‏مرکزی وزیر داخلہ و تعاون جناب امت شاہ نے آج ویڈیو کانفرنسنگ کے ذریعے اجین، مدھیہ پردیش میں ایس جی ایم ایل آئی ہاسپٹل کا افتتاح کیا‏‏۔‏‏ ‏‏ مدھیہ پردیش کے وزیر اعلی شیوراج سنگھ چوہان اور دیگر معززین اس موقع پر موجود تھے۔ ‏

‏جناب امت شاہ نے اپنے خطاب کا آغاز مہاتما گاندھی کو ان کی 75 ویں برسی پر خراج عقیدت پیش کرتے ہوئے کیا۔ انھوں نے کہا کہ باپو نے نہ صرف بھارت کے عدم تشدد کے پیغام کو پوری دنیا میں پھیلایا بلکہ اسے تسلیم بھی کرایا۔ ‏

‏مرکزی وزیر داخلہ نے کہا کہ مدھیہ پردیش کا اجین دھام ہمیشہ سے ملک کے کروڑوں عقیدت مندوں کے لیے عقیدت  کا مرکز رہا ہے اور بھگوان مہاکال کا مندر ویدوں کے زمانے سے ہی ہمارے ملک کی تاریخ میں بہت اہم رہا ہے۔ انھوں نے کہا کہ اجین کے کئی مندر پوری دنیا کی توجہ کا مرکز بنے ہوئے ہیں اور حال ہی میں وزیر اعظم جناب نریندر مودی جی نے اجین کی عظمت اور اس کے عقیدے کی تعمیر نو کے لیے مہاکال لوک کی عظیم الشان راہداری کا آغاز کیا ہے۔ مہاکال لوک کی تشکیل کے ساتھ ہی ملک بھر میں کروڑوں لوگوں کی عقیدت کے مرکز کو مزید مضبوط بنانے کا کام کیا گیا ہے۔‏

‏جناب امت شاہ نے کہا کہ آج یہاں آنکھوں کے ایک اسپتال کا افتتاح کیا جارہا ہے۔ انھوں نے کہا کہ بھگوان سوامی نارائن اترپردیش سے گجرات آئے تھے اور مستقل رہائش اختیار کی تھی اور علم حاصل کرنے اور اسے لوک بھویا بنانے کے لیے ملک بھر کا سفر کیا تھا اور پوری دنیا بالخصوص گجرات کے لوگوں کی فلاح و بہبود کے لیے بہت سے کام کیے تھے۔ جناب شاہ نے کہا کہ 200 سال پہلے انھوں نے سوامی نارائن فرقے کی بنیاد رکھی تھی جو آج بھارت میں ایک بڑے برگد کے درخت کے طور پر ایک قطب تارے کی طرح موجود ہے۔‏

‏مرکزی وزیر داخلہ نے کہا کہ سوامی نارائن فرقے نے کئی طرح کے خدمت کے کام کیے ہیں۔ انھوں نے کہا کہ گجرات میں سوامی نارائن فرقے کے مختلف اداروں نے تعلیم کے میدان میں بہت بڑا حصہ ڈالا ہے۔ جناب شاہ نے کہا کہ سوامی نارائن فرقے کے گروکلوں میں جن طلبہ کے پاس فنڈز کی کمی ہے انھیں مذہب کی رسومات کے ساتھ ساتھ اعلیٰ ترین تعلیم فراہم کرنے کا انتظام کیا گیا ہے۔ انھوں نے کہا کہ سوامی نارائن فرقے نے تعلیم کے میدان کے ساتھ ساتھ ملک کے کروڑوں نوجوانوں کو منشیات سے پاک کرنے کا عظیم کام کیا ہے۔ انھوں نے کہا کہ نشے سے چھٹکارا سوامی نارائن کا موضوع تھا اور انھوں نے لوگوں کو مذہب سے جوڑ کر منشیات سے پاک کرنے کے لیے ایک بہت بڑی مہم شروع کی تھی۔ جناب شاہ نے کہا کہ 50 بستروں پر مشتمل یہ آئی ہاسپٹل لوگوں کو مختلف قسم کی آنکھوں کی بیماریوں سے نجات دلانے کا کام کرے گا۔ انھوں نے کہا کہ 15 کروڑ روپے کی لاگت سے تعمیر ہونے والا یہ آئی ہاسپٹل اجین دھام اور آس پاس کے لوگوں کے لیے آنکھوں کی بہت سی بیماریوں کے علاج میں مدد کرنے کے لیے کام کرے گا۔ ‏

‏جناب امت شاہ نے کہا کہ وزیر اعظم جناب نریندر مودی کی حکومت نے صحت کے شعبے میں آیوشمان بھارت اسکیم کے ذریعے ملک کے 80 کروڑ غریب لوگوں کو 5 لاکھ روپے تک کے صحت کے تمام اخراجات سے نجات دلائی ہے۔ انھوں نے کہا کہ پوری دنیا میں 80 کروڑ لوگوں کو 5 لاکھ روپے تک کا مکمل صحت کا خرچ دینے کی یہ پہلی اور واحد مثال ہے۔ جناب شاہ نے کہا کہ میڈیکل کالجوں کی تعداد 387 سے بڑھا کر 596 کردی گئی ہے، ایم بی بی ایس کی نشستوں کی تعداد 51000 سے بڑھا کر 89000 کردی گئی ہے اور پی جی نشستوں کی تعداد 31000 سے بڑھا کر 60000 کردی گئی ہے۔ انھوں نے کہا کہ کالجوں کی تعداد میں 55 فیصد اضافہ، ایم بی بی ایس کی نشستوں میں ڈیڑھ گنا اضافہ اور ایم ایس‏‏ ‏‏اور ایم ڈی کی نشستوں کی تعداد دوگنی کرنے سے بھارت کی صحت کی ساخت بہت مضبوط ہوگی۔ جناب شاہ نے کہا کہ مودی حکومت نے 22 نئے ایمس قائم کیے ہیں جس سے بیماریوں کے علاج میں غریبوں کو بہت فائدہ ہوگا۔ جناب شاہ نے مدھیہ پردیش کے وزیر اعلی ٰ شیوراج سنگھ چوہان جی کو پورے بھارت میں پہلی بار بھارتی زبان میں طبی تعلیم متعارف کرانے پر مبارکباد دی اور کہا کہ ایم بی بی ایس کے تمام کورسوں کا مکمل ہندی میں ترجمہ کرکے شیوراج جی نے ہماری بھارتی زبانوں کو ایک نئی رفتار دینے کا کام کیا ہے۔ ‏

***

(ش ح – ع ا – ع ر)

U. No. 994