ভারত সরকারনা জুৎ ইয়র ২০২২-২৩গীদমক চেং, গেহু অমসুং চিনিগী পেকেজিংদা শুকশোই শোইদনা জুৎ শীজিন্ননবা রিজর্বেসন নোর্মশিং অয়াবা পীখ্রে। শুকশোই শোইদনা ঙাক্তবা য়াদ্রবা কাংলোনশিং অসিনা চেং-হৱাইগীদমক লিমোনগী খাওদা পেকেজিং তৌবদা ফুল রিজর্বেসন অমসুং চিনিগী ওইনা ২০% রিজর্বেসন থমখি, মসিনা ৱেস্ত বেঙ্গলদা অচৌবা শাহৌ অমা পীরগনি।

লিমোনগী ইন্দস্ত্রীনা ভারতকী নেস্নেল ইকনোমীদা মরু ওইবা মফম অমা কল্লি, মরু ওইনা ৱেস্ত বেঙ্গলদা লিমোনগী মিল ৭৫গী ময়াদা চল্লাইরি অমসুং শিন্মী লাখ কয়াদা হিংনবগী লম্বী পীরি। মসিনা জুৎ সেক্তরদা লৈরিবা লৌমীগী ইমুং লাখ ৪০দা মতেং পাংকগনি। ৱারেপ অসিনা বিহার, ওরিশা, অসাম, ত্রিপুরা, মেঘালয়, আন্ধ্র প্রদেশ অমসুং তেলঙ্গানাদা লৈবা জুৎ সেক্তরদসু মতেং পাংলগনি।

জে.পি.এম. এক্তকী মখাদা লৈরিবা রিজর্বেসন নোর্মশিংনা শিন্মী লাখ ৩.৭০দা হকথেংননা থবক পীরগনি অমসুং জুৎ সেক্তরদা লৈবা লৌমীগী ইমুং লাখ ৪০রোমদা হক ঙাকশেনগনি। জে.পি.এম. এক্ত, ১৯৮৭না লিমোনগী লৌমীশিং, শিন্মীশিং অমসুং লিমোনগী পোত্থোকশিং পুথোকপগী থবক তৌরিবা মীওইশিংগী হক ঙাকশেল্লি জুৎ ইন্দস্ত্রীগী অপুনবা প্রদক্সনগী ৭৫% অসি লিমোনগী বোরা খাও ওইরি, মসি ফুদ কোর্পোরেসন ওফ ইন্সিয়া (এফ.সি.আই.) অমসুং স্তেৎ প্রোক্যুর্মেন্ত এজেন্সীশিং (এস.পি.এ.)দা ৮৫% সপ্লাই তৌই অমসুং লেমহৌরিবা অদুনা মপালদা থাদোকই/হকথেংননা য়োল্লি।

সরকারনা চেং-হৱাইগী পেকিং তৌনবগীদমক চহি খুদিংগী লুপা করোর ৯,০০০রোমগী লিমোনগী বোরা খাওশিং লৈখি। মসিনা লিমোনগী লৌমী অমসুং শিন্মীশিংগী পোত্থোক্কী মার্কেৎ গরেন্তী তৌবা ঙমগনি।

লিমোনগী বোরা খাও পুথোকপগী চাংচৎ অসি বেল লাখ ৩০ (এম.তি. লাখ ৯)নি অমসুং সরকারনা লিমোনগী লৌমী, শিন্মী অমসুং জুৎ ইন্দস্ত্রীদা লৈবা মীওইশিংগী হক ঙাকশেন্নবা লিমোনগী খাওশিংগী প্রদক্সন অসি মপুং ফানা ওফ-তেক তৌবা ঙমহন্নবা ফিরেপ লৌখি।

নোর্মশিং অসিনা ভারত্তা রো জুৎ অমসুং জুৎ পেকেজিং মেতরিএলগী দোমেস্তিক প্রদক্সনশিং হেনগৎহন্দুনা ভারতপু আত্মনির্ভর ভারতকী মখাদা মরোমদোম লেপচবা ঙমহল্লগনি। মসিনা অকোইবগী ফীভমসু ঙাকশেনগনি মরমদি লিমোন অসি নেচরেল, বাইও-দিগ্রেদেবক, রিন্যুএবল অমসুং রিয়ুজেসবল ফাইবর ওই অমসুং মসিনা সস্তেনেবিলিতী পেরামিতর পুম্নমক থুংহনগনি।

***