2022 ఏప్రిల్ నుండి జూన్ వరకు మిగిలిన జీఎస్టీటి పరిహారం కింద 24.11.2022న రాష్ట్రాలు/కేంద్రపాలిత ప్రాంతాలకు కేంద్ర ప్రభుత్వం రూ.17,000 కోట్లు ( దిగువ పట్టిక ప్రకారం రాష్ట్రాల వారీగా వివరాలు ) కేంద్ర ప్రభుత్వం విడుదల చేసింది. పైన పేర్కొన్న మొత్తంతో సహా 2022-23 సంవత్సరంలో  ఇప్పటివరకు రాష్ట్రాలు/యూటీలకు కేంద్రం విడుదల చేసిన మొత్తం పరిహారం రూ.1,15,662 కోట్లు .

అక్టోబరు 2022 వరకు మొత్తం సెస్సు వసూళ్లు రూ.72,147 మాత్రమే అయినప్పటికీ ఈ మొత్తం విడుదల చేయబడింది. మిగిలిన రూ. 43,515 కోట్లను కేంద్రం తన సొంత వనరుల నుంచి విడుదల చేస్తోంది. ఈ విడుదలతో ఈ ఏడాది మార్చి నెలాఖరు వరకు రాష్ట్రాలకు నష్టపరిహారం చెల్లించేందుకు అందుబాటులో ఉన్న మొత్తం సెస్‌ను కేంద్రం ముందుగానే విడుదల చేసింది. రాష్ట్రాలు తమ వనరులను నిర్వహించడంలో సహాయపడటానికి మరియు ఆర్థిక సంవత్సరంలో వారి కార్యక్రమాలను ముఖ్యంగా మూలధనంపై ఖర్చులు విజయవంతంగా నిర్వహించేలా ఈ నిర్ణయం తీసుకోబడింది.

ఈ ఏడాది మేలో కూడా కేంద్ర ప్రభుత్వం ఫిబ్రవరి-మే'2022 కాలానికి రాష్ట్రాలకు తాత్కాలిక జిఎస్‌టి పరిహారంగా రూ. 86,912 కోట్లు విడుదల చేసింది. జీఎస్టీ పరిహార నిధిలో రూ. 25,000 కోట్లు మాత్రమే ఉన్నప్పటికీ కేంద్రం సొంత వనరుల నుంచి రూ.62,000 కోట్లు రిలీజ్ చేసింది.
 

****