ভারত সরকারগী লো অমসুং জস্তিস মন্ত্রালয়দগী ফংবা ৱাকৎ অমগী মখা তাবা ওইনা ভারতকী ইলেক্সন কম্মিসন্না রিপ্রজেন্তেসন ওফ দি পীপল্স এক্ত ১৯৫০গী সেক্সন ৮এ.গী মতুং ইন্না অসম রাজ্যগী এসেমব্লী অমসুং পার্লিয়ামেন্তরী কন্সতিত্বেন্সীশিংগী দিলিমিতেসন তৌবগী থবক হৌনবা ৱারেপ লৌখ্রে।

চীফ ইলেক্সন কম্মিস্নর, শ্রী রজিব কুমার অমসুং ইলেক্সন কম্মিস্নর, শ্রী অনুপ চন্দ্র পান্দে অমদি শ্রী অরুন গোইলনা লুচিংবা কম্মিসন অসিনা অসমগী চীফ ইলেক্তোরেল ওফিসরদা অসম রাজ্য সরকারগা তানদুনা রাজ্যসিদা পাংথোক্কদৌরিবা দিলিমিতেসনগী থবক লোইদ্রিবা ফাওবা জনুৱারী ১, ২০২৩দগী হৌদুনা অনৌবা এদমিনিস্ত্রেতিব য়ুনিত শেম্বদা মপুং ফাবা অথিংবা থম্নবা ৱারোল থোক্নবা হায়খ্রে। সংবিধানগী আর্তিকল ১৭০না হায়বগী মখা পোন্না, রাজ্যসিগী এ.সি. অমসুং পি.সি. নৌনা শেমদোকপদা ইং ২০০১গী সেন্সসকী মশিং শিজিন্নগনি। সেদ্যুল কাস্ত অমসুং সেদ্যুল ত্রাইবশিংগী সিত খাকপগী ৱাফম অসিনা ভারতকী সংবিধানগী আর্তিকল ৩৩০ অমসুং ৩৩২গী মখা পোন্না তাক্কনি।

কম্মিসন অসিনা কন্সতিত্বেন্সী দিলিমিতেসন তৌবগী থবক্কা মরী লৈনবা মশাগী কাঙলোন অমসুং থৌরাং শেমগনি। হায়রিবা থবক অসিগী মনুংদা, কম্মিসন অসিনা ফিজিকেল ফিচর, এদমিনিস্ত্রেতিব য়ুনিতশিংগী হৌজিক লোইরিবা পনখৈ, কম্ম্যুনিকেসনগী ফেসিলিতী, পব্লিক কনভেনিএন্সকী মতাংদা খনগনি অমসুং কন্সতিত্বেন্সী অসিবু জিওগ্রাফিকেল কম্পেক্ত এরিয়া ওইনা য়ারিবমখৈ থমগনি।

অসম রাজ্যগী কন্সতিত্বেন্সী দিলিমিতেসন তৌবগী দ্রাফ প্রোপোজেল অমা কম্মিসন অসিনা হেক শেম্বগা, মসিবু মীয়ামদগী পাউতাক লৌনবগীদমক্তা কেন্দ্র অমসুং রাজ্যগী গেজেত্তা ফোঙগনি। হীরম অসিগা মরী লৈনবা ৱাফম ওইনা, রাজ্যসিদা পাংথোক্কদবা মীয়ামগী মীফমগী মফম অমসুং মতম তাকপা পাউজেল অমসু রাজ্যসিগী মশাগী লোলদা ফোঙবা পাউ-চে অনিদা হাপকদবনি।

অসম রাজ্যগী ওইনা পার্লিয়ামেন্তরী অমসুং এসেমব্লী কন্সতিত্বেন্সী দিলিমিতেসন তৌনবগীদমক্তা লো অমসুং জস্তিস মন্ত্রালয়না ভারতকী ইলেক্সন কম্মিসন্দা নবেম্বর ১৫, ২০২২গী লেত্তর নম্বরঃ ঐচ.-১১০১৯/০৬/২০২২-লেগ-২দা হায়জখিবনি। দিলিমিতেসন এক্ত ১৯৭২গী কাঙলোন মখা পোন্না, অসম রাজ্যগী খ্বাইদগী অকোনবা দিলিমিতেসনগী থবক অসি ইং ১৯৭১গী সেন্সস ফিগরগী মখা পোন্না ইং ১৯৭৬তা মতমদুগী দিলিমিতেসন কম্মিসন্না পাংথোকখি।

****