প্রধানমন্ত্রীগী লোইশঙ
ফেব্রুৱারি ২১দা ভারত অমসুং শিঙ্গাপুরগী প্রধান মন্ত্রীশিংনা লৈবাক অনিগী মরক্তা রিএল-তাইম পেমেন্ত সিস্তেমশিং শম্নবা হৌদোকপগী থৌরম য়েংগনি
ভারতকী য়ু.পি.আই অমসুং শিঙ্গাপুরগী পেনাউগী মরক্তা ঙমখৈ লান্না শম্নবগী থবক হৌদোক্লগনি
পেমেন্ত সিস্তেম অনি শম্নবা অসিনা য়াংনা অমসুং শেন য়াম্না চংহন্দনা শেন থাদোক-থাজিন তৌবা ঙমহনগনি
শিঙ্গাপুরদা লৈরিবা ভারতমচাশিংনা শিঙ্গাপুরদগী ভারত্তা অমসুং ভারত্তগী শিঙ্গাপুরদা শেন থাদোক-থাজিন তৌবদা মতেং পাংগনি
Posted On:
20 FEB 2023 12:52PM by PIB Imphal
ফেব্রুৱারি ২১,২০২৩গী অয়ুক পুং ১১ (ভারতকী মতম)তাবদা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদী অমসুং শিঙ্গাপুরগী প্রধান মন্ত্রী লী সিয়েন লুংনা ভারতকী য়ুনিফাইদ পেমেন্তস ইন্তরফেস(য়ু.পি.আই) অমসুং শিঙ্গাপুরগী পেনাউগী মরক্তা ঙমখৈ লান্না শম্নবগী থবক হৌদোকপগী থৌরম য়েংগনি। থবক অদু রিজার্ব বেঙ্ক ওফ ইন্দিয়া(আর বি আই)গী রাজ্যপাল শ্রী শক্তিকান্তা দাস অমসুং মনিতোরি ওথোরিতি ওফ শিঙ্গাপুর(এম এ এস)গী মেনেজিং দিরেক্তর, রবি মেনন অনিনা হৌদোক্কনি।
ফিনতেক ইন্নোবেসনগী থবকশিং য়াংনা চাউখৎলকপা লৈবাকশিংগী মনুংদা ভারত য়াওরে। প্রধান মন্ত্রী শ্রী নরেন্দ্র মোদীগী অশানবা মীৎয়েংগী মখাদা ভারতকী খ্বাইদগী ফবা দিজিতেল পেমেন্তগী মচাক-মথুমশিং মালেমগী থাক্তা পুখৎলকপা ঙমখিবনি। প্রধান মন্ত্রীগী মরুওইবা পান্দমদি য়ু.পি.আইগী কান্নবশিং ভারত খক্তনা ফংবগী মথক্তা মসিগী কান্নবা অতোপ্পা লৈবাকশিংদশু ফংহনবনি। পেমেন্ত সিস্তেম অনি শম্নবা অসিনা লৈবাক অনিগী মীওইশিং য়াংনা অমসুং শেন য়াম্না চংহন্দনা শেন থাদোক-থাজিন তৌবা ঙমহনগনি। মসিনা শিঙ্গাপুরদা লৈরিবা ভারতমচাশিং, মরুওইনা শিন্মীশিং অমসুং মহৈরোয়শিং শিঙ্গাপুরদগী ভারত্তা অমসুং ভারত্তগী শিঙ্গাপুরদা খুদক্তা য়াংনা অমসুং শেন য়াম্না চংহন্দনা শেন থাদোক-থাজিন তৌবদশু মতেং পাংগনি।
*****
(Release ID: 1900922)
Visitor Counter : 102
Read this release in:
Kannada
,
Odia
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Malayalam