প্রধানমন্ত্রীগী লোইশঙ
পি.এম.না তুমকুরুদা ঐচ.এ.এল. হেলিকোপ্তর ফেক্তরী জাতিদা কত্থোকখ্রে
তুমকুরুদা তুমকুরু ইন্দস্ত্রিএল তাউনশিপ অমসুং জল জীবন মিসন প্রোজেক্ত অনিগী উরেপ-উয়ুং তমখ্রে
“দবল-ইঞ্জিন সরকারনা কর্নাতকাপু ইনভেস্তরগী অহানবা চোইস ওইহনখি”
“ঐখোয়গী ঙাকশেলগী মথৌ তাবশিংগীদমক মীরৈবাক্তা মীপাল তাংবা হন্থহনবা তাই”
“‘জাতি হান্না’ হায়বা ৱাখল্লোন চেল্লবদি শোইদনা মাইপাক্কনি”
“ফেক্তরী অসিগী অমসুং ঐচ.এ.এল.গী শক্তি হেনগৎলক্লিবা অসিনা অরানবা ৱাখল্লোন পোকহল্লম্বশিংবু মীমাংদা পুথোকখি”
“ইন্দস্ত্রিএল তাউনসিপ অসি ফুদ পার্ক্কী মতুংদা তুমকুরুদা পীবা অচৌবা খুদোল অমনি অমসুং ঐচ.এ.এল.না তুমকুরুবু লৈবাক্কী অচৌবা ইন্দস্ত্রিএল সেন্তর অমা ওইহন্নবা শেমগৎপদা মতেং পাংলি”
“দবল ইঞ্জিন সরকারনা সোসিএল ইনফ্রাস্ত্রকচর লোয়ননা ফিজিকেল ইনফ্রাস্ত্রকচরদা চপ মান্নবা মীৎয়েং চংলি”
“বজেৎ অসি সমর্থ ভারত, সম্পন্ন ভারত, স্বয়মপুর্ন ভারত, শক্তিমান ভারত, গতিৱান ভারতকী মাইকৈদা চংশিল্লিবা অচৌবা খোঙথাং অমনি”
“বজেৎ অসিনা পীখিবা তেক্সকী কান্নবশিংনা মরম ওইদুনা মিদল ক্লাসতা চাউনা ইনোৎ অমা হাপখি”
“নুপীশিংগী ফাইনান্সিএল ইনক্লুজন্না য়ুমথোংশিংদা মখোয়গী খৌলাউদা শক্তি পীখি অমসুং বজেৎ অসিদা মসিগীদমক প্রোবিজন
Posted On:
06 FEB 2023 6:23PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি তুমকুরুদা ঐচ.এ.এল. হেলিকোপ্তর ফেক্তরী জাতিদা কত্থোকপা। মহাক্না তুমকুরুগী তিপতুরদা তুমকুরু ইন্দস্ত্রিএল তাউনসিপ অমসুং চিক্কনায়কনহল্লীদা জল জীবন মিসন প্রজেক্ত অনিগী উরেপ-উয়ুং তমখি। প্রধান মন্ত্রীনা হেলিকোপ্তর ফেসলিতী অমসুং স্ত্রকচর হেঙ্গরদা ৱাকথ্রু তৌখি অমসুং লাইৎ য়ুতিলিতী হেলিকোপ্তরগী মাইখুম হাংদোকখি।
থৌরম অদুদা ৱা ঙাংলদুনা প্রধান মন্ত্রীনা হায়খি কর্নাতকা অসি লল্বোইবা অমদি ঋসিশিংগী লমদমনি মসিনা স্পিরিচুএলিতী, লৌশিং অমসুং সাইন্তিফিক ভেল্যুশিংগী ভারতী চৎনবীশিংবু মতম চুপ্পদা মপাঙ্গল কনখৎহল্লি। মহাক্না তুমকুরুগী অখন্নবা মগুন অমসুং সিদ্দগঙ্গা মথনা শরুক তম্লিবা অদুগী মতাংদসু ফোঙদোকখি। মহাক্না হায় পুজ্য শিবকুমার স্বামীনা থম্বীরম্বা অন্ন, অক্ষারা অমসুং অশ্রেগী হেরিতেজ অসি ঙসি সিদ্দলিঙ্গা স্বামীনা মখা তানা মাংদা পুরি।
প্রধান মন্ত্রীনা হায়খি ঙসি নহারোলশিংদা থবক্কী খুদোংচাবশিং পীনবা, খুঙ্গংদা লৈরিবা মীয়াম অমদি নুপীশিংগী পুন্সি লায়থোকহন্নবা, আর্মদ ফোর্সেসকী মপাঙ্গল কনখৎহন্নবা অমসুং মেদ ইন ইন্দিয়াগী ৱাখল্লোনগা মরী লৈনবা লুপা করোর কয়াগী প্রোজেক্তশিং কত্থোক্লি অমদি উরেপ-উয়ুং তম্লি।
প্রধান মন্ত্রীনা কর্নাতকাগী নহারোলশিংগী তেলেন্ত অমসুং ইন্নোভেসন অসিবু থাগৎখি অমসুং মহাক্না হায় মেন্যুফেকচরিং সেক্তরগী শক্তি অসি দ্রোনশিংদগী তেজাস ফাইতর প্লেনশিং ফাওবদা প্রদক্তশিং অসিদা মমি তাখি। ঙাকশেলগী মথৌ তাবশিংগীদমক মীরৈবাক্তা মীপাল তাংবা হন্থহন্নবা শকখিবা ৱাশক্কা লোয়ননা ২০১৬তা প্রধান মন্ত্রীনা উরেপ-উয়ুং তমখিবা ঐচ.এ.এল. প্রোজেক্ত অসি ঙসি কত্থোক্লি হায়না ফোঙদোক্লদুনা প্রধান মন্ত্রীনা হায় “দবল-ইঞ্জিন সরকারনা কর্নাতকা অসি ইনভেস্তরশিংগী অহানবা চোইস ওইহনখি”।
প্রধান মন্ত্রীনা ঙসি আর্মদ ফোর্সেসনা শীজিন্নরিবা খুৎলাই অমদি ঙাকশেলগী ইক্বিপমেন্ত কয়ামরুম ভারত্তা শাজরিবা অসিদা নুংঙাইবা ফোঙদোকখি। প্রধান মন্ত্রীনা হায়, “এদভান্স এসোল্ত রাইফলশিংদগী হৌরগা তেঙ্কশিং, এয়রক্রাফ কেরিয়রশিং, হেলিকোপ্তরশোং, ফাইতর জেৎশিং, ত্রান্সপোর্ত এয়রক্রাফ ফাওবা পুম্নমক অসি ভারত্তা শাজরি”। এরোস্পেস সেক্তরগী মতাংদা পল্লদুনা প্রধান মন্ত্রীনা হায় হৌখিবা চহি ৮-৯ অসিদা সেক্তর অসিদা তৌখিবা ইনভেস্তমেন্ত অসি ২০১৪ অমদি চহি ১৫গী মমাংদা তৌখিবা ইনভেস্তমেন্তদগী শরুক মঙা হেনখি। প্রধান মন্ত্রীনা হায় মেদ ইন ইন্দিয়াগী খুৎলাইশিং অসি ঐখোয়গী আর্মদ ফোর্সেসতা সপ্লাই তৌবা খক্তা নত্তনা দিফেন্স এক্সপোর্তশিং অসি ২০১৪গা চাংদম্নবা মতমদা শরুক কয়া হেনগৎলকখি। মহাক্না হায় তুংলমচৎতা ফেসিলিতী অসিমক্তদা হেলিকোপ্তর কয়া শারগনি মসিনা লুপা করোর লাখ ৪রোমগী বিজিনেসশিং তৌহল্লগনি। তুমকুরুদা লৈবা হেলিকোপ্তর মেন্যুফেকচরিং ফেসিলিতীগী মনাক্তা লৈবা অপীকপা বিজিনেসশিংদা শক্তি পীরগনি হায়না ফোঙদোক্লদুনা শ্রী মোদীনা হায়, “অসিগুম্বা মেন্যূফেকচরিং য়ুনিৎশিং অসি লিংখৎলবা মতমদা মসিনা আর্মদ ফোর্সেসকী মপাঙ্গল হাপ্পা খক্তা নত্তনা থবক্কী অমদি মশানা মশাদা থবক পীজনবগী খুদোংচাবশিং পীরগনি”।
প্রধান মন্ত্রীনা হায় ‘জাতি হান্না’ হায়বা ৱাখল্লোন লৈরবদি শোইদনা মাইপাক্কনি। মহাক্না পব্লিক সেক্তর এন্তর্প্রাইসশিংদা লোয়ননা প্রাইবেৎ সেক্তরগীদমক খুদোংচাবশিং পীনবগী রিভেম্প অমদি রিফোর্মশিং পুরক্নবা থবক তৌরি হায়না ফোঙদোকখি।
প্রধান মন্ত্রীনা ঐচ.এ.এল.গী মমিংদা সরকারদা তার্গেৎ তৌনবা হন্দক তৌখিবা প্রোপেগেন্দাগী মতাংদা ফোঙদোক্লদুনা হায়খি অরানবা হায়বা অসি ফনা চাউরবসু, তোইরবসু নত্ত্রগা কা হেল্লবসু মতম চুপ্পদা অচুম্বনা মাইথিবা পী। মহাক্না হায়, “ফেক্তরী অসিগী অমসুং ঐচ.এ.এল.গী শক্তি হেনগৎলক্লিবা অসিনা অরানবা ৱাখল্লোন পোকহল্লম্বশিংবু মীমাংদা পুথোকখি। অচুম্বা হায়বা অসি মশানা থোকচরকই”। মহাক্না মখা তারদুনা হায় ঙসি চপ মান্নবা ঐচ.এ.এল. অসিনা ইন্দিয়ন আর্মদ ফোর্সেসকীদমক মোদর্ন তেজাস শারি অমসুং মালেমগী মীৎয়েং থম্নফম মফম অমা ওইরি অমসুং দিফেন্স সেক্তরদা ভারতকী আত্মনির্ভারতাদা শাহৌ পীরি।
প্রধান মন্ত্রীনা হায়খি ইন্দস্ত্রিএল তাউনসিপ অসি ফুদ পার্ক্কী মতুংদা তুমকুরুদা পীবা অচৌবা খুদোল অমনি অমসুং ঐচ.এ.এল.না তুমকুরুবু লৈবাক্কী অচৌবা ইন্দস্ত্রিএল সেন্তর অমা ওইহন্নবা শেমগৎপদা মতেং পাংলি। প্রধান মন্ত্রীনা পি.এম. গতিশক্তি মাস্তরপ্লানগী মখাদা তাউনশিপ অসি শেমগৎপদা নুংঙাইবা ফোঙদোকখি অমদি মসিনা মুম্বাই-চেন্নাই হায়ৱে, বেঙ্গলুরু এয়রপোর্ত, তুমকুরু রেলৱে স্তেসন, মেঙ্গলুরু পোর্তকী খুত্থাংদা মলতিমোদেল কন্নেক্তিবিতীগা শম্নহল্লগনি।
শ্রী মোদীনা হায়, “দবল ইঞ্জিন সরকারনা ফিজিকেল ইনফ্রাস্ত্রকচরদা পীবগুম্না সোসিএল ইনফ্রাস্ত্রকচরদা চপ মান্নবা মীৎয়েং চংলি”। চহি অসিগী বজেৎকী মতাংদা পল্লদুনা প্রধান মন্ত্রীনা হায় জল জীবন মিসনগীদমক এল্লোকেৎ তৌখিবা বজেৎতা মমাং চহিগা য়েংনবদা করোর ২০,০০০ হেনগৎলকপা উবা ফংখি অমসুং স্কিম অসিগী খ্বাইদগী চাউবা বেনিফিসরী অসি মখোয়গী য়ুমশিংদগী লাপনা চৎতুনা ঈশিং শোক্লিবা ইমা অমদি ইচে-ইচলশিংনা ওইরি। মহাক্না হায় হৌখিবা চহি অহুমদা প্রোজেক্ত অসিগী স্কোপ অসি খুঙ্গংগী ইমুং করোর ৩দগী করোর ১১দা হেনগৎহনখি। দবল-ইঞ্জিন সরকারগী ফিরেপকী মতাংদা পল্লদুনা প্রধান মন্ত্রীনা হায় মদুদি অপ্পর ভাদ্রা প্রোজেক্তকীদমক লুপা করোর ৫,৫০০ এল্লোকেৎ তৌখি মসিনা তুমকুরু, চিকমেঙ্গলু, চিত্রাদুর্গা, দাবনগেরে অমদি সেন্ত্রেল কর্নাতকাগী ইকংনা শোকহল্লবা মফমশিংদা কান্নবা পীরগনি। প্রধান মন্ত্রীনা নোংগী ইশিংগী মীপাল তাংলম্বা লৌমীশিংদসু কান্নবা পীরগনি হায়না ফোঙদোকখি।
প্রধান মন্ত্রীনা হায়খি চহি অসিগী মিদল ক্লাস ফ্রেন্দলী জেৎ অসিনা ‘বিক্ষিৎ ভারত’কীদমক মীপুম খুদিংমক্তা শক্তি পীরগনি। “বজেৎ অসি সমর্থ ভারত, সম্পন্ন ভারত, স্বয়মপুর্ন ভারত, শক্তিমান ভারত, গতিৱান ভারতকী মাইকৈদা চংশিল্লিবা অচৌবা খোঙথাং অমনি। মসি মীপুম খুদিংমক কোনশিল্লিবা পাম্নরবা, পুম্নমক শুরবা, পুম্নমক ইনক্লুসিব ওইবা বজেৎ অমনি”। মহাক্না হায় বজেৎ অসিনা লৌউ-শিংউগী লমদা লৈরিবা শোত্থরবা, নহারোল অমদি নুপীশিংদা কান্নবা পীরগনি। মহাক্না হায়, “ঐখোয়না হীরম অহুমক খঙজিল্লি, নখোয়গী মথৌ তাবা, নখোয়দা পীবা তেংবাং অমসুং নখোয়গী ইনকম”।
প্রধান মন্ত্রীনা হায়খি ২০১৪দগী হৌনা সরকারনা লৌখৎখিবা খোঙথাংশিং অসিনা সরকারগী তেংবাং ফংবদা অৱাবা ওইরম্বা খুন্নাইগী শরুকশিং শক্তি পীরি। সরকারনা মমাংদা শোত্থনা লৈরম্বা খুন্নাইগী শরুক খুদিংমক্তা পীরিবা অসিগী মতাংদা পল্লদুনা প্রধান মন্ত্রীনা হায়, “সরকারগী স্কিমনা মখোয়দা য়ৌদবা নত্তগা মরক্তা লৈবা মীওইশিংনা মখোয়গী কান্নবা লৌথোকপা তৌরম্মি”। প্রধান মন্ত্রীনা হায়খি মদুদি অহানবা ওইনা ‘এমপ্লোয়ী-লেবর’ ক্লাসনা পেন্সন অমসুং ইন্সুরেন্সকী কান্নবা ফংলি। মহাক্না অপীকপা লৌমীশিংবু মতেং পাংলিবা পি.এম.-কিসান সম্মান নিধিগী মতাংদা অমসুং স্ত্রীৎ ভেন্দরশিংদা পীরিবা লোনশিংগী মতাংদা ফোঙদোকখি। চহি অসিগী বজেৎনা চপ মান্নবা ৱাখল অদু মাংদা পুরি হায়রদুনা প্রধান মন্ত্রীনা পি.এম. বিকাস য়োজনানা কুম্বরা, কাম্মারা, অক্কাসলিগা, শিল্পী, গারেকেলাসদাবা, বগ্গী অসিগুম্বা অতোপ্পা খুৎহৈবশিং নত্ত্রগা বিশ্বাকর্মশিংনা মখোয়গী মখুৎকী অমদি খুৎকী খুৎলাইশিংগী স্কিমনা পোৎ শারিবা অসিগী মখোয়গী কলা অমদি স্কিলশিং হেনগৎহল্লগনি।
প্রধান মন্ত্রীনা শোত্থরবা অমসুং লায়রবশিংদা মতেং পাংনবা খোঙথাং কয়ামরুম লৌখৎখি। সরকারনা লাইচৎ মনুংদা লায়রবশিংগীদমক লেম্না রাসন পীনবা লুপা করোর লাখ ৪ চাদিং তৌখি। লায়রবশিংগী য়ুম শানবা লুপা করোর লিশিং ৭০ অমুক্তা ওইখিদ্রিবা মওংদা এল্লোকেৎ তৌখি।
মিদল ক্লাস্তা কান্নবা পীগদবা বজেৎ অসিগী প্রোবিজনশিংগী মতাংদা পল্লদুনা প্রধান মন্ত্রীনা ইনকম তেক্সতা তেক্সকী কান্নবশিংগী মতাংদা ফোঙদোকখি। মহাক্না হায়, “লুপা লাখ ৭ ফাওবগী ইনকমদা জিরো ইনকম তেক্স ওইবনা মরম ওইদুনা মিদল ক্লাসতা নুংঙাইবা পোক্নরি। অনৌবা থবক ফংবা, অনৌবা বিজিনেস তৌরিবা মরু ওইনা চহি ৩০গী মখাদা লৈবা নহাশিংনা থা খুদিংগী মখোয়গী একাউন্তদা শেল হেন্না চংলগনি”। মতৌ অসুম্না দিপোজিৎ লিমিৎ অসি লুপা লাখ ১৫দগী লাখ ৩০দা শরুক অনি হেনগৎহল্লিবা অসিনা থবক্তগী পোত্থারবা কর্মচারিশিং অমসুং সিনিয়র সিতিজেনশিংদা কান্নবা পীরগনি। মমাংদা লাখ ৩ ওইরম্বা অদু লীব এনকেশমেন্তগী তেক্স রিবেৎ হৌজিক লাখ ২৫ ফাওবা ওইহনখ্রে।
নুপীশিংগী ফাইনান্সিএল ইনক্লুজনগী মরু ওইবগী মতাংদা প্রধান মন্ত্রীনা হায়খি “নুপীশিংদা ফাইনান্সিএল ইনক্লুজন পীবনা য়ুমদা মখোয়গী খোঙলাউদা শক্তি পীরি অমসুং য়ুমগী ওইবা ৱারেপশিং লৌবদা মখোয়না শরুক য়াবা হেনগৎহল্লি। বজেৎ অসিদা ঐখোয়না ঐখোয়গী ইমা, ইচে-ইচল অমদি ইচানুপী কয়ানা বেঙ্কশিংদা য়াওহন্নবা অচৌবা খোঙথাং অমা লৌখৎখি। ঐখোয়না মহিলা সম্মান সেভিং সর্তিফিকেৎশিংগী মতাংদা পুথোকখি”। প্রধান মন্ত্রীনা হায় মসি সুকন্য সমৃদ্ধি, মুদ্রা, জন-ধন স্কিম অমসুং পি.এম. আৱাজকী মথাংদা নুপীশিংদা ইকনোমিক এম্পাৱরমেন্ত পীনবা অচৌবা থৌশিল অমনি।
প্রধান মন্ত্রীনা হায় বজেৎ অসিগী অয়াম্বা শরুক্না খুঙ্গংগী শেন্মীৎলোন্দা মীৎয়েং চংলি অমরোমদা দিজিতেল তেক্নোলোজী অমসুং কোওপরেতিবশিং চাউথোকহন্দুনা খোঙথাং খুদিংদা লৌমীশিংদা মতেং পাংলি। মহাক্না আয়খি মসিনা লৌমীশিং, শা-ঙা লোইরিবশিং অমসুং ঙামীশিংদা কান্নবা পীরগনি অমরোমদা কর্নাতকাগী চু থারিবা লৌমীশিংনা সুগরকেন কোওপরেতিবশিং লিংখৎপদা মতেং ফংলগনি। মহাক্না হায় অনৌবা কোওপরেতিব সোসাইতী কয়া শেম্লগনি অমসুং লৈবাক শিনবা থুংবদা তুংলমচৎতা চেং-হৱাই থম্নবগী স্তোর মশিং কয়া হাংদোক্লগনি। মসিনা অপীকপা লৌমীশিংনা মখোয়গী চেং-হৱাই অদু থমজদুনা অকাবা মমলদা য়োনবা ফংলগনি। প্রধান মন্ত্রীনা হায় হেল্প সেন্তর কয়া হাংদোক্লি মসিনা মহৌশাগী লৌউ-পথাপকী খুত্থাংদা অপীকপা লৌমীশিংগী চংবা শেনফম হন্থহল্লগনি।
প্রধান মন্ত্রীনা কর্নাতকাদা মিল্লেৎশিংগী মরু ওইবা অদু উরদুনা হায়খি লৈবাক অসিনা কোর্স গ্রেনশিংদা ‘শ্রী অন্ন’গী শক্তাক পীনবা চপ মান্নবা থাজবগা লোয়ননা মাংদা চংশিল্লি। মহাক্না হায় চহি অসিগী বজেৎতা মিল্লেৎশিং পুথোকপদা মীৎয়েং চংখি অমসুং মসিনা কর্নাতকাগী অপীকপা লৌমীশিংদা চাউনা কান্নবা পীরগনি।
কর্নাতকাগী মুখ্য মন্ত্রী, শ্রী বসবরাজ বোম্মাই, কেন্দ্রগী ঙাকশেল মন্ত্রী, শ্রী রাজনাথ সিংহ, কেন্দ্রগী সোসিএল জস্তিস অমসুং এম্পাৱরমেন্তগী মন্ত্রী, শ্রী এ নারায়নস্বামী অমসুং কর্নাতকা সরকারগী মন্ত্রীশিংনা থৌরম অসিদা শরুক য়াখি।
বেকগ্রাউন্দ
দিফেন্স সেক্তরদা আত্মনির্ভর ওইনবা অতোপ্পা খোঙথাং অমদা প্রধান মন্ত্রীনা তুমকুরুদা ঐচ.এ.এল. হেলিকোপ্তর ফেক্তরী জাতিদা কত্থোক্কনি। মসিগী য়ুম্ফম অসি ২০১৬তা প্রধান মন্ত্রীনা থোনখি। মসি হেলিকোপ্তর শানবগী কেপাসিতী অমসুং ইকোসিস্তেম হেনগৎহন্নবা দেদিকেতেদ ন্যু গ্রীনফিল্দ হেলিকোপ্তর ফেক্তরী অমনি। হেলিকোপ্তর ফেক্তরী অসি এসিয়াগী খ্বাইদগী চাউবা হেলিকোপ্তর মেন্যুফেকচরিং ফেসিলিতী ওইরি অমসুং মসিনা লাইৎ য়ুতিলিতী হেলিকোপ্তরশিং (এল.য়ু.ঐচ.) পুথোকপা হৌহনগনি। এল.য়ু.ঐচ. অসি ৱাংনা পাইবা ঙম্বগী অখন্নবা ফীচর য়াওবা ইন্দিজনস ওইনা দিজাইন তৌবা অমসুং দিবেলপ তৌরবা ৩-তন ক্লাস, সিঙ্গল ইঞ্জিন মলতিপর্পস য়ুতিলিতী হেলিকোপ্তর অমনি। ফেক্তরী অসি লাইৎ কোম্বেৎ হেলিকোপ্তর (এল.সি.ঐচ.) অমসুং ইন্দিয়ন মলতিরোল হেলিকোপ্তর (আই.এম.আর.ঐচ.) অসিগুম্বা হেলিকোপ্তরশিং মেন্যুফেকচর তৌনবা লোয়ননা তুংলমচৎতা এল.সি.ঐচ., এল.য়ু.ঐচ., সিবিল এ.এল.ঐচ. অমসুং আই.এম.আর.ঐচ. রিপিয়র অমদি ওভরহোল তৌনবা চাউথোক্কনি। ফেক্তরী অসিদা তুংলমচৎতা সিভিল এল.য়ু.ঐচ.শিং এক্সপোর্ত তৌনবগী মতিক-ময়াইসু চেনগনি। ফেসিলিতী অসিনা ভারতনা লমদম অসিদা হেলিকোপ্তরগী অপুনবা মথৌ তাবা অদু থুংহনবা ঙমগনি অমসুং ভারত্তা হেলিকোপ্তর দিজাইন তৌবা, দিবেলপ অমদি মেন্যুফেকচর তৌবদা আত্মনির্ভর ওইবগী মশক থোকপা থাক অসি য়ৌবা ঙমগনি। ফেক্তরী অসিদা ইন্দস্ত্রী ৪.০ স্তেন্দর্দশিংগী মেন্যুফেকচরিং সেৎ অপ অমা লৈগনি। মথংগী চহি ২০ অসিদা ঐচ.এ.এল.না তুমকুরুদা তন ৩-১৫গী কাংলুপকী হেলিকোপ্তর ১০০ হেন্না পুথোক্নবা থৌরাং তৌরি। মসিনা লমদম অসিদা মীওই ৬০০০রোমদা থবক্কী খুদোংচাবা পীবা ঙম্লগনি।
প্রধান মন্ত্রীনা তুমকুরু ইন্দস্ত্রিএল তাউনশিপকী উরেপ-উয়ুং তমখি। নেস্নেল ইন্দস্ত্রিএল কোরিদোর দিবেলপমেন্ত প্রোগ্রামগী মখাদা ইন্দস্ত্রিএল তাউনশিপকী শেমগৎকদৌরিবা অসি চেন্নাই বেঙ্গলুরু ইন্দস্ত্রিএল কোরিদোরগী শরুক ওইনা তুমকুরুদা তাঙ্কক অহুম থোক্না একর ৮৪৯৪দা পাইখৎখি।
থৌরম অদুদা প্রধান মন্ত্রীনা তুমকুরুগী তিপতুর অমসুং চিক্কনায়কনহল্লীদা জল জীবন মিসন প্রজেক্ত অনিগী উরেপ-উয়ুং তমখি। তিপতুর মলতি ভিলেজ দ্রিঙ্কিং ৱাতর সপ্লাই প্রোজেক্ত অসি লুপা করোর ৪৩০ চংনা শাগনি। চিক্কনায়কনহল্লীগী মী তাবা মফম ১৪৭তা য়ৌহন্নবা মলতি-ভিলেজ ৱাতর সপ্লাই স্কিম অসি লুপা করোর ১১৫ রোম চাংনা শাগনি। প্রোজেক্ত অসিনা লমদম অসিগী মীয়ামদা অফবা থক্নবা ঈশিং ফংহন্নবা খুদোংচাবা পীরগনি।
*****
(Release ID: 1897068)
Visitor Counter : 100
Read this release in:
Kannada
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam