শেল-থুম মন্ত্রালয়

বজেত ২০২৩-২৪দা অমৃত কালগী মঙলান য়াওরি-শক্তি লৈবা অমসুং অপুনবা ইকোনোমি অমগী ব্লু প্রিন্তনি


খুদোংচাবা মরিনা লমজিংদুনা মাইকৈ অহুম ফাংবা মীৎয়েংনা অমৃত কালগী য়ুম্ফম ওইরি

অমৃত কালগী পান্দম লমজিংনবা মরুওইবা থবক তরেৎনা সাপ্তরিসি ওইনা থবক তৌগনি

খুৎহৈবশিংগী অনৌবা স্কিম-পি.এম বিশ্বকর্মা কাউসাল সাম্মান (পি.এম বিকাস) লাউথোক্লে

Posted On: 01 FEB 2023 1:34PM by PIB Imphal

ঙসি ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নির্মালা সিতারমন্না সংসদতা পুথোকখিবা য়ুনিয়ন বজেত ২০২৩-২৪দা শক্তি লৈবা অমসুং খুদিংমক কোনশিনবা ঙমগদবা ইকোনোমি অমগী মমি তাগদবা অমৃত কালগী মঙলান উৎখ্রে। মহাক্না হায়খি চাউখৎপগী কান্নবশিং মফম খুদিং অমসুং নাগরিক খুদিংমক, মরুওইনা ঐখোয়গী নহারোলশিং, নুপীশিং,লৌমীশিং, ও.বি.সিশিং, সেদুল কাস্তশিং অমসুং সেদুল ত্রাইবশিংদা য়ৌহনবা ঙম্বা নুংঙাই-য়াইফবা অমসুং অপুনবা ভারত অমগী ঐখোয়না পান্দম থম্লি।

অমৃত কালগী পান্দম-শক্তি লৈবা অমসুং খুদিংমক কোনশিনবা ইকোনোমি অমা

য়ুনিয়ন ফাইনান্স মিনিস্তরনা হায়খি অমৃত কালগী ঐখোয়গী পান্দম অসিদা তেক্নোলোজিনা লমজিংবা অমসুং লৌশিংদা য়ুম্ফম ওইবা ইকোনোমি অমসুং মপাঙ্গল কনবা ফাইনান্সিএল সেক্তর অমা লৈহনবা য়াওরি। মসি ফংনবা সবকা সাথ সবকা প্রয়াসকী খুৎথাংদা জন ভাগিধারি দরকার ওই।

মসিগী পান্দম অসি ফংনবা মরুওইবা থবক অহুমদা মীৎয়েং চংগনি:

১. মখোয়গী অপাম্বশিং থুংনবা মীয়াম অমসুং মরুওইনা নহারোলশিংদা খুদোংচাবা মরাংকাইনা পীবা;

২. চাউখৎনবা অমসুং থবক পীনবা অকনবা থবক লৌখৎপা; অমসুং

৩. মেক্রো-ইকোনোমিগী মপাঙ্গল কনখৎহনবা

https://static.pib.gov.in/WriteReadData/userfiles/image/image001ZQK5.jpg

India@100 য়ৌনবা লৈবাক অসিগী খোঙচৎতা, হায়রিবা মরুওইবা থবকশিং অসি পাংথোক্নবা, বজেত অসিনা খুদোংচাবা মরি মশক খঙদোক্লে:-

১.  এস.ঐচ.জিশিংগী খুৎথাংদা নুপীশিংদা শেন-থুমগী শক্তি পীবা:

য়ুনিয়ন ফাইনান্স মিনিস্তরনা হায়খি সেল্ফ হেল্প গ্রুপ লাখ ৮১দা খুঙ্গংগী নুপীশিং শরুক য়াহন্দুনা দিনদয়াল অন্তয়োদয়া য়োজনা নেসনেল রুরেল লাইভলিহুদ মিসন মাইপাক্লে। পোৎথোক য়াম্না পুথোকপা ইন্তরপ্রাইজশিং ওইনা শেমগৎতুনা অমসুং ফজনা য়েংশিন্দুনা ঐখোয়না হায়রিবা কাংলুপ অসি শেন-থুমগী শক্তি পীবগী মথংগী থাক অমদা পুখৎপা ঙমগনি। রো মেতরিএলশিং ফংহনবা, হেন্না ফজবা দিজাইনশিং, মগুন লৈহনবা, ব্রান্দ শেমগৎপা অমসুং মখোয়গী পোৎথোকশিং য়োনফম পীনবা মখোয়গী মতেং পাংগনি। মতেং কয়া পাংদুনা মখোয়গী থবকশিং পাক-চাউরবা কৈথেলগী মশিং য়াম্লবা কঞ্জুমরশিং য়ৌনবা অমসুং স্তার্দ-অপশিং ‘য়ুনিকোর্ন’ ওইনা চাউখৎনবা মখোয়না থবক তৌবা ঙমগনি।

https://static.pib.gov.in/WriteReadData/userfiles/image/image002BHW6.jpg

২. পি.এম বিশ্বকর্মা কাউসাল সাম্মান(পি.এম বিকাস):

মীয়াম্না বিশ্বকর্মা হায়না খঙনবা খুৎহৈবশিংগী অনৌবা স্কিম অমা য়ুনিয়ন ফাইনান্স মিনিস্তরনা লাউথোকখি। মখোয়না পুথোকপা কলা অমসুং হেন্দিক্রাফ অসি অত্মানির্ভর ভারতকী অশেংবা ৱাখল্লোনগী মহুৎশিল্লি অমসুং অহানবা ওইনা, মখোয় মতেং পাংনবা পেকেজ অমা শেম্লে।

অনৌবা স্কিম অসিনা পাংথোক্কনি:-

(ক) মখোয়গী পোৎথোকশিং মগুন হেনগৎহনবা, মশিং পুথোকপা অমসুং কৈথেল য়ৌবদা মতেং পাংগনি অমসুং মখোয় এম.এস.এম.ই ভেলু চেন্দগা পুনশিনগনি।

(খ) শেন্থং পীবা খক নত্তনা অৱাংবা থাক্কী স্কিল ত্রেনিং, অনৌবা দিজিতেল তেক্নিকশিং, গ্রিন তেক্নোলোজিশিং, ব্রান্দ শেমগৎপা, লমদম অসিগী অমসুং মালেমগী কৈথেলশিংগা শম্নহনবা, দিজিতেল পেমেন্তশিং অমসুং সোসিএল সেকুরিতিগী খুদোংচাবা পীগনি।

 (গ) সেদুল কাস্তশিং, সেদুল ত্রাইবশিং, ও.বি.সিশিং, নুপীশিং অমসুং তোল্লবা কাংলুপকী মীওইশিং কান্নবা ফংগনি।

৩. মিসনগী মওংদা তুরিজম চাউখৎহনবা

লৈবাক অসিগী অমসুং মপানগী লমকোয়বা মীওইশিংগী লৈবাক অসিদা লৈরিবা তুরিজমগী খুদোংচাবা কয়াগী মতাংদা য়ুনিয়ন ফাইনান্স মিনিস্তরনা হায়খি সেক্তর অসিদা নহারোলশিং থবক পীনবা অমসুং ওন্ত্রেপ্রেনিউয়রশিপকী য়াম্লবা খুদোংচাবা কয়া লৈরি অমসুং তুরিজমদা কান্নবা লৌবা য়াবা খুদোংচাবা কয়া লৈরে। মিসনগী মওংদা তুরিজম চাউখৎনবা থবক পায়খৎকনি অমসুং মসিদা রাজ্যশিং থৱায় য়াওনা শরুক য়াগনি অমসুং সরকারগী থবকশিং অমসুং সরকার-লনাইগী থবকশিং পুনশিনগনি।

৪. গ্রিন গ্রোথ

য়ুনিয়ন ফাইনান্স মিনিস্তরনা হায়খি গ্রিন গ্রোথতা সরকারনা মীৎয়েং চংবদগী ইকোনোমিদা কার্বোন পুথোকপা হন্থবদা মতেং পাংলে অমসুং গ্রিন জোবকী খুদোংচাবা কয়া পীরে। মৈখু চেন্দবা থাউ, মৈখু চেন্দবা ইনর্জি, মৈখু থোকহন্দনা লৌ উবা, মৈখু থোকহন্দনা গারি থৌবা, গ্রিন ব্লিদিং অমসুং গ্রিন ইকুইপমেন্তগীদমক ঐখোয়না থবক কয়া পায়খৎলে অমসুং ইকোনোমিগী সেক্তর কয়াদা ইনর্জি লিক্না শীজিন্ননবা থৌশিলশিং লৈরে।

https://static.pib.gov.in/WriteReadData/userfiles/image/image003MELM.jpg

সাপ্তরিসি: বজেত ২০২৩-২৪গী মরুওইবা থবক তরেৎ

অমৃত কালদা য়ুনিয়ন ফাইনান্স মিনিস্তরনা লাউথোক্লিবা অহানবা বজেত অসি মরুওইবা থবক তরেৎনা লমজিংগনি অমসুং মখোয় অমনা অমবু শৌগৎনগনি অমসুং সাপ্তরিসি ওইনা থবক তৌগনি।

১) পুন্না চাউখৎমিন্নবা

২) মনুং-হুঞ্জিনবা মফমশিং য়ৌহনবা

৩) ইনফ্রাস্ত্রকচর অমসুং ইনভেস্তমেন্ত

৪) শীজিন্নদনা লৈরিবা খুদোংচাবশিং শীজিন্নবা

৫) গ্রিন গ্রোথ

৬) নহারোলগী শক্তি

৭) ফাইনান্সিএল সেক্তর

https://static.pib.gov.in/WriteReadData/userfiles/image/image004ADNE.jpg

সবকা সাথ সবকা বিকাস

বজেত ২০২৩-২৪গী মরুওইবা পান্দমদি পুন্না চাউখৎমিন্ননবা মীৎয়েং চংবনি। য়ুনিয়ন মিনিস্তরনা হায়খি সবকা সাথ সবকা বিকাসকী সরকারগী ৱাঙুলোন অসিনা পুন্না চাউখৎমিন্ননবা লৌমীশিং, নুপীশিং, নহারোলশিং, ও.বি.সিশিং, সেদুল কাস্তশিং, সেদুল ত্রাইবশিং, দিবয়াংজনশিং অমসুং শেন-থুমগী ফিবম শোক্লবা কাংলুপশিংদা খুদোংচাবা পীরে। জে অমসুং কে, লাদাখ, অৱাং-নোংপোক্তা মীৎয়েং থম্লে। হায়রিবা থবকশিং অসিদা য়ুম্ফম ওইরগা বজেত অসি শেমখিবনি।

*****



(Release ID: 1895614) Visitor Counter : 151