প্রধানমন্ত্রীগী লোইশঙ
প্রধান মন্ত্রীনা বেঙ্গলুরুদা শ্রী নাদপ্রভু কেম্পেগৌরাগী মিতর ১০৮ ৱাংবা শেঞ্জেংগী মীতমগী মাইখুম হাংদোকখ্রে
Posted On:
11 NOV 2022 2:32PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি বেঙ্গলুরুদা শ্রী নাদপ্রভু কেম্পেগৌরাগী মিতর ১০৮ ৱাংবা শেঞ্জেংগী মীতমগী মাইখুম হাংদোকখ্রে। প্রধান মন্ত্রীনা মীতম অদুদা হৈকৎ-লৈকৎ তমখি অমদি শেংলবা ঈশিং কৎখি। মহাক্না উ-চারাসু থাখি।
মীতম অসি সহর অসিগী ফাউন্দর ওইরিবা নাদপ্রভু কেম্পেগৌরানা বেঙ্গলুরুবু চাউখৎনবা মাইকৈদা শরুক তমখিবা অদুবু নীংশিংবা ওইবা শাখিবনি। স্তেচু ওফ য়ুনিতী শাখিবগীদমক মমিং লৈরবা রাম ভি সুতরনা ৱাখল শাগৎতুনা অমসুং মীতম অসি শাখি, হায়রিবা মীতম অসি শাবদা শেঞ্জেং তন ৯৮ অমসুং স্তীল তন ১২০ চংখি।
প্রধান মন্ত্রীনা ত্বিত তৌখি;
“শ্রী নাদপ্রভু কেম্পেগৌরানা বেঙ্গুলুরু শেমগৎপদা লৌখিবা থৌদাং অসিগী লম্বা লৈরোই। মহাক অসি মীয়ামগী য়াইফনবা হোৎনবনা মতম চুপ্পদা মাং থাখিবা মীৎয়েং শান্না উবা ঙম্বা মীশক অমা ওইনা নীংশিংনরি। বেঙ্গলুরুদা ‘স্তেচু ওফ প্রোস্পরিতী’ মাইখুম হাংবা ফংজবদা নুংঙাইবা পোকই।”
প্রধান মন্ত্রীবু কর্নাতকাগী মুখ্য মন্ত্রী, শ্রী বসবরাজ বোম্মাই অমসুং কর্নাতকাগী রাজ্যপাল, শ্রী থাৱর চন্দ গহলোৎ অমসুং কেন্দ্রগী মন্ত্রী, শ্রী প্রহলাদ জোশিনা লোয়নখি।
*****
(Release ID: 1875198)
Visitor Counter : 114
Read this release in:
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam