জয় স্বামিনারায়ন।

শেংলবা থৌরম অসিবু লমজিংবীরিবা পুজ্য শ্রী দেবকৃষ্ণ দাসজী স্বামি, মহন্ত শ্রী দেবপ্রসাদ সাসজী স্বামি, পুজ্য ধর্মবল্লভ স্বামিজী, ইকাই খুম্নরবা লম্বোইবা পুম্নমক অমসুং মরু ওইবা মীওইশিং অমদি ঐগী নুংশিজরবা নহা ওইরিবা মরুপশিং!

ময়াম পুম্নমকপু জয় স্বামিনারায়ন।।

পুজ্য শাস্ত্রিজী মহারাজ শ্রী ধর্মজিবন দাসজী স্বামিগী ইথিল, মহাক্কী থৌজালশিংগা লোয়ননা রাজকোত গুরুকুল অসি চহি ৭৫ মপুং ফারি। ঐহাক্না রাজকোত গুরুকুলগী চহি ৭৫ মপুং ফাবগী খোঙচৎ অসিগীদমক পুম্নমক্তা নুংঙাইবা ফোঙদোকচরি। ভগৱান শ্রী স্বামিনারায়ন, অনৌবা ইনোৎ অসি মহাক্কী মমিং খক্তমক নীংশিংলগা পাউ ফাওনবা ঙম্মি অমসুং ঙসি লম্বোইবা ময়ামগা লোয়ননা স্বামিনারায়নগী মমিং নীংশিংবা অসিনা অখন্নবা লাইবক ফবা খুদোংচাবা অমা পীরি। পুৱারী ওইরবা ইন্সতিত্যুসন অসিগী তুংদা লাক্কদবা তুলমচৎ অসি হেন্না মাইপাকপা ওইগনি হায়না ঐহাক্না থাজৈ। মসিনা হেন্না অফবা মওংদা শরুক তমলক্কনি।

মরুপশিং,

শ্রী স্বামিনারায়ন গুরুকুল রাজকোতকী চহি ৭৫শুবগী খোঙচৎ অসি লৈবাক অসিনা মাগী নীংতম্বগী চহি ৭৫শুরকপা মতমদা মপুং ফারি। মসি নুংঙাইরবা মীকুপ অমা ওইবতা নত্তনা হরাওবগী মীকুপ অমসু ওইরি। ভারতনা জাতি অমা ওইনা নীংতম্বা ভারতকী পুন্সি খোঙচৎ অসিগুম্বা খুদোংচাবশিং অসিনা মরম ওইরি অমসুং চহি লিশিং কয়া শুরবা ঐখোয়গী অথোইবা চৎনবী অসিসু অসিগুম্বা খুদোংচাবশিং অসিনা মাংদা চংশিনহল্লি। মসি লাইবক ফবনি, হোৎনবা কনবা অমসুং থৌদাং মশক খঙবগী লৈবাক ফবনি। মসি অফবা মতমনি, নাৎ অমসুং কত্থোকপগী অফবা মতমনি। মসি তানফম চান্নরুবনি, স্পিরিচুএলিতী অমসুং মোদর্নিতীগী চান্নরুবনি! লৈবাক অসিনা নীংতম্বা ওইরবা মতম অসিদা ভারতকী অরিবা মতিক-ময়াই অমসুং এজুকেসনগী লমদা ঐখোয়না চাউথোকচরিবা অসি নৌনা হিংগৎহনবা অসি ঐখোয়গী থৌদাংনি। অদুবু মীখা পোনবগী ৱাখল্লোনগী পোৎলুম মখাদা সরকারনা মাইকৈ অসিদা চংশিনখিদে। অমসুং হীরম খরদদি অশোইবা য়াওখি। অমসুং ফীভমশিং অসিদা অমুক হন্না ঐখোয়গী লম্বোইশিংনা, আচার্য়শিংনা লৈবাক অসিগীদমক থৌদাং অসি পাঙথোক্নবা থৌশিল পাইখৎখি। স্বামিনারায়ন গুরুকুল অসি থৌদোক অসিগী মুৎপা নাইদনা লৈহৌরিবা খুদম অমনি। হেক নীংতম্বা ফংলবা মতুংদা মসিগী ইহৌ, ইন্সতিত্যুসন অসি ভারতকী মমল য়াম্লবা লৌশিং অমসুং ৱাখল্লোনশিংনা য়ুম্ফম ওইদুনা শাখি। রাজকোত গুরুকুলগীদমক পুজ্য ধর্মজিবনদাস স্বামিজীনা মঙখিবা মঙলান্দা স্পিরিচুএলিতী অমদি মোর্দনিতীদগী হৌরগা নাৎ অমসুং চৎন-লোনচৎশিং পুম্নমক য়াওখি। ঙসি মদুগী ৱাখল্লোনগী মরু অদু ঐখোয়গী মাইদা অচৌবা খোঙনাং পাম্বি অমা ওইনা লেপ্লরে। নখোয়গা লোয়ননা ঐহাক্না গুজরাত্তা লৈরকখি, নখোয়গী নরক্তা চাউরকখি। অমসুং ঐহাক্কী ইমিৎনা মসিগী খোঙনাং পাম্বি অসিনা মপুং মরৈ ফাবা উবা ফংজনবা খুদোংচাবা ফংখিবা অসি ঐহাক্কী লাইবক ফবনি।

গুরুকুল অসিগী হৌরকপদগী ভগৱান স্বামিনারায়নগী ইথিল – “পর্বতনীয়া সদ বিদ্যা ভুবি য়ত সুক্রিতম মহত” য়াওরি! হায়বদি সত বিধ্যা শন্দোকপা অসিনা খ্বাইদগী শেংই, মালেমদা খ্বাইদগী মরু ওইবা থবক্নি। মসি ঐখোয়গী সভ্যতাগী য়ুম্ফম থোনখিবা লৌশিং অমসুং এজুকেসনগী মাইকৈদা ভারতকী লোইনাইদ্রবা কত্থোকপা অদুনি। মসিগী ফল ওইনা রাজকোত্তা শুপ্নগী মহৈরোয় ৭ খক্তগা হৌদোকখিবা গুরুকুল বিধ্যা প্রতিসশথানম অসি লিংখৎখি, ঙসিদি লৈবাক অমদি মপাল লমদা ব্রাঞ্চ ৪০ লৈবা ঙমজরে। চহি খুদিংগী মফম অসিদা মহৈরোয় লিশিং কয়া লাকই। হৌখিবা চহি ৭৫ অসিদা গুরুকুলনা মহৈরোয়শিংগী পুক্নিং ৱাখলবু অফবা ৱাখল্লোন অমসুং লৌশিং পীদুনা চাউখৎহনখি। স্পিরিচুএলিতীগী লমদা কত্থোকপা নহারোলশিংদগী হৌরগা ইস্রো অমসুং বি.এ.আর.সি.দা লৈরিবা বিজ্ঞানিকশিংবু, গুরুকুলগী চৎনবী অসিনা লৈবাক্কী তেলেন্তপু লম খুদিংমক্তা য়োকখৎখি। অমসুং ঐখোয় পুম্নমক্না গুরুকুলগী মরমদা ৱাফম অমা খঙই অমসুং ঙসিগী চহিচা অসিদা মসিনা মীপুম খুদিংমক্তা শাফু পীরি। অৱাবা মতমশিং অদুদসু অমসুং ঙসিমকসু মীওই খরা খক্তনা খঙই মদুদি গুরুকুল অসি লায়রবা মহৈরোয় খুদিংমক্তগী এজুকেসনগীদমক শুপ্নগী লুপা অমা লৌখিবা ইন্সতিত্যুসন অদুনি। মসিনা লায়রবা মহৈরোয়শিংনা মহৈ তম্বদা লাইথোক্নবা লম্বী অমা ওইখি।

মরুপশিং,

ময়াম্না খঙবীরে মদুদি ভারত্তা পুন্সিগী খ্বাইদগী ৱাংবা পান্দম অসি লৌশিংনা ওইদুনা লাকখি। মরম অসিনা মালেমগী অতোপ্পা লৈবাকশিংবধ মখোয়গী কিংদমশিংনা মশক তাক্লিবা তানফম অসিদা ভারত অসু গুরুকুলগী ভারতভুমি ওইনা মশক খঙখি। গুরুকুল হায়বদি, গুরুগী ইমুং-মনুং, লৌশিংগী ইমুং-মনুং হায়বনি! ঐখোয়গী গুরুকুলশিং অসি চহিচা কয়া মান্নবা ৱাখল্লোন, নুংশিবা অমসুং শেবাগী লৈকোল অমগা পাংখক ওইদুনা লাকখি। নলন্দা অমসুং তক্ষশিলা অসু ভারতকী গুরুকুলগী চৎনবীগী মালেমগীদা লৈরিবা মতিক-ময়াই মশক তাকপদা শীজিন্নৈ। অনৌবা পুথোকপা অমসুং থীজিনবা অসিনা ভারতকী পুন্সিগী মহিংগী শরুক অমা ওইরমখি। ভারতকী শরুক খুদিংমক্তা ঙসি উবা ফংলিবা দাইভর্সিতী, ফজরবা নাৎ উবা ফংলিবা পুম্নমক অসি থীজিনখিবশিং অমসুং পুথোকখিবশিং অদুগী ফলশিংনি। ইশানা পুথোকচবদগী লাইগী মশক ওইবা ফাওবা, অয়ুর্বেদতগী স্পিরিচুএলিতী ফাওবা, সোসিএল সাইন্সতগী সোলার সাইন্স ফাওবা, অঙ্কদগী মেতেলর্জী ফাওবদা অমদি জিরোদগী ইন্ফিনিতী ফাওবদা, হীরম খুদিংদা থিজিন হুমজিনবা অমদি অনৌবা ৱাখৈ কয়া য়েক্লমখি‍। অমম্বা চহিচা মতমদা ভারতনা মীওইবা খুন্নাইবা মঙাল মশেক পীদুনা মতমসিগী সাইন্সকী মায়কৈদা মালেমগী লম্বী য়াৎখি। মাইপাকপশিং অসিগী মরক্তা অতোপ্পা শক্তি অমনা ঐখোয়গী গুরুকুলনা মালেমগীদমক লম্বী অমা য়াৎখি। মালেমদা নুপা নুপী থোং মান্নবা হায়বা অসিগুম্বা ৱাহৈশিং থোক্ত্রিবা মতমদা গার্গী- মৈত্রেয়ুগুম্বা স্কোলরশিংনা দিবেৎ তৌখি। লব-কুশ য়াওনা অত্রেয়িনা মহাঋশি ভালমিকিগী আশ্রমদা মহৈ তমখি। স্বামিনারায়ন গুরুকুলবু ‘কন্যা গুরুকুল’ হৌদোক্তুনা অরিবা চৎনবী অসিবু মোদর্ন ইন্দিয়দা পুরকপগীদমক ঐহাক্না নুংঙাইবা পোকই। অমৃত মহোৎসবকী ৭৫শুবা চহিদা, নীংতম্বগী অমৃত কালদা ইন্সতিত্যুসন অসিগী অচৌবা মাইপাকপা অমা ওইরগনি অমসুং লৈবাক অসিগীদমক মরু ওইনা শরুক তমখিবা ওইরগনি।

মরুপশিং,

ভারতকী তরং তরংবা তুংলমচৎ শেম্বদা মহৈ মশিংগী সিস্তেম অমদি মহৈ মশিংগী ইনস্তিত্যুসনশিংনা লৌরিবা থৌদাংগী মতাংদা ঐখোয় পুম্নমক্না খঙই। মরম অসিনা আজাদী কা অমৃৎ কাল অসিদা থাক খুদিংদা লৈবাকসিদা মহৈ মশিংগী ইনফ্রাস্ত্রকচর ফগৎহন্নবা অমদি খুজিল থৌরাং য়াৎনবগীদমক লৈবাকসিদা খোঙজেল য়াঙনা পাইখৎলি‍। ঙসি লৈবাকসিদা আই.আই.তি., আই.আই.আই.তি., আই.আই.এম. অমদি এইমস অসিগুম্বা অচৌবা ইন্সতিত্যুসনশিং মশিং হেনগৎলক্লি। ২০১৪গী মমাঙদা চাংদম্নবদা হৌজিক লৈবাকসিদা মেদিকেল কলেজ মশিং চাদা হুম্ফুমঙাগী চাংদা হেনগৎলে। অনৌবা এজুকেসন পোলিসীগা লোয়ননা লৈবাক অসিদা অহানবা ওইনা তুংলমচৎকা চুনবা মহৈ মশিংগী সিস্তেম অমা লৈবাকসিনা শেম্লি। হায়না মহাক্না মখা তাখি‍। অনৌবা মীরোলশিংনা হৌরকপদা পীক্লিঙৈদগী অফবা এজুকেসন সিস্তেমগা লোয়নদুনা চাউরকপা মতমদা লৈবাক্কীদমক অফবা প্রজা শেম্বা অদু মশা মথন্তা ফংজরক্কনি। মসিগী অফবা প্রজাশিং, অফবা নহারোল অসিনা চাউখৎপা ভারতকী মঙলান অদু, লৈবাক অসিনা নীংতম্বগী চহি ১০০ শুরকপা মতমদা, ২০৪৭তা মপুং ফাহনবা ঙমগনি। অমসুং শ্রী স্বামিনারায়ন গুরুকুলগুম্বা এজুকেস্নেল ইন্সতিত্যুসনশিংগী খোঙথাংশিং অসি শোইদনা মসিদা য়াম্না মরু ওইগনি।

মরুপশিং,

অমৃত কালগী লাক্কদৌরিবা চহি ২৫গী খোঙচৎসিদা লম্বোইবশিংগী থৌজালশিং অমসুং ময়ামগী মতেং অসি য়াম্না মরুওইগনি। ঙসি ভারতকী পান্দমশিং অনৌবনি অদুগা মখোয়বু ফংনবা তাল্লিবা থৌরাংসু অনৌবনি‍। ঙসি লৈবাকসিনা দিজিতেল ইন্দিয়া, আত্মনির্ভর ভারত, ভোকেল ফোর লোকেল, দিস্ত্রিক্ত খুদিংদা অমৃৎ সরোবর ৭৫ অমদি এক ভারত শ্রেস্থ ভারতকী মঙলান অমদা খোঙ থাংজিল্লি‍। হায়রিবা খুন্নাইদা অওনবা অমদি অহোংবা পুরক্নবগী প্রোজেক্তশিং অসিদা সবকা প্রয়াস (পুম্নমক্না হোৎনমিন্নবা)না মীওই করোর কয়াগী পুন্সিদা ইথিল পীগদৌরিবনি। চপ মান্নবা মওংদা মসিগী সঙ্কল্প য়াত্রা অসিদা স্বামিনারায়ন গুরুকুল বিধ্যা প্রতিশথানমগুম্বা ইন্সতিত্যুসনশিংনা ইনোৎ হাপকনি হায়না ঐহাক্না থাজৈ। অমসুং চহি ৭৫গী য়াম্না অচৌবা খোঙচৎ অমা মাইপাক্না মাংদা পুখৎপগী ঙসি লম্বোইবা ময়ামগী মরক্তা ঐহাক্না য়াওবা ফংজরি। হৌজিক মসি লৈবাক অসিগী নহারোলশিংগী য়াইফনবা হেন্না পাকথোক চাউথোকহনবা মথৌ তাই। ঙসি ঐহাক্না স্বামিনারায়ন গুরুকুলদা থৌনিজবা য়াগদ্রা? ঐখোয়গী অৱাং নোংপোক্তা চহি খুদিংগী নুমিৎ ১৫নি নাগালেন্দ, মিজোরাম, অরুনাচল প্রদেশ, ত্রিপুরা, সিক্কিমদা য়ামদ্রবদা নহারোল ১০০ পুনবা ৱারেপ লৌবীয়ু, মফম অদুদা লৈরিবা নহারোলশিংগা উন্নবীয়ু, মখোয়গা খঙনবীয়ু, মফম অদুগী লৈরিবা মওং-মতৌ অদু খঙবীয়ু, মখোয়গী মরক্তা ইবীয়ু। চহি খুদিংগী য়ামদ্রবদা নহারোল ১৫০না নুমিৎ ১৫মফম অদুদা চৎপীয়ু। নখোয়না চহি ৭৫গী খোঙচৎ অসিদা ঐখোয়গী লম্বোইবশিংনা অৱাবা কয়া য়াম্না মায়োক্নখি খঙবা ঙমগনি, ঐখোয়গী অৱাং নোংপোক্তা আশা লৈবা নহারোল কয়া লৈবগে উবা ফংগনি। করিগুম্বা মখোয়গা লোয়ননা ঐখোয়না মরী অমা থম্বা ঙম্লবদি লৈবাক অসিদা অনৌবা শক্তি অমা হাপ্পা ঙমগনি, হোৎন্দুনা য়েংবীয়ু।

চপ মান্নবা মওংদা ঐখোয়না বেতি বচাও অভিয়ান হৌদোকপা মতমদা ঐখোয়গী লম্বোইবশিংগী কম্ম্যুনিতী অসিদা অপীকপা নুপীমচাশিংনা স্তেজ কাখৎতুনা থমোয় পেন্নীংঙাই ওইবা মওংদা নীংথিজবা এক্তিংগা লোয়ননা মিনিৎ ৭, মিনিৎ ৮, মিনিৎ ১০ ৱা ঙাংখি। মসিনা অপুনবা ভাবোকপু কপহনখি। অমসুং মহাক্না মমাগী পুক্নুংদগী হায়রকই ইমা ইবু হাৎপীগনু। অঙাং নুপীমচা হাৎপগী মায়োক্তা গুজরাত্তা ঐখোয়গী নুপীমচাশিংনা চাউনা ইহৌ হৌখি। গুরুকুলগী মহৈরোয়শিংনা ইমা পৃথিবী অসি ঐখোয়গী ইমানি হায়না মীয়ামদা হায়খি। ঐহাক্না চান্নবা চিঞ্জাক, উহৈ-ৱাহৈ, হৈরাং-লৈরাং পুথোকপী। হারশিং, কেমিকেলশিং, হীদাকশিং অসি হাপলগা ঐবু হাৎপীগনু, মখোয়শিং অসিদগী ঐবু ইনীং তমহনবীয়ু। মহৌশাগী লৌউ-পথাপকী মাইকৈদা ইথিল পীনবা ঐখোয়গী গুরুকুলগী মহৈরোয়শিংনা স্ত্রীত প্লেশিং, অর্বান প্লেশিং উৎখি। ঐখোয়গী গুরুকুলনা অচৌবা কেম্পেন চত্থখি। ঐখোয়গী গুজরাতকী রাজ্যপাল শ্রী আচার্য়া দেবরতজীগী লুচিং মখাদা মহৌশাগী লৌউ-পথাপ থৌগৎনবা অচৌবা কেম্পেন অমা হৌখি। নীশাগী ইপাক্তগী মীওইববু কন্নবা কেম্পেন চত্থবা অদুগুম্না লৌমীশিংদা ইমা পৃথিবীনু হুশিং অসিদগী মনীং তমহন্নবা ৱাশক লৌনবা ইথিল পীরগনি। মরমদি গুরুকুলদগী লাকপা মীওইশিং অসি অশেংবা খুঙ্গং, লৌমীশিংগী ইমুংদগী হৌরকপনি।  মখোয়গী খুত্থাংদা পাউজেল অসি য়াম্না লাইনা য়ৌহনবা ঙমগনি। অমৃত কাল অসিদা ঐখোয়গী গুরুকুল, ঐখোয়গী কলচর খঙবা মহৈ হৈবা নহারোলনা অনৌবা ৱাখল্লোনগা লোয়ননা অফবা তুংলমচৎকীদমক ফিরেপ লৌনবা, অকোইবগী ফীভম কন্নবা, এক ভারত শ্রেস্থ ভারতকী মঙলান মঙফাওনবা ঙম্নবা চংশিনগনি। অমসুং ঐহাক্না থাজৈ মদুদি স্বামিনারায়নগী চৎনবীদা ঐহাক্কা উন্নবা খুদিং ঐহাক্না হায়জবা অদু থুংহনবীবা অসি ঐহাক্কী লাইবক ফবনি। ঙসি ঐহাক্না ৱাফমশিং অসি হায়জরিবা অসি শোইদনা থুংহনগনি থাজৈ। অমসুং গুজরাতকী মমিং অসি শোইদনা ঙান্থোইগনি, তুংগী মীরোলগী পুন্সিবু লাইহনগনি হায়না ঐনা থাজৈ। পুম্নমকপু অমুক্কা হন্না থাগৎচরি।

জয় স্বামিনারায়ন।

***