కేంద్ర ఆర్థిక మంత్రిత్వ శాఖలోని.. ఆర్థిక వ్యవహారాల శాఖ బడ్జెట్ విభాగం జూలై-సెప్టెంబర్ 2022 మధ్య కాలానికి సంబంధించిన పబ్లిక్ డెట్ మేనేజ్‌మెంట్‌పై త్రైమాసిక నివేదికను విడుదల చేసింది. ఏప్రిల్-జూన్ (క్యూ1) 2010-11 నుండి బడ్జెట్ విభాగం పబ్లిక్ డెట్ మేనేజ్‌మెంట్ సెల్ (పీడీఎంసీ) క్రమం తప్పకుండా ఉండే  ప్రాతిపదికన రుణ నిర్వహణపై త్రైమాసిక నివేదికను విడుదల చేస్తోంది. ప్రస్తుతం జూలై-సెప్టెంబర్ (క్యూ2 FY23) త్రైమాసికానికి సంబంధించిన నివేదికను వెలువరించింది. 2023 ఆర్థిక సంవత్సరం రెండో త్రైమాసికంలో కేంద్ర ప్రభుత్వం డేటెడ్ సెక్యూరిటీల ద్వారా రూ.4,06,000 కోట్ల విలువైన మొత్తాన్ని సేకరించింది, రుణం క్యాలెండర్‌లో నోటిఫైడ్ మొత్తం రూ.4,22,000 కోట్లు. రుణ తిరిగి చెల్లింపులు రూ.92,371.15 కోట్లుగా ఉన్నాయి. ప్రాథమిక జారీల సగటు దిగుబడి 2023 ఆర్థిక సంవత్సరం మొదటి త్రైమాసికంలో 7.23 శాతం నుండి ప్రస్తుత ఆర్థిక సంవత్సరం రెండో త్రైమాసికంలో 7.33 శాతానికి చేరింది.

ప్రస్తుత ఆర్థిక సంవత్సరం రెండో త్రైమాసికంను (క్యూ2) డేటెడ్ సెక్యూరిటీల జారీ వెయిటెడ్ యావరేజ్ మెచ్యూరిటీ 15.62 సంవత్సరాల దిగువకు చేరింది. అంతకు ముందు తైమాసికంలో  డేటెడ్ సెక్యూరిటీల జారీ వెయిటెడ్ యావరేజ్ మెచ్యూరిటీ 15.69గా నిలిచింది. జూలై-సెప్టెంబర్ 2022లో కేంద్ర ప్రభుత్వం నగదు నిర్వహణ బిల్లుల ద్వారా ఎలాంటి మొత్తాన్ని సేకరించలేదు. త్రైమాసికంలో ప్రభుత్వ సెక్యూరిటీల కోసం రిజర్వ్ బ్యాంక్ ఓపెన్ మార్కెట్ కార్యకలాపాలను నిర్వహించలేదు. ఈ త్రైమాసికంలో మార్జినల్ స్టాండింగ్ ఫెసిలిటీ మరియు స్పెషల్ లిక్విడిటీ ఫెసిలిటీతో సహా లిక్విడిటీ అడ్జస్ట్‌మెంట్ ఫెసిలిటీ (ఎల్ఏఎఫ్) కింద భారతీ రిజర్వు బ్యాంక్ నికర రోజువారీ సగటు లిక్విడిటీ శోషణ రూ.1,28,323.37 కోట్లుగా నిలిచింది. అందుబాటులో ఉన్న

తాత్కాలిక డేటా ప్రకారం ప్రభుత్వం యొక్క మొత్తం స్థూల బాధ్యతలు (‘పబ్లిక్ ఖాతా’ కింద బాధ్యతలతో సహా) జూన్ 2022 చివరి నాటికి రూ.1,45,72,956 కోట్ల నుండి 2022 సెప్టెంబర్ చివరి నాటికి రూ.1,47,19,572.2 కోట్లకు పెరిగాయి. ఇది ప్రస్తుత ఆర్థిక సంవత్సరంలో రెండో త్రైమాసికంలో 1.0 శాతం పెరుగుదలను సూచిస్తుంది. జూన్ 2022 చివరి నాటికి 88.3 శాతంగా ఉన్న స్థూల బాధ్యతలలో పబ్లిక్ రుణం సెప్టెంబర్ 2022 చివరి నాటికి 89.1 శాతానికి చేరింది.

ఇందులో దాదాపు 29.6 శాతం గడువు తేదీ ఉన్న సెక్యూరిటీలు 5 సంవత్సరాల కంటే తక్కువ కాల వ్యవధిని కలిగి ఉన్నాయి. ప్రస్తుత ఆర్థిక సంవత్సరం రెండవ త్రైమాసికంలో ఎక్కువ కాల వ్యవధి సెక్యూరిటీల కోసం మెరుగ్గా ఉండి సరళంగా ఉన్నప్పటికీ, సమీప-కాల ద్రవ్యోల్బణం మరియు లిక్విడిటీ ఆందోళనల కారణంగా సెకండరీ మార్కెట్లో ప్రభుత్వ సెక్యూరిటీలపై స్వల్పకాలిక వక్రతను తీసుకున్నాయి.  ఎంపీసీ ద్రవ్యోల్బణాన్ని నియంత్రించాలనే ఉద్దేశ్యంతో 2023 ఆర్థిక సంవత్సరం క్యూ2లో పాలసీ రెపో రేటును 100 బీపీఎస్, అంటే 4.90% నుండి 5.90% వరకు పెంచాలని నిర్ణయించింది. సెకండరీ మార్కెట్‌ త్రైమాసిక ట్రేడింగ్ కార్యకలాపాలు 7-10 సంవత్సరాల మెచ్యూరిటీ బకెట్‌లో కేంద్రీకృతమై ఉన్నాయి. ప్రధానంగా 10 సంవత్సరాల బెంచ్‌మార్క్ సెక్యూరిటీలో ఎక్కువ ట్రేడింగ్ గమనించబడింది. ఈ త్రైమాసికంలో సెకండరీ మార్కెట్‌లో ప్రైవేట్ రంగ బ్యాంకులే ఆధిపత్య ట్రేడింగ్ సెగ్మెంట్‌గా అవతరించాయి. నికర ప్రాతిపదికన, విదేశీ బ్యాంకులు మరియు ప్రైమరీ డీలర్లు నికర అమ్మకందారులుగా నిలిచారు, ప్రభుత్వ రంగ బ్యాంకులు, సహకార బ్యాంకులు, ఎఫ్‌ఐలు, బీమా కంపెనీలు, మ్యూచువల్ ఫండ్‌లు, ప్రైవేట్ రంగ బ్యాంకులు మరియు ‘ఇతరులు’ సెకండరీ మార్కెట్‌లో నికర కొనుగోలుదారులుగా ఉన్నారు. జూన్ 2022న వాణిజ్య బ్యాంకుల వాటా 38.04 శాతం నుండి 2022 సెప్టెంబర్ చివరి నాటికి 38.3 శాతంగా నిలిచిందని కేంద్ర ప్రభుత్వ సెక్యూరిటీల యాజమాన్య విధానం సూచిస్తుంది.

పూర్తి నివేదికను చూసేందుకు గాను ఇక్కడ క్లిక్ చేయండి: జూలై-సెప్టెంబర్ 2022 మధ్య కాలానికి సంబంధించిన పబ్లిక్ రుణ మేనేజ్‌మెంట్‌ త్రైమాసిక నివేదిక

***