ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୧୬ ଫେବୃଆରୀ, ୨୦୨୩ ରେ ନୂଆଦିଲ୍ଲୀର ମେଜର ଧ୍ୟାନ ଚାନ୍ଦ ଜାତୀୟ ଷ୍ଟାଡିୟମରେ ଜାତୀୟ ଆଦି ମହୋତ୍ସବକୁ ଉଦଘାଟନ କରିବେ । ଆଜି ନୂଆଦିଲ୍ଲୀ ଠାରେ କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଅର୍ଜୁନ ମୁଣ୍ଡା ଏକ ସାମ୍ବାଦିକ ସମ୍ମିଳନୀରେ ଏହି ଘୋଷଣା କରିଛନ୍ତି । ଏହି ଅବସରରେ ଆଦିବାସୀ ବ୍ୟାପାର ରାଷ୍ଟ୍ରମନ୍ତ୍ରୀ ଶ୍ରୀମତୀ ରେଣୁକା ସରୁତା ମଧ୍ୟ ଉପସ୍ଥିତ ଥିଲେ ।

ଶ୍ରୀ ଅର୍ଜୁନ ମୁଣ୍ଡା ଏହା ମଧ୍ୟ ସୂଚନା ଦେଇଛନ୍ତି ଯେ ପ୍ରଧାନମନ୍ତ୍ରୀଙ୍କୁ ବିଭିନ୍ନ ଷ୍ଟଲରେ ପ୍ରଦର୍ଶିତ ହେବାକୁ ଥିବା ଉତ୍ପାଦଗୁଡ଼ିକର ସୂଚନା ପ୍ରଦାନ କରାଯିବ ଏବଂ ଆଦିବାସୀ ସମ୍ପ୍ରଦାୟର କାରିଗର ଏବଂ କଳାକାରମାନଙ୍କ ସହ ସାମିଲ ହେବେ ।

ମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ପ୍ରଧାନମନ୍ତ୍ରୀଙ୍କ ଆତ୍ମନିର୍ଭର ଭାରତର ଦର୍ଶନକୁ ସାକାର କରିବାରେ ଆଦିବାସୀ ସମ୍ପ୍ରଦାୟର ସମ୍ପୂର୍ଣ୍ଣ ଅଂଶଗ୍ରହଣ ଏବଂ ସମ୍ପୃକ୍ତି ନିଶ୍ଚିତ କରିବାକୁ ଆଦିବାସୀ ବ୍ୟାପାର ମନ୍ତ୍ରଣାଳୟ ସମସ୍ତ ଉଦ୍ୟମ କରୁଛି । ସେ ଆହୁରି ମଧ୍ୟ କହିଛନ୍ତି ଯେ ଆଦିବାସୀ ସମ୍ପ୍ରଦାୟ ଦ୍ୱାରା ଉତ୍ପାଦଗୁଡ଼ିକର ଜୈବିକ ଉତ୍ପାଦନ ଉପରେ ଗୁରୁତ୍ୱ ଦିଆଯିବା ଦ୍ୱାରା ବିଶ୍ୱ ତାପମାତ୍ରା ଆହ୍ୱାନର ମୁକାବିଲା ପାଇଁ ଏକ ବଡ଼ ଭୂମିକା ଗ୍ରହଣ କରିପାରିବ । ଅଧିକ ବିବରଣୀ ପ୍ରଦାନ କରି ମନ୍ତ୍ରୀ କହିଛନ୍ତି ଯେ ଦୁର୍ଗମ ଅଞ୍ଚଳର ଅଧିକରୁ ଅଧିକ କାରିଗର ଯେଉଁମାନେ ଅଳ୍ପ ଜଣାଶୁଣା ତଥା ଅନନ୍ୟ ସାମଗ୍ରୀ ଉତ୍ପାଦନ କରୁଛନ୍ତି ସେମାନଙ୍କୁ ସାରା ଦେଶରେ ଆୟୋଜିତ ହେବାକୁ ଥିବା ଆଦି ମହୋତ୍ସବରେ ଭାଗ ନେବାକୁ ଏକ ପ୍ରୟାସ କରାଯାଇଛି । ଏଥିସହ ସେ କହିଛନ୍ତି ଯେ ଆଦିବାସୀ ଉତ୍ପାଦକୁ ଜାତୀୟ ତଥା ଆନ୍ତର୍ଜାତୀୟ ବଜାରରେ ପହଞ୍ଚାଇବା ପାଇଁ ଆଦି ମହୋତ୍ସବ ଏକ ପ୍ରମୁଖ ପ୍ଲାଟଫର୍ମ । ଟ୍ରାଇଫେଡ୍‍ ଆଦିବାସୀ ଉତ୍ପାଦଗୁଡିକରେ ଗୁଣବତ୍ତା ଏବଂ ସମସାମୟିକ ଡିଜାଇନ୍ ସୁନିଶ୍ଚିତ କରିବା ପାଇଁ ଅଗ୍ରଣୀ ଡିଜାଇନର୍ସମାନଙ୍କ ସହିତ ଜଡିତ ଅଛି, ତେବେ ସେହି ସମୟରେ ସେମାନଙ୍କର ମୌଳିକତା ବଜାୟ ରଖିବ ବୋଲି ମନ୍ତ୍ରୀ କହିଛନ୍ତି ।

ଟ୍ରାଇଫେଡ୍‍ ର ଫ୍ଲାଗସିପ୍ କାର୍ଯ୍ୟକ୍ରମର ବର୍ତ୍ତମାନର ସଂସ୍କରଣରେ ଆଦିବାସୀ କାରିଗରୀ, ସଂସ୍କୃତି, ରୋଷେଇ ଏବଂ ବାଣିଜ୍ୟର ଏକ ଆବେଗ ରହିଛି ଯାହା ଆଦିବାସୀ ଜୀବନର ମୌଳିକତା ନୈତିକତାକୁ ପ୍ରତିପାଦିତ କରେ ।  ଏହି ଉତ୍ସବରେ ଆଦିବାସୀ ହସ୍ତତନ୍ତ, ହସ୍ତଶିଳ୍ପ, ଚିତ୍ରକଳା, ଅଳଙ୍କାର, ବେତ ଏବଂ ବାଉଁଶ, ମାଟିପାତ୍ର, ଖାଦ୍ୟ ଏବଂ ପ୍ରାକୃତିକ ଦ୍ରବ୍ୟ, ଉପହାର ଏବଂ ବସ୍ତୁ, ଆଦିବାସୀ ରୋଷେଇ ଆଦି ୨୦୦ ଷ୍ଟଲ ମାଧ୍ୟମରେ ପ୍ରଦର୍ଶିତ ଏବଂ ବିକ୍ରୟ ହେବ ।

ଏହି ଉତ୍ସବରେ ୨୮ ଟି ରାଜ୍ୟ / କେନ୍ଦ୍ରଶାସିତ ଅଞ୍ଚଳର ୧୦୦୦ ରୁ ଅଧିକ ଆଦିବାସୀ କାରିଗର ଏବଂ କଳାକାର ଅଂଶଗ୍ରହଣ କରିବେ । ଏଥିରେ ୧୯ ଟି ରାଜ୍ୟ / କେନ୍ଦ୍ରଶାସିତ ଅଞ୍ଚଳର ଆଦିବାସୀ ରୋଷେଇ ଅନ୍ତର୍ଭୁକ୍ତ, ଯେଉଁଥି ପାଇଁ ୨୦ ଟି ଖାଦ୍ୟ ଷ୍ଟଲ୍ ସ୍ଥାପନ କରାଯାଉଛି । ମିଲେଟ ଆଦିବାସୀ ସମ୍ପ୍ରଦାୟର ଖାଦ୍ୟର ଏକ ଅବିଚ୍ଛେଦ୍ୟ ଅଙ୍ଗ ଅଟେ । ଆହୁରି ମଧ୍ୟ, ଭାରତ ସରକାରଙ୍କ ନିର୍ଦ୍ଦେଶରେ ମିଳିତ ଜାତିସଂଘ ୨୦୨୩ କୁ ଆନ୍ତର୍ଜାତୀୟ ମିଲେଟ ବର୍ଷ ଘୋଷଣା କରିଛି । ଏହାକୁ ସ୍ମରଣ କରିବା ଏବଂ ସଚେତନତା ସୃଷ୍ଟି କରିବା ଏବଂ ଆଦିବାସୀ ମିଲେଟର ଉତ୍ପାଦନ ଏବଂ ବ୍ୟବହାର ବୃଦ୍ଧି ପାଇଁ, ଦେଶର ବିଭିନ୍ନ ସ୍ଥାନରୁ ଆସିଥିବା ଆଦିବାସୀ କାରିଗରମାନଙ୍କୁ  ମିଲେଟ (ଶ୍ରୀ ଅନ୍ନ) ଉତ୍ପାଦ ଏବଂ ରୋଷେଇ ପ୍ରଦର୍ଶନ ଏବଂ ବିକ୍ରୟ ପାଇଁ ନିମନ୍ତ୍ରଣ କରାଯାଇଛି ।

ବନ ଧନ୍ ଉତ୍ପାଦଗୁଡିକର ବିକ୍ରୟ ଏବଂ ପ୍ରଦର୍ଶନ ପାଇଁ ଏକ ସ୍ୱତନ୍ତ୍ର ମଣ୍ଡପ ରଖିବାକୁ ପ୍ରସ୍ତାବ ଦିଆଯାଇଛି । ଏହି ମହୋତ୍ସବରେ ୧୭ ଟି ରାଜ୍ୟ / କେନ୍ଦ୍ରଶାସିତ ଅଞ୍ଚଳରୁ ପ୍ରାୟ ୩୯ ବନ ଧନ ବିକାଶ କେନ୍ଦ୍ର ଅଂଶଗ୍ରହଣ କରିବେ ବୋଲି ଆଶା କରାଯାଉଛି । ଏହି ମହୋତ୍ସବରେ ଅର୍ନ୍ତଭୁକ୍ତ ବେହାକୁ ଥିବା ଅନ୍ୟାନ୍ୟ ମୁଖ୍ୟ ଆକର୍ଷଣ ଗୁଡିକ :

ଆଦିବାସୀ ସ୍ୱାଧୀନତା ସଂଗ୍ରାମୀ ଗ୍ୟାଲେରୀ

ଜାତୀୟ ଅନୁସୂଚିତ ଜନଜାତି କମିଶନ (ଏନସିଏସଟି) ମାଧ୍ୟମରେ ଆଦିବାସୀ ସ୍ୱାଧୀନତା ସଂଗ୍ରାମୀଙ୍କ କାହାଣୀ ଏବଂ ଏନସିଜେଡ୍‍ସିସି ମାଧ୍ୟମରେ ଦିନକୁ ଦୁଇଥର ସେମାନଙ୍କ କାହାଣୀର ବର୍ଣ୍ଣନା କରାଯିବ ।

ଇଏମଆରଏସ୍‍

ବିଭିନ୍ନ କ୍ଷେତ୍ର ତଥା ଇଏମଆରଏସ୍‍ ବିଦ୍ୟାଳୟରେ ଉଚ୍ଚ ସଫଳତା ପ୍ରାପ୍ତ ପୁରାତନ ଛାତ୍ରଛାତ୍ରୀଙ୍କ ବିଷୟରେ ନ୍ୟାସନାଲ୍ ଏଜୁକେସନାଲ୍ ସୋସାଇଟି ଦ୍ୱାରା ଶିକ୍ଷିତ ଏବଂ ପ୍ରଯୁକ୍ତିବିଦ୍ୟା ଦ୍ୱାରା ପରିଚାଳିତ ହସ୍ତକ୍ଷେପ ଦ୍ୱାରା ସୂଚନା ପ୍ରସାର । ଆଦିବାସୀ ବ୍ୟାପାର ମନ୍ତ୍ରଣାଳୟର ଗଣତନ୍ତ୍ର ଦିବସ ପ୍ରଜ୍ଞାପନ ମେଢ ଯାହା ଗଣତନ୍ତ୍ର ଦିବସ ୨୦୨୩ ଉତ୍ସବରେ ପ୍ରଥମ ପୁରସ୍କାର ପାଇଥିଲା ତାହା ମଧ୍ୟ ପ୍ରଦର୍ଶିତ ହେବ ।

ଏନଏସଟିଏଫ୍‍ଡିସି

ଅନୁସୂଚିତ ଜନଜାତିଙ୍କ ସହିତ ଆଦିବାସୀ ଉଦ୍ୟୋଗୀ ଏବଂ ଆଦିବାସୀ ଷ୍ଟାର୍ଟଅପ୍‌କୁ ଯୋଗାଇ ଦିଆଯାଉଥିବା ବିଭିନ୍ନ ଯୋଜନା ଏବଂ ଆର୍ଥିକ ସହାୟତା ସଂକ୍ରାନ୍ତରେ ଏନଏସଟିଏଫ୍‍ଡିସି ଦ୍ୱାରା ସୂଚନା ପ୍ରସାର କରାଯିବ ।

ଡାକ ବିଭାଗ

ଆଦିବାସୀ ଡାକଟିକଟ ପ୍ରଦର୍ଶନ ସହିତ ଦୁର୍ଗମ ଅଞ୍ଚଳ ପାଇଁ ସେମାନଙ୍କର ଯୋଜନାର ପ୍ରଦର୍ଶନ

ଏହି କାର୍ଯ୍ୟକ୍ରମକୁ ଆଦିବାସୀ ସାଂସ୍କୃତିକ ପ୍ରଦର୍ଶନ ଦ୍ୱାରା ଚିହ୍ନିତ କରାଯିବ । ଦେଶର ପ୍ରାୟ ୨୦ ଟି ରାଜ୍ୟରୁ ଆଦିବାସୀ ରୀତିନୀତି, ଅମଳ, ପର୍ବ, ସାମରିକ କଳା ଇତ୍ୟାଦି ଉପରେ ଆଧାରିତ ୫୦୦ ଆଦିବାସୀ କଳାକାର ଯୋଗେଦେବେ ।  ବିଭିନ୍ନ ରାଜ୍ୟଗୁଡିକର ପ୍ରଦର୍ଶନ ଏହି କାର୍ଯ୍ୟକ୍ରମ ସମୟରେ ସମୃଦ୍ଧ ଆଦିବାସୀ ସାଂସ୍କୃତିକ ବିବିଧତାର ପ୍ରଦର୍ଶନ କରିବ ।

ପ୍ରମୁଖ ସହରଗୁଡିକରେ ଆଦି ମହୋତ୍ସବକୁ ଆୟୋଜନ କରିବାର ସଂକଳ୍ପ ମଧ୍ୟସ୍ଥିଙ୍କୁ ହଟାଇ ବଡ଼ ବଜାରକୁ ସିଧାସଳଖ ପ୍ରବେଶ କରି ଆଦିବାସୀ କାରିଗରମାନଙ୍କ ପାଇଁ ଏକ ଉତ୍ସାହ ବୋଲି ପ୍ରମାଣିତ ହୋଇଛି ।

ଟ୍ରାଇଫେଡ୍‌, ଆଦିବାସୀ ବ୍ୟାପାର ମନ୍ତ୍ରଣାଳୟର ଏକ ସଂଗଠନ, ଭାରତ ସରକାର ଆଦି ମହୋତ୍ସବ - ଜାତୀୟ ଆଦିବାସୀ ମହୋତ୍ସବ ଆୟୋଜନ କରି ବଡ଼ ସହର ଏବଂ ରାଜ୍ୟ ରାଜଧାନୀରେ ଆଦିବାସୀ ମାଷ୍ଟର-କାରିଗର ଏବଂ ମହିଳାମାନଙ୍କୁ ସିଧାସଳଖ ବଜାର ପ୍ରବେଶ ପ୍ରଦାନ କରୁଛନ୍ତି ।

HS