প্রধানমন্ত্রীগী লোইশঙ

পি.এম.না ভিদিও মেসেসকী থোংদা অহানবা ভারত পুম্বগী চহিগী ওইবা রাজ্য মন্ত্রীশিংগী ঈশিংগী মতাংদা পাঙথোকপা মীফমদা ৱা ঙাংখ্রে


“মথংগী চহি ২৫গীদমক্তা অমৃত কালগী খোঙচৎকী মরু ওইবা দাইমেন্সন অসি ৱাতর বিজন @ ২০৪৭না ওইরি”

“মীয়াম্না কেম্পেন অমগা লোয়ননা থবক তৌবা হৌরবা মতমদা মখোয়না থবক অদু কয়া য়াম্না মরু ওইবগে খঙলকই”

“মীয়াম্না স্বচ্ছ ভারত অভিয়ান য়াওশিনবা মতমদা মীয়ামদসু ৱাখল খন্থবা ঙম্বগী ইথিল অমা পোকহনখি”

“লৈবাক অসিনা জিলা খুদিংমক্তা অমৃত সরোভর ৭৫ শারি, হৌজিক ফাওবদা অমৃত সরোভর লিশিং ২৫ শাবা লোইশিনবা ঙমখ্রে”

“জল জীবন মিসন অসি য়ুমথোং খুদিংদা ঈশিং ফংহন্নবা রাজ্য অমগী মরু ওইবা চাউখৎ-থৌরাংগী পেরামিতর অমনি”

“‘পর দ্রোপ মোর ক্রোপ’ কেম্পেনগী মখাদা হৌজিক ফাওবদা লৈবাক্কী লম হেক্তর লাখ ৭০ হেন্না মাইক্রো-ইরিগেসনগী মখাদা লৈহনবা ঙমখ্রে”

“গ্রাম পঞ্চায়তশিংনা মথংগী চহি ৫গীদমক এক্সন প্লান অমা শেমগদবনি মসিদা ৱাতর সপ্লাইদগী লুনানবা আমসুং ৱেস্ত মেনেজমেন্ত ফাওবা য়াওনা রোদমেপ অমা খন্নহৌগদবনি”

“অপুনবা ঈশিংগী ইকোসিস্তেমগী খ্বাইদগী মরু ওইবা শরুক অসি ঐখোয়গী তুরেলশিং, ঐখোয়গী ঈশিংগী ইপাকশিংনা ওইরি”

“নমামি গেঙ্গে মিসন অসিবু তেম্প্লেৎ অমা ওইহন্দুনা অতোপ্পা রাজ্যশিংনা তুরেলশিং কন্নবগীদমক মান্নবা কেম্পেনসু হৌদোকপা য়াগনি”

Posted On: 05 JAN 2023 10:14AM by PIB Imphal

প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা অহানবা ভারত পুম্বগী চহিগী ওইবা রাজ্য মন্ত্রীশিংগী ঈশিংগী মতাংদা পাঙথোকপা মীফমদা ৱা ঙাংখ্রে। কনফরেন্স অসিগী থিম অসি ‘ৱাতর বিজন @ ২০৪৭’ হায়বা অসিনা ওইখি অমসুং ফোরম অসিগী পান্দমদি সস্তেনেবল দিবেলপমেন্ত অমসুং হ্যুমেন দিবেলপমেন্তগীদমক ৱাতর রিসোর্সশিং শীজিন্নবা পাম্বৈশিংগী মতাংদা খন্ন-নৈন্নবা মরু ওইবা পোলিসীমেকরশিং অমত্তা ওইনা পুনশিনবা অসিনা ওইরি।

থৌরম অদুদা ৱা ঙাংবদা প্রধান মন্ত্রীনা ৱাতর সেক্যুরিতীগী লমশিংদা ভারতনা অমুক্তা ওইখিদ্রিবা মওংদা পাইখৎলিবা থবক্কী মতাংদা পল্লদুনা লৈবাক্কী অহানবা ঈশিং মন্ত্রীশিংগী ওইবা ভারত পুম্বগী মীফমগী মরু ওইবা অদু থমখি। প্রধান মন্ত্রীনা হায়খি মদুদি ঐখোয়গী কনস্তিত্যুস্নেল সিস্তেমদা ঈশিংগী হীরম অসি রাজ্যশিংগী কন্ত্রোল মখাদা লৈ অমসুং লৈবাক্কী অপুনবা পান্দমশিং অসি ফংনবা হোৎনবদা রাজ্যশিংগী ঈশিং কন্নবগী খোঙথাংশিংনা চাউনা মতেং ওইগনি। প্রধান মন্ত্রীনা হায়, “মথংগী চহি ২৫গীদমক্তা অমৃত কালগী খোঙচৎকী মরু ওইবা দাইমেন্সন অসি ৱাতর বিজন @ ২০৪৭না ওইরি”।

‘হোল ওফ গভর্নমেন্ত’ অমসুং ‘হোল ওফ কন্ত্রী’গী মহাক্কী বিজন অদু নৌহৌনা থম্লদুনা প্রধান মন্ত্রীনা হায়খি সরকার পুম্নমক্না সিস্তেম অমগুম্না থবক তৌগদবনি মসিদা ঈশিং মন্ত্রালয়, ঈথৈ-লৌখোংগী মন্ত্রালয়, লৌউ-শিংউ মন্ত্রালয়, খুঙ্গং অমসুং সহরগী চাউখৎ-থৌরাং মন্ত্রালয় অমসুং দিজাস্তর মেনেজমেন্ত অসিগুম্বা রাজ্য সরকারশিংগী তোঙান-তোঙানবা মন্ত্রালয়শিংগী মরক্তা তৎতনা ৱারী-ৱাতাই শাগদবনি অমসুং দাইলোগ তৌগদবনি। মহাক্না মখা তারদুনা হায়খি করিগুম্বা বিভাগশিংনা অমগা অমগগী মরক্তা মরী লৈনবা ই-পাউ অমসুং দেতা লৈরগদি মদুনা প্লান্নিং তৌবদা মতেং ওইগনি।

সরকার খক্তনা হোৎনবনা মাইপাকপা পুরকপা ঙমলোই হায়না ফোঙদোক্লদুনা প্রধান মন্ত্রীনা মীয়াম অমদি সোসিএল ওর্গনাইজেসনশিং অমসুং সিভিল সোসাইতীশিংগী থৌদাংগী মতাংদা থমখি অমসুং মখোয়না ঈশিং কনবগা মরী লৈনবা কেম্পনশিংদা চাউনা শরুক য়াবীনবসু হায়খি। প্রধান মন্ত্রীনা মীয়াম্না শরুক য়াবা থৌগৎপনা সরকারগী একাউন্তেবিলিতী হন্থহনদে অমসুং মসিনা মীয়ামদা থৌদাং পুম্নমক পুহল্লু হায়বা নত্তে হায়না শন্দোক্না হায়খি। মহাক্না মখা তারদুনা হায় মদুদি মীয়াম্না শরুক য়াবগী খ্বাইদগী চাউবা কান্নবা অসি কেম্পেন অদুগীদমক হোৎনরিবশিং অমসুং মদুদা তৌরিবা শেলগী চাদিংগী মতাংদা মীয়ামদা ৱাখল তাহনবা অসিনা ওইরি। মহাক্না হায়, “মীয়াম্না কেম্পেন অমগা লোয়ননা থবক তৌবা হৌরবা মতমদা মখোয়না থবক অদু কয়া য়াম্না মরু ওইবগে খঙলকই। মসিনা মরম ওইদুনা স্কিম নত্ত্রগা কেম্পেন অমা হেক্তদা মীয়াম্না মখোয়না মপুনি হায়বগী ৱাখল্লোন অসি পোক্লি”।

প্রধান মন্ত্রীনা স্বচ্ছ ভারত অভিয়ানগী খুদম পীখি অমসুং হায়, “মীয়াম্না স্বচ্ছ ভারত অভিয়ান য়াওশিনবা মতমদা মীয়ামদসু ৱাখল্লোন খন্থবা ঙম্বগী ইথিল অমা পোকহনখি”। ভারতকী মীয়াম্না হোৎনখিবশিং অদুবু থাগৎলদুনা প্রধান মন্ত্রীনা হায় সরকারনা থৌশিল কয়ামরুম পাইখৎখি, রিসোর্সশিং খোমজিনবদগী অমোৎপা শেংদোকপা, তোঙান-তোঙানবা ৱাতর ত্রীৎমেন্ত প্লান্তশিং নত্ত্রগা তোইলেৎশিং শাবা ওইরবসু কেম্পেন অসিগী মাইপাকপা অসি মীয়াম্না মসিবু মোৎশিল্লরোই হায়না ৱারেপ লৌরবা মতমদা ফংবা ঙমগনি। প্রধান মন্ত্রীনা ঈশিং কনবদা মীয়াম্না শরুক য়াবগী ৱাখল্লোন পোকহনবা মথৌ তাই হায়খি অমসুং এৱের্নেসনা পীবা য়াবা কান্নবগী মতাংদা ফোঙদোকখি।

প্রধান মন্ত্রীনা হায়খি, “ঐখোয়না ‘ৱাতর এৱের্নেস ফেস্তিবেলশিং’ পাঙথোকপা য়াগনি নত্ত্রগা ঈশিংগী এৱের্নেসকা মরী লৈনবা ইভেন্ত অমা লোকেল লেবেলদা পাঙথোকপা মেলাশিংদা হাপচিনবা য়াগনি”। মহাক্না হৌরক্লিবা মীরোলশিংদা করিকুলমদগী হৌরগা স্কুলশিংগী এক্তিবিতীশিংদা ইন্নোভেতিব ওইবা মওংশিংগী খুত্থাংদা হীরম অসিদা এৱের্নেস পীবা মথৌ তাই। প্রধান মন্ত্রীনা হায় লৈবাক অসিনা জিলা খুদিংমক্তা অমৃত সরোভর ৭৫ শারি মসিগী মনুংদা হৌজিক ফাওবদা অমৃত সরোভর লিশিং ২৫ শাবা লোইশিনখ্রে। সমস্যাশিং খঙদোক্নবা অমসুং ৱারোইশিন পুরক্নবা তেক্নোলোজী, ইন্দস্ত্রী অমসুং স্তার্তঅপশিং কন্নেক্ত তৌবগী তঙাই ফদবা লৈ অমদি মসিদা চাউনা মতেং পাংবা য়াবা জিও-সেন্সিং অমসুং জিও-মেপ্পিংগুম্বা তেক্নোলোজীশিংগী মতাংদসু মহাক্না ফোঙদোকখি। মহাক্না পোলিসী লেবেলশিংদা ঈশিংগা মরী লৈনবা সমস্যাশিং লাকশিন্নবা সরকারগী পোলিসীশিং অমসুং ব্যুরোক্রেতিক প্রোসিজরশিং পুথোকপা মথৌ তাই হায়খি।

‘জল জীবন মিসন’গী মাইপাকপা অসি য়ুমথোং খুদিংদা ঈশিং ফংহন্নবা রাজ্য অমগী মরু ওইবা চাউখৎ-থৌরাংগী পেরামিতর অমনি হায়রদুনা প্রধান মন্ত্রীনা রাজ্য কয়ানা শীংথানীংঙাই ওইনা থবক তৌরি অমরোমদা রাজ্য কয়ানা মাইকৈদা মাংদা চংশিল্লি হায়না ফোঙদোকখি। মহাক্না হায় সিস্তেম অসি নীংথিনা লৈরবা মতমদা ঐখোয়না তুংলমচৎতা চপ মান্নবা মওংদা মসি মেন্তেন তৌদুনা থম্বা ঙম্নবা হোৎনগদবনি। মহাক্না গ্রাম পঞ্চায়তশিংনা জল জীবন মিসন অসি লুচিংগদবনি অমসুং থবক অসি লোইরবা মতুংদা মখোয়না ঈশিং মরাং কাইনা অমদি অফবা ঈশিং ফংলে হায়না সর্তিফাই তৌগদবনি হায়বা ৱাফম পুখৎখি। “গ্রাম পঞ্চায়ত খুদিংমক্না থাগী ওইনা নত্ত্রগা থা তরুক্কী ওইনা খুঙ্গং অদুদা তোতি ঈশিং ফংলিবা য়ুমথোংগী মশিং অদু য়াওবা ওনলাইন রিপোর্তসু পীশিনগদবনি”। মহাক্না মখা তারদুনা হায় চাং নাইনা ঈশিং তেস্ত তৌনবা সিস্তেম অমা থমদুনা ঈশিংগী ক্বালিতী লৈহনগদবনি।

প্রধান মন্ত্রীনা ইন্দস্ত্রী অমসুং লৌউ-শিংউগী সেক্তর অনিমক্তা ঈশিংগী মথৌ তাই হায়না ফোঙদোকখি অমসুং মখোয়দা ঈশিং তাংবগী মতাংদা ভাব তাহন্নবা অখন্নবা কেম্পেনশিং চত্থনবা অপাম্বা ফোঙদোকখি। মহাক্না ক্রোপ দাইভর্সিফিকেসন অমসুং মহৌশাগী লৌউ-পথাপ অসিগুম্বা তেক্নিকশিংনা ঈশিং কনবদা চাউনা কান্নবা ফংহনগনি হায়না খুদম পীখি। মহাক্না প্রাইম মিনিস্তর এগ্রিকলচরেল ইরিগেসন স্কিমগী মখাদা হৌদোকখিবা ‘পর দ্রোপ মোর ক্রোপ’কী কেম্পেনগী মতাংদা পনখি অমসুং হৌজিক ফাওবদা লৈবাক অসিগী লম হেক্তর লাখ ৭০ হেন্না মাইক্রো-ইরিগেসনগী মখা লৈহনবা ঙমখ্রে হায়না পাউদমখি। “মহাক্না হায়, “মাইক্রো-ইরিগেসন অসি রাজ্য পুম্নমক্না লেপ্পা লৈতনা থৌগৎকদবনি”। মহাক্না গ্রাউন্দৱাতর রিচার্জকীদমক জিলা পুম্নমক্তা পাকচাউনা ৱাতর-শেদকী থবক মথৌ তারিবা অতল ভুজল সনরক্ষন য়োজনাবু খুদম ওইনা পীখি অমসুং চীংগী মফমশিংদা স্প্রিং শেদ হিংগৎহন্নবগী থবক খোঙকজেল য়াংশিনহনবা মথৌ তাই হায়বা ৱাফম থমখি।

ঈশিং কন্নবগীদমক রাজ্য অমদা উমংনা কোনবা মফম হেনগৎহনবা তঙাই ফদে হায়না ফোঙদোক্লদুনা প্রধান মন্ত্রীনা এনভাইর্নমেন্ত অমসুং ঈশিং মন্ত্রালয়শিংনা পুন্না খোঙথাংশিং লৌখৎনবা হায়খি। মহাক্না ঈশিংগী লোকেল সোর্স পুম্নমক য়োকশিন্নবা পুক্নিং চীংশিনখি অমসুং গ্রাম পঞ্চায়তশিংনা মথংগী চহি ৫গীদমক এক্সন প্লান অমা শেমগদবনি মসিদা ঈশিংগী সপ্লাইদগী হৌরগা লুনানবা অমসুং ৱেস্ত মেনেজমেন্ত য়াওবা রোদমেপ শেম্নবা খনবা তাই হায়খি। প্রধান মন্ত্রীনা রাজ্যশিংদা খুঙ্গংদা ঈশিংগী চাং কয়াম মথৌ তাবগে অমসুং মদুগী মতাংদা করি তৌবা য়াবগে হায়বদা য়ুম্ফম ওইরগা পঞ্চায়তকী থাক্তা ৱাতর বজেৎ শেম্নবা পাম্বৈশিংগী মতাংদা খন্ননবসু হায়খি। ‘কেচ দি রেন’ কেম্পেন মাইপাকপগী মতাংদা প্রধান মন্ত্রীনা হায় অসিগুম্বা কেম্পেনশিং অসি রাজ্য সরকারগী তঙাই ফদবা শরুক অমনি অমসুং মসি চহিগী ওইনা য়েংশিনগদবনি। মহাক্না মখা তারদুনা হায়, “নোং ঙাইবগী মহুৎ নোং লাক্ত্রিঙৈদা তৌগদবা থৌরাং পুম্নমক তৌহৌগদবনি”।

ঈশিং কনবগী লমদা সর্ক্যুলর ইকনোমীগী মরু ওইবগী মতাংদা পল্লদুনা প্রধান মন্ত্রীনা হায় সরকারনা বজেৎ অসিদা সর্ক্যুলর ইকনোমীদা মীৎয়েং কয়া চংখি। মহাক্না হায়, “ত্রীৎমেন্ত তৌরবা ঈশিং অসি অমুক হন্না শীজিন্নবা মতমদা, অফবা ঈশিং য়োকশিনবা ঙম্মি, মসিনা অপুনবা ইকোসিস্তেমদা কান্নবা পী। মরম অসিনা ৱাতর ত্রীৎমেন্ত, ৱাতর রিসাইক্লিং অসি মরু ওই”। মহাক্না রাজ্যশিংদা তোঙান-তোঙানবা হীরমশিংগীদমক ‘ত্রীৎতেদ ৱাতর’ শীজিন্নবা হেনগৎহন্নবা লম্বীশিং থীদোক্নবা নৌহৌনা ফোঙদোকখি। প্রধান মন্ত্রীনা রাজ্য খুদিংমক্তা ৱেস্ত মেনেজমেন্ত অমসুং সিৱেজ ত্রীৎমেন্তগী নেৎৱার্ক অমা শেম্বদা মীৎয়েং থম্নবা মতাংদা ফোঙদোক্লদুনা হায় “অপুনবা ঈশিংগী ইকোসিস্তেমগী খ্বাইদগী মরু ওইবা শরুক অসি ঐখোয়গী তুরেলশিং, ঐখোয়গী ঈশিংগী ইপাকশিংনা ওইরি”।  প্রধান মন্ত্রীনা লোইশিনবদা হায়, “নমামি গেঙ্গে মিসন অসিবু তেম্প্লেৎ অমা ওইহন্দুনা অতোপ্পা রাজ্যশিংনা তুরেলশিং কন্নবগীদমক মান্নবা কেম্পেনসু হৌদোকপা য়াগনি। ঈশিং অসি কোওপরেসন অমসুং কোওর্দিনেসনগী হীরম অমা ওইহন্নবা হোৎনবা হায়বা অসি রাজ্য খুদিংমক্কী থৌদাংনি”।

রাজ্য পুম্নমক্কী ৱাতর রিসোর্সেসকী মন্ত্রীশিংনা অহানবা ভারত পুম্বগী চহিগী ওইবা রাজ্য মন্ত্রীশিংগী ঈশিংগী মতাংদা পাঙথোকপা মীফমদা শরুক য়াখ্রে।

*****



(Release ID: 1888927) Visitor Counter : 121