য়োর মেজেস্তী, বাহরেনগী নিংথৌ,

ঐহাক্কী ইফমদা দি কিং ওফ হমাদ ওর্দর ওফ রিনেইজেন্স মিংথোল পীবীবিবদা ঐহাক্না তসেংনা নুংঙাইবা ফাওজৈ। য়োর মেজেস্তীনা ঐহাক অমসুং ঐহাক্কী লৈবাক্কা মরুপ ওইবসিদা মান্ননা নুংঙাইবসু ফাওজৈ।

ইকায় খুম্ননীংঙাই ওইরবা মিংথোল অসিবু ঐহাক্না ভারত মচা বিলিয়ন ১.৩গী মহুৎ শিন্দুনা লৌশিঞ্জরি। মসিদি ভারত পুম্বগী চাউথোকচীংঙাইনি। মসিদি বাহরেনগী নিংথৌ লৈবাক অমসুং ভারতকী নক্নবা অমসুং অফবা মরী অসিবু শকখঙবনি। ঐখোয়গী মরী অসি লিশিং কয়াগী মমাংদগী লৈরক্লবনি।

হৌজিক্কী ২১শুবা চহি চাসিদা ঐখোয়না মরী অসিবু অতোপ্পা হীরম কয়াদসু পাকথোক চাউথোক্লি। ঐখোয়না ঙসি শান্নখিবা ৱারীশিংদা তেংবাংনবগী অতোপ্পা হীরম কয়া হাপচিনবা অমসুং হান্নগী মরীবু হেন্না চেৎশিনহনবগী য়ানবা কয়া পুরকখিবা অসি য়াম্না নুংঙাইবা ৱাফম অমনি।

ঐখোয়না ভারতপু দোল্লর ত্রিলিয়ন ৫গী শেন্মিৎলোন ওইহনবগী পান্দম থম্লি। ঐখোয়না পুন্না চাউখৎমিন্ননবা বাহরেন্সু ভারতকী নক্নবা খোঙলোই ওইবা পাম্মি।

ভারত্তগী হৌখিবা মীওইশিংনা বাহরেনগী খ্বাইদগী চাউবা ফোরেন কম্ম্যুনিতী ওইরিবসিদা ঐহাক্না তসেংনা নুংঙাইবা ফাওই। মখোয়শিংবু মফমসিদা তরাম্না ওকপীরি।

মখোয়বু নীংথিনা য়েংশিনবীদুনা মশাগী ময়ুম্মক্নি খলহনবগীদমক্তা ঐহাক্না লৈবাক অসিগী লুচিংবশিংবু থাগৎচরি। ঐখোয়গী য়ুম্লোন্নবা লৈবাক অসিদা চৎপা ভারতকী অহানবা প্রধান মন্ত্রী ওইবসিদসু ঐহাক্না তসেংনা লাইবক ফবনি খঞ্জৈ।

ঐহাক অমসুং ঐহাক্কী দেলিগেতশিংবু তরাম্না ওকপীবা অমসুং নীংথিনা অমদি নুংঙাইনা থম্বীবগীদমক্তা ঐহাক্না বাহরেনগী লুচিংবশিংবু অমুক্কা হন্না থাগৎচরি। হিস মেজেস্তীনা ভারত্তা লাকপা মতমদা ঐহাক্না তরাম্না ওকচবা ফংবনা ঐহাক্কী লাইবক ফবা ওইগনি।

থাগৎচরি।

*****