প্রধানমন্ত্রীগী লোইশঙ

পি.এম.না নই দিল্লীদা পাঙথোকপা কাউন্তর-তেরোরিজম ফাইনান্সিংগী অহুমশুবা ‘নো মনী ফোর তেরর’ মিনিস্ত্রিএল কনফরেন্সতা শরুক য়াখ্রে


“এতেক অমা তৌরকপা হায়বা অসি ঐখোয়না য়াম্না হকচিন্না লৌই। পুন্সি অমা মাংবা হায়বা অসি য়াম্না য়াম্মি। অদুনা ঐখোয়না তেরোরিজম মরু ফংনা মুত্থৎত্রিবা ফাওবা পোত্থবা তৌরোই”

“অফবা তেরোরিজম অমসুং ফত্তবা তেরোরিজম হায়বা অমা লৈতে। মসি মীওইবা খুন্নাই, নীংতম্বা অমসুং সভ্যতাদা শীংনবনি। মসিগী ঙমখৈ লৈতে”

“তেরোরিজম অসি য়ুনিফোর্ম, য়ুনিফাইদ অমসুং জিরো-তোলরেন্স এপ্রোচ অমগী খুত্থাংদা খক্তা মাইথিবা পীবা ঙমগনি”

“তেরোরিজম সপ্পোর্ত তৌবা লৈবাকশিংনা চৈরাক ফংফম থোকপনি”

“অনৌবা ফাইনান্স তেক্নোলোজীশিংগী য়ুনিফোর্ম অন্দরস্তেন্দিং অমা তঙাই ফদে”

“রেদিকেলাইজেসন শৌগৎপা মীওই অমা হেক্তবু লৈবাক অমা হেক্তদা চংজফম পীরোইদবনি”

Posted On: 18 NOV 2022 11:09AM by PIB Imphal

প্রধান মন্ত্রী, শ্রী নরেন্দ্র মোদীনা তেরোরিজমগী থেংনবদা ময়েক শেংদনবা মওং অমা হেক্তা লৈহনদনবা অকনবা ৱাফম থমখ্রে অমসুং তেরোরিজমবু ফোরেন পোলিসীগী খুৎলাই ওইনা শীজিন্নরিবা লৈবাকশিংদা চেকশিনৱা থমখ্রে। মহাক্না ঙসি নই দিল্লীদা কাউন্তর-তেরোরিজম ফাইনান্সিংগী অহুমশুবা ‘নো মনী ফোর তেরর’ (এন.এম,.এফ.তি.) মিনিস্ত্রিএল কনফরেন্সতা ৱা ঙাংখি।

মীয়ামবু তরাম্না ওক্লদুনা প্রধান মন্ত্রীনা ভারত্তা কনফরেন্স অসি পাঙথোকপগী মরু ওইবা অদু থমখি অমসুং মালেম্না তেররগী অকিবা অসি লুম্না লৌদ্রিঙৈ মমাংদগী ঐখোয়গী লৈবাক্না মসিগী চৈথেং অসি মায়োক্নদুনা লাকখি হায়না নীংশিংখি। প্রধান মন্ত্রীনা হায়, “দিকেদ কয়া অসিদা তেরোরিজমনা তোঙান-তোঙানবা মমিং অমসুং শক্লোনশিং লৌদুনা ভারত্তা অকাইবা পীনবা হোৎনখি”। মহাক্না মখা তারদুনা হায় মমল য়াম্লবা থৱায় লিশিং কয়া মাংখি অদুবু ভারতনা তেরোরিজম থৌনা ফনা মায়োক্নখি। প্রধান মন্ত্রীনা হায়খি দেলিগেৎশিংনা তেরর থেংনবদা চেৎনা থাজবা থম্লিবা লৈবাক অমসুং মীয়ামগা লোয়ননা ৱারী শাবগী খুদোংচাবা অমা ফংলি। প্রধান মন্ত্রীনা হায়, “এতেক অমা তৌরকপা হায়বা অসি ঐখোয়না য়াম্না হকচিন্না লৌই। পুন্সি অমা মাংবা হায়বা অসি য়াম্না য়াম্মি। অদুনা ঐখোয়না তেরোরিজম মরু ফংনা মুত্থৎত্রিবা ফাওবা পোত্থবা তৌরোই”।

কনফরেন্সকী মরু ওইবা অদুগী মতাংদা ফোঙদোক্লদুনা প্রধান মন্ত্রীনা হায়খি মদুদি মসিবু মন্ত্রীশিং খক্তগী মীতিন অমা ওইনা উরোইদবনি। মহাক্না হায় তেরোইজমগী লোং-তর্ম ওইবা চৈথেং অসিনা মরু ওইনা লায়রবা অমসুং লোকেল ইকনোমীদা অকনবা শাফু পী। শ্রী মোদীনা হায়, “তুরিজম নত্ত্রগা ত্রেদ ওইরবসু কনাগুম্বা অমত্তনা লেপ্পা লৈতনা অকি-অখং নংগদবা মফম অমত্তা পামদে”।

মহাক্না মখা তারদুনা হায় তেরোরিজম্না মরম ওইদুনা মীয়ামগী পুন্সিগী হিংনবগী লম্বী মুনখি। মহাক্না তেরর ফাইনান্সিং মরু ফংনা মুত্থৎনবা ঐখোয়না হোৎনবা য়াম্না হেন্না মরু ওই হায়না ফোঙদোকখি।

 

প্রধান মন্ত্রীনা তেরোরিজম থেংনবদা ময়েক শেংদবা থৌওংগী মায়োক্তা চেকশিনৱা থমখি। মহাক্না তেরোরিজমগী লৈরিবা অরানবা ৱাখল্লোনশিংগী মতাংদা ৱা ঙাংলদুনা হায়, “তোঙান-তোঙানবা এতেকশিংগী রিএক্সনগী ইন্তেন্সিতী অসি থৌদোক অদু করম্বা মফমদা থোকখিবগে হায়বা অসিদা য়ুম্ফম ওইরগা খেন্নবা য়ারোই। তেরোরিস্ত এতেক পুম্নমক চপ মান্ননা অকনবা চৈরাক ফংফম থোকই। মখা তানা করিগুম্বা মতমদা তেরোরিস্তকী মায়োক্তা এক্সন লৌখৎপা থিংনবগীদমক তেরোরিজমবু সপ্পোর্ত তৌদুনা নাকোইননা মরৈ য়েৎপা য়াওই। মহাক্না হায়খি মালেমগী ওইবা শীংনবা অমা মায়োক্নবা মতমদা ময়েক শেংদবা এপ্রোচ অমগী চন্নফম লৈতে। প্রধান মন্ত্রীনা হায়খি, “অফবা তেরোরিজম অমসুং ফত্তবা তেরোরিজম হায়বা অমা লৈতে। মসি মীওইবা খুন্নাই, নীংতম্বা অমসুং সভ্যতাদা শীংনবনি। মসিগী ঙমখৈ লৈতে”। প্রধান মন্ত্রীনা হায়, “তেরোরিজম অসি য়ুনিফোর্ম, য়ুনিফাইদ অমসুং জিরো-তোলেরেন্স এপ্রোচ অমগী খুত্থাংদা খক্তা মাইথিবা পীবা ঙমগনি”।

তেরোরিস্ত অমগা লান্থেংনবা অমসুং তেরোরিজম মায়োক্নবগা মরক্তা লৈরিবা খেন্নবগী মতাংদা পল্লদুনা প্রধান মন্ত্রীনা হায় মদুদি তেরোরিস্ত অমবু খুৎলাইশিং শীজিন্নদুনা অমসুং খুদক্কী তেক্তিকেল রেস্পোন্সশিংনা ন্যুত্রেলাইজ তৌবা য়াই অদুবু অচৌবা লালোং অমা য়াওদনা তেক্তিকেল গেনশিং অসি মাংখিদুনা মখোয়গী ফাইনান্সতা শোকহনবা য়াই। শ্রী মোদীনা হায়, “তেরোরিস্ত হায়বা অসি মীওই অমনি অদুবু তেরোরিজম হায়বা অসিদি মীওইশিং অমসুং ওর্গনাইজেসনশিংগী নেৎৱার্ক অমনি”। প্রধান মন্ত্রীনা এতেক হায়বা অসি দিফেন্সকী খ্বাইদগী ফবা শক্লোন্নি অমসুং তেরোরিজম মরু ফংনা মুত্থৎপদা ঐখোয়না হেন্না চাউবা, প্রোএক্তিব ওইবা, সিস্তেমেতিক রেস্পোন্স অমা তঙাই ফদে। মহাক্না হায় ঐখোয়গী প্রজাশিংবু শাফনা থম্নবগীদমক ঐখোয়না তেরোরিস্তশিংবু তান্নগদবনি, মখোয়গী সপ্পোর্ত নেৎৱার্কশিং থুগাইগদবনি অমসুং মখোয়গী ফাইনান্সতা চৈথেং পীগদবনি।

প্রধান মন্ত্রীনা হায়খি স্তেৎ সপ্পোর্ত অসি তেরোরিজমদা পোলিতিকেল, আইদিওলোজিকেল অমসুং ফাইনান্সিএল সপ্পোর্ত পীরিবা মরু ওইবা সোর্সশিংগী মরক্তা অমনি। লৈবাক কয়ানা তেরোরিস্তশিংবু মখোয়গী ফোরেন পোলিসীগী শরুক ওইনা সপ্পোর্ত তৌরি হায়না মহাক্না ফোঙদোকখি। মহাক্না ইন্তর্নেস্নেল ওর্গনাইজেসনশিংদা প্রোক্সি ৱারশিংদগী মীৎকুপ নাহুম শীংনা লৈনবা হায়খি। মহাক্না মখা তারদুনা হায়, “তেরোরিজম সপ্পোর্ত তৌবা লৈবাকশিংনা চৈরাক ফংফম থোকপনি। তেরোরিস্তকীদমক মীনুংশি ফাওবা ওর্গনাইজেসন অমসুং মীওইশিং তোখাইনা থমগদবনি। অসিগুম্বা ৱাফমদা লৈথোক্নবগী মরম পীরোইদবনি। মালেম্না তেররবু ফোংনা অমসুং লোৎনা ঙাকলৌ পীরিবা মখল পুম্নমক্কী মায়োক্তা পুন্না লেপ্পা তাই।

প্রধান মন্ত্রীনা ওর্গনাইজ ক্রাইম অসি তেরর ফন্দিংগী অতোপ্পা সোর্স অমনি অমসুং ক্রিমিনেলগী কাংলুপশিং অমসুং তেরোরিস্ত আউতফিৎশিংগী মরক্তা অচেৎপা মরী লৈনৈ। মহাক্না হায়, “ওর্গনাইজ ক্রাইমগী মায়োক্তা এক্সন লৌখৎপা হায়বা অসি তেরর থেংনবদা য়াম্না মরু ওই। করিগুম্বদা মনী লোন্দরীং অমসুং ফাইনান্সিএল ক্রাইমশিংগুম্বা থবক-থৌরমশিংনা ফাওবা তেরর ফন্দিংদা মতেং পাংবা থেংনৈ। মসি থেংনবদা গ্লোবেল কোল্লাবোরেসন মথৌ তাই”।

ওইরিবা অরুবা ফীভমগী মতাংদা পল্লদুনা প্রধান মন্ত্রীনা হায়খি য়ুনাইতেদ নেসন্স সেক্যুরিতী কাউন্সিল, ফাইনান্সিএল এক্সন তাস্ক ফোর্স, ফাইনান্সিএল ইন্তেলিজেন্স য়ুনিৎশিং অমসুং এগমোন্ত গ্রুপনা আইন্না য়াদবা ফন্দ ফ্লোশিং থিংনবা, খঙদোক্নবা অমসুং চৈরাক পীনবা তেংবাং পীনবদা শাহৌ পীরি। প্রধান মন্ত্রীনা হায়খি ফ্রেমৱার্ক অসিনা হৌখিবা দিকেদ অনিদা মওং কয়াদা তেররগী মায়োক্তা লান শোক্নবদা মতেং পাংলি। মহাক্না মখা তারদুনা হায়, “মসিনা তেরর ফন্দিংগী খুদোংথিবশিং খঙহনবদা মতেংসু পাংলি”।

তেক্নোলোজী চাউখৎলকপগা লোয়ননা তেরোরিজমগী দাইনামিক্সতা হোংলক্লিবা অসিগী মতাংদা ৱাখল্লোন ফোঙদোক্লদুনা প্রধান মন্ত্রীনা হায়, “তেরর ফাইনান্সিং অমসুং রিক্রুৎমেন্তগীদমক তেক্নোলোজীগী অনৌবা মখলশিং শীজিন্নরি। দার্ক নেৎ, প্রাইবেৎ করেন্সীশিং অমসুং অহেনবা কয়াদগী শীংনবশিং থোরক্লি। অনৌবা ফাইনান্স তেক্নোলোজীশিংগী য়ুনিফোর্ম অন্দরস্তেন্দিং অমা তঙাই ফদে। মসিগী খোঙথাংশিংদা প্রাইবেৎ সেক্তর য়াওহনবসু মরু ওই”। অদুম ওইনমক তেরোরিজম ত্রেক, ত্রেস অমসুং তেকল তৌনবা তেক্নোলোজী শীজিন্নবগা ইরোইননা তেক্নোলোজী দিমোনাইজ তৌবগী মায়োক্তা চেকশিনৱা থমখি।

ফিজিকেল অমসুং ভর্চুএল কোওপরেসনগী মথৌ তাবগী মতাংদা প্রধান মন্ত্রীনা হায়খি মদুদি সাইবর তেরোরিজম অমসুং ওনলাইন রেদিকেলাইজেসনগীদমক শীজিন্নবা ইনফ্রাস্ত্রকচর অসি দিস্ত্রিব্যুতেদ ওই অমরোমদনা এন্তিতী খরনা অরাপ্পা মফমশিং লোয়ননা ওনলাইন রিসোর্সশিংদগী খুৎলাইশিংগা লোয়ননা তেরোরিস্ত ত্রেন তৌখি। “তোঙান-তোঙানবা লৈবাকশিংদা কম্ম্যুনিকেসনশিং, ত্রেবেল অমসুং লোজিস্তিক্সকী চেনগী লিঙ্ক কয়া লৈ”। প্রধান মন্ত্রীনা লৈবাক অমমমনা মখোয়না য়ৌশিনবা ঙম্বা চেনগী শরুক অদুগী মায়োক্তা থবক পাইখৎপা য়াগনি অমসুং পাইখৎকদবনি হায়না ফোঙদোকখি।

প্রধান মন্ত্রীনা তোঙান-তোঙানবা লৈবাক লিগেল প্রিন্সিপল, প্রোসিজর অমসুং প্রোসেসশিংদা লৈরিবা খেন্নবশিং তেরোরিস্তশিংনা লান্না শীজিন্নবা য়াহল্লোইদবনি হায়না চেকশিনৱা থমখি।  প্রধান মন্ত্রীনা হায়, “মসি সরকারশিংগী মরক্তা হেন্না কোওর্দিনেসন পীনবা অমসুং ৱাখল তানরবা মতমদা ঙাকথোকপা ঙমগনি। অপুনবা ওপরেসনশিং, ইন্তেলিজেন্স কোওর্দিনেসন অমসুং এক্সত্রাদিসন্না তেররগী মায়োক্তা লান্থেংনবদা মতেং পাংই”। প্রধান মন্ত্রীনা রেদিকেলাইজেসন অমসুং এক্ত্রিমিজমগী সমস্যা পুন্না কোকহনবা মথৌ তাই। মহাক্না মখা তারদুনা হায়, “রেদিকেলাইজেসন শৌগৎপা মীওই অমা হেক্তগীদমক লৈবাক অমা হেক্তদা চংজফম পীরোইদবনি”।

প্রধান মন্ত্রীনা ৱারোল পীবা লোইশিনবদা হন্দক্তা তেরোরিজমগী মায়োক্তা ইন্তর্নেস্নেল কোওপরেসন পীনবা শাহৌ পীনবা ভারতনা পাইখৎখিবা খোঙথাংশিং অদু পাউদমখি। সেক্যুরিতীগী তোঙান-তোঙানবা দাইমেন্সনশিংদা তোঙান-তোঙানবা কনফরেন্সশিংগী মতাংদা পল্লদুনা প্রধান মন্ত্রীনা নই দিল্লীদা ইন্তরপোলগী জেনরেল এসেমব্লী পাঙথোকপা, মুম্বাইদা য়ুনাইতেদ নেসন্স সেক্যুরিতী কাউন্সিলগী কাউন্তর-তেরোরিজম কম্মিতিগী স্পেসিএল সেসন পাঙথোকখিবা অদু পনখি। মহাক্না মখা তারদুনা হায় ভারতনা হৌজিক চত্থরিবা ‘নো মনী ফোর তেরর’গী খুত্থাংদা তেরর ফন্দিং তৌবগী মায়োক্তা গ্লোবেল মোমেন্তম শাগৎপদা মতেং পাংলি।

থৌরম অদুদা কেন্দ্রগী গৃহ মন্ত্রী, শ্রী অমিত শাহ, গৃহগী রাজ্য মন্ত্রী, শ্রী নিত্যানন্দ রাই, হোম সেক্রেতরী, শ্রী অজয় কুমার ভল্লা, অমসুং নেস্নেল ইনভেস্তিগেসন এজেন্সীগী দিরেক্তর জেনরেল, শ্রী দিঙ্কর গুপ্তাসু শরুক য়াখি।

বেকগ্রাউন্দ

নুমিৎ নিনিগী কনফরেন্স অসি নবেম্বর ১৮-১৯দা পাঙথোক্কনি, মসিনা শরুক য়ারিবা লৈবাকশিং অমসুং ওর্গনাইজেসনশিংগীদমক তেরোরিজমদা ফাইনান্সিং তৌবা থিংনবা হৌজিক লৈরিবা মালেমগী পথাপকী কান্নবা লোয়ননা থোরক্লিবা শীংনবশিং অসি কোকহন্নবা মথৌ তাবা খোঙথাংশিংগী মতাংদা খন্ন-নৈন্নবা অখন্নবা ফম্পাক অমা পীরগনি। কনফরেন্স অসি মমাংগী কনফরেন্স অনিগী (২০১৮গী এপ্রিলদা পরিসতা অমসুং ২০১৯গী নবেম্বরদা মেলবোর্নদা পাঙথোকখিবা) কান্নবশিং অমসুং লৌশিংদা য়ুম্ফম ওইগনি অমসুং তেরোরিস্তশিংদা শেল থাদবা তোক্নবা মালেমগী ওইনা পীনরিবা তেংবাং হেনগৎহন্নবা অমসুং মসি ওপরেৎ তৌনবা পর্মিসিব জুরিসদিক্সন এক্সেস তৌনবগী মাইকৈদা থবক পাইখৎলগনি। মসিদা মন্ত্রীশিং, মলতিলেতরেল  ওর্গনাইজেসনশিং অমসুং ফাইনান্সিএল এক্সন তাস্ক ফোর্স (এফ.এ.তি.এফ.)কী মকোকশিং, দেলিগেসনশিংগী মকোকশিং য়াওনা মালেম শিনবা থুংবদগী দেলিগেৎ ৪৫০রোমনা শরুক য়াগনি।

কনফরেন্স মনুংদা ‘তেরোরিজম অমসুং তেরোরিস্ত ফাইনান্সিংগী লৈরিবা গ্লোবেল ত্রেন্দশিং’. ‘তেরোরিজমগী ফন্দশিংগী ফোর্মেল অমসুং ইনফোর্মেল চেনেলশিং শীজিন্নবা’, ‘অনৌবা তেক্নোলোজীশিং অমসুং তেরোরিস্ত ফাইনান্সিং’ অমসুং ‘তেরোরিস্ত ফাইনান্সিং লাকশিনবদা থেংনবা শীংনবা কোকহন্নবা ইন্তর্নেস্নেল কো-ওপরেসন’ হায়বা অসিদা মীৎয়েং থম্বা সেসন মরিদা খন্ন-নৈনবশিং পাঙথোক্কনি।

*****



(Release ID: 1877000) Visitor Counter : 141