কেন্দ্র লৈঙাক্না ২০২২গী এপ্রিলদগী জুন ফাওবগী জি.এস.তি. কম্পেন্সেসন বেলেন্সকী (স্তেত-স্তেতকী ওইবা মচা খায়বা ৱাফমশিং মখাগী তেবলদা পীরি) ২৪.১১.২০২২দা স্তেত/য়ু.তি.শিংদা লুপা করোর ১৭,০০০কী শেনফম থাদোকখ্রে‍। হৌজিক ফাওবদা স্তেত/য়ু.তি.শিংদা থাদোকখ্রবা অপুনবা জি.এস.তি. কম্পেন্সেসনগী শেনফম, মথক্তা পল্লিবা শেনফমসি য়াওরগা, চৎলিবা চহি ২০২২-২৩গী ওইনা লুপা করোর ১,১৫,৬৬২নি‍।

মসি ওক্তোবর, ২০২২ ফাওবদা লৈখিবা অপুনবা সেসতগী খোমগৎলকপা শেনফম শুপ্নগী লুপা করোর ৭২,১৪৭ ওইরবসু, অৱাৎপা লুপা করোর ৪৩,৫১৫কী শেনফম অসি কেন্দ্রনা মশাগী মরল মথুমদগী পুথোক্তুনা পীবনি‍। হন্দক থাদোক্লিবা অসি থারগা, চৎলিবা চহি অসিগী মার্চ লোইশিল্লকপা ফাওবদা খোমগৎপা ঙমগনি হায়না পারিবা সেসকী শেনফম পুম্বা পারগা স্তেতশিংদা পীফম থোকপা কম্পেন্সেসনকী শেমফম পুম্নমক মাঙজৌননা কেন্দ্র লৈঙাক্না থাদোক্লবনি‍। ফিরেপ অসি স্তেতশিংবু মখোয়গী রিসোর্সশিং মেনেজ তৌজবদা মতেং পাংনবা অমদি মখোয়গী থবক থৌরমশিং, মরুওইনা কেপিতেল এক্সপেন্দিচরশিং চৎলিবা চহিসিদা মায় পাক্না পায়খৎপা ঙমহন্নবগীদমক্তা লৌখিবনি‍।

চহি অসিগী মে থাদসু, কেন্দ্র লৈঙাক্না জি.এস.তি. কম্পেন্সেসন ফন্দদা লুপা করোর ২৫,০০০ রোমতমক লৈরগসু, কেন্দ্র লৈঙাক্না মশাগী ওইজবা রিসোর্সশিংদগী লুপা করোর ৬২,০০০গী শেনফম শিন লাংদুনা, ২০২২গর ফেব্রুৱারী-মেগী মতমগী ওইনা স্তেতশিংদা লুপা করোর ৮৬,৯১২গী প্রোভিজ্নেল জি.এস.তি. কম্পেন্সেসন থাদোকখিবনি‍।

****