খুরুমজরি!

রোজগার মেলাগা মরী লৈনবা ঐহাক্কী নহা ওইরিবা মরুপশিং,

ময়ামদা নুংঙাইবা ফোঙদোকচরি। ঙসি ভারতকী সহর ৪৫দা লৈরিবা নহারোল ৭১,০০০ হেনবদা এপোইন্তমেন্ত লেত্তরশিং পীরি। হায়বদি ঙসি অসি ইমুং কয়াগীদমক নুংঙাইবগী অনৌবা মায়োল অমদা চংশিনবা হৌবা ওইরগনি। মমাং থাদা ধন্তেরসকী নুমিৎতা কেন্দ্র সরকারনা নহারোলশিংদা এপোইন্তমেন্ত লেত্তর ৭৫,০০০ য়েন্থোকখি। ঙসিগী রোজগার মেলা অসি কেন্দ্র সরকারনা লৈবাক্কী নহারোলশিংদা থবক্কী খুদোংচাবশিং পীনবা মিসন মোদতা থবক তৌরি হায়বগী খুদম অমা ওইরি।

মরুপশিং,

মমাং থাদা রোজগার মেলা হৌখিবা মতমদা ঐহাক্না ৱাফম অমা ফোঙদোকচখি। তোঙান-তোঙানবা য়ুনিয়ন তেরিতোরীশিং, এন.দি.এ. অমসুং বি.জে.পি.না পানবা রাজ্যশিংদা অসিগুম্বা মান্নবা মওংদা রোজগার মেলাশিং লেপ্পা লৈতনা পাঙথোক্কনি। মমাং থাদা মহারাস্ত্র অমসুং গুজরাত, রাজ্য সরকারশিং অসিনা নহারোল লিশিং কয়াদা এপোইন্তমেন্ত লেত্তরশিং পীখিবা অদুদা ঐহাক্না নুংঙাইবা পোকই। নুমিৎ খরনিগী মামংদা য়ু.পি. সরকারনসু নহারোল কয়াদা এপোইন্তমেন্ত লেত্তরশিং পীখি। মমাং থাদা জম্মু অমসুং কাশ্মির, লদাখ, অন্দমান অমসুং নিকোবর, লক্ষদ্বীপ, দামন অমসুং দিয়ু, দদ্রা অমসুং নগর হবেলি অমসুং চান্দিগরদা নহারোল লিশিং কয়াদা রোজগার মেলা পাঙথোক্তুনা এপোইন্তমেন্ত লেত্তরশিং খুৎশিন্নখি। হয়েংগী মথং হংচিৎ হায়বদি নবেম্বর ২৪দা গোৱা সরকারনা অসিগুম্বা রোজগার মালে পাঙথোক্কনি হায়না ঐঙোন্দা খঙহল্লকখি। ত্রিপুরা সরকারনা নবেম্বর ২৮দা রোজগার মেলা পাঙথোক্কনি। মসি দবল ইঞ্জিন সরকারগী দবল কান্নবা অদুনি। রোজাগর মেলাগী খুত্থাংদা লৈবাক্কী নহারোলশিংদা এপোইন্তমেন্ত লেত্তরশিং পীবগী কেম্পেন মখা চত্থখিগনি।

মরুপশিং,

ভারতকুম্বা নহা ওইরিবা লৈবাক অমগীদমক জাতি অসিগী খ্বাইদগী চাউবা শক্তি অসি ঐখোয়গী নহারোল করোর কয়া অসিনি। কেন্দ্র সরকারনা মখোয়গী তেলেন্ত অমসুং ইনর্জী অসিবু জাতি শেমগৎপদা শীজিন্নবদা খ্বাইদগী মরু ওইবা মীৎয়েং চংলি। ঙসি জাতি শেমগৎপগী লম্বেলদা য়াওরক্লিবা অনৌবা মরুপ লিশিং ৭১ হেনববু ঐহাক্না তরাম্না ওকচরি অমসুং নুংঙাইবা ফোঙদোকচরি। নখোয়না কন্না হোৎনদুনা অমসুং অরুবা কম্পিতিসনশিংদা মাইপাক্তুনা ফমশিং অসি ফংবা ঙমখি। মসিগীদমক নখোয়দা অমসুং নখোয়গী ইমুং মনুংশিংবু থাগৎফম থোকই।

ঐহাক্কী নহা ওইরিবা মরুপশিং,

নখোয়না অনৌবা খুদোংচাবা অসি অখন্নবা মতমদা ফংলি। লৈবাক অসিনা অমৃতকালদা চংশিল্লি, ঐখোয়গী ইরৈবাকচাশিংগা লোয়ননা অমৃত কাল অসিদা ভারত চাউখৎহন্নবা ৱাশক লৌরসি। ৱাশক অসি ঙাক্নবা ঐখোয় পুম্নমক্না লৈবাক অসিবু লমজিংলিবশিং ওইরগনি। নখোয় পুম্নমক্না লৌগদবা অনৌবা থৌদাং অসিদা নখোয়না অতোপ্পা ইরৈবাকচাশিংগী মমাংদা কেন্দ্র সরকারগী মীহুৎশিং ওইনা খল্লি। ঙসি সরকারনা পাইখৎলিবা থৌদাং অসি তেক্নোলোজীগী মতেংগা লোয়ননা সরকারগী কর্মচারি খুদিংমক্তা অফবা ত্রেনিং ফেসিলিতীশিং পীবনি। ঙসি লোঞ্চ তৌখিবা ‘কর্ময়োগী ভারত’ তেক্নোলোজী প্লেৎফোর্ম অসিদা ওনলাইন কোর্স মখল কয়া য়াওরি। ঙসি নখোয়গুম্বা অনৌবা সরকারগী কর্মচারীশিংগীদমক অখন্নবা কোর্স অমা লোঞ্চ তৌরি। মসি ‘কর্ময়োগী ভারত’ প্লেৎফোর্ম হায়না মমিং থোল্লি। কর্ময়োগী ভারত প্লেৎফোর্মদা য়াওরিবা ওনলাইন কোর্সশিংগী কান্নবা নখোয়না মপুং ফানা লৌবীয়ু। মসিনা নখোয়গী স্কিল হেনগৎহনগনি অমসুং তুংদা মসিনা নখোয়গী কেরিয়রদা চাউনা কান্নবা পীরগনি।

মরুপশিং,

ঙসি লাইচৎ অমসুং লান্না মরম ওইদুনা মালেমগী থাক্তা নহারোলশিংগীদমক ওইরিবা খুদোংচাদবা মায়োক্নরি, মালেম শিনবা থুংবদা লৈরিবা নহারোলশিংগী মমাংদা অনৌবা খুদোংচাবশিংগী ক্রাইসিস থোক্লি। চাউখৎপা লৈবাকশিংদসু অচৌবা খুদোংচাদবা থোরকপা য়াই হায়না অখঙ-অহৈশিংনা পান্নরি। অসিগুম্বা অরুবা তানফমশিংদা মালেমগী ইকনোমিস্তশিং অমসুং অখঙ-অহৈশিংনা ভারতনা মাগী ইকনোমিক পোতেন্সিএল উৎনবা অমসুং অনৌবা খুদোংচাবশিং লাক্নবগী অফবা খুদোংচাবা অমা ফংলি। ঙসি ভারত্তা সর্ভিস এক্সপোর্তশিংদা য়েংবদা অচৌবা শক্তি অমা লৈজৈ। হৌজিক অখঙ-অহৈশিংনা ভারত অসি মালেমগী অচৌবা মেন্যুফেকচরিং হব ওইরগনি হায়না থাজবা থম্মি। ঐখোয়গী পি.এল.আই.গুম্বা থৌশিলশিংনা মসিদা অচৌবা থৌদাং লৌরগনি, নহারোলশিং অমসুং লৈবাক্কী স্কিল মেনপাৱরগী মপুং ওইবা য়ুম্ফম ওইরগনি। পি.এল.আই. স্কিমনা থবক লাখ ৬০ পীরবা য়ানা লৈ। মেদ ইন ইন্দিয়া, ভোকেল ফোর লোকেলগুম্বা কেম্পেনশিং অমসুং লোকেলবু গ্লোবেল য়ৌহনবা মসিনা থবক্কী অমসুং মশানা মশাবু থবক পীজবগী অনৌবা খুদোংচাবশিং পীরি। সরকার অমসুং প্রাইবেৎ সেক্তর অনিমক্তা অনৌবা থবক্কী খুদোংচাবশিং লেপ্পা লৈতনা হেনগৎলক্লি। মরু ওইনা খুদোংচাবশিং অসি নহারোলশিংগী মখোয়গী মশাগী সহর অমসুং খুঙ্গংশিংদা হেনগৎলক্লি। মসিনা নহারোলশিংনা মাইগ্রেসন তৌনীংবা পোক্লম্বা অদু হন্থহনখি অমসুং মখোয়না লৈরিবা মফম অদুগী চাউখৎ-থৌরাংদা মখোয়না থৌদাং লৌবা ঙম্লগনি। স্তার্তঅপতগী মশানা মশাবু থবক পীজবা অমসুং স্পেসতগী দ্রোন ফাওবদা লৈরিবা সেক্তরশিংদা ভারত্তা লৈরিবা নহারোলশিংদা তোঙান-তোঙানবা লমশিংদা মখোয়গী মতিক-ময়াই উৎচনবা অনৌবা খুদোংচাবশিং পীরি। ঙসি স্তার্তঅপ ৮০,০০০না নহারোলশিংদা মখোয়গী তেলেন্ত উৎচনবা খুদোংচাবা পীরি। হীদাক-লাংথক্কী সপ্লাই নত্ত্রগা তিল হীদাক চাইবা ওইরো, স্বামিত্ব স্কিমদা মেপ্পিং তৌবা নত্ত্রগা দিফেন্স সেক্তরদা ওইরবসু দ্রোনশিং শীজিন্নবা লৈবাক অসিদা লেপ্পা লৈতনা হেনগৎলক্লি। মসিনা নহারোলশিংগীদমক অনৌবা থবক্কী খুদোংচাবশিং পীরি। নুমিৎ ২-৩নিগী মমাংদা ভারত্তা প্রাইবেৎ সেক্তরনা ভারতকী অহানবা স্পেস রোক্কেৎ লোঞ্চ তৌখিবগে হায়বা ঐখোয়না উবা ফংখি। ঙসি মখোয়গী বিজিনেস তৌবা পাম্বশিংনা মুদ্রা লোনশিংদগী চাউনা মতেং ফংলি। হৌজিক ফাওপবদা মুদ্রা লোন করোর ৩৫ হেন্না লৈবাক অসিদা পীখ্রে। লৈবাক অসিদা রিসর্চ অমসুং ইন্নোভেসন্দা শাহৌ পীরিবা অসিনা থবক্কী খুদোংচাবশিং পীবা হেনগৎলক্লি। ঐহাক্না লৈবাক অসিগী নহারোলশিংদা মসিগী অনৌবা খুদোংচাবশিং অসিগী কান্নবা মপুং ফানা লৌনবা হায়জরি। ঙসি এপোইন্তমেন্ত লেত্তর ফংখিবা নহারোল লিশিং ৭১ হেনবদা ঐহাক্না নুংঙাইবা ফোঙদোকচরি। নখোয়গী মতিক-ময়াই হেনগৎহন্নবা নখোয়না অঙম্বা থাক্তা হোৎনগনি হায়না ঐহাক্না থাজৈ। ঙসি পীরিবা লেত্তর অসি নখোয়গী এন্ত্রী পোইন্তনি। মসিনা নখোয়গী মাংদা হৌজিক চাউখৎপগী অনৌবা লম অমা হাংদোক্লি। নখোয়না নশাবু হেন্না হেন্না মতিক-ময়াই চেলহল্লু, থবক তৌবা মতমদা নখোয়গী তৌবা ঙম্বা হেনগৎহল্লু, লৌশিং তানশিনবা মতমদা নখোয়গী তৌবা ঙম্বা হেনগৎহল্লু, নখোয়গী মথক থোংবশিংদগী অফবা থবকশিং তমশিন্দুনা নখোয়গী তৌবা ঙম্বা হেনগৎহল্লু।

মরুপশিং,

নখোয়গুম্না ঐহাকসু মখা তান্না তমশিন্নবা হোৎন্দুনা লৈ, খঙনীংবা অদু কৈদৌনুংদা মাংহনদে। মীপুম খুদিংমক্তগী ঐহাক্না তমশিল্লি। ঐহাক্না অপীকপা হীরম খুদিংমক্তগী তমশিন্নবা হোৎনৈ অমসুং মসিনা মরম ওইদুনা ঙসি ঐহাক্না থবক কয়া তৌবদা থিন্থবা তৌদে। তৌনীংদবা পোক্তে। নখোয়নসু মসি ঙমগনি মরম অসিনা মরুপশিং নখোয়না কর্ময়োগীদা হৌদোকখিবা অনৌবা হীরমশিং অসি তমশিল্লু। থা অমগী মতুংদা ওনলাইন ত্রেনিংগী নখোয়গী এক্সপরিয়েন্সকী মতাংদা ঐঙোন্দা পাউদমবীয়ু। ওনলাইন ত্রেনিংদা করি অৱাৎপা লৈবগে, মসি করম্না ফগৎহনগনি। কর্ময়োগী ত্রেনিং অপগ্রেদ তৌনবা সজেসন পীবীরকউ। নখোয়গী ৱাখল্লোন তানবা ঐহাক্না খৌরাংনা ঙাইদুনা লৈজরমগে। য়েংবীয়ু ঐখোয় পুম্নমক খোঙলোইনি, মরুপনি অমসুং কো ত্রেবেল্লরশিংনি। ঐখোয়না ভারতপু চাউখৎপা জাতি অমা ওইহন্নবা লম্বেলদা চংশিল্লি। অফবা থাজবা কয়াগা লোয়ননা ঐখোয়না ফিরেপশিং লৌদুনা মাংদা চংশিল্লসি।

হন্না-হন্না থাগৎচরি!

*****