ইলেক্সন কম্মিসন ওফ ইন্দিয়ানা জনুৱারী ২৫, ২০২৩দা ১৩শুবা নেস্নেল ভোতর্স দে পাঙথোক্কদৌরি‍।

ইলেক্সন কম্মিসন ওফ ইন্দিয়ানা শিন্দুনা নই দিল্লীদা পাঙথোক্কদৌরিবা নেস্নেল ফংসন অসিদা ইকায়খুম্নরবা ভারতকী রাস্ত্রপতী শ্রীমতী দ্রৌপদী মুরমুনা অথোইবা মীথুং ওইনা শরুক য়াগদৌরি‍। লো অমসুং জস্তিসকী কেন্দ্র মন্ত্রী শ্রী কিরন রিজিজুনা ইকায়খুম্নরবা মীথুং ওইনা থৌরমদুদা শরুক য়াগনি‍।

চহি অসিগী এন.ভি.দি.গী থীম, ‘নথিং লাইক ভোতিং, আই ভোৎ ফোর স্যুর’ অসি মখোয়গী ভোৎকী শক্তিগী শীজিন্নদুনা ইলেক্তোরেল প্রোসেসতা শরুক য়ানবগী মশাগী ওইনা ইতিল অমদি অপাম্বা ফোঙদোক্লিবা ভোতরশিংগী মফমদা কত্থোকপনি‍। লোগো অসি ইলেক্তোরেল প্রোসেসকী ফেস্তিবিতী অমদি ইনক্লুজিবিতী উৎনবা মওংদা শেম্বনি‍। বেকগ্রাউন্দদা য়াওরিবা অসোক চক্র অসিনা মালেমগী খ্বায়দগী চাউবা দিমোক্রেসী উৎপনি, অদুগা মুক তৈরবা খুৎশা অসিনা লৈবাকসিগী ভোতর খুদিংমক শরুক য়াবগী মতৌ উৎপনি‍। লোগোদা য়াওরিবা তিক মার্ক অসিনা ভোতরশিংনা ৱাখল তানা লৌরিবা ফিরেপ উৎলি‍।

নই দিল্লীদা পাঙথোক্কদৌরিবা থৌরম অসিদা, ইকায়খুম্নরবা রাস্ত্রপতীনা ইং ২০২২গী নেস্নেল এৱার্দশিং লান্থোক্কনি‍। নেস্নেল এৱার্দ ফোর বেস্ত ইলেক্তোরেল প্রাক্তিস ২০২২দা তোঙান তোঙানবা মীখলশিংদা আই.তি. ইনিসিএতিবশিং, সিক্যুরিতী মেনেজমেন্ত, ইলেক্সন মেনেজমেন্ত, এসেসিবল ইলেক্সন, ইলেক্তোরেল বোন্দনচিংবা তোঙান তোঙানবা হীরমশিংদা মখোয়না উৎখিবা মশক নাইবা থৌওংশিং অমদি ভোতর এৱ্যারনেস অমসুং আউতরীচগী লমদা লৌখিবা থৌদাংশিংগীদমক স্তেৎ অমদি দিস্ত্রিক্ত থাক্কী ওফিসরশিংদা লান্থোক্কদবনি‍। নেস্নেল এৱার্দ অসি লৈঙাক্কী দিপার্তমেন্তশিং অমদি মীদিয়া ওর্গনাইজেসন্নচিংবা মরুওইবা স্তেকহোল্দরশিংদসু ভোতর এৱ্যারনেসকী লমদা মখোয়না লৌখিবা মমল নাইদ্রবা থৌদাংগীদমক লান্থোক্কনি‍।

ই.সি.আই. পব্লিকেসন ‘ইলেক্তিং দি ফর্স্ত প্রেসিদেন্ত – এন ইলস্ত্রেতেদ গ্রোনিকল ওফ ইন্দিয়া’স প্রেসিদেন্সিএল ইলেক্সন’গী অহানবা কোপী অমসু চীফ ইলেক্সন কম্মিস্নর শ্রী রাজিব কুমারনা ইকায়খুম্নরবা রাস্ত্রপতীগী মফমদা খুদোল তমগনি‍। অসিগুম্বা মখলগী অহানবা ওইরিবা লাইরিক অসিনা লৈবাকসিগী রাস্ত্রপতীগী মীখলগী পুৱারী ওইরবা খোঙচৎগী চাউরাকপা মশকশিং উৎলি‍। মসিনা প্রেসিদেন্সিএল ইলেক্তোরেল সিস্তেমগী অমদি মসিগা মরী লৈনবা সংবিধানগী ৱাফমশিংগী মশক অমা হৌখিবা রাস্ত্রপতীগী মীখল ১৬কী খোঙলৈগী খুত্থাঙদা উবা ফংহল্লি‍।

ই.সি.আই.না সুভাস ঘাই ফাউন্দেসনগা খুৎশম্নদুনা পুথোকপা ই.সি.আই.গী ঈশৈ – “মে ভারত হুং – হম ভারত কে মতদাতা হে’ অমসু উৎকনি‍। ঈশৈ অসিনা ভোৎকী মতিক পুথোক্তুনা মালেমগী খ্বায়দগী চাউবা অমদি খ্বায়দগী মশক মচু নাইবা দিমোক্রেসীগী ইনক্লুজিব, এসেসিবল, পার্তিসিপেতিব অমদি ফেস্তিব ওইবা মীখলগী ৱাখল্লোনবু সেলেব্রেৎ তৌরি‍।

ইং ২০১১দগী হৌরগা, নেস্নেল ভোতর্স দে চহি খুদিংগী জনুৱারী ২৫দা লৈবাক শিনবা থুংনা ইলেক্সন কম্মিসন ওফ ইন্দিয়া লিংখৎখিবা নুমিৎ হায়বদি জনুৱারী ২৫, ১৯৫০ নুমিৎ অসি লৌদুনা পাঙথোকপনি‍। এন.ভি.দি. পাঙথোকপগী মরুওইবা পান্দমদি মীয়ামগী মরক্তা মীখলগা মরী লৈননা ৱাখল তাহনবা অমদি মখোয়বু ইলেক্তোরেল প্রোসেসতা শরুক য়াহন্নবা পুক্নিং থৌগৎপনি‍। লৈবাকসিগী ভোতরশিংদা কত্থোক্লবা, নেস্নেল ভোতর্স দে অসি ভোতরশিং, মরুওইনা নৌনা মিং চনবা য়ারবা নহা ওইরিবা ভোতরশিং মিং চলহন্নবগী থৌরাংসু য়াৎলি‍। লৈবাক শিনবা থুংনা এন.ভি.দি. ফংসনশিংদা অনৌবা ভোতরশিং তরাম্না ওক্তুনা মখোয়গী ইলেক্তর ফোতো আইদেন্তিতী কার্দ (ইপিক)সু য়েন্থোকই‍।

এন.ভি.দি. লৈবাক্কী, স্তেৎকী, দিস্ত্রিক্তকী, কন্সতিত্যুএন্সী অমদি পোলিং বুথকী থাক্তা পাঙথোক্তুনা লৈবাকসিগী খ্বায়দগী চাউবা থৌরম ওইহল্লি‍।

****