ന്യൂ ഡൽഹി: നവംബർ 25, 2022

ചരക്ക് സേവന നികുതി നടപ്പാക്കിയത് മൂലമുള്ള വരുമാന നഷ്ടം പരിഹരിക്കുന്നതിനായി സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കുമായി കേന്ദ്ര സർക്കാർ 17,000 കോടി രൂപ 2022 നവംബർ 24ന് അനുവദിച്ചു. 2022 ഏപ്രിൽ മുതൽ ജൂൺ വരെയുള്ള കാലയളവിനാണ് തുക അനുവദിച്ചിരിക്കുന്നത്. 773 കോടി രൂപയാണ് കേരളത്തിന് അനുവദിച്ചത്. ഇപ്പോൾ അനുവദിച്ച തുക ഉൾപ്പെടെ നടപ്പു സാമ്പത്തിക വർഷത്തിൽ (2022-23) അനുവദിച്ച ആകെ തുക 1,15,662 കോടി രൂപയിലെത്തി.

2022 ഒക്‌ടോബർ വരെയുള്ള മൊത്തം സെസ് പിരിവ് 72,147 കോടി രൂപ എന്ന വസ്തുത നിലനിൽക്കെയാണ് പണം അനുവദിച്ചിരിക്കുന്നത്. ബാക്കി 43,515 കോടി രൂപ കേന്ദ്രം സ്വന്തം വിഭവങ്ങളിൽ നിന്നാണ് നൽകിയിരിക്കുന്നത്. 

പണം അനുവദിച്ചതിലൂടെ സംസ്ഥാനങ്ങൾക്ക് നഷ്ടപരിഹാരം നൽകുന്നതിന് ഈ സാമ്പത്തിക വർഷം മാർച്ച് അവസാനം വരെ ലഭിക്കുമെന്ന് കണക്കാക്കിയിരിക്കുന്ന സെസിന്റെ മുഴുവൻ തുകയും കേന്ദ്രം മുൻകൂട്ടി നൽകിയിരിക്കുന്നു. സംസ്ഥാനങ്ങളെ അവരുടെ വിഭവങ്ങൾ കൈകാര്യം ചെയ്യുന്നതിനും അവരുടെ പരിപാടികൾ പ്രത്യേകിച്ച് മൂലധനത്തിനായുള്ള ചെലവുകൾ സാമ്പത്തിക വർഷത്തിൽ വിജയകരമായി നടപ്പിലാക്കുന്നുവെന്ന് ഉറപ്പാക്കുന്നതിനും വേണ്ടിയാണ് ഈ തീരുമാനമെടുത്തത്.

സംസ്ഥാന തലത്തിലുള്ള കണക്കുകൾ ചുവടെ: 

 ************************************************

RRTN