প্রধানমন্ত্রীগী লোইশঙ
মালেমদা শান্তি পুরক্নবা কৃষ্ণগুরু একনাম অখন্দ কীর্তনদা থমখিবা পি.এম.গী ৱারোল
Posted On:
03 FEB 2023 7:43PM by PIB Imphal
জয় কৃষ্ণগুরু!
জয় কৃষ্ণগুরু!
জয় কৃষ্ণগুরু!
জয় জয়তে পরম কৃষ্ণগুরু ইশ্বর!
কৃষ্ণগুরু শেবাশ্রমদা লৈবা লম্বোইবা, মুনি অমসুং ভক্তা পুম্নমক্তা ঐহাক্না ইকাই খুম্নবা উৎচরি। কৃষ্ণগুরু একনাম অখন্দ কীর্তনগী থৌরম অসি থা মমাং থাদগী হৌরক্লি। কৃষ্ণগুরুজীনা মাংদা পুখৎলম্বা অরিবা ভারতকী লৌশিং, শেবা অমদু মীওইবগী মীনুংশিগী চৎনবী অসি ঙসিসু মখা তানা চত্থরিবা অসিদা ঐহাক্না নুংঙাইবা পোকই। গুরুকৃষ্ণ প্রেমানন্দ প্রভুজীগী থৌজালশিং অমসুং কৃষ্ণগুরুগী ভক্তাশিংগী মতেং অমসুং খোঙথাংশিংনা মসিগী ঈশ্বরগী মশক অসি থৌরম অসিদা ময়েক শেংনা উবা ফংহল্লি। থৌরম অসিগীদমক ঐহাক্না অসামদা লাকপা ফংজরম্লবা অমসুং নখোয়গা লোয়ননা মসিদা শরুক য়াবা ফংজরবদি নুংঙাইরমগদবনি। ঐহাক্না কৃষ্ণগুরুজীগী শেংলবা মফম অসিদা লাক্নবা মমাংদা কয়ারক হোৎনখি অদুবু ঙসি ফাওবা ঐহাক্না কয়ারক হোৎনরবসু লাকপা ঙমদ্রিবা অসি ঐহাক্না হোৎনবদা অশোইবা য়াওরম্বা য়াই। ঐহাকনা কৃষ্ণগুরুগী থৌজালশিংনা তুংদা মফম অসিদা লাক্নবা খুদোংচাবা পীবীনবা অমদি থৌজাল পীদুনা দর্শন তৌবা ফংজনবা থৌনিজরি।
মরুপশিং,
কৃষ্ণগুরুজীনা মালেমদা শান্তি পুরক্নবা চহি ১২ খুদিংগী থা অমা চুপ্নানাম শোনখি অমসুং কীর্তন পাঙথোকপগী চৎনবী অসি হৌদোকখি। ঐখোয়গী লৈবাক্তা চহি ১২ খুদিংগী অসিগুম্বা থৌরমশিং পাঙথোকপগী অরিবা চৎনবী লৈজৈ। অমসুং থৌরমশিং অসিগী মপুং ওইনা থিম অসি থৌদাং মশক খঙবনি। থৌরমশিং অসিনা মীওইবা অমদি খুন্নাইদা থৌদাং মশক খঙহন্নবা হোৎনখি। লৈবাক শিনবা থুংবদগী মীয়াম্না থৌরমশিং অসি পুন্না শরুক য়াখি। হৌখিবা চহি ১২ অসিদা মমাংদা থোকখিবা পুম্নমক হন্না য়েংশিনখি, হৌজিক্কী মতম অসি ইভাল্যুএৎ ঔখি অমসুং তুংলমচৎকী থৌরাং তৌখি। চহি ১২ খুদিং পাঙথোকপা কুম্ভগী চৎনবী অসিসু মসিগী অচৌবা খুদম অমনি। ২০১৯মক্তদা অসামগী মীয়াম্না ব্রহ্মপুত্র তুরেলদা পুস্করম থৌরম মাইপাক্না পাঙথোকখি। হৌজিক অমুক হন্না থৌরম অসি ১২শুবা চহিদা ব্রহ্মপুত্র তুরেলদা পাঙথোকখি। মহামাহম কুহ্মৈ অসি তমিল নাদুগী কুম্ভকোনমদা চহি ১২ খুদিংগী পাঙথোক্লি। ভগৱান বাহুবলিগী মহা-মস্তকাভিসেক অসি চহি ১২ খুদিংগী পাঙথোকই। মসি নিলগিরি চীংশিংদা শাৎপা নীল কুরুঞ্জি লৈনা চহি ১২ খুদিং শাৎপগা চান্ননা পাঙথোকই। কৃষ্ণগুরু একনম অখন্দ কীর্তন অসি চহি ১২ খুদিংগী পাঙথোকপনা অসিগুম্বা অচেৎপা চৎনবী অমা শেম্লি। কীর্তন অসিনা মালেমদা অৱাং নোংপোক্কী হেরিতেজ অমসুং মাগী স্পিরিচুএল কন্সিয়সনেস অদু তাক্লি। ঐহাক্না পুম্নমকপু থৌরম অসিগীদমক য়াইফ-মঙ্গোল পীজরি।
মরুপশিং,
কৃষ্ণগুরুজীগী অখন্নবা তেলেন্ত, মাগী ঈশ্বরগী ওইবা খঙহৈবা, মহাক্কা মরী লৈনবা অঙকপা থৌদোকশিংনা ঐখোয় পুম্নমকপু মখা তানা ইথিল পীখি। মহাক্না থবক অমত্তা, মীওই অমত্তা পীকপা নত্ত্রগা চাউবা হায়বা লৈতে হায়না ঐখোয়দা তাকপীখি। হৌখিবা চহি ৮-৯ অসিদা লৈবাক অসিনা মহাক্কী অঙম্বা শক্তিগা লোয়ননা চাউখৎ-থৌরাংগীদমক কত্থোক্তুনা থবক তৌরকখি। ঙসি চাউখৎপগী খোঙজেলদা শোত্থনা লৈহৌবা খুদিংমক্তা লৈবাক্কীদমক অহানবা মীৎয়েং চংলি। হায়বদি লৈবাক অসিনা শোত্থরবাশিংদা মীৎয়েং চৎখি। অশাম ওইগরে, ঐখোয়গী অৱাং নোংপোক ওইগরে দিকেদ কয়া চাউখৎ-থৌরাংগী কন্নেক্তিবিতী ফংদনা লাকখি। ঙসি লৈবাক অসিনা অসাম অমসুং অৱাং নোংপোক্কী চাউখৎ-থৌরাংদা মরু ওইবা মীৎয়েং চংলি।
চহি অসিগী বজেৎনা লৈবাক অসিগী খোঙথাংশিং অমসুং ঐখোয়গী তুংলমচৎকী মপাঙ্গল কনবা মমি অমসু উৎখি। অৱাং নোংপোক্কী শেন্মীৎলোন অমদি চাউখৎ থৌরাংদা তুরিজমনা মরু ওইবা থৌদাং অমা লৌখি। বজেৎ অসিদা তুরিজমগা মরী লৈনবা খুদোংচাবশিং পীনবা অখন্নবা প্রোবিজনশিং য়াওরি। লৈবাক অসিগী লমকোইবশিংগী লমথুংফম ৫০ অখন্নবা কেম্পেন অমগী মখাদা শেমগৎলগনি। মখোয়গীদমক মোদর্ন ইনফ্রাস্ত্রকচর শেমগৎলগনি, ভর্চুএল কন্নেক্তিবিতী ফগৎহল্লগনি, লমকোইবশিংগী ফেসিলিতী শেমগৎলগনি। অৱাং নোংপোক অমসুং অসামনা চাউখৎ-থৌরাংগী থবকশিং অসিদগী চাউনা কান্নবা ফংলগনি। অমরোমদা ঙসো ঐহাক্না থৌরম অসিদা শরুক য়ারিবা লম্বোইবশিং অমসুং স্কোলরশিংদা ৱাফম অমা হায়জগে। নখোয় পুম্নমক্না গঙ্গা বিলাস ক্রুজকী মতাংদা তারম্লগনি। গঙ্গা বিলাস ক্রুজ অসি মালেমগী খ্বাইদগী শাংবা রিভর ক্রুজনি। মসিদা মশিং য়াম্লবা মীরমগী লমকোইবশিংনা চৎলি। বনারসতগী বিহারগী পতনা, বুক্ষর, মুঙ্গের ফাওদুনা ক্রুজ অসিনা বেঙ্গলগী কোলকাতা ফাওদুনা বাংলাদেশ য়ৌগনি। মতম খরগী মতুংদা ক্রুজ অসিনা অসামদা য়ৌরক্লগনি। মসিদা তোংলিবা লমকোইবশিংনা তুরেলশিংগী খুত্থাংদা মফমশিং অসিগী মরমদা খঙবা ঙম্লি, মফম অদুগী নাৎ অদু উবা ফংলি। অমসুং ঐখোয় পুম্নমক্না খঙই মদুদি ভারতকী কলচরেল হেরিতেজকী খ্বাইদগী মরু ওইবা, খ্বাইদগী মমল য়াম্বা মনি অসি ঐখোয়গী তুরেল তোর্বানশিংদা লৈ মরমদি ঐখোয়গী অপুনবা নাৎকী চাউখৎ-থৌরাংগী খোঙচৎ অসি তুরেল তোর্বানশিংগা মরী লৈনৈ। ঐহাক্না থাজৈ, অসামগী নাৎ অমদি ফজবা অসিনা গঙ্গা বিলাসকী খুত্থাংদা অনৌবা মওং অমদা মালেমদা য়ৌরগনি।
মরুপশিং,
কৃষ্ণগুরু সেবাশ্রম্না তোঙান-তোঙানবা ওর্গনাইজেসনশিংগী খুত্থাংদা খুৎহৈবশিংগী থবক কয়া পাংথোক্লমখি অমসুং মমাঙঙৈগী স্কিলশিং চাউখৎহন্নবা লৈবাক অসিনা পুৱারিগী ওইনা থিজিনবগী থবক লৈবাক অসিনা পাংথোক্লে অমসুং হৌখিবা চহি খর অসিদা মখোয়না অনৌবা শক্তাক অমা পীদুনা অৱাং নোংপোক্কী অরিবা স্কিলশিংগা মালেমগী কৈথেলশিংগা শম্নহন্নবা থবক পাইখৎখি। ঙসি লৈবাক অমদি মালেম শিনবা থুংবদা লৈরিবা মীয়াম্না অসামগী কালা, অসামগী মীয়ামগী স্কিলশিং অমসুং মফম অসিদা পুথোকপা ৱাগী পোত্থোকশিংগী মরমদা খঙই অমসুং পাম্নরি। নখোয়না খঙলমগনি মমাংদা ৱা য়ানবদা আইনগী ওইবা অথিংবা থমলমখি মরমদি মসি আইনগী মতুংইন্না উ অমনি হায়না লৌরমখি। ঐখোয়না আইন অসিদা অহোংবা পুরকখি অমসুং মসিগী আইন অসি মীখা পোনবগী আইন ওইরমখি। হৌজিক ৱাবু নাপী ওইনা লৌবনা ৱাগী ললোন-ইতিক্কী খুদোংচাবা কয়া হেনগৎহল্লে। হৌজিক অসিগুম্বা অরিবা স্কিল দিবেলপমেন্ত, অখন্নবা প্রোবিজনশিং অসি বজেৎতা হাপতুনা পোত্থোকশিং অসিগী ক্বালিতী অমসুং এক্সেসিবিলিতী হেনগৎহনখি, বজেৎ অসিদা রাজ্য খুদিংমক্তা ‘য়ুনিতি মোল’ শানবা লাউথোকখি। হায়বদি অসামগী লৌমীশিং, খুৎহৈবশিং অমসুং নহারোলশিংনা পুথোকপা মখোয়গী পোৎথোক অসি য়ুনিতি মোলদা উৎলগনি মদু ওইরবদি হেন্না য়োনবদা মতেং পাংলগনি। মসি খক্তা নত্তনা অসামগী পোৎথোকশিং অসি য়ুনিতি মোলশিংদা থমগনি হায়রিবা অসি অতোপ্পা রাজ্যশিং অমসুং অচৌবা লমকোয়ফমশিংদা শাগনি। লমকোইবশিংনা য়ুনিতি মোলশিংদা লাকপা মতমদা অসামগী পোত্থোকশিং অসিগী অনৌবা কৈথেল অমসু ফংলগনি।
মরুপশিং,
অসামগী খুৎহৈবগী মতাংদা লাকপা মতমদা লমদম অসিগী ‘গোমোসা’ অসি মশানা পনজরকই। ঐহাক ইশামক ‘গোমোসা’ য়ানবা পামজৈ। ফজরবা ষনকোনশিং অসি অসামগী নুপীশিংনা হোৎনবা কনবগী খুদমনি। হৌখিবা চহি ৮-৯ অসিদা লৈবাক অসিদা ষনদা মীৎয়েং চংল। দিমান্দ থুংহন্নবা নুপী সেল্ফ-হেল্প গ্রুপ মশিং কয়া থোরকই। নুপী লিশিং কয়া লাখ কয়ানা গ্রুপশিং অসিদা থবক ফলি। হৌজিক গ্রুপশিং অসিনা মাংদা চংশিল্লগনি অমসুং লৈবাক্কী শেন্মীৎলোনগী শক্তি ওইরগনি। মসিগীদমক চহি অসিগী বজেৎতা অখন্নবা প্রোবিজনশিং হাপখি। নুপীশিংনা শেন্থোক লৈহন্দুনা মখোয়গী থবক ফংনবগী পাম্বৈ অমা ওইনবা ‘ৱুমেন্স ওনর সেভিং সর্তিফিকেৎ’ স্কিমসু হৌখ্রে। নুপীশিংনা সেভিং তৌবদা শেন্দোইশিং ৱাংনা লাকপগী কান্নবা ফংলগনি। মসিগা লোয়ননা পি.এম. আৱাজ য়োজনাগী বজেৎ অসি লুপা করোর লিশিং ৭০দা হেনগৎহনখি মসিনা লায়রবা ইমুং খুদিংমক্তা মশাগী য়ুম অমা পীবা ঙমখি। য়ুমশিং অসি অয়াম্বনা নুপীশিংগী মমিংদা শাখি। নুপীশিংনা মপু ওইখি। অসাম, নাগালেন্দ, ত্রিপুরা, মেঘালয়গুম্বা অৱাং নোংপোক্কী রাজ্যশিংগী নুপীশিংনা চাউনা কান্নবা ফংনবা, মখোয়গীদমক অনৌবা খুদোংচাবশিং ফংহন্নবা বজেৎ অসিদা অসিগুম্বা প্রোবিজন কয়া হাপখ্রে।
মরুপশিং,
কৃষ্ণগুরুনা হায়খি – নুমিৎ খুদিংগী কত্থোকপগী থবক-থৌরমশিংদা থাজবা থম্বগা লোয়ননা নখোয়গী থৱায়গী শেবা তৌ। থৱায়বু শেবা তৌবা, খুন্নাই অমদি চাউখৎপা খুন্নাইগী শেবা তৌবগী মন্ত্র অসিদা শক্তি কয়া য়াওরি। কৃষ্ণগুরু সেবাশ্রমনা মন্ত্র অসিগা লোয়ননা খুন্নাইগা মরী লৈনবা লম খুদিংমক্তা থবক তৌরি। নখোয়না তৌরিবা শেবাশিং অসিনা লৈবাক্কী অচৌবা শক্তি ওইরক্লি। লৈবাক্কী চাউখৎনবগীদমক সরকারনা স্কিম কয়া পাইখৎলি। অদুবু লৈবাক্কী য়াইফ থৌরাং স্কিমশিং অসিবু চল্লাইরিবা অসি খুন্নাই অমদি সবকা প্রয়াসকী শক্তিননি। ঐখোয়না লৈবাক অসিনা স্বচ্ছ ভারত অভিয়ান করম্না হৌখিবা অমদি সবকা প্রয়াসনা মসিবু মাইপাকহনখিবা উবা ফংখ্রে। দিজিতেল ইন্দিয়া কেম্পেন মাইপাকহল্লিবা অচৌবা মরম অসি সবকা প্রয়াসনি। কৃষ্ণগুরু সেবাশ্রমগী থৌদাং অসি লৈবাকপু শক্তি পীরিবা অসিগুম্বা স্কিম কয়ামরুম মাংদা পুখৎপদা য়াম্না মরু ওই। সেবাশ্রম অসিনা নুপী অমদি নহারোলশিংগীদমক খুন্নাইগী ওইবা থবক কয়া তৌখি। বেতি-বচাও, বেতি পরাও অমসুং পোশনগুম্বা কেম্পেনশিং মাংদা পুখৎপদা নখোয়না থৌদাং লৌবা য়াগনি। ‘খেলো ইন্দিয়া’ অমসুং ‘ফিৎ ইন্দিয়া’ অসিগুম্বা কেম্পেনশিংগা লোয়ননা নহা কয়া কয়াবু কন্নেক্ত তৌবদা সেবাশ্রমগী ইথিল অসি য়াম্না মরু ওইখি। য়োগ, আয়ুর্বেদ ওইরবসু নখোয়না মখোয়ু থৌগৎপদা হেন্না শরুক য়াবা অসিনা খুন্নাইদা শক্তি পীগনি।
মরুপশিং,
নখোয়না খঙই মদুদি ঐখোয়গী লৈবাক্তা খুৎলাই, স্কিল লৈবা মীওইশিংগী মতেংগা লোয়ননা মহৌশানা খুৎনা থবক তৌবা খুৎহৈবশিংবু বিশ্বাকর্ম কৌই। লৈবাক অসি অহানবা ওইনা অরিবা খুৎহৈবশিংগী স্কিলশিং হেনগৎহন্নবা ফিরেপ লৌখি। পি.এম.-বিশ্বাকর্ম কৌশল সম্মান হায়বদি পি.এম. বিকাস য়োজনা অসি মখোয়গীদমক হৌখি অমসুং মসি বজেৎতা কুপ্না য়াওহনখি। কৃষ্ণগুরু সেবাশ্রমম বিশ্বাকর্মনা স্কিম অসিগী মরমদা মখোয়গী এৱের্নেস হেনগৎহন্দুনা মরুপশিংদসু কান্নবা পীগনি।
মরুপশিং,
২০২৩দা ভারতকী থৌশিলদগী মালেম পুম্বনা মিল্লেৎ ইয়র পাঙথোক্লি। মিল্লেৎ হায়বগী ৱাহন্থোক্তি কোর্স গ্রেন হায়বদি মসি মহৌশানা কোর্স গ্রেন হায়না খঙনরবসু মখোয়গী তোঙান-তোঙানবা মমিংশিং লৈজৈ। মিল্লেৎ অসিদা হৌজিক অনৌবা মশক অমা পীখি। মসিগী মশক অসি শ্রী অন্ন হায়বনি। হায়বদি খ্বাইদগী ফবা চীঞ্জাক অসি শ্রী অন্ননি। কৃষ্ণগুরু সেবাশ্রম অমসুং ধর্মগী ওর্গনাইজেসন পুম্নমক্না শ্রী অন্নগী পাউজেল শন্দোকপদা অচৌবা থৌদাং অমা লৌবা য়াগনি। মতৌ অসুম্না নীংতম্বগী অমৃত মহোৎসন অসি নহরোলশিংদা ঐখোয়গী নীংতম লান্মীশিংগী পুৱারীগী মরমদা খঙহন্নবা কেম্পেন অমা চত্থরি। মাইকৈ অসিদা অসাম অমসুং অৱাং নোংপোক্কী য়াওল্লোইশিংগী মতমদা সেবাশ্রম প্রকাশন্না পাউজেল পীবা য়াগনি। ঐহাক্না থাজৈ মদুদি চহি ১২গী মতুংদা অখন্দ কীর্তন অসি পাঙথোকপদা ঐখোয়না ভারতপু হেন্না শাক্তি পীবা উবা ফংগনি মসিদা নখোয়গী অমদি লৈবাক্কী খোঙথাংশিং পুনশিনগনি। অমসুং য়াইফ-পাউজেল অসিগা লোয়ননা ঐহাক্না লম্বোইবশিং, শেংলবা থৱায়শিং অমসুং ময়ামদা ইকাই খুম্নবা উৎচবগা লোয়ননা য়াইফ মঙ্গোল পীজরি।
থাগৎচরি!
***
(Release ID: 1896258)
Visitor Counter : 124
Read this release in:
Malayalam
,
Kannada
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu