ইনফোর্মেসন অমসুং ব্রোদকাস্তিং মন্ত্রালয়
azadi ka amrit mahotsav

জয়দিপ মুখর্জীগী দোকুমেন্তরী “অদর রে: দি আর্ত ওফ সত্যজীৎ রে” আই.এফ.এফ.আই. ৫৩দা উৎখ্রে


‘রে পোস্তর মেকিং’ কন্তেস্তকী এন্ত্রীশিং আই.এফ.এফ.আই. ৫৩দা উৎখ্রে

আই.এফ.এফ.আই. ৫৩দা সত্যজীৎ রেগী মরমদা অখন্নবা সেক্সন

Posted On: 25 NOV 2022 1:37PM by PIB Imphal

#IFFIWood, ২৫ নবেম্বর ২০২২

 

সত্যজীৎ রেগী এস্থেতিক ক্রিএতিভিতীগী ঐগী ওইবা ৱাখল্লোন অমা খুতোং তৌনবা ঐনা হোৎনখি: জয়দিপ মুখর্জী

“অদর রে: দি আর্ত ওফ সত্যজীৎ রে”না রেগী ক্রিএতিবকী হৈথোই শিংথোইবগী মরুগী খোঙ্গুল লিরি: জয়পিদ মুখর্জী

আই.এফ.এফ.আই. ৫৩দা সত্যজীৎ রেগী অখন্নবা সেক্সনগী শরুক অমা ওইনা, জয়দিপ মুখর্জীগী মিনৎ ৩৪ শাংবা নন-ফীচর ফিল্ম “অদর রে: দি আর্ত ওফ সত্যজীৎ রে” নবেম্বর ২৪, ২০২২দা ইন্দিয়ন পেনোরমা সেক্সন্দা উৎখি‍। পি.আই.বি.না শিনবা আই.এফ.এফ.আই. “তেবল তোল্কস”তা মিদিয়াগী মীওইশিং অমদি দেলিগেৎশিংগা ৱারী ৱাতায় শারদুনা, দাইরেক্তর জয়দিপ মুখর্জীন মুভী অসি রেগী হৈথোই শিংথোইবশিংগী মরমদা মহাক্কী ওইবা ৱাখল্লোনশিং য়াওরবা বাইওগ্রাফিকেল দোকুমেন্তরী অমনি হায়খি‍।

রেগী এস্থেতিক জিনিয়সকী – স্কেৎচর, কেলিগ্রাফর, শৈরাংবা, দাইরেক্তর – হায়রিবা তোঙান তোঙানবা মচুশিংবু ফিল্ম অসিদা মপুং ফানা কোনশিল্লি, হায়না মিস্তর মুখর্জীনা হায়খি‍। রেগী জিনদা পহাক্কী মপু উপেন্দ্রকিসোর রে চৌধুরী অমদি মপা সুকুমার সেনগী ক্রিএতিভিতী লৌহৌবনি, অদুবু সান্তিনিকেতন্দা নন্দলাল বোস অমদি অতৈ লিজেন্দশিংগী মখাদা মহাক্না ত্রেনিং তৌখিবগী মশক রেগী থবকশিংদা ময়েক শেংনা তাখি হায়না মহাক্না মখা তাখি‍।

ফিল্ম অসিনা এদভর্তাইজিং ফর্ম দি.জে. কীমারদা জুনিয়র ভিজুএলাইজর ওইনা লৈরম্বা চহিশিং নৎত্রগা মহাক্ক ফিল্ম কয়াগী কম্পোজিং অমদি ওর্কেস্ত্রেসনগী শরুক য়মা ওইখিবা প্রোফেসর এলেক্স এরোন্সন্দগী নোংচুপলোমগী ঈশৈগী নোতেসন তমহৌবনচিংবা রেগী কেরেক্তর শেমগৎপদা ইথিল পীখিবা কয়াসু উৎলি হায়না মিস্তর মুখর্জীনা মখা তাখি‍।

মিস্তর মুখর্জীনা মহকা্না কমদৌনা সত্যজীৎ রে মশামক্কা অদর রেগী ৱাখল্লোন খন্নখিবা, অদুবু মদু মওং তানা শেম্নবগীদমক দিকেদ কয়া হোৎনখিবশিং নীংশিংখি‍। “লন্দনদগী সার রিচার্দ এতেনবরো অমদি রেগী অতৈ মরূপ মপাংশিংদগী ৱাফম কয়া লৌশিনবগী মথক্তা ২০০৭দা কোলকতাদা পাঙথোকপা একজিবিসন অমদা রেগী অয়েকপা লাই অমদি অতৈ থবক কয়াগী মমি ঐনা লৌখি”, হায়না মিস্তর মুখর্জীনা হায়খি‍।

দাইরেক্তর অদুনা রিত্বিক ঘাতক অমদি মৃনাল সেনগী মরমদা, লাক্কদৌরিবা চহি ২-৩সিদা মখোয়গী চহি চাম্ম ফারকপগী মপোক কুমওন থৌরমদা মান্নবা মখলগী দোকুমেন্তরীশিং পুথোক্নিংবগী অপামবগী মরমদসু ৱাফম কয়া ফোঙদোকখি‍।

মফম অদুদা লৈবাক শিনবা থুংবদগী ফিল্মবু পামজবশিংনা নৌনা শেমদোক্লবা রেগী ফিল্মশিংগী পোস্তরশিংগী ওইবা ফিল্ম পোস্তর দিজাইন কন্তেস্ত অমা ওইনা “দি ৱন এন্দ ওনলী রে” কৌবা সেক্সন অমসু য়াওখি‍। ১৯৭৭গী পিরিয়দ দ্রামা সত্রঞ্জ কে খিলারী অমদি ১৯৮৯গী সোসিএল গনসত্রু –হায়রিবা সত্যজীৎ রেগী ক্লাসিক অনিসু আই.এফ.এফ.আই. ২০২২দা উৎলি‍।

দাইরেক্তর জয়পিদ মুখর্জীগা লোয়ননা পাঙথোকখিবা তেবল তোল্ক মপুং ফানা মফমসিদা য়েংবিয়ু:

* * *



(Release ID: 1878860) Visitor Counter : 39