نمسکار!

روز گار میلے سے جڑے میرے نوجوان ساتھیو!

آپ سب کو بہت بہت مبارک باد۔  آج ملک کے 45  شہروں میں  71 ہزار سے  زیادہ نوجوانوں کو  تقرری نامے دیئے جارہے ہیں۔ یعنی  آج  ساتھ ہزاروں گھروں میں  خوشحالی کے نئے دور کی  شروعات ہوئی ہے۔ پچھلے  مہینے آج ہی کے دن  دھن تیرس  کے موقع پر  مرکزی حکومت کی طرف سے  75  ہزار نوجوانوں کو  تقرری نامے   تقسیم کئے گئے تھے۔ اب  آج کا  یہ  عظیم  روز  گار میلہ  دکھاتا ہے کہ حکومت کس طرح   گورنمنٹ جاب دینے  کے لئے مشن موڈ میں  کام کر رہی ہے۔

ساتھیو!

پچھلے مہینے جب روز  گار میلے کی  شروعات ہوئی تھی، تو میں نے ایک اور بات کہی تھی۔ میں نے کہا تھا کہ  مختلف  مرکز کے زیر  انتظام علاقے  این ڈی اے اور بی جے پی   کے زیر انتظام  ریاست بھی  اسی طرح  روز گار میلے کا  انعقاد کرے گی۔ مجھے  خوشی ہے کہ  پچھلے ایک مہینے میں  ہی  مہاراشٹر اور گجرات  میں  بھی  ریاستی حکومتوں کی طرف سے  ہزاروں نوجوانوں کو  تقرری   نامے تقسیم کئے گئے ہیں۔ کچھ دن پہلے ہی  اترپردیش کی حکومت نے بھی  کئی  نوجوانوں کو تقرری کے خطوط دیئے ہیں۔ پچھلے ایک مہینے میں  جموں وکشمیر ، لداخ ، انڈمان ونکوبار  جزیرے، لکشدیپ، دادرا اور نگر حویلی، من اور دیو اور چنڈی گڑھ میں بھی  روز  گار میلے  منعقد کر کے  ہزاروں نوجوانوں کو  نوکری دی گئی ہے۔ مجھے بتایا گیا ہے کہ   پرسوں  یعنی 24  نومبر کو  گوا  حکومت بھی  اسی طرح کے  روز  گار میلے  انعقاد کر نے جارہی ہے۔ 28  نومبر   تریپورہ حکومت بھی  روز  میلے  کا اہتمام کر رہی ہے۔ یہی  ڈبل انجن کی حکومت کا  ڈبل فائدہ  ہے۔ ملک کے  نوجوانوں کو  روز  گار  میلے کے واسطے سے  تقرری نامہ  دینے کی یہ مہم  ایسے ہی  بلا انقطاع جاری رہے گی۔

ساتھیو!

 بھارت جیسے نوجوان ملک میں  ہمارے کروڑوں نوجوان  اس  ملک کی سب سے بڑی طاقت ہیں۔ اپنے نوجوانوں کی  صلاحیت  اور  اُن کی توانائی  قوم کی تعمیر میں  زیادہ سے زیادہ  استعمال میں آئیں، اسے  مرکزی حکومت  اعلیٰ ترجیح دے رہی ہے۔ آج  ملک کی تعمیر  کے فرائض  کے راستے سے  جڑ رہے  اپنے 71  ہزار سے  زیادہ نئے  معاونین  کا  میں خیر مقدم کرتا ہوں اور  استقبال کرتا ہوں۔ جن عہدوں پر  آپ  کی تعیناتی   ہونے جارہی ہے، اسے  آپ نے  سخت محنت  سے  سخت مقابلے میں  کامیاب ہو کر حاصل کیا ہے۔ اس کے لئے  آپ کو اور آپ کے خاندان کو  بھی مبارک باد حاصل کرنے کا اتنا ہی حق  ہے۔

آپ  کو یہ نئی ذمہ داری ایک مخصوص دور میں مل رہی ہے۔ ملک امرت کال میں داخل ہو چکا ہے۔ ہم ملک کے باشندو ں نے مل کر  اس امرت کال میں  بھارت کو  ترقی یافتہ بنانے کا عہد  لیا ہے۔ اس عہد کے حصول میں آپ  سبھی  ملک کے  سارتھی بننے جارہے ہیں ۔ آپ سبھی  جو نئی ذمہ داری سنبھالنے جارہے ہیں، اس میں آپ ، دوسرے  ملک کے باشندوں کے سامنے ایک طرح سے  مرکزی حکومت کے  نمائندے کے طور پر  مقرر ہوں گے۔ ایسے میں  آپ  کو ایک اور بات یاد ضرور رکھنی چاہئے ، اپنے فرائض نبھانے کے لئے آپ کو  اپنا کردار  اچھی طرح  سمجھنا ہوگا۔ ایک عوامی خادم کے طور پر اپنی خدمات پیش کرنے کے لئے آپ کو  اپنی  صلاحیت بڑھانے، کپاسٹی بلڈنگ پر بھی مسلسل  توجہ مرکوز کرنی چاہئے۔ آج حکومت کی کوشش  ٹیکنالوجی کی مدد سے  ہر سرکاری ملازم کو  بہتر ٹریننگ  کی  سہولت دینے کا ہے۔ حال ہی میں ، جو  ‘کرم یوگی بھارت’ ٹیکنالوجی پلیٹ فارم لانچ  ہوا ہے، اس میں کئی طرح کے  آن لائن  کورسز  دستیاب ہیں۔ آج ہی  آپ جیسے  نئے سرکاری ملازمین کے لئے  ایک خصوصی کورس  کی  شروعات بھی  کی جارہی ہے۔ اس کو نام دیا گیا ہے  ‘کرم یوگی پرارمبھ’ ۔ آپ  ‘کرم یوگی بھارت’ پلیٹ فارم پر دستیاب  آن لائن کورسز  کا  ضرور زیادہ سے زیادہ فائدہ اٹھائیں گے ہی ، اس سے آپ کی ہنر مندی بھی  اپ گریٹ ہوگی اور مستقبل میں  آپ کو اپنے کیریئر میں بھی  کافی  فائدہ ہوگا۔

ساتھیو!

آج آپ یہ بھی دیکھ رہے ہیں  کہ عالمی وبا اور جنگ کی بحران کے درمیان  پوری دنیا میں  نوجوانوں کے سامنے نئے مواقع کا بحران ہے۔ بڑے بڑے ماہرین  ترقی یافتہ ملکوں میں بھی  بڑے بحران کا اندیشہ ظاہر کر رہے ہیں۔ ایسے وقت میں  ماہر ین اقتصادیات  اور دیگر ماہرین  یہ کہہ رہے ہیں کہ  بھارت کے پاس  اپنی اقتصادی اہلیت  دکھانے  اور نئے مواقع کر بڑھانے کا ایک سنہری  موقع ہے۔ بھارت آج  خدمات کی برآمدات کے معاملے میں  دنیا کی  ایک بڑی  طاقت  بن گیا ہے۔ اب ماہرین  اعتماد  ظاہر کر رہے ہیں کہ بھارت دنیا کا  مینوفیکچرنگ ہاؤس بھی بننے والا ہے۔ اس میں ہماری  پروڈکشن لنک انسینٹو اسکیم، جیسی اسکیموں کا  اہم کردار ہوگا۔ لیکن اس کی اصل بنیاد  بھارت کی ہنر مند افرادی قوت ہے۔ بھارت کا ہنر مند نوجوان ہی ہوگا۔ آپ تصور کرسکتے ہیں  کہ صرف پی ایل آئی اسکیم  میں ہی  ملک میں  60  لاکھ نئے  روز گار  پیدا ہونے کی امید ہے ۔ میک انڈیا مہم ہو،  ووکل فار لوکل ہو، لوکل کو گلوبل لے جانے کی مہم ہو، یہ سبھی اسکیمیں  ملک میں روز گار  اور خود روز گار کے نئے مواقع  پیدا کر رہی ہیں۔ یعنی  سرکاری اور غیر سرکاری  دونوں ہی میدانوں میں نوکریوں کے امکانات  مسلسل بڑھ ر ہے ہیں اور بڑی  بات یہ ہے کہ  نئے  مواقع  نوجوانوں کے لئے  ان کے اپنے شہر ، اپنے گاؤں میں  پیدا ہو رہے ہیں۔ اس سے نوجوانوں کے سامنے  اب  نقل مکانی کی مجبوری کم ہوئی ہے اور وہ اپنے  علاقے کی ترقی میں  پورا  تعاون بھی حاصل کر رہے ہیں۔ اسٹارٹ – اپس سے لے کر خود روز گار تک، اسپیس سے لے کر ڈرون تک ، آج بھارت میں  نوجوانوں کے لئے  چاروں طرف سے نئے  معاوقع کی تعمیر ہو رہی ہے۔ آج  بھارت کے 80  ہزار سے  زیادہ اسٹارٹ – اپس ، نوجوانوں کو  مختلف میدانوں میں  اپنی  اہلیت  دکھانے کا موقع دے رہے ہیں۔ دوائیوں کی سپلائی ہو، یا پسٹیسائڈ کا چھڑکاؤ،ملکیت کی اسکیم میں  ڈرون سے میپنگ ہو، یا پھر  دفاع کے میدان میں استعمال، ڈرونس کا استعمال ملک میں مسلسل بڑھ رہا ہے اور ڈرونس کا یہ بڑھتا ہوا استعمال نوجوانوں کو  نئی نوکریاں دے رہا ہے۔ ہماری سرکار نے  اسپیس سیکٹر کو  کھولنے کا جو فیصلہ  لیا ہے، اس کا بھی بڑا فائدہ  نوجوانوں کو ملا ہے۔ ہم  نے  دو-  تین دن  پہلے  ہی دیکھا ہے  کہ کیسے بھارت کے  پرائیویٹ سیکٹر  نے  اپنا  پہلا اسپیس  راکٹ  کامیابی کے ساتھ  لانچ کیا ہے۔ آج  جو اپنا  بزنس کرنا چاہتے ہیں، انہیں  مدرا قرض لینے سے بھی  بڑی مدد مل رہی ہے۔ اب تک ملک میں 35 کروڑ سے زیادہ  مدرا قرض دیئے جاچکے ہیں۔ ملک میں اختراع کو بڑھاوا دینے کے لئے، ریسرچ کو بڑھاوا دینے سے بھی  روز  گار کے مواقع  بڑھ رہے ہیں۔ میں ملک کے سبھی نوجوانوں سے  اپیل کروں گا کہ ان نئے مواقع کا  بھی پورا فائدہ  اٹھائیں۔ آج  جن 71  ہزار سے زیادہ  نوجوانوں کو  تقرری  نامے ملے ہیں، میں انہیں ایک بار پھر  مبارک باد دیتا ہوں، اور اپنی نیک خواہشات پیش کرتا ہوں۔ مجھے یقین ہے کہ  آپ اپنی  اہلیت بڑھانے کے لئے  کوشش کرنے میں کبھی کوئی کمی نہیں  کریں گے۔ آج کا جو تقرری نامہ  ہے ، وہ آپ کا انٹری پوائنٹ ہے۔ اس کا مطلب ہوا کہ  ترقی کا ایک نیا  یقین  آپ کے سامنے اب کھل چکا ہے۔ آپ اپنے آپ کو  زیادہ سے زیادہ  اہل بنائے، کام کرتے کرتے  صلاحیت میں اضافہ کیجئے، علم حاصل کرتے کرتے  اہلیت میں اضافہ کیجئے۔ اپنے  سینئر  سے ، جو اچھی چیزیں ہیں، وہ سیکھ کر پھر  اپنی  صلا حیت میں اضافہ  کیجئے۔

ساتھیو!

میں بھی آپ کی طرح  مسلسل  سیکھنے کی  کوشش کرتا ہوں۔ میں اپنے اندر کے  طالب علم کو  کبھی مرنے نہیں دیتا ہوں۔ ہر کسی  سے میں سیکھتا ہوں، ہر چھوٹی چیز  سے سیکھنے کی کوشش کرتا ہوں، اور اس کی وجہ سے آج  مجھے  ایک ساتھ کئی کام کرنے  میں  کبھی کوئی جھجک نہیں ہوتی ہے۔ آپ بھی کرسکتے ہیں۔  اور اس لئے یہ جو نیا  موضوع شروع ہوا ہے، کرم یوگی آرمبھ کا ، میں آپ سے چاہوں گا دوستوں کہ آپ اس سے  جڑیئے۔ ایک مہینے کے بعد مجھے  آپ  کا اس آن لائن ٹریننگ کا کیا تجربہ رہا، اس آن لائن ٹریننگ میں  آپ کو کیا کمی لگ رہی ہے، اسے اور اچھا کیسے بنایا جاسکتا ہے، آپ خود  بھی  اس کرم یوگی ٹریننگ کو  اپ گریٹ کرنے میں کچھ مشورے دے سکتے ہیں کیا؟  میں آپ کے ردعمل کا انتظار کروں گا۔ دیکھئے  ہم سب ایک ساتھی ہیں، ایک  کلیگ ہیں، ہم  ایک ساتھ سفر کرنے والے ہیں۔ بھارت کو ترقی یافتہ ملک بنانے کے لئے  ایک راہ پر ہم چل پڑے ہیں، آیئے بہت ساری نیک خواہشات  کے ساتھ ہم آگے بڑھنے کا عہد کریں۔

بہت بہت شکریہ!

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح- اک- ق ر)

U-12799