প্রধান মন্ত্রী, শ্রী নরেন্দ্র মোদীনা ঙসি পার্লিয়ামেন্তগী নীংথম মীফম হৌবদা রাজ্য সভাদা ৱা ঙাংখ্রে অমসুং উপ্পর হাউসতা উপ-রাস্ত্রপতিবু তরাম্না ওকখ্রে।

প্রধান মন্ত্রীনা পার্লিয়ামেন্তগী মেম্বর পুম্নমক লোয়ননা লৈবাক্কী প্রজা পুম্নমক্কী মহুৎ শিন্দুনা ভারতকী উপ রাস্ত্রপতি অমসুং রাজ্য সভাগী চিয়রমেন, শ্রী জগদীপ ধনখরদা নুংঙাইবা ফোঙদোক্লদুনা মহাক্কী ৱারোল পীবা হৌখি। লৈবাক্কী উপ রাস্ত্রপতিগী অৱাবা থাক্কী ফম অসিগী মতাংদা প্রধান মন্ত্রীনা হায় ফম অসিমক মীওই কয়াগী ইথিলগী হৌরকফম ওইরিবনি।

রাজ্য সভাগী চিয়রমেন্দা ৱা ঙাংলদুনা প্রধান মন্ত্রীনা ঙসি অসি আর্মদ ফোর্সেস ফ্লেগ দেগা পুন্না তারি অমসুং হাউস অসিগী মেম্বর পুম্নমক্কী মহুৎ শিন্দুনা আর্মদ ফোর্সেসপু ইকাই খুম্নবা উৎচরি। ঝুনঝুনু অসি উপ রাস্ত্রপতিগী পোক্নফমনি হায়রদুনা প্রধান মন্ত্রীনা লৈবাক অসিগী শেবা তৌনবগী মাইকৈদা অচৌবা থৌদাং লৌখিবা ঝুনঝুনুগী মশিং লাকঙমদ্রবা ইমুংশিংনা শরুক তমখিবশিং অদু ফোঙদোকখি। মহাক্না উপ রাস্ত্রপতিগা লান্মী অমদি লৌমীশিংগা লৈনরিবা অনকপা মরী অদুগী মতাংদা পল্লদুনা হায়, “ঐখোয়গী উপ রাস্ত্রপতি অসি লৌমীগী মচানুপানি অমসুং মহাক্না সাইনিক স্কুলদা তমলকখি। মরম অসিনা মহাক অসি লান্মী অমদি লৌমীগা অনকপা মরী লৈনৈ”।

প্রধান মন্ত্রীনা ইকাই খুম্ননীংঙাই ওইরবা পার্লিয়ামেন্তকী উপ্পর হাউসনা উপ রাস্ত্রপতিবু ভারতনা অচৌবা থৌরম অনি উবা ফংলিবা তানফম অমদা তরাম্না ওক্লি হায়না ফোঙদোকখি। শ্রী মোদীনা হায় মদুদি ভারতনা আজাদী কা অমৃত কালদা চংশিনখি অমসুং জি২০ সম্মিৎ পাঙথোক্নবা অমসুং প্রিসাইদ তৌনবগী অতাংবা খুদোংচাবা ফংখি। মহাক্না মখা তারদুনা হায় ভারতনা অনৌবা ভারতকী চাউখৎ-থৌরাংগী অনৌবা চহিচা অমা ফংনবা হোৎনবগী মথক্তা তুংদা লাক্কদবা মতমশিংদা মালেমগী মাইকৈ তাকপদা মরু ওইবা থৌদাং অমা লৌগনি। মহাক্না মখা তারদুনা হায়, “ঐখোয়গী দেমোক্রেসী, ঐখোয়গী পার্লিয়ামেন্ত অমসুং ঐখোয়গী পার্লিয়ামেন্তরী সিস্তেমনা খোঙচৎ অসিদা মরু ওইবা থৌদাং লৌগনি”।

ঙসি অসি রাজ্য সভাগী চিয়রমেন ওইনা উপ রাস্ত্রপতিগী তর্মগী অহৌবনি হায়রদুনা প্রধান মন্ত্রীনা হায়খি মদুদি উপ্পর হাউসনা পুরিবা থৌদাং অসু মীচম মীয়ামগী সমস্যাশিংগা মরী লৈনৈ। মহাক্না মখা তারদুনা হায় “তানফম অসিদা ভারতনা মাগী থৌদাংশিং মশক খঙই অমসুং মদুবু ঙাক্না চৎকনি”। প্রধান মন্ত্রীনা হায়খি মদুদি মরু ওইবা তানফম অসিদা ভারতকী ইকাই খুম্ননীংঙাই ওইবা ত্রাইবেল খুন্নাইনা রাস্ত্রপতি শ্রীমতি দ্রৌপতি মুর্মুগী শক্লোন্দা লৈবাক অসিবু লমজিংলি। মহাক্না হান্নগী রাস্ত্রপতি, শ্রী রামনাথ কোবিন্দজিনা শোত্থরবা খুন্নাইগী শরুক্তগী হৌরক্তুনা লৈবাক অসিগী খ্বাইদগী ৱাংবা ফম পাইখি হায়না ফোঙদোকখি।

চিয়র অসি ইকাই খুম্নবগা লোয়ননা প্রধান মন্ত্রীনা হায়খি, “কনাগুম্বা অমনা রিসোর্সনা থনবা পাম্বৈ খক্তগী মহুৎ প্রেক্তিস অমসুং রিএলাইজেসনশিংগী খুত্থাংদা করিগুম্বা অমা হেক্তা ফংবা ঙম্মি হায়বগী খুদম অদোমগী পুন্সিনা ওইরি”। উপ রাস্ত্রপতিনা দিকেদ অহুম হেন্না সিনিয়র লোয়র ওইনা লৈরকখিবা এক্সপরিয়েন্সকী মতাংদা পল্লদুনা প্রধান মন্ত্রীনা হায় মহাক্না হাউস অসিদা ৱায়েলশঙ নীংশিংলক্লোই মরমদি রাজ্য সভাদা সুপ্রিম কোর্ত্তা মহাক্কা উন্নখিবা মীওই মশিং কয়া থেংনগনি। মহাক্না মখা তারদুনা হায়, “অদোম্না এম.এল.এ.গী থৌদাং লৌরম্বদগী এম.পি., কেন্দ্রগী মন্ত্রী, রাজ্যপালগী থৌ পুরমখি”।  মহাক্না মখা তারদুনা হায় মদুদি থৌদাং পুম্নমক অসিদা চপ মান্নবা ৱাফম অদুদি লৈবাক অসিগী চাউখৎ-থৌরাং অমসুং দেমোক্রেতিক ভেল্যুশিংগীদমক মহাক্না কত্থোকপা অদুনি। উপ রাস্ত্রপতিগী মীখলদা উপ রাস্ত্রপতিনা ভোৎ শিয়র ৭৫ ফংখিবা অদু নীংশিংলদুনা হায় মসি মীয়াম্না মহাকপু নুংশিবগী খুদমনি।

প্রধান মন্ত্রীনা হায়খি, “মাং থানা পুবা হায়বা অসিমক লুচিংবগী তশেংবা ৱাহন্থোক্নি। মসি রাজ্য সভাদনা হেন্না মরু ওইরকই মরমদি সভা অসিনা হেন্না অফবা মওংদা দিমোক্রেতিক ওইবা ৱারেপশিং মাংদা পুনবগী থৌদাং লৌই”।

হাউসকী ইকাই খুম্নবা ঙাক্নবা অমসুং হেনগৎহন্নবগীদমক মাগী মেম্বরশিংদা পুরিবা থৌদাংশিংগী মতাংদা পল্লদুনা প্রধান মন্ত্রীনা হায়খি মদুদি হাউস অসি লৈবাক্কী মতিক ময়াই লৈরবা দেমোক্রেতিক হেরিতেজকী কন্দক্তরনি অমসুং মাগী মপাঙ্গলসু ওইরি। মহাক্না মখা তারদুনা হায়খি রাজ্য সভাদা মেম্বর অমা ওইনা অমুক্তং থৌ পুরম্বা প্রধান মন্ত্রী কয়া লৈ। প্রধান মন্ত্রীনা মেম্বরশিংনা উপ রাস্ত্রপতিগী লমজিং মখাদা হাউস অসিগী লেগেসী অমসুং ইকাই খুম্নবা অসি মাংদা পুখৎকনি হায়না থাজবা পীখি। মহাক্না মখা তারদুনা হায়, “অরুবা ৱাফমশিং খন্ন-নৈনবনা দেমোক্রেসীগী মমা অমা ওইবগী চাউথোকচবা অদুদা হেন্না শক্তি পীরগনি”।

মহাক্কী ৱারোল পীবা লোইশিনবদা প্রধান মন্ত্রীনা হান্নগী উপ রাস্ত্রপতি অমসুং হান্নগী চিয়রমেনগী ফ্রেজিওলোজী অমসুং রাইমনা মেম্বরশিংগী হরাও তয়াম্বা অমসুং মীনোক্কী হৌরকফম ওইইবা অদু নীংশিংখি। প্রধান মন্ত্রীনা ৱা ঙাংবা লোইশিল্লদুনা হায় “অদোমগী লৌশিং লৈবা মতৌ অদুনা অশোইবা অমত্তা থোকহল্লোই অমসুং অদোম্না হাউস অসিদা কান্নবা পীগনি হায়না ঐহাক্না থাজৈ”।

Speaking in the Rajya Sabha. https://t.co/1sMsERCMzU

— Narendra Modi (@narendramodi) December 7, 2022

Our Vice President is a Kisan Putra and he studied at a Sainik school.

Thus, he is closely associated with Jawans and Kisans: PM @narendramodi speaking in the Rajya Sabha

— PMO India (@PMOIndia) December 7, 2022

This Parliament session is being held at a time when we are marking Azadi Ka Amrit Mahotsav and when India has assumed the G-20 Presidency: PM @narendramodi

— PMO India (@PMOIndia) December 7, 2022

Our respected President Droupadi Murmu Ji hails from a tribal community. Before her, our former President Shri Kovind Ji belongs to the marginalised sections of society and now, our VP is a Kisan Putra. Our VP also has great knowledge of legal matters: PM @narendramodi

— PMO India (@PMOIndia) December 7, 2022

*****