প্রধানমন্ত্রীগী লোইশঙ
পি.এম.না ‘রীচিং দি লাস্ত মাইল’ হায়বা বজেৎকী ৱেবিনারদা ৱা ঙাংখ্রে
“ইমপ্লিমেন্তেসন অমসুং অকক্নবা মতমদা দেলিভরী তৌনবা মীৎয়েংদগী য়েংলকপদা বজেৎ মতুংগী ব্রেনস্তোর্মিং অসি মরু ওই। মসিনা তেক্সপেয়রশিংগী শেলগী লুপা অমা ফাওবা নীংথিনা শীজিন্নবা ঙমহনগনি”
“ঐখোয়না গুদ গভর্নান্সতা হেন্না মীৎয়েং চংলিবা মখৈ লাস্ত মাইল য়ৌনবা ঐখোয়গী পান্দম অসি হেন্না লাইনা ফংবা ঙমগনি”
“লাস্ত মাইল য়ৌহন্নবা এপ্রোচ অমসুং সেচুরেসনগী পোলিসী অসি অমনা অমগী মতেং পাংনরি”
“ঐখোয়গী পান্দম অসি মীপুম খুদিং য়ৌহনবা হায়বা অসিনা ওইরবা মতমদা খেন্নবা অমদি শেঞ্জা-থুমজাগী স্কোপ অমত্তা লৈরোই”
“চহি অসিগী বজেৎনা ত্রাইবেল অমদি খুঙ্গংগী মফমশিংদা লাস্ত মাইল য়ৌহন্নবা মন্ত্রদা অখন্নবা মীৎয়েং থম্লি”
“অহানবা ওইনা লৈবাক অসিনা স্কেল অসিদা ঐখোয়গী লৈবাক্কী ত্রাইবেল খুন্নাইগী অচৌবা পোতেন্সিএল অসি তেপ তৌরি”
“ত্রাইবেল কাংলুপকী মরক্তা খ্বাইদগী শোত্থরবশিংগীদমক অখন্নবা মিসনগী মখাদা খোঙজেল য়াংনা ফেসিলিতীশিং ফংহন্নবা হোল-ওফ-দি-নেসন এপ্রোচ মথৌ তাই”
“লাস্ত মাইল য়ৌহনবদা এস্পিরেস্নেল দিস্ত্রিক্ত প্রোগ্রামনা মাইপাক্লবা মোদেল অমা ওইরকখি”
Posted On:
27 FEB 2023 10:41AM by PIB Imphal
প্রধান মন্ত্রী, শ্রী নরেন্দ্র মোদীনা ‘রিচিং দি লাস্ত মাইল’ হায়বা হীরমদা পাঙথোকপা বজেৎ ৱেবিনার অমদা ৱা ঙাংখ্রে। মসি কেন্দ্রগী বজেৎ ২০২৩দা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোন অমদি পাউতাকশিং লৌনবা সরকারনা পাঙথোকপা বজেৎ মতুংগী ৱেবিনার ১২গী মরিশুবনি।
অহৌয়দা প্রধান মন্ত্রীনা পার্লিয়ামেন্তদা বজেৎকী মতাংদা দিবেৎ তৌনবগী মরু ওইবা অদু খঙলদুনা হায়খি সরকার অসিনা খোঙকাপ অমা মাং চখৎনা থাংখি অমসুং হৌখিবা চহি খরা অসিদা বজেৎ মতুং স্তেকহোল্দরশিংগা লোয়ননা ব্রেনস্তোর্মিং তৌবগী অনৌবা চৎনবী অমা হৌখি হায়না ফোঙদোকখি। মহাক্না হায়, “মসি ইমপ্লিমেন্ত তৌবা অমসুং মতম চানা দেলিভরী তৌনবগীদমক মরু ওই। তেক্সপেয়রশিংগী শেলগী লুপা অমা ফাওবা নীংথিনা শীজিন্নবা ঙমহনহল্লি”।
প্রধান মন্ত্রীনা হায়খি মদুদি শেলগা লোয়ননা চাউখনবগীদমক পোলিতিকেল ৱিল চংই। অপাম্বা ফলশিং ফংনবগীদমক গুদ গভর্নান্স অমসুং লেপ্পা লৈতনা মোনিতর তৌবগী মরু ওইবগী মতাংদা পল্লদুনা প্রধান মন্ত্রীনা হায় “ঐখোয়না গুদ গভর্নান্সতা হেন্না মীৎয়েং চংলিবা মখৈ লাস্ত মাইল য়ৌনবা ঐখোয়গী পান্দম অসি হেন্না লাইনা ফংবা ঙমগনি”। মহাক্না লাস্ত মাইল দেলিভরীদা গুদ গভর্নান্সকী শক্তি উৎনবা মিসন ইন্দ্রধনুশ অমসং কোরোনা লাইচৎকী ইম্ম্যুনাইজেসন অমসুং ভেক্সিন কবরেজকী মতাংদা খুদম পীখি।
সেচুরেসনগী পোলিসীগী মতাংদা নুংদা লৈরিবা ৱাখল্লোন অসি শন্দোক্না তাক্লদুনা প্রধান মন্ত্রীনা হায়খি লাস্ত মাইল য়ৌহন্নবা অমসুং সেচুরেসন পোলিসীগী এপ্রোচ অসিনা অমনা অমদা মতেং পাংলি। মহাক্না হায়খি মমাংদা তঙাই ফদবা খুদোংচাবশিংগীদমক লায়রশিংনা সরকারগী মনিংদা কোইতান তান্নরম্বগী ওইরম্বা ফীভম অদু হৌজিক্তি সরকারনা লায়রশিংগী থোংজিলদা ওইনা লেপ্লরে। প্রধান মন্ত্রীনা হায়, “লম খুদিংমক্তা লৈরিবা প্রজা খুদিংমক্তা তঙাই ফদবা খুদোংচাবা খুদিংমক পীনবা ঐখোয়না ৱারেপ লৌবা নুমিৎতা ঐখোয়না লোকেল থাক্তা ৱার্ক কলচরদা অচৌবা অহোংবা অমা লাকপগে উবা ফংগনি। মসি সেচুরেসনগী পোলিসীগী নুংদা লৈরিবা ৱাখল্লোন অদুনি। ঐখোয়গী পান্দম অসি মীপুম খুদিংমক য়ৌশিন্নবা ওইরবা মতমদা খেন্নবা অমদি শেঞ্জা থুমজাগী মফম লৈরোই। মতম অদুদা খক্তা ঐখোয়না লাস্ত মাইল য়ৌনবগী পান্দম অদু মপুং ফাহনবা ঙমগনি”।
এপ্রোচ অসিগী খুদম পীরদুনা প্রধান মন্ত্রীনা ফোর্মেল বেঙ্কিংগা স্ত্রীৎ ভেন্দরশিংবু লিঙ্ক তৌখিবা পি.এম. স্বনিধি স্কিম, দি-নোতিফাইদ, নোমেদিক অমসুং সেমি-নোমেদিক কম্ম্যুনিতীশিংগীদমক দিবেলপমেন্ত এন্দ ৱেল্ফিয়র বোর্দ থম্বা, খুঙ্গংশিংদা কম্মন সর্ভিস সেন্তর লাখ ৫ হাংখিবা অমসুং তেলি-মেদিসিনগী কেস করোর ১০ হেনবগী পন্দুপ অসি খুদম ওইনা পীখি।
প্রধান মন্ত্রীনা হায়খি চহি অসিগী বজেৎনা ত্রাইবেল অমদি খুঙ্গংগী মফমশিংগী লাস্ত মাইল য়ৌশিন্নবগী মন্ত্রদা অখন্নবা মীৎয়েং চংখি। মহাক্না হায় মসিগীদমক জল জীবন মিসন্দা লুপা করোর লিশিং কয়া এল্লোকেৎ তৌখি। মহাক্না হায় মদুদি অমৃত সরোবর লিশিং ৬০ হেনবগী থবক পাইখৎপা হৌখি মসিগী মনুংদা সরোবর লিশিং ৩০ শাবা লোইশিনখ্রে। মহাক্না হায়, “কেম্পেনশিং অসিনা মফম পুম্নমক্তা লৈরিবা ভারত মচাশিংগী পুন্সি মহিং ফগৎহল্লি, মখোয়না দিকেদ কয়া অসিগুম্বা ফেসিলিতীশিং অসি ঙাইদুনা লাকখি। ঐখোয়না মফম অসিদা লোইশিনগদবা নত্তে। ঐখোয়না অনৌবা ৱাতর কন্নেক্সন অমসুং ৱাতর কঞ্জুম্পসনগী পেত্তর্নগী মেকানিজম অমা শেম্বা তাই। ঐখোয়না ৱাতর কম্মিতি মপাঙ্গল কনখৎহন্নবগীদমক করি তৌবা য়াবগে য়েংশিনবা তাই”।
প্রধান মন্ত্রীনা স্তেকহোল্দরশিংদা মপাঙ্গল কনবা অদুবু অহোংবা য়ুমশিং শানবা লম্বীশিংগা লোয়ননা হাউসিংগী লিঙ্ক তৌনবা লম্বীশিং, সোলর পাৱরদগী কান্নবা লৌনবা অমসুং সহর অমদি খুঙ্গংগী মফম অনিমক্তা গ্রুপ হাইসিং মোদেলশিং এসেপ্তেবল ওইহন্নবা অরাইবা লম্বীশিং থীদোক্নবা খন্ন-নৈনবা হায়খি। মহাক্না হায় মদুদি চহি অসিগী বজেৎতা লায়রবশিংগী য়ুম শানবা লুপা করোর লিশিং ৮০ খাক্তুনা থমখি।
প্রধান মন্ত্রীনা হায় “অহানবা ওইনা লৈবাক অসিনা স্কেল অসিদা ঐখোয়গী লৈবাক্কী ত্রাইবেল সোসাইতীগী অচৌবা মতিক-ময়াই অসি তেপ তৌরি। বজেৎ অসিদসু ত্রাইবেলগী চাউখৎ-থৌরাংদা মরু ওইবা মীৎয়েং চংখি। একলাব্য রেসিদেন্সিএল স্কুলশিংগী স্তাফ তৌনবা চাউনা এল্লোকেসন তৌখিবা অসিগী মতাংদা প্রধান মন্ত্রীনা মীয়ামদা স্কুলশিং অসিদগী ওজাশিং অমসুং মহৈরোয়শিংনা পীরকপা ফীদবেকশিং অমসুং স্কুলশিং অসিগী মহৈরোয়শিং অসিনা অচৌবা সহরশিংদা করম্না এক্সপোজর ফংবগে য়েংনবা হায়খি। মহাক্না মখোয়দা স্কুলশিং অসিদা অতল তিঙ্করিং লেব কয়া হাংদোক্নবা লম্বীশিং অমসুং স্তার্তঅপশিংগা মরী লৈনবা হীরমশিংদা ৱার্কশোপ পাঙথোক্নবগী লম্বীশিংদা খন্ন-নৈন্নবা হায়খি।
প্রধান মন্ত্রীনা হায় মদুদি অহানবা ওইনা ত্রাইবেল কাংলুপশিংগী মরক্তা খ্বাইদগী শোত্থরবশিংগীদমক অখন্নবা মিসন অমা হৌদোকখি। “ঐখোয়না লৈবাক্কী জিলা ২০০ হেনবদা লৈরিবা খুঙ্গং লিশিং ২২ হেনবগী ঐখোয়গী ত্রাইবেল মরুপশিংদা খুদোংচাবা খোঙজেল য়াংনা ফংহনবা তাই”। প্রধান মন্ত্রীনা হীরম অসিদা পস্মান্দা মুস্লিমশিংগী মতাংদসু পনখি। সিকল সেল মপুং ফানা মুৎথৎনবা বজেৎ অসিদা তার্গেৎ অমসু থমখি। মসিগীদমক হোল ওফ দি নেসনগী এপ্রোচ মথৌ তাই। মরম অসিনা হকশেলগা মরী লৈনবা স্তেকহোল্দর খুদিংমক্না খোঙজেল য়াংনা থবক তৌগদবনি”।
লাস্ত মাইল য়ৌহনবদা এস্পিরেস্নেল দিস্ত্রিক্ত প্রোগ্রামনা মাইপাক্লবা মোদেল অমা ওইখি হায়না প্রধান মন্ত্রীনা ফোঙদোকখি। এপ্রোচ অসি খুমাং চাউশিলহল্লদুনা লৈবাক্কী ব্লোক ৫০০দা এস্পিরেস্নেল ব্লোক প্রোগ্রাম অসি হৌজিক পাইখৎলি। প্রধান মন্ত্রীনা লোইশিনবদা হায়, “এস্পিরেস্নেল ব্লোক প্রোগ্রামগীদমক ঐখোয়না এস্পিরেস্নেল দিস্ত্রিক্তশিংগীদমক থবক তৌখিবা মতৌগুম্না কম্পেরেতিব পেরামিতরশিংগী মরমদা খঙনা থবক তৌগদবনি। ঐখোয়না ব্লোক লেবেলদসু অমগা অমগা লোয়ননা কম্পিতিসনগী এনভাইর্নমেন্ত অমা শেমগৎপা তাই”।
*****
(Release ID: 1902719)
Visitor Counter : 123
Read this release in:
Marathi
,
Bengali
,
Odia
,
Tamil
,
Telugu
,
English
,
Urdu
,
Hindi
,
Assamese
,
Punjabi
,
Gujarati
,
Kannada
,
Malayalam