রাজস্থানগী রাজ্যপাল, শ্রী কলরাজজী, রাজস্থানগী মুখ্য মন্ত্রী, শ্রী অশোক গহলোতজী, হরিয়াগী মুখ্য মন্ত্রী শ্রীমান মনোহর লালজী, কেন্দ্রগী মন্ত্রী মন্দলগী ঐগী মরুপ নিতিন গদকরীজী, গজেন্দ্র সিংহ সেখাৱতজী, ভি.কে. সিংহজী, অতোপ্পা মন্ত্রী পুম্নমক, এম.পি.শিং, অতোপ্পা এক্সিলেন্সীশিং, নুপী অমদি নুপাশিং,

ঐহাক্না জাতিদা দিল্লী-মুম্বাই এক্সপ্রেসৱেগী অহানবা তাঙ্কক কত্থোকপা ফংজবদা চাউথোকচবা পোকই। মসি লৈবাক অসিগী খ্বাইদগী চাউবা অমসুং খ্বাইদগী অনৌবা এক্সপ্রেসৱেশিংগী মরক্তা অমনি। মসিনা চাউখৎলক্লিবা ভারতকী ফজরবা মমি অমা উৎলি। ঐহাক্না দৌসা অমসুং ইরৈবাকচা পুম্নমক্তা নুংঙাইবা ফোঙদোচরি।

ইচিল-ইনাওশিং,

অসিগুম্বা মতমগা চুনবা লম্বীশিং, রেলৱে স্তেসনশিং, রেলৱে ত্রেকশিং, মেত্রো অমসুং এয়রপোর্তশিং শারবা মতমদা লৈবাক অসিগী চাউখৎ-থৌরাংদা খোঙজেল য়াংশিনগনি। মালেমগী অসিগুম্বা স্তদী কয়ানা ইনফ্রাস্ত্রকচরদা চাদিং তৌবা শেনফমনা লম অদুদা শরুক কয়া থোক্নবা কন্নবা ফংহল্লি উৎখি। ইনফ্রাস্ত্রকচরদা ইনভেস্তমেন্ত তৌবনা ইনভেস্তমেন্ত হেন্না লাকহল্লি। হৌখিবা চহি ৯ অসিদা কেন্দ্র সরকারনা ইনফ্রাস্ত্রকচরদা লেপ্পা লৈতনা চাউনা ইনভেস্তমেন্তশিং তৌরি। চহি খরা অসিদা রাজস্থান্দা হায়ৱেশিং শানবা লুপা করোর ৫০,০০০ হেন্না ইনভেস্ত তৌখি। চহি অসিগী বজেৎতা ইনফ্রাস্ত্রকচরদা লুপা করোর লাখ ১০গী এল্লোকেসন তৌখি মসি ২০১৪দগী শরুক ৫ হেন্না হেনগৎখি। রাজস্থানদগী লায়রবা অমসুং মিদল ক্লাসনা ইনভেস্তমেন্তশিং অসিদগী চাউনা কান্নবা ফংলগনি।

মরুপশিং,

হায়ৱেশিং, রেলৱেশিং, হীথাংফমশিং, এয়রপোর্তশিং, ওপ্তিকেল ফাইবরশিং, দিজিতেল কন্নেক্তিবিতী হেনগৎহনবা, সরকারনা লায়রবশিংগী পক্কা য়ুমশিং, কোলেজশিং শাবদা ইনভেস্তমেন্তশিং তৌরবা মতমদা মীচমদগী বিজিনেস তৌবা মীওইশিং, মীপুম খুদিংমক্না, অপীকপা দুকানশিংদগী অচৌবা ইন্দস্ত্রীশিং লিংখৎলিবশিং মসিদগী শক্তি ফংগনি। সিমেন্দ, রবর, লৈঙোই, গ্রেবেল অসিগুম্বা পোৎলম পুম্নমক ললোন ইতিক তৌবদগী পুথোক পুশিন তৌবা মীপুম খুদিংমক্না কান্নবা ফংলগনি। ইন্দস্ত্রীশিংদা অনৌবা থবক পীরি। দুকানগী ললোন-ইতিক চাউখৎলবা মতমদা মদুদা থবক তৌবা মীওইশিং হেনগৎলকই। মরম অসিনা ইনফ্রাস্ত্রকচরদা হেন্না ইনভেস্তমেন্ত তৌবনা থবক হেন্না পীগনি, দিল্লী-মুম্বাই এক্সপ্রেসৱে শারিঙৈ মতমদা মীওই কয়ানা অসিগুম্বা খুদোংচাবশিং ফংখি।

মরুপশিং,

ইনফ্রাস্ত্রকচরগী অতোপ্পা কান্নবা অমসু লৈ। ইনফ্রাস্ত্রকচর অসি লৈরবা মতমদা লৌমী ওইগেরা, কোলেজ-ওফিস চৎপশিং, ত্রক-তেম্পো থৌবশিং, বিজিনেস তৌরিবশিংগীদমক খুদোংচাবা মখল কয়া হেনগৎলক্কনি, মখোয়গী শেন্মিৎলোনগী থবক-থৌরমশিংনা শাহৌ ফংগনি। হৌজিক দিল্লী – দৌসা – লালসোৎ হায়ৱে শাবগা লোয়ননা দিল্লী অমসুং জয়পুরগী মরক্তা চৎথোক-চৎশিন তৌবগী মতম মমাংদা পুং ৫-৬ ওইরম্বা অদু তঙ্খাইদা হন্থহল্লগনি। মসিনা মতম কয়াম কনবা ঙমগনি য়েংবীয়ু। দিল্লীদা থবক তৌরিবা লমদম অসিগী মরুপশিংনা নুমিদাং ৱাইরমদা ময়ুম লাইনা য়াওবা ঙম্লগনি। দিল্লীদগী পোৎ পুথোক পুশিন তৌরিবা ত্রক অমসুং তেম্পো থৌবা ইচিল ইনাওশিংনা নুমিৎ চুপ্পা লম্বীদা লৈবগে মথৌ তাররোই। লৌমী অমদি শা-শন লোইরিবশংনা মখোয়গী মনা-মশিং অমসুং শঙ্গোম দিল্লীদা মমল তানা য়োনবা ফংলগনি। মসিনা পোৎ পুথোক পুশিন তৌবদা অমাং অতা থোকপা হন্থহল্লগনি।

ইচিল-ইনাওশিং,

এক্সপ্রেসৱে গ্রামীন হতশিং লিংখৎপনা লমদম অসিগী লৌমী অমদি খুৎহৈবশিংদা মতেং পাংলগনি। মসিগা লোয়ননা লমদম অসিগী লৌমী, ফী শারিবা অমসুং খুৎহৈবশিংনা মখোয়গী পোত্থোক লাইনা য়োনবা ঙমলগনি। দিল্লী-মুম্বাই এক্সপ্রেসৱেনা দিল্লী, হরিয়ানা, গুজরাত অমসুং মহারাস্ত্রগী মফম কয়াগা লোয়ননা রাজস্থান্দা কান্নবা পীরগনি। হরিয়ানাগী মেৱত জিলা অমসুং রাজস্থানগী দৌসা জিলাদা অনৌবা শেনদান লম্বী লৈরগনি। সরিস্কা তাইগর রিজর্ব, কিওলাদিও নেস্নেল পার্ক, রামথমবোরে অমসুং জয়পুরগুম্বা তুরিজম স্পোৎশিংনা হায়ৱে অসিদগী চাউনা কান্নবা ফংলগনি।

মরুপশিং,

মসিগী মথক্তা ঙসি অতোপ্পা প্রোজেক্ত অহুম উরেপ-উয়ুং তমখি। মখোয়গী মরক্তা অমনা জয়পুরদা এক্সপ্রেসৱে অসিগা লোয়ননা দাইরেক্ত কন্নেক্তিবিতী লৈহল্লগনি। মসিগা লোয়ননা জয়পুরদগী দিল্লীগী খোঙচৎ পুং অনিগা মখাইদগী অহুমদা হন্থহল্লগনি। অনিশুবা প্রোজেক্তনা এক্সপ্রেসৱে অসিবু অলৱার মনাক্তা লৈবা অম্বালা-কোৎপুৎলি কোরিদোরগা শম্নহল্লগনি। মসিনা হরিয়ানা, পঞ্জাব, হিমাচল অমসুং জম্মু কাশ্মিরদগী লাকপা গারীশিংনা পঞ্জাব, গুজরাত, মধ্য প্রদেশ অমসুং মহারাস্ত্রদা চৎপদা খুদোংচাহল্লগনি। অতোপ্পা প্রোজেক্তনা লালসোৎ করোলি রোদ শেমগৎপগীনি। মসিনা লমদম অসিবু এক্সপ্রেৱেগা শম্নহল্লগনি অমসুং মফম অসিগী মীয়ামগী পুন্সিদা নুংঙাইহল্লগনি।

মরুপশিং,

দিল্লী-মুম্বাই এক্সপ্রেসৱে অমসুং ৱেস্তর্ন দেদিকেতেদ ফ্রৈৎ কোরিদোরনা রাজস্থান অমসুং লৈবাক্কী চাউখৎ-থৌরাংগী শক্তি লৈবা য়ুম্বী অনি ওইরগনি অমসুং তুংদা রাজস্থান য়াওনা অপুনবা লমদম অসিদা অওনবা পুরক্লগনি। প্রোজেক্তশিং অসিনা মুম্বাই-দিল্লী ইকনোমিক কোরিদোর শক্তি পীরগনি অমসুং রোদ অমসুং ফ্রৈৎ কোরিদোরনা হরিয়ানা অমসুং রাজস্থান য়াওনা নোংচুপ থংবা ভারতপু হীথাংফমশিংগা শম্নহল্লগনি।  মসিগা লোয়ননা লোজিস্তিক্স, স্তোরেজ, ত্রান্সপোর্তকা মরী লৈনবা ইন্দস্ত্রী মখল কয়া থোরক্নবা অনৌবা খুদোংচাবা পীরগনি।

মরুপশিং,

দিল্লী মুম্বাই এক্সপ্রেসৱে অসি পি.এম. গতি শক্তি মাস্তরপ্লান্না শক্তি পীরিবা অসিদা ঐহাক্না নুংঙাইবা পোকই। গতি শক্তি মাস্তরপ্লানগী মখাদা ৫জি নেৎৱার্ক্কী মথৌ তাবা ওপ্তিকেল ফাইবর তুংনবগী এক্সপ্রেসৱে অসিদা কোরিদোর অমা থমগনি। ইলেক্ত্রিকেল ৱায়রিং অমসুং গ্যাস পাইপলাইনগী লম খাক্তুনা থম্মি। লেমহৌরিবা লম অসি সোলর ইনর্জী পুথোক্নবা লোয়ননা ৱেয়রহাউসিংগীদমক শীজিন্নগনি। খোঙথাংশিং অসিনা তুংলমচৎতা লৈবাক অসিগী শেল কয়া তুংশিনবা ঙমহল্লগনি।

মরুপশিং,

সবকা সাথ, সবকা বিকাস অসি রাজস্থান অমসুং লৈবাক চাউখৎনবগী ঐখোয়গী মন্ত্রনি। মন্ত্র অসি ঙাক্না চৎতুনা ঐখোয়না মতিক চাবা, মতিং লৈবা অমসুং চাউখৎপা ভারত অমা শেম্লি। হৌজিক ঐহাক্না মতম শাংনা লৌখি অদুবু মিনিৎ ১৫গী মতুংদা ঐহাক্না মনাক নকপদা লৈবা মীয়ামগী থৌরম অমদা ৱা ঙাংগনি, রাজস্থানগী য়াম্লবা মীয়াম্না ঐহাকপু মফম অদুদা ঙাইরি। ঐহাক্না মফম অদুদা জনতা জনর্দনগা লোয়ননা অতোপ্পা হীরমশিংগী মতাংদা ৱাফম থমলুগনি। ঐহাক্না মোদর্ন এক্সপ্রেসৱে অসিগীদমক ময়ামবু অমুক্কা হন্না নুংঙাইবা ফোঙদোকচরি।

হন্না-হন্না থাগৎচরি।

*****