نئی دہلی،25نومبر، 2022/ مرکزی حکومت نے  24.11.2022 کو ریاستوں/ مرکز کے زیر انتظام علاقوں کو اپریل سے جون، 2022 کی مدت کے لیے بقایا جی ایس ٹی معاوضے کی مد میں 17,000 کروڑ روپے کی رقم جاری کی ہے (ریاستوں کے لحاظ سے تفصیل مندرجہ ذیل جدول میں دی گئی ہے)، ریاستوں/ مرکز کے زیر انتظام علاقوں کو سال 23-2022 کے دوران معاوضے کی جاری کردہ کل رقم  مذکورہ بالا رقم سمیت 1,15,662 کروڑ روپے ہے۔

یہ اس حقیقت کے باوجود ہے کہ اکتوبر 2022 تک کل سیس کی وصولی صرف 72,147 کروڑ روپے ہوئی تھی اور 43,515 کروڑ روپے کی رقم مرکز نے اپنے وسائل سے جاری کی ہے۔ اس اجرا کے ساتھ، مرکز نے پیشگی طور پر، ریاستوں کو معاوضے کی ادائیگی کے لیے اس سال مارچ کے آخر تک جمع کیے جانے والے سیس کی پوری رقم جاری کر دی ہے۔ یہ فیصلہ ریاستوں کو ان کے وسائل کے انتظام میں مدد کرنے اور اس بات کو یقینی بنانے کے لیے لیا گیا ہے کہ مالی سال کے دوران ان کے پروگرام خاص طور پر سرمائے پر ہونے والے اخراجات کو کامیابی کے ساتھ انجام دیا جائے۔

اس سال مئی میں بھی مرکزی حکومت نے، اس حقیقت کے باوجود کےجی ایس ٹی معاوضے کے فنڈ میں صرف 25000 کروڑ روپے تھے، فروری سے مئی 2022 کی مدت کے لیے ریاستوں کو عبوری جی ایس ٹی معاوضہ کے طور پر 86,912 کروڑ روپےجاری کیے تھے۔ جس میں 62000 کروڑ روپے مرکز نے اپنے وسائل سے اکٹھا کیے تھے۔

  ۔۔۔

ش ح ۔ و ا۔ ع ا ۔                                                

U – 12951