জনুৱারি ২১-জনুৱারি ২২, ২০২৩দা নিউ দিল্লিগী নেসনেল এগ্রিকলচরেল সাইন্স কমপ্লেক্স, পুসাদা পাংথোক্কদবা ভারত পুম্বগী পুলিসকী দিরেক্তর জেনরেলশিং/ ইন্সপেক্তর জেনরেলশিংগী মীফমদা প্রধান মন্ত্রী শ্রী নরেন্দ্র মোদী শরুক য়াগনি।

নুমিৎ হুম্নি চুপ্না জনুৱারি ২০-জনুৱারি ২২ ফাওবা পাংথোক্কদবা মীফম অসি হায়ব্রিদকী মওংদা পাংথোক্কনি। মীফম অদুদা রাজ্যশিং/য়ু.তিশিংগী দি.জি.পিশিং অমসুং সেন্ত্রেল আর্মদ পুলিস ফোর্সশিং অমসুং সেন্ত্রেল পুলিস ওর্গনাইজেসনশিংগী মকোকশিং য়াওনা ওফিসিএল ১০০ রোম হকথেংন্না শরুক য়াগনি অমসুং লেমহৌরিবা অতৈ ওফিসিএলশিংনা ভারতকী মফম কয়াদগী ভর্চুএল ওইনা শরুক য়াগনি।

মীফম অদুদা সাইবর ক্রাইম, পুলিসকী থবক্তা তেক্নোলোজি, তেরোরিজম লাকশিনবদা থেংনরিবা খুদোংচাদবশিং, লেফ ৱিং এক্সত্রিমিজম, ত্রেনিং, জেলশিং অওনবা পুরকপা অমসুং অতোপ্পা হিরম কয়া খন্নগনি। লেপথোক্লবা থিমশিংদা জিলা, রাজ্য অমসুং কেন্দ্র থাক্কী পুলিস অমসুং ইন্তিলিজেন্স ওফিসারশিংনা মীফম অসিদা মরুওইবা ৱাফম কয়া খন্নগনি। রাজ্যশিংনা অমনা অমদগী তম্নবা মীফম অদুদা থিম অমগী মখাদা রাজ্যশিং/য়ু.তিশিংগী খ্বাইদগী ফবা থবকশিং উৎকনি।

২০১৪দগী হৌনা প্রধান মন্ত্রীনা দি.জি.পিগী মীফমদা থৱায় য়াওদুনা লাক্লি। মমাঙদা মমিংতগী ওইনা প্রধান মন্ত্রী শরুক য়ারম্বা অদুগী মান্নদবা মওংদা, মীফম অসিগী মরুওইবা সেসনশিং পুম্নমক মহাক ফমদুনা শরুক য়াখি। খন্নবা খুদিংমক প্রধান মন্ত্রীনা তুমিন্না তাবা খক নত্তনা, অনৌবা ৱাখল্লোনশিং থোরক্নবা মনিংতম্না খন্ন-নৈনবা পুক্নিং থৌগৎখি। লৈবাক অসিগী মকোক থোংবা পুলিস ওফিসিএলশিংনা মরুওইবা পুলিসকী থবকশিং অমসুং লৈবাক মনুংগী ঙাক-শেনগী মতাংদা হকথেংন্না প্রধান মন্ত্রীদা পাউদম্বা য়ানবা মখোয়দা মনিংতম্না অমসুং লৌথুপ-লৌকোই লৈতনা ৱাফম কয়া ফোঙদোকহনখি।

মখা তানা, প্রধান মন্ত্রীগী পান্দম্না লমজিংদুনা, হৌজিক লৈরিবা ফিবম অসি অশোই-অঙাম থোকহন্দনবা খক নত্তনা, লাক্কদবা শিংনবশিং থেংনবা ঙম্নবা পুলিসকী থবকশিংগী তুংগী পান্দমশিং খন্নবা মীফম অসিদা হৌদোকখি।

২০১৪দগী লৈবাক্কী মফম শীনবা থুংনা চহিগী ওইবা দি.জি.পিগী মীফম পাংথোকপা প্রধান মন্ত্রীনা পুক্নিং থৌগৎখি। মীফম অসিদা ২০১৪দা গুৱাহাতিদা, ২০১৫দা ধোরদো, রন ওফ কুতচ, ২০১৬দা নেসনেল পুলিস একাদেমী, হায়দ্রবাদ, ২০১৭দা বি.এস.এফ একাদেমি, তেকানপুর, ২০১৮দা কেবারিয়া অমসুং ২০১৯দা আই.আই.এস.ই.আর পুনে অমসুং ২০২১দা পুলিস হেদক্বাতরস লখনৌদা পাংথোকখ্রে।

***