য়ু.এন. এস.দি.জি. (এস.দি.জি.৪)গী মখাদা ক্বালিতী এজুকেসনবু ৪শুবা পান্দম হায়না পল্লি অমসুং মসিগী পান্দমদি ইং ২০৩০ ফাওবগী মনুংদা “মীপুম খুদিংদা ইনক্লুসিব অমসুং ইকুইতেবল ক্বালিতী এজুকেসন শোইদনা ফংহনবা অমসুং মহৈ তম্বগী খুদোংচাবা পুন্সি চুপ্পা পীবা” অসিনি হায়না সর্ভে অসিনা ফোংদোক্লি। ৱাফম অসিগী মখা পোন্না নেস্নেল এজুকেসন পোলিসী ২০২০বু লৈবাক্কী চাউখৎ-থৌরাংগী হীরম কয়া থেংনগদৌরিবা ২১শুবা চহি-চাগী অহানবা এজুকেসন পোলিসী হায়না হায়রিবনি। পোলিসী অসিনা এজুকেসন স্ত্রকচরগী হীরম খুদিং নৌনা খন্ন-নৈনদুনা শেমদোকপগী ৱারোল পল্লি। ফাইনান্স অমসুং কোর্পোরেত এফিয়র্সকী কেন্দ্র মন্ত্রী, শ্রীমতি নির্মলা সিতারামন্না ঙসি পার্লিয়ামেন্ততা ইকোনোমিক সর্ভে ২০২২-২৩ পুথোকখি।

স্কুলদা মিং চন্নবাঃ

শেনবা চহি ২২দা স্কুলশিংগী গ্রোস এনরোলমেন্ত রেসিও (জি.ই.আর.) ফগৎলকপা অমসুং জেন্দর পেরিতীদসু ফগৎলকপগী ফিভম উবা ফংখি। চহি ৬তগী ১০ ফাওবগী মনুংদা লৈবা অপুনবা মীশিংগা ওইনা ক্লাস ১দগী ৫ ফাওবগী প্রাইমারী এনরোলমেন্তকী পর্সেন্তেজ, জি.ই.আর. অসি নুপামচা অমসুং নুপীমচা অনিমক্কী শেনবা চহি ২২দা য়াম্না ফগৎখি। অসুম্না ফগৎলকপা অসিনা শেনবা চহি ১৭ অমসুং ১৯দা ওইরম্বা হন্থবগী ফিভমগা তাইয়োন্নরি। শেনবা চহি ১৭ অমসুং ১৯দা লেঙদনা লৈরম্বা অপ্পর প্রাইমারীগী জি.ই.আর. (চহি কাঙলুপ ১১-১৩গী মীশিংদা ক্লাস ৬তগী ৮দা চনবা মিং চনবগী পর্সেন্তেজ) অসিসু শেনবা চহি ২২দা ফগৎলক্লে। প্রাইমারী অমসুং অপ্পর প্রাইমারী থাক্কী চহি কাঙলুপশিং চাংদম্নবদা, নুপীগী জি.ই.আর.না নুপামচাশিংগীদগী হেন্না ফনা লৈখি।

স্কুল গ্রোস এনরোলমেন্ত রেসিও

শেনবা চহি ২২দা স্কুলগী অঙাং লাখ ১৯.৪না প্রাইমারীদগী সেকন্দরী থাক ফাওবদা মিং চন্দুনা শেনবা চহি ২২দা স্কুল এনরোলমেন্তনা অঙাং করোর ২৬.৫দা লৈখি। চিলদ্রেন ৱিথ স্পিসিএল নীদ (সি.দবল্যু.এস.এন.)কী মিং চনবগী মশিংনা শেনবা চহি ২১দা লাখ ২১.৯ ওইরম্বদগী শেনবা চহি ২২দা লাখ ২২.৭ ওইদুনা ৩.৩% হেনগৎখি। প্রি-প্রাইমারী থাক নত্তনা থাক পুম্নমক, হায়বদি, প্রাইমারী, অপ্পর প্রাইমারী, সেকন্দরী অমসুং হাইয়র সেকন্দরীগী এনরোলমেন্ত হেনগৎনখি। প্রি-প্রাইমারী থাক্কী এনরোলমেন্তনা শেনবা চহি ২১গী করোর ১.১দগী শেনবা চহি ২২দা করোর ১.০দা হন্থখি। চহিসিগী মনুংদা, প্রি-প্রাইমারীদা চাউরাক্না অঙাং করোর ১.০, প্রাইমারীদা করোর ১২.২, অপ্পর প্রাইমারীদা করোর ৬.৭, সেকন্দরীদা করোর ৩.৯ অমসুং হাইয়র সেকন্দরীদা করোর ২.৯ মিং চল্লকখি।

স্কুল দ্রোপআউত

নুপামচা অমসুং নুপীমচাশিংগী থাক পুম্বগী স্কুল দ্রোপআউত রেতনা হন্দক্কী চহি খরসিদা হন্থরকখি। সামাগ্রা সিক্ষাগুম্বা স্কিম, আর.তি.ই. এক্ত, স্কুলগী ইনফ্রাস্ত্রকচর অমসুং ফেসিলিতী ফগৎলকপা, রেসিদেন্সিএল হোস্তেল বিলদিং, ওজা মতিক চানা লৈবা, ওজাশিংগী চাং নাইনা ত্রেনিং তৌবা, অঙাংশিংগী য়ুনিফোর্ম অমসুং লাইরিক লেম্না পীবা, কস্তুর্বা গান্ধী বালিকা বিদ্যালয়া অমসুং পি.এম.-পোশন স্কিম্না অঙাংশিংবু মিং চলহনবা অমসুং স্কুলদগী তোকহন্দবগী মরু ওইবা মরমশিংনি।

স্কুল দ্রোপআউতকী চাং

স্কুল ইনফ্রাস্ত্রকচর

পেদাগোজীদা মিৎয়েং চঙবগা লোয়ননা স্কুল, এমেনিতী অমসুং দিজিতেলাইজেসন তৌবগী মওংদা এজুকেসন ইনফ্রাস্ত্রকচরবু মমিং চৎহল্লি, খুমাং চাউশিনহল্লি। শকখঙলবা স্কুল মশিং অমসুং ওজা মতিক চানা লৈবগী চাংনা মহৈরোই-ওজাগী রেসিও তাক্লিবা স্কুলশিংগী বেসিক ইনফ্রাস্ত্রকচরশিং অসি শেনবা চহি ২২দা ফগৎলকপগী ফিভম উখি।

স্কুলশিংদা তঙাই ফদনা লৈগদবা ইনফ্রাস্ত্রকচরশিং অসি অতোপ্পা চহিগা চাংদম্নবদা শেনবা চহি ২২দা লেপ্তনা ফগৎলকখি। অমাংশঙ (নুপামচা অমসুং নুপীমচাশিংগী), থক্নবা ঈশিং, খুৎ হাম্ফম হৌজিক সরকারগী স্কুলশিংদা লোইনা লৈনরে। সামাগ্রা সিক্ষাগা লোয়ননা স্বচ্ছ ভারত মিসনগী মখাদা স্কুলশিংগী থক্নবা ঈশিং অমসুং সেনিতেসন্দা অহেনবা মিৎয়েং চঙবনা স্কুলশিংদা তঙাই ফদবা রিসোর্স লৈহনবা অমসুং এসেতশিং অসি স্কুলদা লৈহনবদা য়াম্না তেংবাংখি। সামাগ্রা সিক্ষা স্কিমগী ইনফোর্মেসন অমসুং কম্ম্যুনিকেসন তেক্নোলোজী (আই.সি.তি.) কম্পোনেন্তকী মখাদা সরকারনা স্কুলশিংদা স্মার্ত ক্লাসরুম অমসুং আই.সি.তি. লেব শেম্বদা তেংবাংখি, মসিদা মহৈ তম্বীবগী হার্দৱেয়র, এজুকেস্নেল সোফৱেয়র অমসুং ই-কন্তেন্তকী মতেং পাংবশিংসু মনুং চনখি।

স্কুলগী ইনফ্রাস্ত্রকচর ফগৎহনবা

মহৈরোই-ওজাগী রেসিওনা চাং ওল্লিবা, ওজা মতিক চানা লৈবগী ইন্দিকেতর অসিগা এজুকেসনগী মগুন হেনগৎলকপগা মরী লৈনৈ, অমসুং ফিভম অসিসু থাক খুদিংদা শেনবা চহি ১৩দগী ২২ ফাওবা ফগৎলকখি – প্রাইমারীগীনা ৩৪.০দগী ২৬.২, অপ্পর প্রাইমারীগীনা ২৩.০দগী ১৯.৬, সেকন্দরীগীনা ৩০.০দগী ১৭.৬ অমসুং হাইয়র সেকন্দরীগীনা ৩৯.০দগী ২৭.১। স্কুল মশিং, ওজা মতিক চানা লৈবা, স্কুলগী ফেসিলিতীদা ফগৎলকপনা মহৈরোইশিংনা মিং চনবা হেনগৎপা অমসুং দ্রোপআউত হন্থহনবদা তেংবাংগনি হায়না থাজবা থম্লি।

শেনবা চহি ২৩গী মনুংদা হৌদোকখিবা স্কুল এজুকেসনগী তোঙানবা প্রোগ্রাম অমসুং স্কিম মখাদা পীরিঃ

• পি.এম. স্কুল ফোর রেজিং ইন্দিয়াঃ সরকারনা সেপ্তেম্বর ৭, ২০২২দা কেন্দ্রনা স্পোন্সর তৌবা স্কিম (এস.এস.), পি.এম. স্কুল ফোর রেজিং ইন্দিয়া (পি.এম.-এস.ঐচ.আর.আই.) হৌদোকখি। স্কিম অসিগী মখাদা, শেনবা চহি ২৩দগী ২৭ ফাওবদা, কেন্দ্র/রাজ্য/য়ু.তি. সরকার/লোকেল বোদীশিংনা চলায়বা হান্নদগী লৈরবা স্কুলশিংবু হেন্না ফগৎহন্দুনা পি.এম.-এস.ঐচ.আর.আই. স্কুল ১৪,৫০০ হেন্না লিংখৎপগী ৱাফম য়াওরি। স্কুলশিং অসিদা মোদর্ন ইনফ্রাস্ত্রকচর লৈগনি অমসুং এন.ই.পি. থবক্তা ওন্থোকপগী খুদম ওইবা থৌওং পাংথোক্কনি অমসুং মতম খরগী মতুংদা খুদম ওইবা স্কুল ওইরক্কনি। লোয়ননা, মসিনা য়ুম্লোন্নবদা লৈবা স্কুলশিংদা লমজিং লমতাক্কনি। মহৈরোই লাখ ২০ হেনবনা স্কিম অসিগী দাইরেক্ত বেনেফিশরী ওইগনি হায়না পানরি।
• নেস্নেল করিকলম ফ্রেমৱর্ক (এন.সি.এফ.) ফোর ফাউন্দেসন স্তেজঃ এন.সি.এফ. ফাউন্দেসন স্তেজ অসিবু ৫+৩+৩+৪গী অনৌবা করিক্যুলর ওইনা হৌদোকখি, অমসুং মসিদা আর্লী চাইলদহুদ কেয়র অমসুং চহি ৩-৮ ফাওবগী অঙাংশিংগী এজুকেসন য়াওরি।
• বালবাতিকাগী পাইলোত প্রোজেক্তঃ কোগ্নিতিব, এফেক্তিব অমসুং সাইকোমোতোর এবিলিতী শেমগৎপা অমসুং চহি ৩+, ৪+ অমসুং ৫+গী অঙাংশিংদা মশিং অমসুং ময়েক চৎহনবদা মিৎয়েং চঙদুনা, প্রোজেক্ত বালবাতিকা (হায়বদি প্রিপেরেতরী ক্লাস) অসি ওক্তোবর ২০২২দা কেন্দ্রিয় বিদ্যালয়া ৪৯দা হৌদোকখি।
• শান্নপোত্তা য়ুম্ফম ওইবা পেদাগোজীগী হেন্দবুক
• অখন্নবা লর্নিং এবিলিতী খরগী স্ক্রীনিং তুল (মোবাইল এপ)
• নেস্নেল ক্রেদিত ফ্রেমৱর্ক
• স্ত্রেংথনিং তিচিং-লর্নিং এন্দ রিজল্ত ফোর স্তেৎস (স্তার্স)
• বিদ্যাঞ্জলি (স্কুল ভলন্তিয়র ইনিসিএতিব): প্রোগ্রাম অসিনা লৈবাক পুম্বগী চাউরাকপা মহৈরোই ১১,৩৪,২১৮দা কান্নবা পীবা ঙমখ্রে।
• সামাগ্রা সিক্ষা স্কিম: প্রি-স্কুলদগী ক্লাস ১২ ফাওবা কোনবা স্কুল এজুকেসনগী পাক চাউরবা প্রোগ্রাম অমনি। স্কিম অসিগা এন.ই.পি. ২০২০গী পাউতাকশিংগা পুল্লি অমসুং শেনবা চহি ২২দগী ২৬ ফাওবা শাংদোকখ্রে।

হাইয়র এজুকেসন

ইন্দিয়ন ইন্সতিত্যুত ওফ তেক্নোলোজী (আই.আই.তি.) অমসুং ইন্দিয়ন ইন্সতিত্যুত ওফ মেনেজমেন্ত (আই.আই.এম.)গী মশিংনা ইং ২০১৪দা মথংশিৎনা ১৬ অমসুং ১৩ ওইরম্বদগী ইং ২০২২দা মথংশিৎনা ২৩ অমসুং ২০ লৈরে। ইং ২০১৪দা ৯ লৈরম্বা ইন্দিয়ন ইন্সতিত্যুত ওফ ইনফোর্মেসন তেক্নোলোজী (আই.আই.আই.তি.) মশিং হেনগত্তুনা ইং ২০২২দা ২৫ য়ৌরে।

হাইয়র এজুকেসনগী অপুনবা এনরোলমেন্তনা শেনবা চহি ২০দা করোর ৩.৯ লৈরম্বদগী শেনবা চহি ২১দা চাউরাক্না করোর ৪.১দা হেনগৎলকখি। হাইয়র এজুকেসনগী মিং চনবদা শেনবা চহি ১৫গী মতুংদা ২১% হেনগৎখি। হাইয়র এজুকেসন্দা নুপীশিংনা মিং চনবগী চাংনা শেনবা চহি ২০দা ওইরম্বা করোর ১.৯দগী শেনবা চহি ২১দা করোর ২দা হেনগৎখি।

মহৈরোইশিংগী হাইয়র এজুকেসনগী অপুনবা এনরোলমেন্ত মশিং

দিস্তেন্স এজুকেসন্দা মিং চনবগী চাংনা শেনবা চহি ১৫দগী ২০% অমসুং শেনবা চহি ২০গা চাংদম্নবদা চাউরাকপা ৭% হেনগৎখি। হাইয়র এজুকেসনগী জি.ই.আর.না শেনবা চহি ২১দা ২৭.৩% লৈখি, শেনবা চহি ২০দা ২৫.৬ লৈখি। নুপাশিংগী জি.ই.আর.না শেনবা চহি ২০গী ২৪.৮দগী শেনবা চহি ২১দা ২৬.৭ য়ৌখি, নুপীশিংগী জি.ই.আর.না মান্নবা মতমসিদা ২৬.৪দগী ২৭.৯দা ফগৎখি।

হাইয়র এজুকেসনগী ফেকলতী/তীচরগী অপুনবা মশিংনা ১৫,৫১,০৭০নি অমসুং মসিগী মনুংদগী নুপানা ৫৭.১%নি অমসুং নুপীনা ৪২.৯%নি।

সর্ভে অসিনা হাইয়র এজুকেসন ইন্সতিত্যুসনশিংগী রিসর্চ অমসুং দিভেলপমেন্ত সেল (আর.দি.সি.), মতম অমত্তদা একাদমিক প্রোগ্রাম অনি তম্বগী গাইদলাইন, এজুকেসন লোন্দা ইন্তরেস্ত সবসিদী পীবনচিংবা খোঙথাং কয়াবু থাগৎখি।

এজুকেসন মন্ত্রালয়না য়ু.জি.সি. অমসুং বনারস হিন্দু য়ুনিবর্সিতীগা খুৎশম্নরগা জুলাই ৭-৯, ২০২২দা পাংথোকখিবা নুমিৎ হুম্নিগী অখিল ভারতিয় শিক্ষা শামাগামগী মতাংদসু সর্ভে অসিনা পনখি। থৌরম অসিনা পব্লিক অমসুং প্রাইভেত য়ুনিভর্সিতীশিংগী ভাইস চান্সেল্লর অমসুং দাইরেক্তর ৩০০, এজুকেস্নিস্ত, পোলিসীমেকরশিংগা লোয়ননা ইন্দস্ত্রীগী মীহুত কয়া অমত্তা ওইনা পুরক্তুনা এন.ই.পি. ২০২০গী থৌওং কয়া অমা মমাংগী চহি ২দা মায় পাক্না পাংথোকখ্রবা মতুংদা মখা তাবা ওইনা লৈবাক পুম্বদা করম্না চৎনহনগনি হায়বগী মতাংদা খন্ন-নৈনহনখি। এজুকেস্নেল ইন্সতিত্যুসন কয়ানা থেংনরিবা শিংনবা কয়াগী মতমগা চুনবা ৱারোইশিন করম্না পুরক্কনি হায়না খন্ন-নৈনবগী প্লেতফোর্ম অমনা সম্মিত অসিনা পীখি।

******