ভারত সরকার অমসুং রিজর্ব বেঙ্ক ওফ ইন্দিয়ানা খুদক্তা অমসুং মতিক চাবা থৌরাং পায়খৎপদগী ইনফ্লেসন হেনগৎপা থিংবা ঙমহৌরে অমসুং সেন্ত্রেল বেঙ্ককী তোলরেন্স লিমিতকী মনুংদা পুরক্লে হায়না ফাইনান্স অমসুং কোর্পোরেত এফিয়র্সকী কেন্দ্র মন্ত্রী শ্রীমতি নির্মলা সিতারামন্না ঙসি পার্লিয়ামেন্ততা পুথোকখিবা ইকোনোমিক সর্ভে ২০২২-২৩না ফোংদোক্লি।

কঞ্জ্যুমর প্রাইস ইনফ্লেসন (সি.পি.আই.):

সর্ভে অসিনা হায়বগী মখা পোন্না কঞ্জ্যুমর প্রাইস ইনফ্লেসন্না ভারত্তা ইং ২০২২দা তাঙ্কক অহুম চত্থখি হায়রি। ৭.৮%দা খ্বাইদগী ৱাংখিবা এপ্রিল ২০২২ ফাওবগী হেনগৎলকপগী তাঙ্কক, ওগস্ত ২০২২ ফাওবদা চাউরাকপা ৭.০%গী হোলদিং পেত্তর্ন অমসুং দিসেম্বর ২০২২ ফাওবদা ৫.৭% ফাওবা তারকখিবগী তাঙ্কক। হেনগৎপগী তাঙ্কক অসিদি রসিয়া-য়ুক্রেনগী ইরাংদগী থোকপা ফিভম অমসুং লৈবাক্কী মফম খরদা কা হেন্না শাবনা মরম ওইরগা লৌরোক লোকপা হন্থবনা মরু ওইনা থোকহনখিবনি। মতুং তারকপদা, লৈবাক্কী মফম খরদা কালেন্থাদা কা হেন্না শাখিবা অমসুং নোং মরাং কায়না তাখিদবনা ফার্ম সেক্তরদা অকায়বা পীখি, সপ্লাই হন্থহনখি অমসুং মরু ওইবা পোত্থোক খরগী মমল ৱাংখৎহনখি।

ভারত সরকার অমসুং রিজর্ব বেঙ্ক ওফ ইন্দিয়ানা খুদক্তা অমসুং মতিক চাবা থৌরাং পায়খৎপদগী ইনফ্লেসন হেনগৎপা থিংবা ঙমহৌরে অমসুং সেন্ত্রেল বেঙ্ককী তোলরেন্স লিমিতকী মনুংদা পুরকখি। অফবা মোন্সুন লাকখিবনা ফুদ সপ্লাই মতিক চানা লৈহনবা ঙমখি।

হোলশেল প্রাইস ইনফ্লেসন (দবল্যু.পি.আই.):

দবল্যু.পি.আই.দা য়ুম্ফম ওইবা ইফ্লেসন্না কোবিদ-১৯ মনুংদা নেম্না লৈখি অমসুং শেন্মিৎলোনগী থবক থৌরম অমুক হৌরকখিবা কোবিদ-১৯গী মতুংদা হেনগৎপা হৌরকখি হায়না সর্ভে অসিনা ফোংদোক্লি। রসিয়া-য়ুক্রেন ইরাংনা মরম ওইরগা কম্মোদিতী পুথোক-পুশিন তৌবদা অকায়বা পীরকপা অমসুং মালেমগী সপ্লাই চেন ফৎলক্তবদগী পোৎলুম অসিবু মখা তানা লুশিনহনখি। মসিনা মরম ওইরগা, হোলশেল ইনফ্লেসন রেত অসি শেনবা চহি ২২দা চাউরাকপা ১৩.০% য়ৌখি হায়না সর্ভে অসিনা ফোংদোক্লি। দবল্যু.পি.আই. অসি মে ২০২২দগী ১৬.৬% ওইদুনা খ্বাইদগী ৱাংনা লৈরম্বদগী তাথবা হৌরকখি, সেপ্তেম্বর ২০২২দা ১০.৬% অমসুং দিসেম্বর ২০২২দা ৫.০%দা তাখি।

দবল্যু.পি.আই. হেনগৎখিবগী মরমদি ফুদ ইনফ্লেসন হেনগৎলকপদা শরুক খরা অমসুং ইম্পোর্তেদ ইনফ্লেসন্দা শরুক খরা তাইশিন্নখি। চাবা য়াবা থাউগী মালেমগী মমল হেনগৎলকপা অসিগী ত্রাঞ্জিতরী ইফেক্ত অসিসু দোমেস্তিক প্রাইস্তা মমি তাখি। শেনবা চহি ২৩গী অহানবা শরুক্তা ভার্তকী এক্সচেঞ্জ রেত্তা অয়েৎপা লাকখি অমসুং মসিনা মরম ওইরগা ইম্পোর্তেদ ইনপুতকী মমল ৱাংহনখি।

দবল্যু.পি.আই. অমসুং সি.প্পি.আই. ত্রেন্দঃ

হোলশেল প্রাইস ইন্দেক্স (দবল্যু.পি.আই.) ৱাংবা অমসুং কঞ্জ্যুমর ইন্দেক্স প্রাইস (সি.পি.আই.) ইনফ্লেসন নেম্বগী খেন্নবনা মে ২০২২দা য়াম্না য়ামখি, মসিগী মরমদি ইন্দাইস অনিগী রিলেতিব ৱেত্তা খেন্নবা লৈবা অমসুং ইম্পোর্ত তৌবা ইনপুতশিংনা রিতেল প্রাইস্তা চৈথেং পীবননি হায়না সর্ভে অসিনা তাক্লি। অদুবু, ইফ্লেসন ওনবগী মিজর অনিসিগী মরক্তা লৈরিবা খেন্নবা অসি মতুং তারকপদা হন্থরকখি, পুন্সিনবা য়াবগী ফিভম লাকপা য়াবগী মতৌ উৎখি।

দবল্যু.পি.আই.অমসুং সি.পি.আই.গী মরক্তা পুন্সিল্লক্লিবা অসি মরম অনিনা থোকহনবনি হায়না সর্ভে অসিনা পাউদম্লি। অহানবা, ক্রুদ ওইল, আইরন, এলুমিনিয়ম অমসুং লশিংগুম্বা কম্মোদিতীশিংগী ইনফ্লেসন হন্থরকপনা দবল্যু.পি.আই. নেমথহনখি। অনিশুবা, সি.পি.আই. ইনফ্লেসন অসি সর্ভিসকী প্রাইস ৱাংখৎলকপদগী হেনগৎলকখি।

দোমেস্তিক রিতেল ইনফ্লেসনঃ

রিতেল প্রাইস ইনফ্লেসন অসিদি লৌউ-শিংউ অমসুং মরী লৈনবা সেক্তর, হাউজিং, তেক্সতাইল অমসুং ফার্মাস্যুতিকেল সেক্তরদগী হৌরকপনি। শেনবা চহি ২৩দা, রিতেল ইনফ্লেসন অসি ফুদ ইনফ্লেসন ৱাংবদগী মরু ওইনা থোকখিবনি হায়না সর্ভে অসিনা হায়রি। ফুদ ইনফ্লেসন অসি এপ্রিল অমসুং দিসেম্বর ২০২২গী মনুংদা ৪.২% অমসুং ৮.৬%কী মরক্তা লৈখি। চাবা য়াবা থাউগী মালেমগী মমল অসি শেনবা চহি ২২দা হেনগৎখি, মসিদি মালেমগী প্রদক্সন হন্থরকপা অমসুং তোঙানবা লৈবাকশিংনা এক্সপোর্ত তেক্স লেভী হেনগৎখিবদগীনি। ভারতনা মশাগী চাবা য়াবা থাউগী দিমান্দগী ৬০%দি ইম্পোর্তগী মেল্লি, মসিনা মরম ওইরগা মালেমগী মমলদা অহোংবা লাকপা মতমদা ঐখোয়দসু শাফু য়ৌরিবনি।

ভারতকী রাজ্য অমসুং য়ুনিয়ন তেরিতোরীশিংগী মরক্তা রিতেল ইনফ্লেসন মশক থোক্না খেন্নবগী ফিভম লৈখি হায়না সর্ভে অসিনা ফোংদোক্লি। রাজ্য অমসুং য়ু.তি. অয়াম্বনা হন্দক্কী চহিসিদা অর্বান ইনফ্লেসন্দগী রুরেল ইনফ্লেসন্না হেন্না ৱাংবগী ফিভম উখি, মসিগী মরু ওইবা মরমদি, খুঙ্গংগী মফমশিংদা ফুদ ইনফ্লেসন য়াম্না ৱাংবগীনি।

অৱাবা নংগনবা কাঙলুপশিংবু মমল হেনগৎলকপদগী ঙাকথোকপা ঙম্নবগীদমক্তা, সরকারনা বেনিফিশরী করোর ৮০ হেনবদা হৱাই-চেংৱাই লেম্না পীবা অনৌবা ইন্তিগ্রেতেদ ফুদ সেক্যুরিতী স্কিম, ‘প্রধান মন্ত্রী গরীব কলয়ান অন্না য়োজনা” জনুৱারী ১, ২০২৩দা হৌদোকখি।

প্রাইস স্তেবিলিতী লৈহন্নবা পোলিসীঃ

আর.বি.আই.গী মনিতরী পোলিসী কম্মিত্তীনা মে অমসুং দিসেম্বর ২০২২গী মরক্তা লিক্বিদিতী এদজস্তমেন্ত ফেসিলিতী (এল.এ.এফ.)কী মখাদা পোলিসী রেপো রেতপু ৪.০%দগী ৬.২৫%দা বেসিস পোইন্ত ২২৫ হেনগৎখি। কেন্দ্র সরকারনা পেত্রোল অমসুং দিজলদগী এক্সাইস দ্যুতী হন্থবা, গেহুগী এক্সপোর্ত থিংবা, চেংদা এক্সপোর্ত দ্যুতী থম্বা, হৱাইদা ইম্পোর্ত দ্যুতী অমসুং সেস হন্তহনবা, তারিফ রেস্নেলাইজ তৌবা অমসুং চাবা য়াবা থাউ অমসুং থাউ মরুগী স্তোক্তা অকক্নবা থম্বা, তিলহৌ অমসুং হৱাইগী বফর স্তোক থম্বা অমসুং মেন্যুফেকচর তৌরবা পোত্থোকশিংদা শিজিন্নবা রো মেতরিএলশিংগী ইম্পোর্ত দ্যুতী রেস্নেলাইজ তৌবনচিংবা ফিস্কেল খোংথাং কয়া পায়খৎখি।

ভারত্না ইনফ্লেসন শেন্নখিবগী মওং অসি শিংথানিংঙাই ওইখি অমসুং স্তিক্কী ইনফ্লেসন রেতকা হৌজিক্সু খুদোংচাদবা থেংনরিবা চাউখৎলবা শেন্মিৎলোনশিংদগী য়াম্না খেন্নখি হায়না সর্ভে অসিনা হায়রি। চাউখৎপা শেন্মিৎলোনশিং তপথরক্কনি হায়বগী মাংজৌননা থাজবা থম্লিবা অসিনা মরম ওইরগা, গ্লোবেল কম্মোদিতী প্রাইস্তগী লাকপা ইনফ্লেসন রিস্ক অসি শেনবা চহি ২৩গা চাংদমনবদা শেনবা চহি ২৪দা নেমগনি হায়না পানরি অমসুং সর্ভে অসিনা শেনবা চহি ২৪দা থেংনগদৌরিবা ইনফ্লেসনগী শিংনবা অসিদি হন্দক্কী চহিদা থেংনরিবা অসিদগী য়াম্না তাথগনি হায়না ফোংদোক্লি।

*****