এক্সেলেন্সী, কৃগিজ রিপব্লিক্কী রাস্ত্রপতি অমসুং ঙসিগী মীফমগী চেয়রমেন,

এক্সেলেন্সী, খোঙলোই অমসুং মরুপশিং!

ঐহাক্না অহানবমক্তদা, রাস্ত্রপতি অমসুং কৃগিজ রিপব্লিকপু এস.এস.ও. সম্মিৎ মতিক চানা লুচিংবগীদমক্তা থাগৎচনীংই। পুম্নমকপু তরাম্না ওকপীবা অমসুং নীংথিনা তৌবীবগীদমক্তা ঐহাক্না মহাকপু থাগৎচরি। এস.সি.ও. লুচিংবশিংগী মীফমদা শরুক য়াবসিদা ঐহাক্না য়াম্না নুংঙাইবা ফাওই। ভারতনা এস.সি.ও.গী মপুং ওইবা মেম্বর ওইরকপনা চহি ২ মপুং ফারে। এস.সি.ও.গী থবকশিংদা ঐখোয়না মশক থোক্না তেংবাংদুনা লাক্লি। মালেমগী ফম্বাক অসিদা এস.সি.ও.গী থৌদাং অমসুং থাজবগী চাং হেনগৎহন্নবা ঐখোয়না লেপ্তনা হোৎনদুনা লাক্লি।

এক্সেলেন্সীশিং,

ভারতকী পুৱারী, সিভিলাইজেসন অমসুং নাৎকা এস.সি.ও. লমদমশিংগা চহি লিশিং কয়াদগী মরী লৈনদুনা লাক্লি। ঐখোয়গী অপাম্বা মান্নবা হীরমশিংদা হেন্না ফবা কন্নেক্তিবিতীগী মথৌ তারি। ইন্তর্নেস্নেল নোর্থ সাউথ ত্রান্সপোর্ত কোরিদোর, চাবাহর হিথাংফম, অশগাবাত এগ্রীমেন্তকুম্বা খোঙথাংশিংনা ভারতনা কন্নেক্তিবিতীদা মিৎয়েং চঙলিবসিগী তসেংবা মমি তারি। ঐখোয়না কাবুল, কান্দাহার অমসুং নই দিল্লী অমদি মুম্বাইগী মরক্তা ইং ২০১৭তগী হৌনা এয়র ফ্রৈত কোরিদোর মথৌ পাংথোকহন্দুনা লাক্লি। মনীং তম্বা, অপুনবা ওইবা, অফবা লৈঙাক, নুং পান ফাওনা উবা, কান্ননা শিজিন্নবা, থাজবা য়াবগী মতৌবু ইকায় খুম্নবনা কন্নেক্তিবিতী খোঙথাং খুদিংগী য়ুম্ফম ওইগদবনি। মীওই মশেলগী মরক্কী মরীগী মরু ওইবগা ফিজিকেল কন্নেক্তিবিতীগা মান্নৈ। ঐখোয়গী ই-তুরিস্ত ভিজা অসি এস.সি.ও. লৈবাক অয়াম্বদা ফংহল্লি। এস.সি.ও. লৈবাকশিংগী লমকোয়বশিংগী খুদোংচাবা পীনবগীদমক্তা ঐখোয়গী তুরিজম বিভাগকী ৱেবসাইত্তা রসিয়াগী ইন্তর্ফেস লৈদুনা ২৪X৭কী তুরিস্ত হেল্পলাইন লৈরগনি হায়না লাউথোকপদা ঐহাক্না নুংঙাইবা ফাওরি।

এক্সেলেন্সীশিং,
এস.সি.ও. লমদমগী তংদু লৈতাবা অমসুং সেক্যুরিতীগী ফিভম লৈহনবদা অপুনবা, শান্তি লৈবা, তেক্ত কায়দবা অমসুং নুংঙাই য়াইফবা অফঘানিস্তান অমগী অচৌবা মরু ওইবা লৈ। অফঘান্না লুচিংবা, মখোয়না মপুং ওইনা শরুক য়াবা অমসুং মখোয়না লাকশিনবা ঙম্বা শান্তি পুরকপগী খোঙথাং খুদিংদা শৌগৎপনা ঐখোয়গী সরকারগী পান্দম্নি। এস.সি.ও. অফঘানিস্তান কন্তেক্ত গ্রুপকী মখা তাবা থবক থৌরমগী থৌরাং লৈবসিদা ঐখোয়না নুংঙাইবা ফাওরি।

এক্সেলেন্সীশিং,
ঐখোয়গী লমদমসিদা তেংবাংনবগী নীংথিবা থৌওং লৈনবা ঐখোয়না পান্দম থমগদবনি। ঐখোয়গী তেংবাংনবসিদা ঐচ.ই.এ.এল.তি.ঐচ.কী ময়েকশিংনা অফবা তেমপ্লেত অমা ওইবা য়াই।

ঐচ. – হেল্থকেয়র কোওপরেসন, ই.-ইকোনোমিক কোওপরেসন, এ.-অলতর্নেত ইনর্জী, এল.-লিতরেচর অমসুং কলচর, তি.-তেরোরিজম লৈতবা খুন্নাই, অমসুং ঐহ.-হ্যুমেনিতরিয়ন অমসুং হেল্থকেয়র কোওপরেসন।

এস.সি.ও.গী ইং ২০১৯-২০২১গী থৌরাংশিংদা ঐখোয়না হেল্থকেয়রদা অহেনবা মিৎয়েং চঙহনগদবনি। ভারতনা তেলি-মেদিসিন অমসুং মেদিকেল তুরিজমগী লমদা মশাগী হৈ-শিংবা লান্ননা শেম শারি অমসুং নুংঙাইনা পাংথোক্কনি।

ইকোনোমিক কোওপরেসন তাক্লিবা ই.

শেন্মিৎলোনগী হীরমদা তেংবাংনবনা ঐখোয়গী মীয়ামগী তুংগী মতমগী য়ুম্ফম ওইগদবনি। নাকল অমখক্তদা হোৎনবা অমসুং নাকল অমখক্কী ঙাক শেনবনা কৌদৌনুংদা অফবা ওইখিদ্রি। ঐখোয়না কাঙলোন, নুং-পান ফাওনা উবা, মীচঙ মীখায় নাইদবা, পুম্নমক্তা হাংদোকপা অমসুং পুম্নমক্না শরুক য়াবগী থৌওংদা য়ুম্ফম ওইবা ৱর্ল্দ ত্রেদ ওর্গনাইজেসন্দা অহেনবা মিৎয়েং চঙবা মলতিলেতরিং ত্রেদিং সীস্তেম অমগী মথৌ তাই। মসিনা মেম্বরশিংগী অপাম্বা ঙাক শেনগনি, অখন্ননা দিভেলপিং লৈবাকশিংগী। এস.সি.ও.বু মেম্বরশিংবু শেন্মিৎলোনগী থবকশিংগীদমক্তা ফ্রেনলী ইনভাইরনমেন্ত ওইহন্নবা ভারতনা খোঙফম চেত্তুনা লেপ্তনা হোৎনরি। ঙসিদি, ঐখোয়না মরু ওইবা য়ানচে কয়াগী খুৎয়েক পীনগনি অমসুং মসিনা এস.সি.ও. মরক্তা শেল থুমগী হীরম, দিজিতাইজেসন অমসুং আই.সি.তি.গী থৌওংশিংগী মপাঙ্গল হাপকনি।

অলতর্নেত ইনর্জী তাক্লিবা এ.

ভারতনা ক্লাইমেত চেঞ্জকী মতাংদা খোঙফম চেৎলিবসি পৃথিবীবু ইমানি খল্লিবা ৱাখল্লোনগী মতুং ইল্লি। ঙসিদি, ভারতনা মালেমগী খ্বাইদগী তরুকশুবা চাউবা রিন্যুএবল ইনর্জী পুথোকপা অমসুং মঙাশুবা চাউবা সোলর পাৱর পুথোকপা লৈবাক ওইরি। ইন্তর্নেস্নেল সোলর এল্লাইএন্স অসি ভারতকা খুৎশম্ননা পায়খৎপা থৌদাংনি। মসিনা তেক্নোলোজী অমসুং ফাইনান্স শিজিন্নদুনা সোলর ইনর্জীগী কোস্ত হন্থহনবগী পান্দম থম্লি। ঐখোয়না খোঙথাং অসিদা এস.সি.ও. লৈবাকশিংবু তরাম্না ওক্লি। ইনর্জীগী অতোপ্পা মহুত শিনবা য়াবা থৌওংগীদমক্তা ঐখোয়না ইশাগী এক্সপেরিএন্স লান্নবগী শেম শারি। ঙসি, ঐখোয়না এস.সি.ও.গী মখাদা ইনভাইরনমেন্ত ঙাক শেনবগী মতাংদা ইং ২০১৯-২১গী কোওপরেসনগী কন্সেপ্ত পেপরগী খুৎয়েক পীবগী অয়াবা ফোংদোকখ্রে।

লিতরেচর অমসুং কলচর তাক্লিবা ই.

ঐখোয় মশেলগী লিতরেচরবু ঐখোয়গী নহাশিংদা শক্তাকপনা ঐখোয়গী মরী হেন্না চেৎশিনহনগনি। ভারতকী লিতরেচরগী খ্বাইদগী ফজবা থবক ১০বু এস.সি.ও. লৈবাকশিংগী লোলদা ৱাহন্থোক হনগনি। হন্দক্তসু, উজবেকিস্তানগী তেংবাংদগী তাশকেন্ততা এস.সি.ও. ফিল্ম ফেস্তিবেল অমা মায় পাক্না পাংথোকখ্রে। মসিদা বোল্লীৱুদ অমসুং উজবেক্কী নুংঙাইরবা ফিল্ম কয়া মনুং চনখি। লিতরেচর অমসুং কলচরনা ঐখোয়গী খুন্নাইদা কান্নবা থৌওং কয়া পীরি। অখন্নবা ৱাফম অমা ওইনা, মসিনা ঐখোয়গী খুন্নাইগী নহাশিংবু রেদিকেলাইজ তৌবদা থিংবা ঙম্মি।

তেরোরিজম লৈতবা খুন্নাই তাক্লিবা তি.

ঐহাক্না মমাংগী নোংমাইজিং নুমিৎকী শ্রী লঙ্কা খোঙচত্তা সেন্ত এন্থোনী চর্চতা চৎখি। মফমদুদা, ঐহাক্না তেরোরিজমগী ফত্ত্রবা শক্লোন নিংশিংখি। মখোয় অসি মতম অমা হেক্তদা থোক্লক্তুনা মীচম মীয়ামগী পুন্সি মাঙহনবা ঙম্মি। মসিগুম্বা শিংনবা অসিগা মাইয়োক্ননবগীদমক্তা, হ্যুমেনিস্ত ফোর্স খুদিংনা অখুবা ৱাখল্লোন্দগী থোক্লক্তুনা অমত্তা ওইনা পুনগদবনি। তেরোরিস্তশিংদা তেংবাংবা, শৌগৎপা অমসুং শেল থাদবা লৈবাকশিংবু চৈরাক পীগদবনি। এস.সি.ও. মেম্বরশিংনা তেরোরিজম মুত্থৎনবগীদমক্তাএস.সি.ও.-আর.এ.তি.এস.কী মতিক নীংথিনা শিজিন্নগদবনি। তেরোরিজমগী হৌরকফম মুত্থৎনবগীদমক্তা ভারতনা মালেমগী কনফরেন্স অমা পাংথোকপগী ৱাহৌদোক থম্লি।

হ্যুমেনতরিয়ন কোওপরেসন তাক্লিবা ঐচ.

ভারতনা লমদমশিং অসিদা হ্যুমেনতরিয়ন কোওপরেসন অমসুং দিজাজতর থোকপা মতমশিংগী ফর্স্ত রেস্পোন্দরগী থৌদাং লৌদুয়া লাক্লি। ঐখোয়না এস.সি.ও. লৈবাকশিংদা ঐখোয়গী এক্সপেরিএন্স লান্নবদা য়াম্না নুংঙাইবা ফাওগনি। দিজাজতর রেজিলিএন্ত ইনফ্রাস্ত্রকচরগী হীরমদা ঐখোয়না অখন্নবা মিৎয়েং চঙগদবনি।

এক্সেলেন্সীশিং,
ঐহাক্না বিশেক দিক্লারেসনবু তরাম্না ওক্লি; মসিদি তেংবাংনবগী য়াম্না কান্নবা ব্লুপ্রিন্ত অমনি। ঐহাক্না ঙসিগী য়ুম্বু ওইরিবা এক্সেলেন্সী, রাস্ত্রপতি জীনবেকোবপু অমুক্কা হন্না থাগৎচরি। ঐহাক্না রাস্ত্রপতি পুতিনবু মথং চহিদা এস.সি.ও. লুচিংগদৌরিবা অসিগীদমক্তা থাগৎপা ফোংদোক্লি অমসুং রসিয়ানা এস.সি.ও.গী প্রসিদেন্সী পায়বা মতমদা ভারতনা মপুং ফানা তেংবাংগনি হায়বগী ঐহাক্না থাজবা পীরি।

থাগৎচরি।
 

************