প্রধান মন্ত্রী শ্রী নরেন্দ্র মোদীনা দিসেম্বর ১৮দা মেঘালয় অমসুং ত্রিপুরাদা চৎকনি। শিল্লোংদা প্রধান মন্ত্রীনা নোর্থ ইস্তর্ন কাউন্সিলগী গোল্দন জুবিলী থৌরমদা শরুক য়াগনি। অয়ুক পুং ১০:৩০রোম তারকপদা প্রধান মন্ত্রীনা শিল্লোংদা লৈবা স্তেৎ কনভেন্সন সেন্তরদা নোর্থ ইস্তর্ন কাউন্সিলগী মীফমদা শরুক য়াগনি। মসিগী মতুংদা অয়ুক পুং ১১:৩০রোম তারকপদা মহাক্না শিল্লিংদা মীয়ামগী ওইবা থৌরম অমদা তোঙান-তোঙানবা প্রোজেক্তশিং শঙ্গাগনি, কত্থোক্কনি অমসুং উরেপ উয়ুং তমগনি। মহাক্না মতুংদা অগরতলাদা চৎকনি অমসুং নুংথিল পুং ২:৪৫রোম তারকপদা মীয়ামগী ওইবা থৌরম অমদা মহাক্না মরু ওইবা প্রোজেক্ত কয়ামরুম শঙ্গাগনি অমসুং উরেপ উয়ুং তমগনি।

মেঘালয়দা পি.এম.

প্রধান মন্ত্রীনা নোর্থ ইস্তর্ন কাউন্সিল (এন.ই.সি.)গী মীফমদা শরুক য়াগনি অমসুং ৱা ঙাংগনি। কাউন্সিল অসি ১৯৭২গী নবেম্বর ৭তা হৌনবী মতুং ইন্না শঙ্গাখি। এন.ই.সি.না অৱাং নোংপোক লমদমগী সমাজিক-শেন্মীৎলোনগী চাউখৎ থৌরাংদা মরু ওইবা থৌদাং অমা লৌখি অমসুং লমদম অসিদা লৈরিবা রাজ্য পুম্নমক্কী তোঙান-তোঙানবা ইনফ্রাস্ত্রকচর প্রোজেক্তশিং অমসুং অতোপ্পা চাউখৎ থৌরাংগী থৌশিলশিংদা তেংবাংখি। এজুকেসন, হকশেল, শান্নখোৎনবা, ৱাতর রিসোর্সেস, লৌউ-শিংউ, তুরিজম, ইন্দস্ত্রী অমদি অতোপ্পা কয়া য়াওনা মরু ওইনা সেক্তরশিংগী মরু ওইনা শোত্থরিবা লমশিংদা কান্নবা কেপিতেল অমসুং সোসিএল ইনফ্রাস্ত্রকচর শেম্বদা মতেং পাংখি।

মীয়ামগী ওইবা থৌরম অমদা প্রধান মন্ত্রীনা লুপা করোর ২৪৫০রোম ওইবা তোঙান-তোঙানবা প্রোজেক্তশিং শঙ্গাগনি, কত্থোক্কনি অমসুং উরেপ উয়ুং তমগনি।

লমদম অসিদা তেলিকোম কন্নেক্তিবিতী হেন্না শাহৌ পীনবা খোঙথাং অমদা প্রধান মন্ত্রীনা জাতিদা ৪জি মোবাইল তাৱরশিং কত্থোক্কনি মসিগী মনুংদা ৩২০দি শাবা লোইশিনখ্রে অমসুং ৮৯০রোমনা শাবগী থবক চত্থরি। মহাক্না উমসোলিদা আই.আই.এম. শিল্লোংগী অনৌবা কেম্পস শঙ্গাগনি। মহাক্না শিল্লোং-দেঙ্গপাসোহ রোদ শঙ্গাগনি, মসিনা অনৌবা শিল্লোং সেতলাইৎ তাউনশিপ ফাওবা কন্নেক্তিবিতী ফগৎহল্লগনি অমসুং শিল্লোংদা মী চিনবা হন্থহল্লগনি। মহাক্না রাজ্য অহুমদা – মেঘালয়, মনিপুর অমসুং অরুনাচল প্রদেশ ফাওদুনা চৎলিবা অতোপ্পা রোদ প্রোজেক্ত মরিসু শঙ্গাগনি।

মহাক্না মশরুম স্পোন প্রদক্সন হেনগৎহন্নবা অমসুং লৌমীশিং অমদি ওন্তপ্রিনোরশিংদা স্কিল ত্রেনিং পীনবা মেঘালয়দা মুশরুম দিবেলপমেন্ত সেন্তরদা স্পোন লেবোরেতোরী শঙ্গাগনি।  মহাক্না কেপাসিতী বিল্দিং অমসুং তেক্নোলোজী অপগ্রেদেসনগী খুত্থাংদা খোই য়োক্লিবা লৌমীশিংগী হিংনবগী লম্বী ফগৎহন্নবা মেঘালয়দা ইন্তিগ্রেতেদ বীকিং দিবেলপমেন্ত সেন্তরসু শঙ্গাগনি। মখা তানা মহাক্না মিজোরাম, মনিপুর, ত্রিপুরা অমসুং অসামদা হিন্দী লাইব্রেরী ২১ শঙ্গাগনি।

প্রধান মন্ত্রীনা অসাম, মেঘালয়, মনিপুর, মিজোরাম অমসুং ত্রিপুরা রাজ্যশিং অসিদা রোদ প্রোজেক্ত তরুক্কী উরেপ-উয়ুং তমগনি। মহাক্না তুরাদা ইন্তিগ্রেতেদ হোস্পিতালিতী এন্দ কনভেন্সন সেন্তর অমসুং শিল্লোং তেক্নোলোজী পার্ক ফেস -II গী উরেপ উয়ুংসু তমগনি। তেক্নোলোজী পার্ক ফেস-II অসি লম স্ক্বার ফীত লাখ ১.৫ পাকপা মফমদা শাগনি। মসিনা প্রোফেস্নেলশিংগীদমক অনৌবা খুদোংচাবা পীরগনি অমদি থবক ৩০০০ হেন্না পীরবা য়াই পান্নরি। ইন্তিগ্রেতেদ হোস্পিতালিতী এন্দ কনভেন্সন সেন্তর অসিদা কনভেন্সন হব, গেস্ত রুমশিং, ফুদ কোর্ত অসিনচিংবা য়াওগনি। মসিনা লমদম অসিদা তুরিজম চাউখৎহন্নবা অমসুং কলচরেল হেরিতেজ উৎথোক্নবা মথৌ তাবা ইনফ্রাস্ত্রকচর পীরগনি।

ত্রিপুরাদা পি.এম.

প্রধান মন্ত্রীনা লুপা করোর ৪৩৫০ রোম ওইগদবা মরু ওইবা থৌশিল কয়ামরুম শঙ্গাগনি, কত্থোক্কনি অমসুং উরেপ উয়ুং তমগনি।

মন্ত্রীনা মশাগী ওইবা য়ুম অমা মীপুম খুদিংমক্তা পীনবা মাইকৈদা মরু ওইবা মীৎয়েং অমা চংদুনা লাকখি। লমদম অসিদা হায়রিবা অসি ফংহন্নবা মাইকৈদা চংশিনবা মরু ওইবা খোঙথাং অমদা প্রধান মন্ত্রীনা প্রধান মন্ত্রী আৱাস য়োজনা – অর্বান অমসুং প্রধান মন্ত্রী আৱাস য়োজনা – রুরেলগী মখাদা বেনিফিসরীশিংগীদমক গৃহ প্রভেশকী থৌরম হৌদোক্কনি। য়ুমশিং অসি লুপা করোর ৩৪০০ হেন্না চংনা শাখি মসিনা বেনিফিসরী লাখ ২ হেন্না কোনশিল্লি।

রোদ কন্নেক্তিবিতী ফগৎহনবদা মীৎয়েং থম্বগা লোয়ননা প্রধান মন্ত্রীনা অগরতলা বাইপাস (খায়েরপুর – অমতালি) এন.ঐচ. – ০৮ পাকথোক চাউথোকহনবগী প্রোজেক্ত শঙ্গাগনি মসিনা অগরতলা সহরদা ত্রাফিক চিনবা হন্থহনবদা মতেং পাংলগনি। মহাক্না পি.এম.জি.এস.ৱাই. III (প্রধান মন্ত্রী গ্রাম সরক য়োজনা)গী মখাদা কিমি ২৩০ হেন্না শাংবা লম্বী ৩২ অমসুং কিমি ৫৪০ হেন্নবগী অশাংবা কোল্লিবা লম্বী ১১২ ফগৎহন্নবগীদমক উরেপ-উয়ুংসু তমগনি।

প্রধান মন্ত্রীনা অনন্দনগরদা স্তেৎ ইন্সতিত্যুত ওফ হোতেল মেনেজমেন্ত অমসুং অগরতলা গভর্নমেন্ত দেন্তেল কোলেজসু শঙ্গাগনি।

***