নৌনা মাইপাকপা অমা ওইনা, লৈবাক অসিদা মেতরনেল মোর্তালিতি রেসিও(এম এম আর)শিংথানিঙাই ওইনা হন্থরে। মাইপাকপা অসিগীদমক লৈবাক অসি থাগৎলদুনা, কেন্দ্রগী হকশেল অমসুং য়াইফ-য়ুম্বালগী মন্ত্রী দোক্তর মনসুখ মন্দাবিয়ানা মপুংফানা মেতরনেল মোর্তালিতি রেসিও(এম এম আর)হন্থরকপা অসিদা থাগৎখি অমসুং ত্বিৎ অমদা হায়খি:

২০১৪-১৬দা মীরোনবী লাখ ১ অঙাং উনবদা মীরোনবী ১৩০ শিরম্বদগী ২০১৮-২০দা মীরোনবী লাখ অমদা মীরোনবী ৯৭ শিদুনা মেতরনেল মোর্তালিতি রেসিও(এম এম আর) শিংথানিঙাই ওইনা হন্থরক্লে। প্রধান মন্ত্রী@NarendraModi জিগী সরকারনা মমাশিং অঙাং উনবগী হকশেলগী অফবা খুদোংচাবশিং ফংহনবদগী এম.এম.আর হন্থরকপা চাউনা মতেং পাংখি।

Significant Decline in the Maternal Mortality Ratio from 130 in 2014-16 to 97 per lakh live births in 2018-20.

The various healthcare initiatives of PM @NarendraModi Ji's Govt to ensure quality maternal & reproductive care have helped tremendously in bringing down MMR. pic.twitter.com/dTFeny1zDs

— Dr Mansukh Mandaviya (@mansukhmandviya) November 29, 2022

এম.এম.আরগী মতাংদা রেজিস্তার জেনেরেল ওফ ইন্দিয়ানা ফোংবা অখন্নবা চেফোঙগী মতুংইন্না, পোইন্ত ৬তা ভারতকী মেতরনেল মোর্তালিতি রেসিও(এম এম আর)গী ফিবম ফগৎলে অমসুং হৌজিক মীরোনবী লাখ অমা অঙাং উনবদা মীরোনবী ৯৭ খক শিরে। অঙাং উনবা ১০০,০০০দা অপীবা মতমগী মনুংদা মীরোনবী শিবগী মশিং অদু মেতরনেল মোর্তালিতি রেসিও(এম এম আর)হায়না খঙনৈ।

সেম্পল রেজিস্ত্রেসন সিস্তেম(এস আর এস)কী রিপোর্ত মতুংইন্না, লৈবাক অসিদা মেতরনেল মোর্তালিতি রেসিও(এম এম আর)হন্থরক্তুনা ২০১৪-১৬দা ১৩০, ২০১৫-১৭দা ১২২, ২০১৬-১৮দা ১১৩, ২০১৭-১৯দা ১০৩ অমসুং ২০১৮-২০দা ৯৭ ওইখিবা অদু মখা পীরি:

ফিগর ১: ২০১৩-২০২০দগী মেতরনেল মোর্তালিতি রেসিও(এম এম আর) হন্থরকপা

মসি মাইপাকপা ঙম্বদগী, ভারতনা মেতরনেল মোর্তালিতি রেসিও(এম এম আর)গী নেসনেল হেল্থ পোলিসি(এন.ঐচ.পি)গী পান্দম ফংবা ঙম্লে অমসুং অঙাং উনবা লাখ ১দা মীরোনবগী ১০০গী মখাদা শিরে অমসুং ২০৩০ ফাওবগী মনুংদা অঙাং উনবা লাখ ১গী মনুংদা এম.এম.আর ৭০ থম্নবা এস.দি.জিগী পান্দম ফংনবা অচুম্বা লম্বীদা লাক্লে।

স্তেনেবল দিবলপমেন্ত গোল(এস দি জি)গী পান্দম ফংবা রাজ্য মশিং ৬ ওইরম্বদগী হৌজিক রাজ্য ৮দা হেনগৎলক্তুনা কেরলানা(১৯) মাঙজিল থারি, তুংদা মহারাস্ত্রা(৩৩), তেলাঙ্গানা(৪৩), অন্ধ্র প্রদেস(৪৫), তামিল নাদু(৫৪), ঝারখান্দ(৫৬), গুজরাত(৫৭) অমসুং কর্নাতাকা(৬৯)নি।

২০১৪দগী হৌদোকখিবা নেসনেল হেল্থ মিসন্না, ভারত্তা মীরোনবীশিং অমসুং পোকপদা ঙাইরিবা অঙাংশিংদা অফবা মগুন লৈবা হকশেলগী খুদোংচাবশিং ফংহনবদগী মমা কয়া শিবদগী ঙাকথোকপা ঙম্লে। অকক্নবা মেতরনেল মোর্তালিতি রেসিও(এম এম আর)গী পান্দম ফংনবা হকশেলগী খুদোংচাবশিং ফংহন্নবা নেসনেল হেল্থ মিসন্না শেন ফজনা থাদরে। সরকারগী স্কিমশিং হায়বদি ‘জননি সিসু সুরক্ষা কর্য়াক্রম’ অমসুং ‘জননি সুরক্ষা য়োজনা’ শেমদোক্লে অমসুং হেন্না ফবা ‘সুরক্ষিৎ মত্রিভা অস্বাসান’(সুমান)স্কিম অমা ওইনা থবক কয়া পাংথোক্লে।

খুদোংথিনিঙাই ওইবা মীরোনবীশিং মশক খঙদোকপা অমসুং লৌখৎফম থোকপা চেকশিন-থৌরাংশিং লৌখৎনবা প্রধান মন্ত্রী সুরক্ষিৎ মত্রিভা অভিয়ান(পি  এম এস এম এ)না থবক পায়খৎলি। মসিনা শিংথানিঙাই ওইনা কান্নবা পীদুনা অঙাং উনবদা শিবা মাঙজৌন্না ঙাকথোক্নবা হোৎনবদা মতেং পাংলে। মীরোনবশিং চিংলেম্না অঙাং উনবা ফংনবা লাখস্যা অমসুং মিদৱাইফরিগী থবকশিংনা চাউনা মতেং পাংলে।

এম.এম.আরগী এস.দি.সিগী পান্দম ফংনবা মেতরনেল মোর্তালিতি রেসিও(এম এম আর)হন্থনবা ভারতনা মাইপাক্না থবকশিং পায়খৎপদগী অপীবা মতম ২০৩০গী মমাঙদা মেতরনেল মোর্তালিতি রেসিও(এম এম আর) ৭০গী মখাদা লৈহনবা ঙম্লে অমসুং মীরোনবীশিংদা অফবা মগুন লৈবা হকশেলগী খুদোংচাবশিং ফংহনবগীদমক লৈবাক অসি মালেম্না খঙনরে।

*****