ইনফোর্মেসন অমসুং ব্রোদকাস্তিং মন্ত্রালয়
ফৌদা এস৪ ইন্তরনেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.)দা অহানবা ওইনা উৎকদৌরি
Posted On:
20 NOV 2022 12:58PM by PIB Imphal
#IFFIWood, ২০ নবেম্বর ২০২২
ফৌদা এস৪ ইন্তরনেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.)দা অহানবা ওইনা উৎকদৌরি। ক্রিএতর অমদি একজিক্যুতিব প্রদ্যুসর লিওর রাজ অমসুং অভি ইসাচরোফ ইপিসোদ ১ উৎনবগীদমক আই.এফ.এফ.আই.দা লাক্কদৌরি।
২০২৩দা নেৎফ্লিক্তা হৌদোক্কদৌরিবা সেরিজ অসি ফেস্তিবেল অসিদা নোংমাইজিং, নবেম্বর ২৭তা স্তার কয়ানা শরুক য়াগদবা অচৌবা থৌরম অমদা অহানবা ওইনা উৎকনি।
ক্রিএতর অমদি একজিক্যুতিব প্রদ্যুসর লিওর রাজ অমসুং অভি ইসাচরোফনা হায়: “ফৌদা সীজন ৪ এসিয়ন প্রেমিয়রগীদমক ভারত্তা লাক্কদৌরিবা অসি ঐখোয় য়াম্না নুংঙাই। ৱারী অসিনা ভারতকী ফেনশিংদা অকনবা ইহুল অমা পোকহন্বসি তশেংনা নুংঙাইবা ৱাফম্নি অমদি হৌখিবা সীজন মরিসিদা ঐখোয়না ফংখিবা মিনুংশি অমদি ঙাক্লৌগীদমক ঐখোয়না তশেংনা থাগৎচরি। সীজন ৪গী রিএক্সন য়েংনবগীদমক ঐখোয় ঙাইঙমদ্রে।”
থৌরাং অসিবু থাগৎলদুনা, ভারত লৈঙাক্কী ইনফোর্মেসন অমসুং ব্রোদকাস্তিং মন্ত্রী, মিস্তর অনুরাগ থাকুরনা হায়খি, “কলাগী খোঙচৎ অমবু মায় পাহন্নবগী অরোনবা ৱাফম অমা লৈতে। ইন্তরনেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.)দা খেন্নবা লোলদা, মফম, ফুরুপ অমদি নাৎ পুম্নমক্তগী পুথোক্লিবা তোপ তোপ্পা ৱারীশিংবু ইকায় খুম্নরি অমদি সেলেব্রেৎ তৌরি। ও.তি.তি.না থোরক্তুনা ফেস্তিবেল অসিদা মখোয়গী মচাকশিং প্রেমিয়র পীরগদৌরিবা অসিনা, অনৌবা ৱারী খুৎলী, ক্রিএতিব ওইবা ৱাখল্লোনশিং অমদি অনৌবা মীৎয়েঙ মালেমসিদা পীননবগীদমক ঐখোয়না হোৎনরিবা অসি মহৈ য়ালহল্লে। ঐখোয়গা ইজ্রেলগা মতিং লৈবা ওদিও-ভিজুএল ত্রীতী অমা লৈ অমদি মদুনা লমদম অদুগী মালেম পুম্বনা শকখঙনরবা স্তারশিংবু চহি অসিগী ৫৩শুবা আই.এফ.এফ.আই.দা তরাম্না ওক্নবা তাঞ্জা ফংবসিনা ঐখোয়বু হেন্না নুংঙাইহল্লি!”
ফৌদা সীজন ৪দা দোরোন্না (লিওর রাজ) হৌজিক ফাওবগী ওইনা খ্বাইদগী খুদোংথিনিংঙাই ওইবা মিসন অমদা মহাদেশ কয়া লান্না পুরিবা থ্রেৎ অমা তান্নরদুনা ইজ্রেলগী ৱাংবদা পুরকপগী ৱারী উৎলি।
ভারত অসি নেৎফ্লিক মেম্বরশিংনা ইজ্রেলগী মচাক খ্বাইদগী য়াম্না য়েংবা মকোক থোংবা লৈবাক ২০গী মনুংদা অমনি, অদুগা ফৌদা (সীজন ১ দগী ৩ ফাওবা) য়েংলিবশিংগী ৯০% ইজ্রেলগী ৱাংমদগী ওইদুনা ইজ্রেলগী ৱারীশিং মালেম পুম্বনা পাম্নবা ওইরি।
লিওর রাজ অমসুং অভি ইসাচরোফনা ইকোন কোন্না নেৎফ্লিক ফিল্ম মোনিকা, ও মাই দার্লিংদা উখিবা এক্তর রাজকুমার রাও অমদি কন্তেন্ত নেৎফ্লিক ইন্দিয়াগী ভি.পি. মোনিকা সেরগিলগা লোয়ননা “স্তোরীতেল্লিং ইন দি ইরা ওফ গ্লোবেল এন্তরতেনমেন্ত” হায়বা হীরমদা পাঙথোক্কদবা ফাইয়রসাইদ চেত্তসু শরুক য়াগদৌরি।
ভারত্তা ফৌদানা মালেমগী ওইনা মায় পাকপা অসিনা কমদৌনে নেৎফ্লিক্না লোকেলগী ৱারীশিংবু মালেমগী অয়েংবশিংদা পুদুনা চৎপগে হায়বা উৎলি। নেৎফ্লিক্না ফেস্তিবেল অসিদা খাকী: দি বিহার চেপ্তর, কালা অমসুং গুইলেরমো দেল তোরোগী পিনোকিওসু অহানবা ওইনা উৎকনি।
নেৎফ্লিক্কী মরমদা:
নেৎফ্লিক অসি লৈবাক ১৯০দা পেদ মেম্বরসিপ মিলিয়ন ২২৩না তোঙান তোঙানবা জোনর অমদি লোলশিংদা তি.ভি. সেরিজ, দোকুমেন্তরীশিং, ফীচর ফিল্মশিং অমদি মোবাইল গেমশিংগী মহাও লৌদুনা মাঙজিল থাবা স্ত্রীমিং এন্তরতেনমেন্ত সর্ভিস ওইরি। মেম্বরশিংনা মখোয়না পাম্বগী মতুং ইন্না মতম অমা হেক্তদা, মফম অমা হেক্তদা য়েংবা, লেপহনবা অমদি মখা অমুক য়েংথবা য়াই, অমদি মখোয়গী প্লান মতম অমা হেক্তদা হোংদোকপা য়াই।
* * *
(Release ID: 1877569)
Visitor Counter : 154