نئی دلی،28 دسمبر، 2022/ مرکزی وزیر جناب انوراگ ٹھاکر نے آج 2023 کے لیے حکومت ہند کا سرکاری کیلنڈر جاری کیا۔ اس موقع پر اظہار خیال کرتے ہوئے وزیر موصوف نے کہا کہ یہ کیلنڈر وزیر اعظم جناب نریندر مودی کے سب کا ساتھ، سب کا وکاس، سب کا وشواس کے یقین کا عکاس ہے۔ انہوں نے کیلنڈر کی تعریف کی کہ یہ 12 تصاویر کا ایک متاثر کن مجموعہ ہے جس میں ایک متحرک طور پر بڑھتے ہوئے بھارت کو دکھایا گیا ہے۔ انہوں نے مزید روشنی ڈالی کہ 12 مہینوں کے 12 تھیمز حکومت کی طرف سے عوامی فلاح و بہبود کے لیے کی گئی سخت کوششوں کی ایک جھلک ہیں۔

وزیر موصوف نے یاد دلایا کہ کیلنڈر دو سال کے وقفے کے بعد فزیکل طور پر چھاپا جا رہا ہے کیونکہ اس وقت کیلنڈر صرف ڈیجیٹل شکل میں ہی نکالا گیا تھا۔  اسے حکومت کی بہترین تخلیقات میں سے ایک قرار دیتے ہوئے، جناب ٹھاکر نے کہا کہ اس سال ڈیجیٹل اور فزیکل دونوں شکلوں میں دستیاب کیلنڈر حکومت کی مداخلتوں اور فلاحی اقدامات کے بارے میں معلومات پھیلانے کا ایک ذریعہ ہوگا۔ انہوں نے مزید کہا کہ کیلنڈر کا مقصد ملک کی تمام پنچایتوں میں کیلنڈر کو تقسیم کر کے پیغام کو بنیادی سطح تک پہنچانا ہے۔

وزیر موصوف نے مزید بتایا کہ کیلنڈر کا یہ ایڈیشن حکومت کی اب تک کی کامیابیوں اور مستقبل کے لیے عزم دونوں کو ظاہر کرے گا، اس لیے اس کا موضوع ‘‘نیا ورش، نئے سنکلپ’’ ہے۔ اسے ہندی اور انگریزی سمیت 13 زبانوں میں دستیاب کرایا جائے گا اور اسے تمام سرکاری دفاتر، پنچایتی راج اداروں، صحت کے مراکز، نوودیا اور کیندریہ ودیالیوں، اضلاع میں بی ڈی او اور ڈی ایم کے دفاتر میں تقسیم کیا جائے گا اور سرکاری سیکٹر کی کمپنیوں اور خود مختار اداروں کے لیے یہ خریداری کے لیے دستیاب ہوگا۔ کل 11 لاکھ کاپیاں پرنٹ کی جائیں گی اور 2.5 لاکھ کاپیاں علاقائی زبانوں میں پنچایتوں میں تقسیم کی جائیں گی۔

جناب ٹھاکر نے وزارت کے مختلف اداروں کی کامیابیوں کا بھی اعادہ کیا۔ پرسار بھارتی نے اسٹریٹجک مقامات پر 50 ٹرانسمیٹروں کی توقع کے مطابق اپنے تمام اینالاگ ٹیریسٹریل ٹرانسمیٹر کو مرحلہ وار ختم کر دیا ہے۔ جب کہ ڈی ڈی فری ڈش 2022 کے اوائل تک 43 ملین گھروں تک پہنچ چکی ہے، پرسار بھارتی کے تحت مختلف چینلز کے مشترکہ سبسکرائبرز کی تعداد 2 کروڑ سے زیادہ ہو چکی ہے۔ انہوں نے مزید کہا کہ اس سال ملک میں 75 کمیونٹی ریڈیو اسٹیشنوں کا اضافہ کیا گیا ہے جس سے ملک میں کل تعداد 397 ہوگئی ہے۔

انہوں نے سامعین کو مزید مطلع کیا کہ جب کہ سنٹرل بیورو آف کمیونیکیشن کا آٹومیشن کا عمل مکمل ہو چکا ہے، اسی طرح رجسٹرار آف نیوز پیپرز فار انڈیا کے لیے بھی جاری ہے۔ انہوں نے مزید کہا کہ وزارت نے گزشتہ 5 سالوں میں صحافیوں کی فلاح و بہبود کی اسکیم کے تحت 290 صحافیوں اور صحافیوں کے خاندانوں میں 13.12 کروڑ روپے تقسیم کیے ہیں۔

سنٹرل بیورو آف کمیونیکیشن کے ڈائرکٹر جنرل، جناب منیش دیسائی، نے حاضرین کو بتایا  کہ کیلنڈر کا موضوع  ‘نیا ورش، نئے سنکلپ’ میں حکومت ہند کے مختلف پروگراموں اور پالیسیوں کو دکھایا گیا ہے جو وزیر اعظم جناب نریندر مودی کے ویژن پہل اور قیادت کے مطابق مرتب کیے گئے ہیں۔ کیلنڈر پورے بھارت میں مرکزی حکومت کے دفاتر میں تقسیم کیا جائے گا۔ جناب دیسائی نے کہا کہ اس کے ساتھ ساتھ، سی بی سی کے ماس میلنگ یونٹ نے 2.5 لاکھ پنچایتوں کو علاقائی زبانوں میں کیلنڈر تقسیم کرنے کے لیے انڈیا پوسٹ کے ساتھ معاہدہ کیا ۔

کیلنڈر کے بارے میں

کیلنڈر 2023 عزت مآب وزیر اعظم جناب نریندر مودی کے وژن، پہل اور قیادت کے مطابق ہمہ گیر ترقی لانے کے لیے حکومت ہند کے عزم کو ظاہر کرتا ہے۔ ہر ماہ کی جھلکیوں میں حکمرانی کے منتخب اصولوں اور پالیسیوں پر روشنی ڈالی گئی ہے جنہوں نے ایک مضبوط بھارت کی پرورش میں اہم کردار ادا کیا ہے۔

جنوری

جیسے ہی بھارت امرت کال میں داخل ہوا، وزیر اعظم نریندر مودی نے 22 ستمبر میں راج پتھ کو کرتویہ پتھ کے نام سے منسوب کیا۔ یہ عمل نوآبادیاتی ذہنیت کے طوق کو توڑنے اور ہماری قوم کے تئیں فرض کی راہ پر گامزن ہونے کی علامت ہے۔

فروری

فروری کا مہینہ "کسان کلیان" یا کسانوں کی بہبود کے پروگراموں کے لیے وقف ہے۔ وزیر اعظم جناب نریندر مودی نے مناسب طور پر کہا ہے کہ کسان ہمارے ملک کا فخر ہیں اور حکومت نے ایک خوشحال بھارت کی تعمیر کے لیے کسانوں کو بااختیار بنانے کے مقصد سے کئی پالیسیاں نافذ کی ہیں۔

مارچ

مارچ بھارتی خواتین - ناری شکتی کے جذبے کا احترام کرنے کا مہینہ ہے۔ ہر گھر میں خواتین کا شکریہ ادا کرتے ہوئے، ہم یہاں 8 مارچ کو خواتین کا عالمی دن منانے کے لیے موجود ہیں۔ یہ ان تمام خواتین کو منانے کا مہینہ ہے جنہوں نے شیشے کی چھت کو توڑ کر اپنے لیے ایک نشان بنایا اور دوسروں کے لیے مثالیں قائم کیں۔ حکومت ہند ہر سال کامیابی حاصل کرنے والی خواتین کو‘‘ناری شکتی پرسکار’’ سے نوازتی ہے۔

اپریل

تعلیمی اصلاحات پر زور حکومت کے اہم ایجنڈوں میں سے ایک ہے۔ یہ مقصد وزیر اعظم کے نعرے "پڑھے بھارت، بڑھے بھارت" کا نچوڑ ہے اور اپریل کا موضوع شکشت بھارت ہے۔ پرائمری، ثانوی اور اعلیٰ تعلیم میں زمینی سطح پر تبدیلیاں لانے والی نئی تعلیمی پالیسی جیسی اصلاحات کے ساتھ، بھارتی تعلیمی نظام ایک طویل انتظار سے گزر رہا ہے۔

مئی

اسکل انڈیا پروگرام کے لیے مئی کا مہینہ مخصوص ہے۔ نیشنل اسکلز ڈیولپمنٹ مشن بھارت میں 30 کروڑ سے زیادہ لوگوں کو ہموار ادارہ جاتی طریقوں کے ذریعے وسیع پیمانے پر مہارتوں کے ساتھ تربیت دینے کا ارادہ رکھتا ہے۔ ہنرمندی  اس بات کو یقینی بنائے گی کہ ملک میں کوئی بھی نوجوان اپنی حقیقی صلاحیت تک پہنچنے میں کوتاہی نہ کرے۔

جون

یوگا  کا بین الاقوامی دن 21 جون کو پوری دنیا میں منایا جاتا ہے۔ وزیر اعظم جناب نریندر مودی نے بھارت میں ہر عمر کے لوگوں کو جسمانی طور پر فعال طرز زندگی اپنانے کی ترغیب دینے کے لیے فٹ انڈیا موومنٹ کا آغاز کیا۔ مہینے کا تھیم فٹ انڈیا، ہٹ انڈیا، فٹنس کے منتر کو بھارت کے ہر گھر تک لے جاتا ہے۔

جولائی

صحت پر کوئی بحث ماحولیاتی صحت کے حوالے کے بغیر مکمل نہیں ہوتی۔ بھارت ایسے صحت مند متبادلوں کو منتخب کرنے میں سب سے آگے رہا ہے جو آب و ہوا کے موافق ہوں۔ مشن لائف کو پروگرام تیار کرنے کے لیے ڈیزائن کیا گیا ہے تاکہ لوگ 'ریڈیوس، دوبارہ استعمال اور ری سائیکل' طرز زندگی کو اپنا ئیں۔

اگست

بھارت کے کھلاڑیوں کی شاندار کارکردگی نے ، نہ صرف اولمپکس اور دولت مشترکہ کھیلوں میں بلکہ مختلف معذور افراد کے لیے منعقد ہونے والے بین الاقوامی کھیلوں میں بھی، ہم سب کا سر فخر سے بلند کر دیا  ہے۔ اگست کا تھیم کھیلو انڈیا ہے۔ نچلی سطح پر بھارتی کھلاڑیوں کو تعاون کی پیشکش سے لے کر عالمی معیار کا بنیادی ڈھانچہ بنانے تک، کھیلو انڈیا بھارت کو تمام کھیلوں میں پوڈیم میں سب سے اوپر لے جانے کا وعدہ کرتا ہے۔

ستمبر

واسودھئیوا کٹمبکم، یا "پوری دنیا ایک خاندان ہے" ستمبر کا موضوع ہے۔ "ایک زمین، ایک خاندان، ایک مستقبل" پر مبنی بھارت کی جی 20 صدارت اس قدیم بھارتی نمونے کو عالمی سطح پر لے جاتی ہے۔ جس میں کہا گیا ہے کہ مفادات اور خدشات تمام لوگوں کو یکساں طور پر متاثر کرتے ہیں، اور ہمیں کرہ ارض پر موجود ہر جاندار کے معیار زندگی کو بہتر بنانے کے لیے تعاون کرنا چاہیے۔

اکتوبر

ستاروں تک پہنچنے کے دوران، ہماری نظریں ملک کی بنیادی ضروریات کو پورا کرنے پر بھی مرکوز  رہی ہیں۔ حکومت نے نیشنل فوڈ سیکورٹی ایکٹ کے ذریعے تمام بھارتیوں کے خوراک  کے حق کی توثیق کی ہے۔ اکتوبر کے مہینے کا موضوع، لہٰذا، خوراک کی سکیورٹی ہے۔

نومبر

بھارت کو آتم نربھر  بنانے کا ہمارے وزیر اعظم کے جوش سے تحریک لے کر نومبر کا موضوع ہے خود کفیل بھارت رکھا گیا ہے ۔ اور یہ خواب 2 ستمبر 2022 کو آئی این ایس وکرانت کی بحریہ میں شمولیت کے ذریعے پورا ہوا ہے ۔ پہلا طیارہ بردار بحری جہاز ہے  جسے بھارت میں کوچین شپ یارڈ لمیٹڈ نے تعمیر کیا ہے۔

دسمبر

زندگی کو بڑھانے اور شمال مشرق کے چھپے ہوئے صلاحیتوں اور خزانوں  کا جشن منانے پر توجہ مرکوز کرتے ہوئے، وزیر اعظم نے شمال مشرق کی آٹھ ریاستوں کو اشتلکشمی کا نام دیا  ہے۔ یہ بھارت کی خوشحالی کے لیے ان آٹھ ریاستوں کی تجارت، کاروبار، قدرتی وسائل اور متنوع ثقافت کی اہمیت کو ظاہر کرتا ہے اور اسے ایک جامع بھارت کی تعمیر کی جانب قدم کے طور پر دیکھا جارہا  ہے۔

۔۔۔

ش ح۔و ا ۔ ع ا                                                   

U–14470