কেন্দ্রগী পোর্তস, শিপ্পিং অমসুং ৱাতরৱেজ অমসুং আয়ুশকী মন্ত্রী শ্রী সর্বনন্দ সোনোৱালনা ঙসি গৱাদা পাংথোকপা থৌরম অমদা পুৱারী ওইরবা অসাম মুবমেন্তকী অথৌবশিংগী মফমদা শ্রদ্ধাঞ্জলি কৎখ্রে। মসি ১৯৭৯ দা অসাম মুবমেন্তকী অহানবা থৱায় থাখিবা অথৌবা খারগেশ্বর তালুকদারগী লৈখিদবা নুমিত্তা শ্রদ্ধাঞ্জলি কৎপা ওইনা স্বাহিদ দিবস পাংথোক্লি।

কেন্দ্রগী মন্ত্রী অসি কোস্তেল স্তেত অসিদা নুমিৎ হুমনিগী খোংচৎতা লাক্লি। পঞ্জিমগী ফ্রান্সিস্কো লুইস গোম্স গার্দেনদা পাংথোকপা থৌরম অসি অসাম সোসাইতী ওফ গোৱানা শিনবনি অমদি মসিদা অসামিজ কম্যুনিতীগী মেম্বরশিং অমসুং শক্নাইরবা মীওই কয়া অমসুং লোকেল মীয়াম্না ষরুক য়াখি।

থৌরম অদুদা ৱা ঙাংলদুনা মন্ত্রীনা ১৯৭৯দগী ১৯৮৫ ফাওবা চহি তরুক শাংনা চত্থখিবা অসাম মুবমেন্তকী থৱায় থাখ্রবা অথৌবশিং নিংশিংখি। “ঙসি, স্বাহিদ দিৱসকী থৌরম অসিদা, অসাম্বু ঙাক্তুনা থম্নবগীদমক থৱায় থাখ্রবশিং অদুবু ঐহাক্না ইকায় খুম্নবা উৎচরি। রাজ্য অসিবু ইলিগেল ইমিগ্রেন্তশিংদগী ঙাকথোক্নবা চহি তরুক শাংবা খোংজং অসিদা অসামগী মীয়াম্না শরুক য়াখি অমদি ভারতকী য়ুনিতী অমসুং ইন্তিগ্রিতী ঙাক্তুনা থম্নবগীদমক অথৌবা ৮৬০না মখোয়গী মথ্বাই থাখি। মসিগী অথোইবা অথৌবশিং অসিনা পেরেলেল ওইদবা লৈবাক নিংবা অমসুং মথৌনাগী কাওঙমলরোইদবা পুৱারী অমা ইখি,” হায়না মন্ত্রীনা ফোংদোকখি।

শ্রী সোনোৱাল মখা তাখি, “ঐখোয়না পুকচেল শেংবা, কত্থোকপ অমসুং দিতরমিনেসনগা লোয়ননা মখা তানা থবক তৌদুনা থৌবা ফরবা অথৌবশিং অসিগী থোইদোক হেন্দোকপা ৱাখল্লোনশিং অদুবু হিংহন্দুনা থমগদবনি। ঐখোয়না ঐখোয়গী লোন, কলচর, হেরিতেজ অমসুং ত্রেদিসনবু হিংহন্দুনা থম্নবা জাতিগী থৌদাং অদু মপুং ফাহনগদবনি। করিগুম্বা মালেমগী মহৈরোইশিংগী অন্দলোনগী ইতিহাস এনালাইজ তৌবা তারগদি, অসাম মুবমেন্ত অসি পুৱারী ওইরবা মীকুপ অমা ওইরি। ঐহাক্না অসামগী মীয়ামগা লোয়ননা লৈবাক অসিগী তোঙান তোঙানবা মফমশিংগী মীয়াম্বু অন্দলোন অসিগী নেস্নেলেস্তিক স্প্রিতনা ইন্সপ্রায়র ওইবা ইচেৎপা ভারত অমা শাগৎপদা অচৌবা থৌদাং লৌনবা অমদি ইমা লৈবাক্কীদমক কত্থোকপগা লোয়ননা থবক তৌনবা ৱাফম থমজরি। ”

*****