অপীকপা অঙাংশিং লাইরিক তম্বা হেনগৎহনবা হায়বসি লৈবাক অসিদা মরুওইনা লৌবগা লোয়ন্না থবক অসি নেসনেল ইজুকেসন পোলিসি ২০২০না রিকমেন্দ তৌরে। ফাউন্দেসনগী তাঙ্কক অসিদা অঙাং খুদিংমক চহি ৫ লাইরিক তমগনি(চহি ৩ অমসুং চহি ৮গী মরক) অমসুং মসিদা স্কুল কাদ্রিঙৈদা চহি অহুম তম্বা অমসুং ক্লাস-১ অমসুং ক্লাস-২গী চহি অনি লাইরিক তম্বা য়াওরি। থৌশিল অসিনা অঙাংশিং প্রি-স্কুলদগী ক্লাস-১দা নুংঙাইনা লেপ্তনা লাইরিক তম্নবা থবক পায়খৎলি।

মগুন লৈবা চহি অহুমগী প্রি-স্কুল ইজুকেসনগী থবক অসি অঙ্গনৱাদিশিং নত্ত্রগা সরকার/গভর্নমেন্ত-এদেদ, লনাই অমসুং এন.জি.ওনা লিংখৎপা প্রি-স্কুলশিংনা পাংথোকপা ঙমগনি। মসিগী মথক্তা, ফাউন্দেসনগী তাঙ্কক অসিগী খ্বাইদগী মরুওইবদি চহি মতাংদা চুনবা করিকুলম অমসুং পেদাগোজিদা অখন্নবা ত্রেনিং ফংলবা মতিক চাবা ওজাশিং লৈহনবা অসিনি। ফাউন্দেসনেল স্তেজগী নেসনেল করিকুলম ফ্রেমৱার্কশু হন্দক ওক্তোবর ২০,২০২২দা হৌদোকখ্রে।

মসিগী পান্দম অসি ফংনবা, দি.ও লেত্তর ২২-৭/২০২১-ই.ই.১৯/আই.এস.১৩ তাং ০৯.০২.২০২৩গী খুৎথাংদা ইজুকেসন মিনিস্ত্রিগী স্কুল ইজুকেসন অমসুং লিতেরসি দিপার্তমেন্তনা, চহি ৬ অমসুং মথক্কী অঙাংশিং ক্লাস-১দা মিং চনবা য়াহন্নবা রাজ্যশিং/য়ু.তিশিংদা অমুক হন্না খঙহনখ্রে।

মখোয়গী রাজ্যশিং অমসুং য়ু.তিশিংদা চহি অনিগী দিপ্লোমা ইন প্রিস্কুল ইজুকেসন(দি পি এস ই)কোর্স দিজাইন তৌনবা অমসুং হৌনবা রাজ্যশিং অমসুং য়ু.তিশিংদশু খঙহনখ্রে।কোর্স অসি স্তেৎ কাউন্সিল ওফ ইজুকেসনেল রিছর্স এন্দ ত্রেনিং(এস সি আর তি)না দিজাইন তৌগনি হায়বগী থাজবা থম্লি অমসুং এস.সি.আর.তিশিংগী মীৎয়েং মখাদা দিস্ত্রিক ইন্সতিতুৎ ওফ ইজুকেসন এন্দ ত্রেনিংগী মখাদা কোর্স পাংথোক্কনি।

*****