وزیر اعظم جناب نریندر مودی 16 فروری 2023 کو میجر دھیان چند نیشنل اسٹیڈیم، نئی دہلی میں قومی آدی مہوتسو کا افتتاح کریں گے۔ اس بات کا اعلان آج نئی دہلی میں قبائلی امور کے مرکزی وزیر جناب ارجن منڈا نے ایک میڈیا بریفنگ میں کیا۔ اس موقع پر قبائلی امور کی وزیر مملکت محترمہ رینوکا سروتا بھی موجود تھیں۔

جناب ارجن منڈا نے یہ بھی بتایا کہ وزیر اعظم کے سامنے ان مصنوعات کا ایک جائزہ پیش کیا جائے گا جو مختلف اسٹالوں پر نمائش کے لیے موجود ہوں گی اور وہ قبائلی برادریوں کے دستکاروں اور کاریگروں کے ساتھ گفت و شنید بھی کریں گے۔

وزیر موصوف نے مزید کہا کہ قبائلی امور کی وزارت وزیر اعظم کے آتم نربھر بھارت کے وژن کو عملی جامہ پہنانے میں قبائلی برادریوں کی مکمل شرکت اور شمولیت کو یقینی بنانے کے لیے ہر ممکن کوشش کر رہی ہے۔ انہوں نے یہ بھی کہا کہ قبائلی برادریوں کی طرف سے مصنوعات کی نامیاتی پیداوار پر زور گلوبل وارمنگ کے چیلنج سے نمٹنے میں بڑا کردار ادا کر سکتا ہے۔ مزید تفصیلات بتاتے ہوئے وزیر موصوف نے کہا کہ ملک بھر میں منعقد کیے جانے والے آدی مہوتسو میں حصہ لینے کے لیے دور دراز علاقوں سے زیادہ سے زیادہ ان کاریگروں کو لانے کی کوشش کی گئی ہے جو کم معروف اور منفرد اشیاء تیار کرتے ہیں۔ انہوں نے یہ بھی کہا کہ آدی مہوتسو قبائلی مصنوعات کو قومی اور بین الاقوامی منڈیوں میں پہنچانے کا ایک بڑا پلیٹ فارم ہے۔ وزیر موصوف نے مزید کہا کہ ٹرائیفیڈ قبائلی مصنوعات میں معیار اور عصری ڈیزائن کو یقینی بنانے کے لیے سرفہرست ڈیزائنروں کے ساتھ بات چیت کر رہا ہے۔

ٹرائیفیڈ کے فلیگ شپ ایونٹ کے موجودہ ایڈیشن کا تھیم ’’قبائلی دستکاری، ثقافت، کھانوں اور تجارت کے جذبے کا جشن‘‘ ہے، جو قبائلی زندگی کے بنیادی اخلاق کی نمائندگی کرتا ہے۔ اس فیسٹیول میں 200 اسٹالز کے ذریعے قبائلی دستکاری، ہینڈلوم، پینٹنگز، زیورات، کین اور بانس، مٹی کے برتن، خوراک اور قدرتی مصنوعات، تحائف اور ایسورٹمنٹ، قبائلی کھانوں اور بہت کچھ نمائش کے ساتھ فروخت کی جائے گی۔

فیسٹیول میں 28 ریاستوں/ مرکز کے زیر انتظام علاقوں کے 1000 سے زیادہ قبائلی کاریگر اور فنکار حصہ لیں گے۔ اس میں 19 ریاستوں/ مرکز کے زیر انتظام علاقوں کے قبائلی باورچی شامل ہیں جن کے لیے کھانے کے 20 اسٹال لگائے جا رہے ہیں۔ مِلٹ (موٹا اناج) قبائلی برادریوں کی خوراک کا ایک لازمی حصہ رہا ہے۔ مزید برآں، اقوام متحدہ نے، حکومت ہند کی درخواست پر، 2023 کو مِلٹ کا بین الاقوامی سال قرار دیا۔ اس کی یاد منانے اور بیداری پیدا کرنے اور قبائلی ملٹ کی پیداوار اور کھپت کو بڑھانے کے لیے، ملک بھر سے قبائلی کاریگروں کو ملٹ (شری انیہ) کی مصنوعات اور کھانوں کی نمائش اور فروخت کے لیے مدعو کیا گیا ہے۔

ون دھن مصنوعات کی فروخت اور نمائش کے لیے ایک خصوصی پویلین لگانے کی تجویز ہے۔ اس مہوتسو میں 17 ریاستوں/ مرکز کے زیر انتظام علاقوں سے تقریباً 39 ون دھن وکاس کیندروں کے شرکت کرنے کی امید ہے۔ اس مہوتسو کی دیگر جھلکیوں میں شامل ہوں گی:

قبائلی فریڈم فائٹرز گیلری

قومی کمیشن برائے شیڈولڈ ٹرائب (این سی ایس ٹی) کے ذریعے قبائلی مجاہدین آزادی کی کہانیاں اور این سی زیڈ سی سی کے ذریعے دن میں دو بار ان کہانیوں کا بیان۔

ای ایم آر ایس

مختلف شعبوں اور ای ایم آر ایس اسکولوں میں اعلیٰ کامیابی حاصل کرنے والے سابق طلباء کے بارے میں نیشنل ایجوکیشنل سوسائٹی کے ذریعہ تعلیم اور ٹیکنالوجی سے چلنے والی مداخلتوں کے بارے میں معلومات کی ترسیل۔ قبائلی امور کی وزارت کی یوم جمہوریہ کی جھانکی، جسے یوم جمہوریہ 2023 کی تقریب کے دوران پہلا انعام دیا گیا تھا، کو بھی نمائش کے لیے رکھا جائے گا۔

این ایس ٹی ایف ڈی سی

این ایس ٹی ایف ڈی سی کی طرف سے مختلف اسکیموں کے بارے میں معلومات کی اشاعت اور شیڈولڈ ٹرائب کے لیے فراہم کی جا رہی مالی مدد جس میں قبائلی کاروباریوں اور قبائلی اسٹارٹ اپس، اگر کوئی ہے، شامل ہیں۔

محکمہ ڈاک

دور دراز کے علاقوں میں اپنی اسکیم کی نمائش جس میں قبائلی فلیٹلی کی نمائش بھی شامل ہے۔

تقریب میں، تقریباً قبائلی ثقافتی پرفارمنس بھی ہوگی۔ ملک کی تقریباً 20 ریاستوں سے قبائلی رسومات، فصلوں کی کٹائی، تہواروں، مارشل آرٹ کی شکلوں وغیرہ پر مبنی 500 قبائلی فنکار، تقریب کے دوران مختلف ریاستوں کے پرفارمنس کے ذریعے قبائلی ثقافتی تنوع کو نمایاں کریں گے۔

بڑے شہروں میں آدی مہوتسو کے انعقاد کا تصور، درمیانی آدمیوں کو ختم کرکے اور بڑے بازاروں تک براہ راست رسائی فراہم کرکے، قبائلی کاریگروں کے لیے ایک اعزاز ثابت ہوا ہے۔

حکومت ہند کی قبائلی امور کی وزارت کی ایک تنظیم ٹرائیفیڈ ’’آدی مہوتسو - نیشنل ٹرائبل فیسٹیول‘‘ کا انعقاد کر رہی ہے تاکہ بڑے میٹرو اور ریاستی دارالحکومتوں میں قبائلی ماہر کاریگروں اور خواتین کو براہ راست بازار تک رسائی فراہم کی جا سکے۔

******

ش ح۔ م م۔ م ر

U-NO.1605

13.02.2023