প্রধানমন্ত্রীগী লোইশঙ
প্রধান মন্ত্রীনা বেঙ্গালুরু তেক সম্মিত্তা ৱা ঙাংখ্রে
“বেঙ্গালুরু অসিদি ইনক্লুসিব অমসুং ইন্নোভেতিব ওইবা শহরনি অমসুং তেক্নোলোজী অমসুং থোত লিদর্শিপকী ময়ুম্নি”
“ভারতকী ইন্নোভেতিব ওইবা নহা অমসুং তেক শিজিন্নবা হেনগৎলক্লিবা অসিনা তুংগী মতমদি য়াম্না য়াইফরগনি”
“ভারত্তা তেক্নোলোজীনা মান্নবা মিৎয়েং য়েংবা অমসুং পাঙ্গল হাপ্নবা শাফু ওইরি”
“অমত্তা ওইবনা তেংবাংবা ইন্নোভেসন্না শাফু অমা ওই”
“ভারত অসি সরকারগী কা হেনবা কাঙলোন লৈবা মফম অমা ওইনা খঙনদ্রে। মসিদি ইনভেস্তরশিংগী রেদ কার্পেতকীদমক্তা খঙনরে”
Posted On:
16 NOV 2022 11:25AM by PIB Imphal
প্রধান মন্ত্রী, শ্রী নরেন্দ্র মোদীনা ভারতকী ইন্নোভেতিব ওইবা নহাশিংনা তেক অমসুং তেলেন্তপু মালেমগী থাক্তা য়ৌহল্লে হায়রদুনা ভারত্তা তেক্নোলোজীনা মান্নবা মিৎয়েং য়েংবা অমসুং পাঙ্গল হাপ্নবা শাফু ওইরি হায়না ঙসি ফোংদোকখ্রে। প্রধান মন্ত্রীনা বেঙ্গালুরু তেক সম্মিত্তা ভিদিও মেসেজকী খুত্থাংদা মহাক্কী ৱাফম থমখিবনি।
প্রধান মন্ত্রীনা বেঙ্গালুরু অসিদি ইনক্লুসিব অমসুং ইন্নোভেতিব ওইবা শহরনি অমসুং তেক্নোলোজী অমসুং থোত লিদর্শিপকী ময়ুম্নি হায়খ্রে। বেঙ্গালুরুনা চহি কয়াদগী ভারতকী ইন্নোভেসন ইন্দেক্সতা অহানবা থাক্তা লৈদুনা লাক্লি হায়না মহাক্না মখা তাখি।
ভারতকী তেক্নোলোজী অমসুং ইন্নোভেসন্না মালেমগী পুক্নিং হান্ননা শুমহৎখ্রবনি। অদুবু, প্রধান মন্ত্রীনা ভারতকী ইন্নোভেতিব ওইবা নহা অমসুং তেক শিজিন্নবা হেনগৎলক্লিবা অসিনা হৌজিক্কী মতমদগী হেন্না তুংগী মতম্না য়াইফরগনি হায়না অখন্ননা ফোংদোকখি। মহাক্না ভারতকী ইন্নোভেতিব ওইবা নহাশিংনা তেক অমসুং তেলেন্তপু মালেমগী থাক্তা য়ৌহল্লে হায়খি। প্রধান মন্ত্রীনা হায়খি, “ঐখোয়না মালেমগী য়াইফনবগীদমক্তা ঐখোয়গী তেলেন্ত শিজিন্নরি”।
ইং ২০১৫গী গ্লোবেল ইন্নোভেসন ইন্দেক্সতা ভারতনা লৈরম্বা ৮১শুবা থাক্তগী হন্দক্কী চহিদা ৪০শুবা থাক্তা লৈরে হায়না প্রধান মন্ত্রীনা পাউদমখি। ভারতকী য়ুনিকোর্ন স্তার্তঅপ মশিংনা ইং ২০২১দগী হৌনা শরুক অনি হেনগৎলে অমসুং ভারতনা শকখঙলবা স্তার্তঅপ ৮১০০০ লৈদুনা মালেমগী খ্বাইদগী অহুমশুবা চাউবা স্তার্তঅপ ওইরে। ভারতকী তেলেন্ত পুলনা মালেমগী কম্পেনী চাম্ম-চাম্মবু মখোয়গী আর. অমসুং দি. সেন্তর ভারত্তা লৈহন্নবা পুক্নিং থৌগৎলি।
ভারতকী নহাশিংনা তেক শিজিন্নবগী চাং হেনগৎলক্লিবসিগী মতাংদা পাউদম্লদুনা, প্রধান মন্ত্রীনা লৈবাক অসিদা লাক্লিবা মোবাইল অমসুং দেতাগী ইহৌগী মতাংদা হায়খি। মমাংগী চহি ৮দা ব্রোদবেন্দ কন্নেক্সন মশিংনা মিলিয়ন ৬০দগী মিলিয়ন ৮১০দা হেনগৎখি। স্মার্তফোন শিজিন্নবশিংগী মশিংনা মিলিয়ন ১৫০দগী মিলিয়ন ৭৫০ য়ৌখি। ইন্তর্নেতকী শাহৌনা শহরগী মফমদগী খুঙ্গংশিংদা হেন্না খোঙজেল য়াঙখি। “অনৌবা দেমোগ্রাফিক অমা ইনফোর্মেসন সুপর-হাইৱেগা শম্নরে”, শ্রী মোদীনা হায়খি। ভারত্তা তেক্নোলোজীবু মীয়ামগীদমক্তা ওইহল্লিবা অসিগী মতাংদসু মহাক্না ৱাফম থমখি। তেক্তা হ্যুমেন তচকা করম্না মরী লৈনহনবগে হায়বসু ভারতনা তাক্লে। “ভারত্তা তেক্নোলোজীনা মান্নবা মিৎয়েং য়েংবা অমসুং পাঙ্গল হাপ্নবা শাফু ওইরি”, মহাক্না হায়খি। ইমুং মিলিয়ন ২০০, হায়বদি অপুনবা মীওই মিলিয়ন ৬০০কী মফমদা সেফতী নেত পীরিবা মালেমগী খ্বাইদগী চাউবা হেল্থ ইন্স্যুরেন্স স্কিম, অয়ূশমান ভারত অমসুং তেক প্লেতফোর্ম্বু ফম্বাক ওইনা শিজিন্নদুনা পাংথোকখিবা মালেমগী খ্বাইদগী চাউবা তিকা থাবগী খোঙথাং, কোবিদ ভেক্সিনেসন দ্রাইবপু মহাক্না খুদম ওইনা পীখি। মীওই মিলিয়ন ১০ হেনবনা ওনলাইন্দা মায় পাক্তুনা লেম্না সর্তিফিকেসন ফংখ্রবা ওপন কোর্স কয়াগী খ্বাইদগী চাউবা ওনলাইন রিপোজিতরীগুম্বা থৌওং কয়াসু মহাক্না এজুকেসন সেক্তর মরক্তগী খুদম ওইনা পনখি। দেতাগী মমল খ্বাইদগী নেম্লিবা অসি পল্লদুনা, প্রধান মন্ত্রীনা মসিনা লাইচৎ মনুংদা ওনলাইন ক্লাস য়াওবদা লাইরবা মহৈরোইশিংদা য়াম্না তেংবাংখি হায়না ফোংদোকখি।
লাইরবগী মাইয়োক্তা লান্থেংনবদা ভারতনা তেক্নোলোজীবু খুৎলাই ওইনা শিজিন্নরি হায়না প্রধান মন্ত্রীনা মখা তানা হায়খি। স্বামিত্ব স্কিমদা দ্রোন শিজিন্নবা অমসুং জন ধন আধার মোবাইল (জে.এ.এম.) ত্রিনিতীবু লাইরবশিংদা তেংবাংবা থৌওংনি হায়না মহাক্না খুদম ওইনা পনখি। স্বামিত্ব স্কিম্না প্রোপর্তী রেকোর্দশিংগী অশেংবা অচুম অরান খঙহল্লি অমসুং লাইরবশিংদা ক্রেদিতকী খুদোংচাবসু পীরি। জে.এ.এম.না দাইরেক্ত বেনেফিত ত্রান্সফর তৌবা ঙমহল্লি অমসুং ৱেলফিয়র স্কিম কয়াগী ফম্বাক ওইরি হায়না প্রধান মন্ত্রীনা হায়খি। প্রধান মন্ত্রীনা জি.ই.এম.বু সরকারনা চলায়বা মায় পাক্লবা ই-কম্মর্স প্লেতফোর্ম অমনি হায়না কৌখি। “তেক্নোলোজী কারবার পীক্না তৌজবশিংদা অচৌবা কস্তমর ফংহনবদা তেংবাংলি। মসিদা নত্তনা, শেঞ্জা থুমজা তৌবগী থৌওংবুসু মসিনা হন্থহল্লি। মান্নবা মতৌ ওইনা, তেক্নোলোজীনা ওনলাইন্দা তেন্দর লাওবদসু তেংবাংলি। মসিনা প্রোজেক্ত কয়াগী খোঙজেল হেনগৎহনবগা লোয়ননা নুং-পান ফাওনা উবসু হেনগৎহল্লি। মখোয়না মমাংগী চহিদা লুপা ত্রিলিয়ন অমগী শেনফমগী প্রোক্যুরমেন্ত তৌখ্রে”, শ্রী মোদীনা জি.ই.এম.গী মায় পাকপগী মতৌশিংগী মতাংদা পাউদমখি।
প্রধান মন্ত্রীনা সাইলো লৌথোকপগী তঙাই ফদবদসু মিৎয়েং চঙখি। মহাক্না হায়খি, “ইন্নোভেসন তৌবসি য়াম্না মরু ওই। অদুগা মসিদা ইন্তিগ্রেসন্না তেংবাংবা মতমদা মসিনা শাফু অমা ওইরকই। সাইলোশিং লৌথোক্নবা, সিনর্জী লৈহন্নবা অমসুং সর্ভিস শোইদনা পীনবা তেক্নোলোজী শিজিন্নরি। শেয়র তৌবা প্লেতফোর্মশিংদা সাইলো অমত্তা লৈত্রবনি”। পি.এম. গতিশক্তী নেস্নেল মাস্তর প্লানগী খুদম পীরদুনা, প্রধান মন্ত্রীনা ভারতনা মথংগী চহি খরসিদা ইনফ্রাস্ত্রকচরদা লুপা ত্রিলিয়ন ১০০ থাদগনি হায়খি। গতিশক্তীগী শেয়র প্লেতফোর্ম অসিনা মরম ওইরগা, কেন্দ্র, রাজ্য সরকার, জিলাগী লৈঙাক্লোই অমসুং তোঙানবা বিভাগশিংনা পাউ ফাওনদুনা থবক থৌরম শীন্দোকপা য়ারে। প্রোজেক্ত, লম শিজিন্নবা অমসুং ইন্সতিত্যুসনশিংগা মরী লৈনবা ই-পাউ কয়া মফম অমখক্তদা ফংলে। অদুনা, স্তেকহোলদরশিংনসু মান্নবা দেতাদুমক উরে। মসিনা পাউ ফাওনহনবদা তেংবাংই অমসুং খুদোংচাদবা অমা লাক্ত্রিঙৈদা মদুগী ৱারোইশিন পুথোকপা ঙমহল্লে। মসিনা এপ্রুবেল অমসুং ক্লিয়ারেন্সশিংসু য়াম্না থুনা পাংথোকহল্লে হায়না মহাক্না হায়খি।
প্রধান মন্ত্রীনা ভারত অসি সরকারগী কা হেনবা কাঙলোন লৈবা মফম অমা ওইনা খঙনদ্রে, মদুগী মহুত্তা ইনভেস্তরশিংগী রেদ কার্পেতকীদমক্তা খঙনরে হায়খি। “এফ.দি.আই. রিফোর্ম ওইরো, নত্ত্রগা দ্রোন শিজিন্নবগী কাঙলোন্দা কোম্থোকপা ওইরো, সেমি-কন্দক্তর সেক্তরদা খোঙথাং কয়া পায়খৎপা, তোঙানবা সেক্তরশিংদা প্রদক্সন ইন্সেন্তিব স্কিম লৈহনবা, নত্ত্রগা কারবার তৌবদা হেন্না নুংঙাইহনবা ওইরো, অফবা থৌওং কয়া অমা ভারত্তা অমত্তা ওইনা পুন্সিল্লক্লি”, মহাক্না হায়খি। প্রধান মন্ত্রীনা ৱাফম অমা মীয়ামদা থমদুনা মহাক্কী ৱারোল লোইশিনখি। মহাক্না হায়খি, “অদোমগী ইনভেস্তমেন্ত অমসুং ঐখোয়গী ইন্নোভেসন্না মশক থোকপা থবক পাংথোকপা ঙমগনি। অদোমগী থাজবা অমসুং ঐখোয়গী তেক তেলেন্তনা থবক কয়া ওইথোকহনবা ঙমগনি। ঐখোয়না মালেমগী শিংনবা কয়াগী ৱারোইশিন পুরক্নবা লুচিংবগী থৌদাং লৌরিবা অসিদা ঐহাক্না অদোম্বু ঐখোয়গা থবক তৌমিন্নসি হায়বা পাউজেল পীজরি”।
******
(Release ID: 1876370)
Visitor Counter : 166
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam