মরুওইবা ৱাফমশিং:

• য়ুথ এফেয়ার্স অমসুং স্পোর্তস মিনিস্ত্রিনা কর্নাতকা সরকারগা খুৎশম্নদুনা জনুৱারি ১২-১৬ ফাওবা কর্নাতকাগী হুবলী-ধরৱাদতা ২৬শুবা নেসনেল য়ুথ ফেস্তিবেল পাংথোক্কনি।
• চহি অসিগী ফেস্তিবেলগী থিমদি ‘ভিকসিত য়ুব ভিকসিত ভারত’ নি।

শ্বামী বিবেকানন্দগী মপোক নুমিৎ জনুৱারি ১২দা প্রধান মন্ত্রী শ্রী নরেন্দ্র মোদীনা কর্নাতকাগী হুবলীদা চহি অসিগী নেসনেল য়ুথ ফেস্তিবেল হৌদোক্কনি। ৱাফম অসি ঙসি নিউ দিল্লিদা পাউমীশিংদা য়ুথ এফেয়ার্স অমসুং স্পোর্তসকী য়ুনিয়ন মিনিস্তর শ্রী অনুরাগ থাকুরনা লাউথোকখিবনি। য়ুথ এফেয়ার্স অমসুং স্পোর্তস মিনিস্ত্রিনা কর্নাতকা সরকারগা খুৎশম্নদুনা জনুৱারি ১২-১৬ ফাওবা কর্নাতকাগী হুবলী-ধরৱাদতা ২৬শুবা নেসনেল য়ুথ ফেস্তিবেল পাংথোক্কনি।

শ্রী অনুরাগ থাকুরনা হায়খি ঐখোয়না অজাদি কা অমৃত কাল পাংথোকপগা লোয়ন্না, ফেস্তিবেল অসিগী পান্দমদি অমৃত কাল মনুংদা লৈবাক শেমগৎপদা নহারোলশিংগী থৌদাং হেনগৎহনবনি। মরম অসিনা, প্রধান মন্ত্রীনা নহারোলশিংদা শন্দোক্লিবা ‘পঞ্চ প্রান’গী পাউজেল অসি য়ৌহনবদা ফেস্তিবেল অসিনা মতেং পাংগনি। চহি অসিদা ভারতনা জি-১০গী প্রসিদেন্দ ওইরিবা অসি ভারতমচা খুদিংমক্না চাউথোকচফম্নি। জি-২০গী মখাদা য়ুথ-২০গীদমক লৈবাক শীনবা থুংনা মিনিস্ত্রিনা ‘য়ুথ তোক্লস’ শীল্লি। নহারোলশিং য়ুথ-২০গী মরমদা ৱাখল তাহন্নবা নেসনেল য়ুথ ফেস্তিবেল অসি লৈবাক শীনবা থুংনা পাংথোক্কদৌরিবা য়ুথ-২০গী থৌরাং তৌবা ওইনা শীনবনি। শরুক য়ারিবশিংনা লৈবাক শীনবা থুংনা য়ুথ-২০গী পাউজেলশিং অমসুং থিমশিং য়ৌহনগনি। ফেস্তিবেল অসিদা মশা মরোমদোম তুমজবা পোৎলমশিং খক শীজিন্নবা মরম্না মসি গ্রিন ফেস্তিবেল অমা ওইনা পাংথোক্লি। মসিনা প্রধান মন্ত্রীগী মিসন লাইফ অমসুং গ্রিন ইনর্জিদা মীৎয়েং থম্লি।

ভারত সরকারগী য়ুথ এফেয়ার্স দিপার্তমেন্তগী সেক্রেতরি, শ্রীমতি মিতা আর লোচানা হায়খি য়ুথ এফেয়ার্স অমসুং স্পোর্তস মিনিস্ত্রিনা কর্নাতকা সরকারগা খুৎশম্নদুনা জনুৱারি ১২দগী জনুৱারি ১৬ ফাওবা কর্নাতকাগী হুবলী-ধরৱাদতা ২৬শুবা নেসনেল য়ুথ ফেস্তিবেল পাংথোক্কনি। হৌদোকপগী থৌরমদা নহারোল ৩০,০০০ হেন্না শরুক য়াগনি অমসুং প্রধান মন্ত্রীনা মখোয়দা মহাক্কী পান্দমশিং থমগনি। নুমিৎ মঙানিগী অখন্নবা থৌরম অসিদা, ভারতকী মফম পুম্নমক্তগী নহারোল দেলিগেদ ৭৫০০দা মখোয়না থবক তৌরিবা হিরমশিং শকখঙলবা লুচিংবশিংনা তোঙান-তোঙানবা তাকপী-তম্বীবগী থবকশিং পাংথোক্কনি। চহি অসিগী ফেস্তিবেলগী থিমদি ‘ভিকসিত য়ুব ভিকসিত ভারত’ নি।

ফেস্তিবেল অসিদা পাংথোক্কদবা থৌরমশিংদি (১)মহৈরোয়শিংদা য়ুম্ফম ওইবা লৈঙাক অমসুং দিজিতেল ইন্দিয়া হায়বা হিরমদা খন্নগনি। লুচিংবশিং অমসুং অতোপ্পা অখঙ-অহৈশিংনা মীয়ামগী মীহুৎশিংগা লোয়ন্না কমদৌনা মহৈরোয়শিংদা য়ুম্ফম ওইবা লৈঙাক লৈহনগদগে হায়বগী মতাংদা খন্নগনি (২)এদভেঞ্জর স্পোর্তশিং হায়বদি স্কুভা দাইভিং (৩)মমাঙঙৈগী মশান্নশিং হায়বদি কালারিপায়াতু(কেরলা),সিলামবাম(তামিল নাদু), গাতকা(পঞ্জাব), মাল্লাখাম্বা(মহারাস্ত্রা)গী একজিবসিনশিং (৪)তোঙান-তোঙানবা রাজ্যশিংগী নহারোলশিংগী ফোক দান্স অমসুং ফোক ঈশৈ চাংদম্নবনি। অতোপ্পা চাংদম্নবা নত্তবা থৌরমশিংগী মনুংদা য়ুব ক্রিতি, এদভেঞ্জর ফেস্তিবেল, সুভিচার, য়ং আর্তিস্ত কেম্প য়াওরি।

মখাগী থিমশিং অসিদা য়ুথ সম্মিৎগী খন্ন-নৈনবা পাংথোক্কনি: (১) তুংগী থবক, উদোগ, ইন্নোবেসন অমসুং ২১শুবা চহিচাগী স্কিলশিং, (২)অইং-অশাগী খল হোংলকপা অমসুং অমাং-অতা থোকপা হন্থহনবা, (৩) শান্তি পুরকপা অমসুং ৱাখল তামিন্নবা, (৪) গনতন্ত্র অমসুং লৈঙাক্তা তুংগী নহারোলশিং শরুক য়াবা (৫) হকশেল অমসুং নুংঙাই-য়াইফবা অসিনি।

ফেস্তিবেল অসিদা থৌরম কয়া লৈবাক শীনবা থুংনা লাইভস্ত্রিম তৌগনি অমসুং নহারোল করোর কয়া য়েংবা য়াগনি। 

চহি অসিগী ফেস্তিবেল অসিদা অমুক হন্না শীজিন্নবা য়াবা কতলেরি, নেপকিনশিং শীজিন্নদুনা গ্রিন য়ুথ ফেস্তিবেল অমা ওইনা পাংথোক্লি। মেমোন্তোশিং, মেদলশিং অমসুং চে-চাং খুদিংমক অমুক হন্না শীজিন্নবা য়াবা মচাকশিংনা শাবনি। দিস্পোসেবলশিং শীজিন্নবা হন্থহন্নবা ঈশিং য়ানবা মফমশিং হাংদোক্লে।

জনুৱারি ১৫গী অয়ুক পুং ৬দগী পুং ৮ ফাওবগী মনুংদা কর্নাতকাগী জিলা ৩১গী মীওই লাখ ৫ না য়োগাথোন অমা পাংথোক্নবা থৌরাং তৌরি। ফেস্তিবেল মনুং অসিদা লৈবাক শীনবা থুংনা নহারোলশিংনা শরুক য়াগদবা তোঙান-তোঙানবা থৌরমশিং পাংথোক্কনি।

*****