ইন্সতিতুৎ ফোর কম্পিতিতিপনেস এন্দ সোসিএল প্রোগ্রেস ইম্পেরেতিপনা শেম্বা রাজ্যশিং অমসুং জিলাশিংগী সোসিএল প্রোগ্রেস ইন্দেক্স(এস পি আই) ঙসি ফোঙখ্রে অমসুং ইকোনোমিক এদভাইজরি কাউন্সিল-প্রাইম মিনিস্তরদা পীশিনখ্রে।

এস.পি.আই অসি নেসনেল অমসুং সব-নেসনেলগী থাক্তা লৈবাক অসিগী খুন্নাইগী চাউখৎপা চুম্না ওন্নবা খুৎলায় অমনি। খুন্নাইগী চাউখৎপগী মরুওইবা মওং অহুম হায়বদি –মীওইবগী তঙাইদনা চঙদ্রবা য়াদ্রবা মচাকশিং, নুংঙাইনা হিংনবগী য়ুম্ফমশিং অমসুং খুদোংচাবগী মচল ১২দা য়ুম্ফম ওইরগা রাজ্যশিং অমসুং জিলাশিংগী ইন্দেক্স ওনবনি। ইন্দেক্স অসিদা রাজ্য থাক্তা ইন্দিগেতর ৮৯ অমসুং জিলা থাক্তা ইন্দিগেতর ৪৯ শীজিন্নরি।

• মীওইবগী তঙাইদনা চঙদ্রবা য়াদ্রবা মচাকশিং ওনবগী থবক অসি রাজ্যশিং অমসুং জিলাশিংদা লৈরিবা মচি ওইবা চীঞ্জাক, অনা-লায়য়েংগী থবক, ঈশিং, সেনিতেসন, অশোই-অঙাম থোক্তবা অমসুং সেলতরদা য়ুম্ফম ওইবনি।
• নুংঙাই-য়াইফবগী চাং ওনবা অসি লৈবাক শীনবা থুংনা মীয়াম্না মরুওইবা লৌশিং খঙবা, ই-পাউ খঙবা, হকশেল অমসুং হকচাং ফবা অমসুং অকোয়গী ফিবমগী মতাংদা য়ুম্ফম ওইরগা ওনবনি।
• মীওই অমনা ফংফম থোকপা হকশিং, মনিং তম্বা অমসুং অপাম্বা খনবা, পুন্না চাউখৎমিন্নবা অমসুং অৱাংবা থাক্কী লাইরিক তম্বা ফংবদা য়ুম্ফম ওইরগা খুদোংচাবা ফংবগী চাং অসি ওল্লি।

এস.পি.আই স্কোরশিংদা য়ুম্ফম ওইরগা, রাজ্যশিং অমসুং জিলাশিং অসি খুন্নাইগী চাউখৎপগী থাক ৬ থোক্না রেঙ্ক শেম্লে। থাকশিং অদুদি তয়ার ১: ভেরি হায় সোসিএল প্রোগ্রেস; তয়ার ২: হায় সোসিএল প্রোগ্রেস; তয়ার ৩: অপ্পর মিদল সোসিএল প্রোগ্রেস; তয়ার ৪: লৱার মিদল সোসিএল প্রোগ্রেস; তয়ার ৫ : লো সোসিএল প্রোগ্রেস; অমসুং তয়ার ৬ : ভেরি লো সোসিএল প্রোগ্রেস।

লনাই নিংতম্বা, লৈফম, ঈশিং অমসুং সেনিতেসন্দা শিংথানিঙাই ওইবা থবকশিং পাংথোক্তুনা লৈবাক অসিদা পুদুচেরিনা খ্বাইদগী ৱাংবা এস.পি.আই স্কোর ৬৫.৯৯ ফংলে। লাক্ষদ্বিপ অমসুং গৱানা মথংশিৎনা এস.পি.আই স্কোর ৬৫.৮৯ অমসুং ৬৫.৫৩ ফংলে। ঝারখান্দ অমসুং বিহারনা খ্বাইদগী য়ামদবা স্কোর ৪৩.৯৫ অমসুং ৪৪.৪৭ ফংলে।

অতোপ্পা রাজ্যশিং অমসুং য়ু.তিশিংগা চাংদম্নবদা ঈশিং, সেনিতেসন অমসুং লৈফমদা খ্বাইদগী ফজনা থবক তৌদুনা মীওইবগী তঙাইফদনা চঙদ্রবা য়াদ্রবা পোৎলমশিং ফংহনবা মকোক থোঙবা রাজ্য মরি গৱা, পুদুচেরি, লাক্ষদ্বিপ অমসুং চান্দিগরনা ওইরে। ঈশিং অমসুং সেনিতেসন্দা গৱানা খ্বাইদগী য়াম্বা স্কোর ফংলে অমসুং মচি ওইবা চীঞ্জাক চাবা অমসুং অফবা অনা-লায়য়েংগী খুদোংচাবা ফংবদা কেরলানা মকোক ওইরে। লৈফম, অশোই-অঙাম থোক্তবদা চান্দিগর অমসুং নাগালেন্দনা মাঙজিল থারে।

নুংঙাইনা হিংনবা মচাকশিং ফংবদা মিজোরম, হিমাচল প্রদেস, লাদাখ অমসুং গৱানা খ্বাইদগী ফবা রাজ্যশিং ওইরে। তঙাইফদনা চঙদ্রবা য়াদ্রবা লৌশিং খঙবদা স্কোর ৬২.৯২ ফংদুনা পঞ্জাবনা মকোক ওইরে অমসুং ই-পাউ ফংবদা স্কোর ৭১.৩০ ফংদুনা দিল্লিনা মকোক ওইরে। স্কোর ৭৩.৭৪ ফংদুনা হকচাং ফবদা রাজস্থান্না মকোক ওইরে।অকোয়গী ফিবম য়াম্না ফবা মকোক থোঙবা রাজ্যশিংগী মনুংদা মিজোরম, নাগালেন্দ অমসুং মেঘলয়না মাঙজিল থারে।

খুদোংচাবা য়াম্না ফংবা রাজ্যশিংগী মনুংদা স্কোর ৭২.০০ ফংদুনা তামিল নাদুনা মকোক ওইরে। মীওইবগী হকশং ফংবদা অন্দমান অমসুং নিকোবর ইথৎশিংনা মকোক ওইরে অমসুং পুন্না চাউৎ-থৌরাংগী কান্নবশিং ফংবদা সিক্কিম্না মকোক ওইরে।

তয়ার-১: ভেরি হায় সোসিএল প্রোগ্রেস

তয়ার-২: হায় সোসিএল প্রোগ্রেস

তয়ার-৩: অপ্পর মিদল সোসিএল প্রোগ্রেস

তয়ার-৪: লৱার মিদল সোসিএল প্রোগ্রেস

তয়ার-৫: লো সোসিএল প্রোগ্রেস

তয়ার-৬: ভেরি লো সোসিএল প্রোগ্রেস

রিপোর্ত অসিদা ভারত্তা খুন্নাইগী চাউৎপগী চাউরাকপা মশক অমা উৎলে। মসিগী মথক্তা, রিপোর্ত অসিদা লৈবাক অসিগী এস্পিরেসনেল দিস্ত্রিক ১১২গী ফিবম ফগৎলকপগী চাউরাকপা মশক অমা উবা ফংলে।

লাক্কদৌরিবা চহিশিংদা থৌশিল শেম্বশিংনা লম্বী অমা শেম্নবা য়াম্না চেকশিন্না অমসুং কুপ্না থিজিন্দুনা রিপোর্ত অসিগী মচাকশিং অসি পুথোকপনি। রিপোর্ত অসিনা খুন্নাই চাউখৎনবগী খোঙচৎকী অনৌবা তাঙ্কক অমা হৌরে অমসুং মসিনা লৈবাক অসিদা খুন্নাই চাউৎনবগী থাজবশিং লৈহল্লে।

মহাক্কী হৌদোকপগী ৱারোলদা, ইন্সতিতুৎ ফোর কম্পিতিতিপনেসকী ওনেরারি চিয়ারমেন অমসুং স্তেনফোর্দ য়ুনিভর্সিতিগী লেকচর দোক্তর অমিত কাপুরনা হায়খি, সোসিএল প্রোগ্রেস ইন্দেক্স(এস পি আই)রিপোর্ত অসি মনিং-মখা তম্বা লুপ অমগী থবক্নি অমসুং মসি মীওইবগী তঙাইদনা চঙদ্রবা য়াদ্রবা মচাকশিং, নুংঙাইনা হিংনবগী লম্বীশিং অমসুং খুদোংচাবদা য়ুম্ফম ওইবনি। ভারতকী ওইনা অসিগুম্বা কুপ্না থিজিনবা সোসিএল পেরামিতরশিংদা য়েংবা ইন্দেক্স অমতা লৈতে।

ইন্দেক্স অসিদা মতেং পাংখিবা সোসিএল প্রোগ্রেস ইন্দেক্সকী সি.ই.ও মাইকেল গ্রিন্না হায়খি, সোসিএল প্রোগ্রেস ইন্দেক্স অসিনা ভারত্তা সরকারনা জাতি অমসুং রাজ্যগী থাক্তা পায়খৎলিবা থবকশিং ওন্নবা খুৎলায় অমনি। মসি সরকার,ললোন-ইতিক অমসুং মীয়ামগী থবকশিংগী চপ মান্না লোন অমনি অমসুং মসিনা শেন-থুম অমসুং খুন্নাই চাউখৎনবা মাইকৈদা মীৎয়েং থম্লি।

ইন্তরএক্তিব ওনলাইন প্লেতফোর্ম মসিদগী ফংগনি:

রাজ্য থাক্কী সোসিএল প্রোগ্রেসিপ ইন্দেক্স: https://eacpm.gov.in/state-level-social-progress-index/

জিলা থাক্কী সোসিএল প্রোগ্রেসিপ ইন্দেক্স: https://eacpm.gov.in/district-level-social-progress-index/

রিপোর্ত ফোঙবা মতমদা ই.এ.সি-পি.এমগী চিয়ারমেন বিবেক দেব্রোইনা হায়খি মসিদা রাজ্যশিং অমসুং জিলাশিংগী দেতা য়াওরে অমসুং খনগৎলবা রাজ্যশিং অমসুং জিলাশিংগী লনাই রেঙ্কিং পীবগী মথক্তা রাজ্যশিং পুনশিন্দুনা চাউখৎ-থৌরাংগী তোঙান-তোঙানবা থাকশিংদা মীৎয়েং থম্লে।

এন.এ.সি.ই.আরগী প্রোফেসার সোনালদে দেসাইনা হায়খি রিপোর্ত অসি রাজ্য অমসুং জিলাগী লৈঙাকপশিংনা ফিবম ফগৎহন্নবা মফমশিং থিজিন্নবা অফবা খুৎলায় অমনি।

রিপোর্ত অদু ই.এ.সি-পি.এমগী চিয়ারমেন বিবেক দেব্রোইনা ফোঙখি অমসুং নিউ দিল্লিগী নেসনেল নেহরু মেমোরিএল মিউজমদা পাংথোকপা থৌরম অদুদা ইন্সতিতুৎ ফোর কম্পিতিতিপনেসকী ওনেরারি চিয়ারমেন দোক্তর অমিত কাপুর, সোসিএল প্রোগ্রেসিপ ইম্পেরেতিপকী সি.ই.ও মাইকেল গ্রিন অমসুং অতোপ্পা শক্নাইরবা মীওই কয়া শরুক য়াখি।

রিপোর্ত দাউনলোদ তৌবা য়াগনি:

https://eacpm.gov.in/wp-content/uploads/2022/12/Social_Progress_Index_States_and_Districts_of_India.pdf

*****