প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা রুসিয়ান ফেদেরেসনগী প্রসিদেন্ত ব্লাদিমির পুতিনগা তেলিফোন্দা ৱারি শানখ্রে
Posted On:
16 DEC 2022 4:09PM by PIB Imphal
ঙসি প্রধান মন্ত্রী শ্রী নরেন্দ্র মোদীনা রুসিয়ান ফেদেরেসনগী প্রসিদেন্ত ব্লাদিমির পুতিনগা তেলিফোন্দা ৱারি শানখ্রে।
এস.সি.ও মীফমগী নাকলদা সমারকান্দদা মখোয় উনখিবা অদুগী মথা তারকপা ওইনা, লুচিংবা অনিনা ইনর্জিগী মতেং পীনবা, ললোন-ইতিক অমসুং ইনভেস্তমেন্ত, ঙাক-শেন অমসুং ঙাক-শেনগী লমদা মতেং পীনবা অমসুং অতোপ্পা মরুওইবা হিরমশিং য়াওনা লৈবাক অনিগী মরীগী ফিবম হন্না খন্নখি।
হৌজিক য়ুক্রেন্দা চৎথরিবা মুক্নবা অসি ৱারি শানদুনা অমসুং দিপ্লোমেসিগী খুৎথাংদা ৱারোইশিন পুরক্নবা প্রধান মন্ত্রীনা মহাক্কী ওইবা ৱাফম অমুক হন্না থমখি।
ভারতনা হৌজিক জি-২০গী প্রসিদেন্ত ওইরিবা অসিগী মতাংদা অমসুং মসিগী মরুওইবা থবকশিংগী মতাংদা প্রধান মন্ত্রীনা প্রসিদেন্ত পুতিন্দা পাউদমখি। ভারতনা সংহাই কোর্পোরেসন ওর্গনাইজেসনগী চিয়ারসিপ ওইরিঙৈ মনুংদা লৈবাক অনি পুন্না থবক তৌমিন্ননবা মহাক্না থাজবা থমখি।
মখোয় অনি চাংনাইনা পাউ ফাওনবা হায়না লুচিংবা অনিনা য়ানখি।
*****
(Release ID: 1884348)
Visitor Counter : 85
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam