প্রধানমন্ত্রীগী লোইশঙ
নিউ দিল্লিগী তালকাতোরা স্তদিয়মদা প্রধান মন্ত্রীনা ‘বরিসু কন্নারা দিম দিমাৱা’, দিল্লি-কর্নাতকা সংঘগী অমৃত মহোৎসব হৌদোকখ্রে
“কর্নাতকা য়াওদনা ভারতকী শক্তম, চৎনবশিং অমসুং অনিংবশিং মশক তাকপা ঙম্লোই”
“থায়না মমাংঙৈদগী হৌনা, ভারত্তা কর্নাতকানা হনুমানগী থৌদাং লৌদুনা লাক্লি”
“করিগুম্বা য়াম্না মরুওইবা থবক অমা অয়োধ্যাদগী হৌরগা রামেশ্বারম ফাওবা য়ৌরকপদা, থবক অদু কর্নাতকা য়ৌরবা মতমদা মপাঙ্গল কনখৎলকই”
“ ‘অনুভাব মান্তপা’গী খুৎথাংদা ভাগবান বাস্বেশ্বারাগী গনতন্ত্রিক ওইবা পাউতাকশিং অদু ভারতকীদমক মশেক মঙাল অমনি”
“কর্নাতকা অসি চৎনবীশিং অমসুং তেক্নোলোজিগী লমদম অমনি। রাজ্য অসিগী পুৱারি ওইরবা কলচর অমসুং অনৌবা মতমগী আর্তিফিসিএল ইন্তিলিজেন্সশু লৈরি”
“২০০৯-২০১৪গী মরক্তা চহি মঙাদা কর্নাতকানা রেলৱেজ প্রোজেকশিংদা লুপা কোরোর লিশিং ৪ ফংখি, অদুগা চহি অসিগী বজেত খক্তদা কর্নাতকাগী রেল ইনফ্রাগী লুপা করোর লিশিং ৭ ফংখি”
“কন্নারা কলচর উৎপা ফিল্মশিং কন্নারা খঙদবা ভাবকশিংনা য়াম্না পাম্নরে অমসুং কর্নাতকাগী মরমদা হেন্না খঙনিংবা অমা ফাওহল্লে। মসিগী অপাম্বা অসি পীনবা হোৎনগদবনি”
Posted On:
25 FEB 2023 7:55PM by PIB Imphal
ঙসি নিউ দিল্লিগী তালকাতোরা স্তদিয়মদা প্রধান মন্ত্রী শ্রী নরেন্দ্র মোদীনা ‘বরিসু কন্নারা দিম দিমাৱা’ কলচরগী কুহ্মৈ হৌদোকখ্রে। মহাক্না একজিবিসন অমশু য়েংখি। কুহ্মৈ অসি অজাদি কা অমৃত মহোৎসবকী মখাদা কর্নাতকাগী কলচর, চৎনবীশিং অমসুং পুৱারি উৎনবা পাংথোকপনি।
থৌরম অদুদা ৱা ঙাংবদা প্রধান মন্ত্রীনা হায়খি দিল্লি-কর্নাতকা সংঘনা ফজরবা হেরিতেচ মাংলোমদা পুখৎলক্লি। লৈবাক অসিনা নিংতম্বা চহি ৭৫ মপুংফারকপগী অমৃত মহোৎসব পাংথোকপা মতম অসিদা দিল্লি-কর্নাতকা সংঘগী ৭৫শুবা মপোক কুমওনগী থৌরমশিং পাংথোক্লি। ঐখোয়না চহি ৭৫গী মমাঙদা ওইরম্বা ফিবমশিং অদু নৈনবা মতমদা কনাগুম্বা অমনা শিবা নাইদ্রবা ভারতকী থৱায় অদু উবা ফংগনি। কর্নাতকা সংঘ লিংখৎপা অসি লৈবাক মপাঙ্গল কনখৎহন্নবা মীয়ামগী অচেৎপা ৱাখল্লোন অদুগী খুদম্নি অমসুং অমৃত কাল হৌরকপা মতমদা মীয়ামগী কৎথোকপা অমসুং থৌনা অদু উবা ফংলে। কর্নাতকা সংঘগী চহি ৭৫শুবা খোঙচৎ অসি শরুক য়াখিবা খুদিংমক থাগৎচরি।
প্রধান মন্ত্রীনা হায়খি কর্নাতকা য়াওদনা ভারতকী শক্তম, চৎনবশিং অমসুং অনিংবশিং মশক তাকপা ঙম্লোই।‘পৌরানিক কাল’দা হনুমানগী থৌদাং পল্লদুনা প্রধান মন্ত্রীনা হায়খি থায়না মমাংঙৈদগী হৌনা, ভারত্তা কর্নাতকানা হনুমানগী থৌদাং লৌদুনা লাক্লি। করিগুম্বা য়াম্না মরুওইবা থবক অমা অয়োধ্যাদগী হৌরগা রামেশ্বারম ফাওবা য়ৌরকপদা, থবক অদু কর্নাতকা য়ৌরবা মতমদা মপাঙ্গল কনখৎলকই।
প্রধান মন্ত্রীনা হায়খি ময়াই থংবা যুগতা মপান লৈবাক্তগী লান্দারকপশিংনা লৈবাক অসি মাংহন-তাকহনখি অমসুং সোমনাথগুম্বা সিবলিঙ্গশিং মাঙহনখি। লাইনিংবশিং হায়বদি দেবারা দসিম্যায়া, মাদারা চেন্নাইয়া, দোহারা কাক্কাইয়া অমসুং ভাগবন বসাবেশ্বারানা মখোয়গী লাইনিংগা লোয়ন্না মীয়ামগা লৈমিন্নখি। লান্মীশিং হায়বদি রানি অবকা, ওনাকে ওবাভ, রানি চেন্নমা, ক্রান্তিবির শঙ্গোলি রয়ান্নানা মপান লৈবাক্কী শক্তিশিং মায়োক্নখি। নিংতম্লবা মতুংদা, কর্নাতকাগী শক্নাইরবশিংনা মখাদা তানা ভারতকী ইনোৎ হাপখি।
এক ভারত শ্রেস্থা ভারতকী লাইৱা হিংহনবগীদমক কর্নাতকাগী মীয়াম থাগৎলদুনা প্রধান মন্ত্রীনা হায়খি কবি কুভেম্পুনা ‘নারা গীথে’দা লৈবাক্কী ৱাখল্লোনশিং ফজনা ফোঙদোকখি। ঈশৈ অসিদা ভারতকী সভেত্য মশক তাকখি অমসুং কর্নাতকানা লৌরিবা মরুওইবা থৌদাংশিং ফোংদোকখি। ঈশৈ অসিগী নুঙগী ৱাহন্থোক ঐখোয়না খঙবা মতমদা, ঐখোয়না এক ভারত শ্রেস্থা ভারতকী মরুওইবা অদুশু খঙলে।
প্রধান মন্ত্রীনা হায়খি জি-২০গুম্বা মালেমগী লুপ অমগী প্রসিদেন্দ ওইবা মতমদা গনতন্ত্রগী মমাগী ফিদমশিংনা ভারত লমজিংলি। ‘অনুভাব মান্তপা’গী খুৎথাংদা ভাগবান বাস্বেশ্বারাগী গনতন্ত্রিক ওইবা পাউতাকশিং অদু ভারতকীদমক মশেক মঙাল অমনি। লোন কয়াদা মহাক্কী ৱাশকশিংগী খোমজিনবা লাইরিক অমা অমসুং ভাগবান বাস্বেশ্বারাগী মীতম অমা লন্দন্দা শঙ্গাবগী খুদোংচাবা ফংখিবা অদুদা অপেনবা পোকই। মসি কর্নাতকাগী ফিদমশিং শিবা নাইদবগী খুদম্নি।
প্রধান মন্ত্রীনা মখা তানা হায়খি কর্নাতকা অসি চৎনবীশিং অমসুং তেক্নোলোজিগী লমদম অমনি। রাজ্য অসিগী পুৱারি ওইরবা কলচর অমসুং অনৌবা মতমগী আর্তিফিসিএল ইন্তিলিজেন্সশু লৈরি। জর্মনগী চান্সেলর ওলাফ স্কোলজগা ঙসি ৱারি শানবদা মহাক্কী মথংগী থৌরম হয়েং বেঙ্গালুরুদা পাংথোক্কনি হায়না পাউদম্লকপদা অপেনবা ফাওই। বেঙ্গালুরুদা জি-২০গী মরুওইবা মীফম অমা পাংথোক্লি। মহাক্কা উনবা মালেমগী দেলিগেদশিংদা ভারতকী অরিবা অমসুং অনৌবা শক্তমশিং উৎনবা মহাক্না হোৎনৈ।
মহাক্না হায়খি চৎনবী অমসুং তেক্নোলোজি অসি অনৌবা ভারতকী লমচৎ-শাজৎশিংনি। চাউখৎপা অমসুং হেরিতেচ অমসুং চাউখৎপা অমসুং চৎনবীশিংগা লোয়ন্না লৈবাক অসি মাঙলোমদা চঙশিল্লি। অতোপ্পা অমদা, ভারতনা মসিগী অরিবা লাইশঙশিং অমসুং কলচরগী মফমশিং হিঙ্গৎহল্লি, অতোপ্পা অমদা, লৈবাক অসি দিজিতেল পেমেন্তশিংদা মালেমগী মকোক্নি। ঙসিদি ভারতনা চহিচা কয়া শুরবা লৈবাক অসিদগী হুরানখিবা কলাগী পোৎলমশিং অমসুং মীতমশিং অমুক হন্না পুরক্লে অমসুং রেকোর্দ ওইনা এফ.দি.আইশু পুরক্লে। মসি চাউখৎলবা লৈবাক অমগী ঐখোয়গী পান্দম ফংনবা অনৌবা ভারত অমগী চাউখৎপগী লম্বীনি।
প্রধান মন্ত্রীনা হায়খি ঙসিদি কর্নাতকা চাউখৎপা হায়বসি লৈবাক অসিগী অমসুং কর্নাতকা সরকারগী মরুওইবা পান্দম্নি। ২০০৯-২০১৪গী মরক্তা কেন্দ্রনা কর্নাতকাদা লুপা করোর লিশিং ১১ পীখ্রে, অদুগা ২০১৯-২০২৩দা লুপা করোর লিশিং ৩০ পীখ্রে।২০০৯-২০১৪গী মরক্তা চহি মঙাদা কর্নাতকানা রেলৱেজ প্রোজেকশিংদা লুপা কোরোর লিশিং ৪ ফংখি, অদুগা চহি অসিগী বজেত খক্তদা কর্নাতকাগী রেল ইনফ্রাগী লুপা করোর লিশিং ৭ ফংখি। হায়রিবা চহি ৫গী মতম অদুদা কর্নাতকাদা নেসনেল হায়ৱেশিংগী লুপা করোর লিশিং ৬ ফংখি, হৌখিবা চহি ৯দা রাজ্য অসিগী হায়ৱেশিংগী কর্নাতকানা চহি খুদিংগী লুপা করোর লিশিং ৫ ফংখি। মতম কয়াগী মমাঙদগী তান্দুনা লাক্লবা ভাদ্রা প্রোজেক হৌজিক লৈরিবা সরকার অসিনা ফংহল্লে।
প্রধান মন্ত্রীনা হায়খি চহি ৭৫ অসিদা দিল্লি-কর্নাতকা সংঘনা চাউখৎপা অমসুং লৌশিংগী লমদা মরুওইবা মাইপাকপা কয়া পুরকখ্রে। অমৃত কালগী মতমদা মরুওইবা থবক কয়া পাংথোক্কদবনি অমসুং মথং চহি ২৫ অসি দিল্লি-কর্নাতকা সংঘগী চহিশিংনি। কন্নারা লোনগী ফজবা অমসুং মসিগী ইনাকখুল্লবা সাহিত্য মীয়ামদা খঙহন্নবা কেন্দ্রনা মীৎয়েং চঙগদবনি। কন্নারা লোন পাবা মশিং য়াম্না লৈরে অমসুং পব্লিসরশিংনা নুংঙাইবা লাইরিক অমা ফোংখিবা চয়োল খরগী মতুংদা অমুক হন্না নম্বা দরকার ওইখি।
কলাগী লমদা কর্নাতকাগী তোমথিন ঙানবা মাইপাকপশিংগী মতাংদা প্রধান মন্ত্রীনা হায়খি ঈশৈগী লমদা কামসালেদগী হৌরগা কর্নাতিক স্তাইল ফাওবা, অমসুং ভারতনাত্যমদগী হৌরগা যক্ষগান ফাওবা কর্নাতকাগী ইনাকখুল্লবা ক্লাসিকেল অমসুং পোপুলার আর্তস ফোর্মশিং লৈরি। হায়রিবা আর্তস ফোর্মশিং অসি য়োকখৎনবা কর্নাতকা সংঘনা থবক কয়া পায়খৎলিবা অসিগীদমক থাগৎলি। অসিগুম্বা থৌরমশিংদা দিল্লিদা লৈবা কন্নারাগী ইমুংশিংনা কন্নারা নত্তবা ইমুংশিং পুরক্নবা হোৎনগদবনি।কন্নারা কলচর উৎপা ফিল্মশিং কন্নারা খঙদবা ভাবকশিংনা য়াম্না পাম্নরে অমসুং কর্নাতকাগী মরমদা হেন্না খঙনিংবা অমা ফাওহল্লে। মসিগী অপাম্বা অসি পীনবা হোৎনগদবনি। কলাকারশিং অমসুং অখঙ-অহৈশিং নেসনেল ৱার মেমোরিএল, প্রধানমন্ত্রী সংগ্রাহলয় অমসুং কর্তব্য পথ য়েংনবা প্রধান মন্ত্রীনা তকশিনখি।
মালেম শীনবা থুংনা পাংথোক্লিবা ‘মালেমগী মিল্লেতশিংগী চহি’গী মতাংদা প্রধান মন্ত্রীনা হায়খি কর্নাতকা অসি ভারতকী মিল্লেতশিংগী ময়োলনি। শ্রী অন্ন রাগি অসি কর্নাতকাগী কলচর অমসুং খুন্নাই মশক তাক্নবা শরুক অমনি। য়েদ্দুরাপ্পাজিগী মতমদগী হৌনা ‘শ্রী ধনয়া’ য়োকখৎনবা থৌরম কয়া পাংথোক্তুনা লাক্লি। লৈবাক শীনবা থুংনা কন্নারা মীয়ামগী মতুংই ইল্লক্লে অমসুং মহৈ-মরোং অসি ‘শ্রী অন্ন’ হায়না কৌনবা হৌরে। মালেম শীনবা থুংনা শ্রী অন্নগী কান্নবা খঙলে অমসুং মসি পাম্নবা হেনগৎলকপদগী কর্নাতকাগী লৌমীশিং তশেংনা কান্নবা ফংলগনি।
লোইশিল্লকপগী ৱারোলদা, প্রধান মন্ত্রীনা হায়খি ২০৪৭দা লৈবাক অসি চাউখৎলবা লৈবাক অমা ওইরকপা মতমদা ভারতনা নিংতম্বা চহি ১০০ মপুংফারগনি। লৈবাক অসিনা নিংতম্বা চহি ১০০শুরকপা মতমদা ভারতকী অমৃত কালদা দিল্লি-কর্নাতকা সংঘনা পাংথোকখিবা থবকশিংশু খন্নগদবনি।
থৌরম অদুদা য়ুনিয়ন মিনিস্তর প্রালহাদ জোসি, কর্নাতকাগী চীফ মিনিস্তর শ্রী বাসবরাজ বোম্মাই, অদিচুনচানাগিরি মত্তগী শ্বামিজি শ্রী নিরমালনানন্দানাথ, সেলেব্রেসন কম্মিতিগী প্রসিদেন্দ শ্রী সি.তি রবি অমসুং দিল্লি কর্নাতকা সংঘগী প্রসিদেন্দ শ্রী সি.এম নাগরাজ শরুক য়াখি।
নুঙগীৱারোল
প্রধান মন্ত্রীগী ‘এক ভারত শ্রেস্থা ভারত’ পান্দমগী মখাদা, কর্নাতকাগী কলচর, চৎনবীশিং অমসুং পুৱারি উৎনবা ‘বরিসু কন্নারা দিম দিমাৱা’ কলচরেল ফেস্তিবেল পাংথোকপনি। ফেস্তিবেল অসি অজাদি কা অমৃত মহোৎসবকী মখাদা পাংথোকপনি অমসুং মসিনা জগোয়, ঈশৈ, দ্রামা অমসুং শৈরেংগী খুৎথাংদা কর্নাতকাগী কলচরেল হেরিতেচ উৎনবা কলাকার চা কয়াদা খুদোংচাবা অমা পীগনি।
****
(Release ID: 1902555)
Visitor Counter : 101
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam