চাউখৎলবা তেক্নোলোজিগী মতম অসিদা লাংফৈদা লৈখিবদগী ভোৎ থাদবা ফংদবা হায়বসি খন্নবা য়াবা ৱাফম অমা ওইদ্রে। সাধারন মীখল ২০১৯দা ভোৎ থাদবগী চাং চাদা ৬৭.৪ ওইখি অমসুং ইলেক্তর করোর ৩০ হেন্না মখোয়গী ভোৎ থাদনবগী হক শীজিন্নদবা অসি ইলেক্সন কম্মিসন ওফ ইন্দিয়ানা মরুওইবা ৱাফম অমা ওইনা লৌরি অমসুং তোঙান-তোঙানবা রাজ্যশিং/য়ু.তিশিংদা ভোত্তরশিং থোরকপগী চাং মান্নখিদে। মখোয়না লৈরিবা অনৌবা মফম অমদা ভোত্তর অমনা রেজিস্তার তৌদবগী তোঙান-তোঙানবা মরমশিং লৈরি হায়বা খঙলে অমসুং মসিনা ভোৎ থাদনবগী হক অদু শীজিন্নবা ফংদে।

মশিং য়াম্না ভোৎ থাদবা থোরক্নবা অমসুং মীখলশিংদা নিংথিনা শরুক য়াহন্নবা য়াম্না মরুওইবা মরম অমদি লাংফৈদা লৈরগা থবক শুরিবশিংনা ভোৎ থাদবা ফংদ্রিবা অসি ফংহনবনি। লৈবাক মনুংদা লাংফৈদা লৈরবা থবক তৌরিবা মীওইশিং মশিংগী চপ চাবা সেন্ত্রেল দেতাবেজ লৈত্রবসু, থবক থিনবা, লুহোংবদগী, লাইরিক তম্নবা মীওই কয়া ময়ুমদা লৈতে হায়বসি থিজিনবদগী খঙলে। লৈবাক মনুংদা য়ুম থাদোক্তুনা লাংফৈদা লৈরিবা কাংলুপ অসি মরুওইনা খুঙ্গংগী মীওইশিংনি। লৈবাক অসিদা চৎথোক-চৎশিন তৌদুনা থবক তৌরিবশিংগী চাদা ৮০ রাজ্যশিংগী মনুংদা ওইরি।

চীফ ইলেক্স কম্মিসন্নর ওইনা ওফিস পায়রবা মতুংদা, শ্রী কুমারনা চামোলি জিলাগী দুমাক খুঙ্গংদা মশামক চত্তুনা লাংফৈদা থবক শুদুনা লৈখিবশিংনা থেংনরিবা খুদোংচাদবশিং থিজিনখি অমসুং লাংফৈদা লৈরিবা মীওইশিংনা মখোয়না লৈরিবা মফম অদুদগী মখোয়না ভোৎ থাদবা ঙম্নবা মহাক্না মীৎয়েং চংবা হৌখি। অসিগুম্বা থবক অসি পাংথোকপা মতমদা, আইনগী ওইবা ৱাফম, স্তেতুচুরি, এদমিনিস্ত্রেতিপ অমসুং তেক্নোলোজিগী দরকার ওইবশিং খঙজিনখি অমসুং মসিগী পাম্বৈশিং অসিগীদমক ই.সি.আইগী কাংবু থবক তৌবা হৌখি। ফিজিকেল ত্রান্সিৎ পোস্তেল বেল্লোত, প্রোক্সি ভোত্তিং, আরলি ভোত্তিং সেন্তরশিংদা হান্না ভোৎ থাদবা, ৱান-ৱে, তু-ৱে ইলেকত্রোনিক ত্রান্সমিসন ওফ পোস্তেল বেল্লোতস(ই তি পি বি এস), ইন্তরনেত ভোত্তিং সিস্তেম অসিনচিংবা ভোৎ থাদনবা থৌরাং কয়া খন্নখি।

মরী লৈনবা খুদিংমক্নবা য়ারবা তেক্নোলোজিগী পাম্বৈ অমা পুথোক্নবা পান্দমদা, সি.ই.সি শ্রী রজিব কুমারনা লুচিংবা অদুগা ইলেক্সন কম্মিসন্নরশিং শ্রী অনুপ চন্দ্রা পান্দে অমসুং শ্রী অরুন গোয়েল য়াওবা কম্মিসন্না, লাংফৈদা লৈবা ভোত্তরশিংনা ভোৎ থাদবা য়ানবা, এম ২ ই.ভি.এম মোদেলশিং শীজিন্ননবগী পাম্বৈশিং পুথোক্লে। লাংফৈদা লৈরিবা ভোত্তর অমনা ভোৎ থাদনবগীদমক মখোয়গী ময়ুমদা হল্লকপগী দরকার ওইদ্রে।

লাংফৈদা লৈরিবশিংনা থেংনরিবা খুদোংচাদবশিং, মোদেল কোদ ওফ কন্দক চৎনবা, ভোৎ থাদবগী অরোন-অথুপ ঙাকপা, ভোত্তরশিং মশক খঙদোক্নবা পোল্লিং এজেন্তশিং শীজিন্নবা, রিমোত ভোত্তিংগী থবকশিং অমসুং ভোৎ থিবগী তাংদা খঙহন্নবা কন্সেপ নোত অমা রাজনিতি দলশিংদা(https://eci.gov.in/files/file/14714-letter-to-political-parties-on-discussion-on-improving-voter-participation-of-domestic-migrant-using-remote-voting/ ) য়েন্থোকখ্রে।

লাইরিক তম্বা/থবক তৌবদগী লাংফৈদা লৈরিবা ভোত্তরশিংনা মখোয়গী কেন্দ্রশিংদা ভোৎ থাদবা য়ানবা মল্তি-কন্সতিতুয়েন্সি রিমোত ইলেকত্রোনিক ভোত্তিং মেছিন(আর ভি এম)অমা চাংয়েং ওইনা থবক হৌনবা হৌজিক কম্মিসন্না শক্নাইরবা পব্লিক সেক্তর অন্দরতেক্কিং অমগা লোয়ন্না থবক পায়খৎপা হৌরে। মসিগী শেমদোক্লবা ই.ভি.এম অসিনা অরাপ্পা মফমদা লৈবা পোল্লিং অমদা তোঙান-তোঙানবা কেন্দ্র ৭২ ফাওবা ভোৎ থাদবা য়াগনি।

করিগুম্বা মসিনা থবক ওইনা পাংথোক্লবদি, লাংফৈদা লৈরিবশিংদা অহোংবা অমা পুরক্কনি অমসুং মখোয়গী লেংদ্রবা য়ুম/লন-থুম লৈরিবা মফম অদুদা মখোয়গী মমিং ইলেক্তোরেল রোলদগী কক্নিংদবগী নুংনাংবা অদু কোকহনবা ঙম্লগনি।

লাক্লিবা জনুৱারি ১৬, ২০২৩দা মল্তি-কন্সতিতুয়েন্সি রিমোত ইলেকত্রোনিক ভোত্তিং মেছিন(আর ভি এম) উৎকদৌরিবা থৌরম অদুদা শরুক য়ানবা রিকক্নাইজ নেসনেল পার্তি ৮ অমসুং স্তেৎ পোলিতিকেল পার্তি ৫৭দা কম্মিসন্না খঙহনখ্রে। মদুদা তেক্নিকেল এক্সপার্ত কম্মিতিগী মেম্বরশিংশু শরুক য়াগনি। তোঙান-তোঙানবা ৱাফমশিংদা রিকক্নাইজ পোলিতিকেল পার্তিশিংনা মখোয়গী ওইবা ৱাফমশিং অইবা ওইনা লাক্লিবা জনুৱারি ৩১, ২০২৩ ফাওবগী মনুংদা পীরক্নবা কম্মিসন্না খঙহনখ্রে।

তোঙান-তোঙানবা মরী লৈনবশিংগী ৱাফমশিং তারবা অমসুং প্রোতোতাইপ উৎলবা মতুংদা, রিমোত ভোত্তিংগী থবক পায়খৎনবা কম্মিসন্না মতিক চাবা থবকশিং পায়খৎকনি।

*****