وزیراعظم کا دفتر

بالی میں منعقدہ جی-20 سربراہ اجلاس کے شانہ بہ شانہ آسٹریلیا کے وزیر اعظم کے ساتھ وزیر اعظم کی ملاقات

Posted On: 16 NOV 2022 3:06PM by PIB Delhi

وزیر اعظم جناب نریندر مودی نے آج بالی میں منعقدہ جی-20 سربراہ اجلاس کے شانہ بہ شانہ آسٹریلیا کے وزیر اعظم عزت مآب جناب انتھونی البانیز سے ملاقات کی۔

دونوں قائدین نے جامع کلیدی شراکت داری کے تحت دونوں ممالک کے درمیان عمدہ تعلقات ، اور بھارت –آسٹریلیا کے درمیان باقاعدہ طور پر ہونے والی اعلیٰ سطحی بات چیت پر اطمینان کا اظہار کیا۔ دونوں قائدین نے دفاع، کاروبار، تعلیم، صاف ستھری توانائی اور دونوں ممالک کے عوام کے درمیان تعلقات کو عمیق بنانے میں ہوئی پیش رفت کا جائزہ لیا۔ تعلیم، خصوصاً اعلیٰ تعلیم، پیشہ وارانہ تعلیم، تربیت اور صلاحیت سازی کے شعبہ میں ادارہ جاتی شراکت داری پر تفصیلی بات چیت کی گئی۔

دونوں قائدین نے باہمی مفاد کے علاقائی اور عالمی موضوعات پر نظریات کا تبادلہ کیا۔ ان موضوعات میں مستحکم اور پر امن انڈو-پیسفک خطہ، موسمیات سے متعلق معاملات اور بھارت کی جی20 صدارت سے متعلق ان کا ساجھا نقطہ نظر شامل تھا۔

وزیر اعظم جلد از جلد بھارت میں وزیر اعظم البانیز کا خیرمقدم کرنے کے لیے پرجوش ہیں۔

 

******

ش ح۔ا ب ن۔ م ف

U-NO.12597



(Release ID: 1876542) Visitor Counter : 95


Read this release in: English , Marathi , Hindi , Assamese , Bengali , Manipuri , Punjabi , Gujarati , Odia , Tamil , Telugu , Kannada , Malayalam