ਮਾਣਯੋਗ, ਕਿਰਗਿਜ਼ ਗਣਰਾਜ ਦੇ ਰਾਸ਼ਟਰਪਤੀ ਅਤੇ ਅੱਜ ਦੀ ਮੀਟਿੰਗ ਦੇ ਚੇਅਰਮੈਨ,

ਮਹਾਮਹਿਮਜਨ, ਸਹਿਯੋਗੀ ਸੱਜਣੋ ਅਤੇ ਦੋਸਤੋ,

ਸਭ ਤੋਂ ਪਹਿਲਾਂ, ਮੈਂ SCO ਸਮਿਟ ਦੀ ਕੁਸ਼ਲ ਅਗਵਾਈ ਲਈ ਰਾਸ਼ਟਰਪਤੀ ਜੀਨਬੇਕੋਵ ਅਤੇ ਕਿਰਗਿਜ਼ ਗਣਰਾਜ ਨੂੰ ਵਧਾਈ ਦੇਣਾ ਚਾਹਾਂਗਾ। ਮੈਂ ਉਦਾਰ ਪ੍ਰਾਹੁਣਚਾਰੀ ਅਤੇ ਸ਼ਾਨਦਾਰ ਸੁਆਗਤ ਲਈ ਵੀ ਉਨ੍ਹਾਂ ਦਾ ਧੰਨਵਾਦ ਕਰਨਾ ਚਾਹਾਂਗਾ। ਐੱਸਸੀਓ ਆਗੂਆਂ ਦੀ ਇਸ ਮੀਟਿੰਗ ਵਿੱਚ ਹਿੱਸਾ ਲੈਣਾ ਮੇਰੇ ਲਈ ਖੁਸ਼ੀ ਦੀ ਗੱਲ ਹੈ। ਭਾਰਤ ਨੂੰ SCO ਦਾ ਪੂਰਨ ਮੈਂਬਰ ਬਣੇ ਦੋ ਸਾਲ ਹੋ ਗਏ ਹਨ। ਅਸੀਂ SCO ਦੀਆਂ ਸਾਰੀਆਂ ਗਤੀਵਿਧੀਆਂ ਵਿੱਚ ਸਕਾਰਾਤਮਕ ਯੋਗਦਾਨ ਪਾਇਆ ਹੈ। ਅਸੀਂ ਅੰਤਰਰਾਸ਼ਟਰੀ ਖੇਤਰ ਵਿੱਚ SCO ਦੀ ਭੂਮਿਕਾ ਅਤੇ ਭਰੋਸੇਯੋਗਤਾ ਨੂੰ ਵਧਾਉਣ ਲਈ ਵਿਆਪਕ ਸ਼ਮੂਲੀਅਤ ਜਾਰੀ ਰੱਖੀ ਹੈ।

ਮਹਾਮਹਿਮਜਨ,

ਭਾਰਤ ਦਾ ਇਤਿਹਾਸ, ਸੱਭਿਅਤਾ ਅਤੇ ਸੱਭਿਆਚਾਰ ਹਜ਼ਾਰਾਂ ਸਾਲਾਂ ਤੋਂ ਐੱਸਸੀਓ ਖੇਤਰ ਨਾਲ ਜੁੜੀ ਹੋਏ ਹਨ। ਸਾਡੇ ਸਾਂਝੇ ਖੇਤਰ ਨੂੰ ਆਧੁਨਿਕ ਯੁਗ ਵਿੱਚ ਬਿਹਤਰ ਸੰਪਰਕ ਦੀ ਲੋੜ ਹੈ। ਅੰਤਰਰਾਸ਼ਟਰੀ ਉੱਤਰੀ ਦੱਖਣੀ ਟ੍ਰਾਂਸਪੋਰਟ ਕੌਰੀਡੋਰ, ਚਾਬਹਾਰ ਬੰਦਰਗਾਹ, ਅਸ਼ਗਾਬਤ ਸਮਝੌਤੇ ਜਿਹੀਆਂ ਪਹਿਲਾਂ, ਸਪਸ਼ਟ ਤੌਰ 'ਤੇ ਸੰਪਰਕ 'ਤੇ ਭਾਰਤ ਦੇ ਫੋਕਸ 'ਤੇ ਜ਼ੋਰ ਦਿੰਦੀਆਂ ਹਨ। ਅਸੀਂ 2017 ਤੋਂ ਕਾਬੁਲ ਅਤੇ ਕੰਧਾਰ ਅਤੇ ਨਵੀਂ ਦਿੱਲੀ ਅਤੇ ਮੁੰਬਈ ਵਿਚਕਾਰ ਏਅਰ ਫਰੇਟ ਕੌਰੀਡੋਰ ਦਾ ਸੰਚਾਲਨ ਵੀ ਕੀਤਾ ਹੈ। ਪ੍ਰਭੂਸੱਤਾ, ਖੇਤਰੀ ਅਖੰਡਤਾ, ਚੰਗੇ ਸ਼ਾਸਨ, ਪਾਰਦਰਸ਼ਤਾ, ਵਿਵਹਾਰਕਤਾ ਅਤੇ ਭਰੋਸੇਯੋਗਤਾ ਦਾ ਸਨਮਾਨ ਕਨੈਕਟੀਵਿਟੀ ਪਹਿਲਾਂ ਦਾ ਅਧਾਰ ਹੋਣਾ ਚਾਹੀਦਾ ਹੈ। ਆਮ ਲੋਕਾਂ ਦੇ ਆਪਸੀ ਸੰਪਰਕ ਦਾ ਮਹੱਤਵ ਭੌਤਿਕ ਸੰਪਰਕ ਤੋਂ ਘੱਟ ਨਹੀਂ ਹੈ। ਸਾਡੀਆਂ ਈ-ਟੂਰਿਸਟ ਵੀਜ਼ਾ ਸੇਵਾਵਾਂ ਜ਼ਿਆਦਾਤਰ SCO ਦੇਸ਼ਾਂ ਲਈ ਉਪਲਬਧ ਹਨ। ਮੈਨੂੰ ਇਹ ਐਲਾਨ ਕਰਦਿਆਂ ਖੁਸ਼ੀ ਹੋ ਰਹੀ ਹੈ ਕਿ ਛੇਤੀ ਹੀ ਭਾਰਤੀ ਟੂਰਿਜ਼ਮ ਵਿਭਾਗ ਦੀ ਵੈੱਬਸਾਈਟ 'ਤੇ SCO ਦੇਸ਼ਾਂ ਦੇ ਸੈਲਾਨੀਆਂ ਦੀ ਸਹੂਲਤ ਲਈ ਰੂਸੀ ਭਾਸ਼ਾ ਵਿੱਚ ਰੂਸੀ ਇੰਟਰਫੇਸ ਦੇ ਨਾਲ 24X7 ਟੂਰਿਸਟ ਹੈਲਪਲਾਈਨ ਹੋਵੇਗੀ।

ਮਹਾਮਹਿਮਜਨ,

ਇੱਕ ਸੰਯੁਕਤ, ਸ਼ਾਂਤੀਪੂਰਨ, ਸੁਰੱਖਿਅਤ ਅਤੇ ਖੁਸ਼ਹਾਲ ਅਫ਼ਗ਼ਾਨਿਸਤਾਨ ਐੱਸਸੀਓ ਖੇਤਰ ਵਿੱਚ ਸਥਿਰਤਾ ਅਤੇ ਸੁਰੱਖਿਆ ਲਈ ਇੱਕ ਮਹੱਤਵਪੂਰਨ ਕਾਰਕ ਹੈ। ਸਾਡਾ ਉਦੇਸ਼ ਅਫ਼ਗ਼ਾਨ ਦੀ ਅਗਵਾਈ ਵਾਲੀ, ਅਫ਼ਗ਼ਾਨ-ਮਾਲਕੀਅਤ ਅਤੇ ਅਫ਼ਗ਼ਾਨ-ਨਿਯੰਤਰਿਤ ਸੰਮਲਿਤ ਸ਼ਾਂਤੀ ਪ੍ਰਕਿਰਿਆ ਲਈ ਅਫ਼ਗ਼ਾਨਿਸਤਾਨ ਦੀ ਸਰਕਾਰ ਅਤੇ ਲੋਕਾਂ ਦੇ ਯਤਨਾਂ ਦਾ ਸਮਰਥਨ ਕਰਨਾ ਹੈ। ਸਾਨੂੰ ਖੁਸ਼ੀ ਹੈ ਕਿ SCO ਅਫ਼ਗ਼ਾਨਿਸਤਾਨ ਸੰਪਰਕ ਸਮੂਹ ਦੀ ਅਗਲੀ ਕਾਰਵਾਈ ਲਈ ਰੂਪ–ਰੇਖਾ ਤਿਆਰ ਹੈ।

ਮਹਾਮਹਿਮਜਨ,

ਸਾਨੂੰ ਆਪਣੇ ਖੇਤਰ ਵਿੱਚ ਸਿਹਤਮੰਦ ਸਹਿਯੋਗ ਨੂੰ ਮਜ਼ਬੂਤ ਕਰਨ ਦਾ ਦ੍ਰਿਸ਼ਟੀਕੋਣ ਹੋਣਾ ਚਾਹੀਦਾ ਹੈ। HEALTH ਅੱਖਰ ਸਾਡੇ ਸਹਿਯੋਗ ਲਈ ਇੱਕ ਵਧੀਆ ਟੈਂਪਲੇਟ ਹੋ ਸਕਦੇ ਹਨ,

ਐੱਚ – ਸਿਹਤ ਸੰਭਾਲ਼ ਸਹਿਯੋਗ ਲਈ

ਈ –   ਆਰਥਿਕ ਸਹਿਯੋਗ ਲਈ

ਏ –    ਵੈਕਲਪਿਕ ਊਰਜਾ ਲਈ

ਐੱਲ – ਸਾਹਿਤ ਅਤੇ ਸੱਭਿਆਚਾਰ ਲਈ

ਟੀ –   ਆਤੰਕਵਾਦ ਮੁਕਤ ਸਮਾਜ ਲਈ

ਐੱਚ – ਮਾਨਵਤਾਵਾਦੀ ਸਹਿਯੋਗ ਲਈ

ਐੱਚ – ਸਿਹਤ ਸੰਭਾਲ਼ ਸਹਿਯੋਗ ਲਈ

ਸਾਨੂੰ ਸਿਹਤ ਸੰਭਾਲ਼ 'ਤੇ SCO ਦੀ 2019-2021 ਦੀ ਕਾਰਜ ਯੋਜਨਾ 'ਤੇ ਜ਼ੋਰ ਦੇਣਾ ਚਾਹੀਦਾ ਹੈ। ਭਾਰਤ ਨੂੰ ਟੈਲੀ-ਮੈਡੀਸਿਨ ਅਤੇ ਮੈਡੀਕਲ ਟੂਰਿਜ਼ਮ ਦੇ ਖੇਤਰ ਵਿੱਚ ਆਪਣਾ ਅਨੁਭਵ ਸਾਂਝਾ ਕਰਨ ਵਿੱਚ ਖੁਸ਼ੀ ਹੋਵੇਗੀ।

ਈ – ਆਰਥਿਕ ਸਹਿਯੋਗ ਲਈ

ਆਰਥਿਕ ਸਹਿਯੋਗ ਸਾਡੇ ਲੋਕਾਂ ਦੇ ਭਵਿੱਖ ਦੀ ਨੀਂਹ ਹੈ। ਇਕਪਾਸੜਤਾ ਅਤੇ ਸੁਰੱਖਿਆਵਾਦ ਨੇ ਕਿਸੇ ਦਾ ਭਲਾ ਨਹੀਂ ਕੀਤਾ। ਸਾਨੂੰ ਵਿਸ਼ਵ ਵਪਾਰ ਸੰਗਠਨ 'ਤੇ ਕੇਂਦ੍ਰਿਤ ਇੱਕ ਨਿਯਮ ਅਧਾਰਤ, ਪਾਰਦਰਸ਼ੀ, ਗ਼ੈਰ-ਵਿਤਕਰੇ ਰਹਿਤ, ਖੁੱਲੀ ਅਤੇ ਸੰਮਲਿਤ ਬਹੁਪੱਖੀ ਵਪਾਰ ਪ੍ਰਣਾਲੀ ਦੀ ਲੋੜ ਹੈ। ਇਹ ਸਾਰੇ ਮੈਂਬਰਾਂ ਅਤੇ ਖਾਸ ਕਰਕੇ ਵਿਕਾਸਸ਼ੀਲ ਦੇਸ਼ਾਂ ਦੇ ਹਿੱਤਾਂ ਦੀ ਰੱਖਿਆ ਕਰੇਗਾ। ਭਾਰਤ ਆਰਥਿਕ ਗਤੀਵਿਧੀਆਂ ਲਈ ਐੱਸਸੀਓ-ਮੈਂਬਰ ਦੋਸਤਾਨਾ ਮਾਹੌਲ ਬਣਾਉਣ ਲਈ ਤੇਜ਼ੀ ਨਾਲ ਕੰਮ ਕਰਨ ਲਈ ਪ੍ਰਤੀਬੱਧ ਹੈ। ਅੱਜ ਅਸੀਂ ਪ੍ਰਮੁੱਖ ਸਮਝੌਤਿਆਂ 'ਤੇ ਦਸਤਖਤ ਕਰਨ ਜਾ ਰਹੇ ਹਾਂ, ਜੋ SCO ਵਿੱਚ ਵਿੱਤੀ ਮਾਮਲਿਆਂ, ਡਿਜੀਟਾਈਜ਼ੇਸ਼ਨ ਅਤੇ ICT ਵਿੱਚ ਸਹਿਯੋਗ ਨੂੰ ਮਜ਼ਬੂਤ ਕਰਨਗੇ।

ਏ – ਵੈਕਲਪਿਕ ਊਰਜਾ ਲਈ

ਜਲਵਾਯੂ ਪਰਿਵਰਤਨ ਨਾਲ ਨਜਿੱਠਣ ਲਈ ਭਾਰਤ ਦੀ ਪ੍ਰਤੀਬੱਧਤਾ ਸਾਡੇ ਫਲਸਫੇ ਵਿੱਚ ਹੈ ਜੋ ਧਰਤੀ ਨੂੰ ਆਪਣੀ ਮਾਂ ਮੰਨਦਾ ਹੈ। ਅੱਜ, ਭਾਰਤ ਅਖੁੱਟ ਊਰਜਾ ਦਾ ਛੇਵਾਂ ਸਭ ਤੋਂ ਵੱਡਾ ਉਤਪਾਦਕ ਅਤੇ ਪੰਜਵਾਂ ਸਭ ਤੋਂ ਵੱਡਾ ਸੌਰ ਊਰਜਾ ਉਤਪਾਦਕ ਹੈ। ਇੰਟਰਨੈਸ਼ਨਲ ਸੋਲਰ ਅਲਾਇੰਸ ਭਾਰਤ ਦੀ ਸਾਂਝੀ ਪਹਿਲ ਹੈ। ਇਸ ਦਾ ਉਦੇਸ਼ ਸੌਰ ਊਰਜਾ ਦੀ ਲਾਗਤ ਨੂੰ ਘਟਾਉਣ ਲਈ ਤਕਨਾਲੋਜੀ ਅਤੇ ਵਿੱਤ ਨੂੰ ਜੁਟਾਉਣਾ ਹੈ। ਅਸੀਂ ਇਸ ਪਹਿਲ ਵਿੱਚ ਐੱਸਸੀਓ ਦੇ ਦੇਸ਼ਾਂ ਦਾ ਸਵਾਗਤ ਕਰਦੇ ਹਾਂ। ਅਤੇ ਊਰਜਾ ਦੇ ਵੈਕਲਪਿਕ ਸਰੋਤਾਂ ਨੂੰ ਵਿਕਸਿਤ ਕਰਨ ਵਿੱਚ ਆਪਣੇ ਅਨੁਭਵ ਨੂੰ ਸਾਂਝਾ ਕਰਨ ਲਈ ਤਿਆਰ ਹਾਂ। ਅੱਜ ਅਸੀਂ SCO ਦੇ ਤਹਿਤ ਵਾਤਾਵਰਣ ਸੁਰੱਖਿਆ ਲਈ ਸਾਲ 2019-21 ਵਿੱਚ ਸਹਿਯੋਗ ਦੇ ਸੰਕਲਪ ਪੱਤਰ 'ਤੇ ਸਹਿਮਤ ਹੋਏ ਹਾਂ।

ਐੱਲ – ਸਾਹਿਤ ਤੇ ਸੱਭਿਆਚਾਰ ਲਈ

ਸਾਡੇ ਨੌਜਵਾਨਾਂ ਨੂੰ ਇੱਕ ਦੂਜੇ ਦੇ ਸਾਹਿਤ ਨਾਲ ਜਾਣੂ ਕਰਵਾਉਣ ਨਾਲ ਸਾਡੇ ਰਿਸ਼ਤੇ ਹੋਰ ਗੂੜ੍ਹੇ ਹੋਣਗੇ। ਭਾਰਤੀ ਸਾਹਿਤ ਦੀਆਂ 10 ਮਹਾਨ ਰਚਨਾਵਾਂ ਦਾ SCO ਦੇਸ਼ਾਂ ਦੀ ਭਾਸ਼ਾ ਵਿੱਚ ਅਨੁਵਾਦ ਕੀਤਾ ਜਾਵੇਗਾ। ਹਾਲ ਹੀ ਵਿੱਚ, ਉਜ਼ਬੇਕਿਸਤਾਨ ਦੇ ਸਹਿਯੋਗ ਨਾਲ, ਤਾਸ਼ਕੰਦ ਵਿੱਚ ਇੱਕ SCO ਫਿਲਮ ਫੈਸਟੀਵਲ ਸਫ਼ਲਤਾਪੂਰਵਕ ਆਯੋਜਿਤ ਕੀਤਾ ਗਿਆ ਸੀ। ਇਸ ਵਿੱਚ ਮਨੋਰੰਜਕ ਬਾਲੀਵੁੱਡ ਅਤੇ ਉਜ਼ਬੇਕ ਫਿਲਮਾਂ ਸ਼ਾਮਲ ਸਨ। ਸਾਹਿਤ ਅਤੇ ਸੱਭਿਆਚਾਰ ਸਾਡੇ ਸਮਾਜਾਂ ਨੂੰ ਸਕਾਰਾਤਮਕ ਗਤੀਵਿਧੀ ਪ੍ਰਦਾਨ ਕਰਦੇ ਹਨ। ਖਾਸ ਕਰਕੇ ਇਸ ਨਾਲ ਸਾਡੇ ਸਮਾਜ ਵਿੱਚ ਨੌਜਵਾਨਾਂ ਵਿੱਚ ਫੈਲੇ ਕੱਟੜਪੰਥ ਨੂੰ ਰੋਕਿਆ ਜਾ ਸਕਦਾ ਹੈ।

ਟੀ – ਆਤੰਕਵਾਦ ਮੁਕਤ ਸਮਾਜ ਲਈ

ਪਿਛਲੇ ਐਤਵਾਰ ਸ੍ਰੀ ਲੰਕਾ ਦੇ ਦੌਰੇ ਦੌਰਾਨ, ਮੈਂ ਸੇਂਟ ਐਂਥੋਨੀ ਚਰਚ ਗਿਆ। ਉੱਥੇ ਮੈਨੂੰ ਆਤੰਕਵਾਦ ਦਾ ਸ਼ਰਮਨਾਕ ਚਿਹਰਾ ਯਾਦ ਆ ਗਿਆ, ਜੋ ਕਿਸੇ ਵੀ ਸਮੇਂ ਕਿਤੇ ਵੀ ਫੈਲ ਜਾਵੇਗਾ ਅਤੇ ਰੋਜ਼ਾਨਾ ਬੇਕਸੂਰ ਲੋਕਾਂ ਦੀਆਂ ਜਾਨਾਂ ਲੈ ਲਵੇਗਾ। ਇਸ ਖ਼ਤਰੇ ਦਾ ਮੁਕਾਬਲਾ ਕਰਨ ਲਈ, ਸਾਰੀਆਂ ਮਨੁੱਖਤਾਵਾਦੀ ਸ਼ਕਤੀਆਂ ਨੂੰ ਆਪਣੇ ਤੰਗ ਖੇਤਰਾਂ ਤੋਂ ਬਾਹਰ ਨਿਕਲਣਾ ਚਾਹੀਦਾ ਹੈ ਅਤੇ ਇਕੱਠੇ ਹੋਣਾ ਚਾਹੀਦਾ ਹੈ। ਆਤੰਕਵਾਦੀਆਂ ਦੀ ਸਹਾਇਤਾ, ਸਮਰਥਨ ਅਤੇ ਵਿੱਤੀ ਸਹਾਇਤਾ ਪ੍ਰਦਾਨ ਕਰਨ ਲਈ ਜ਼ਿੰਮੇਵਾਰ ਦੇਸ਼ਾਂ ਨੂੰ ਜਵਾਬਦੇਹ ਬਣਾਇਆ ਜਾਣਾ ਚਾਹੀਦਾ ਹੈ। SCO ਦੇ ਮੈਂਬਰਾਂ ਨੂੰ ਆਤੰਕਵਾਦ ਨੂੰ ਖਤਮ ਕਰਨ ਲਈ SCO-RATS ਦੀ ਸਮਰੱਥਾ ਦਾ ਵੀ ਅਸਰਦਾਰ ਤਰੀਕੇ ਨਾਲ ਪਤਾ ਲਗਾਉਣਾ ਚਾਹੀਦਾ ਹੈ। ਭਾਰਤ ਨੇ ਆਤੰਕਵਾਦ ਦੀ ਸਮੱਸਿਆ ਦਾ ਮੁਕਾਬਲਾ ਕਰਨ ਲਈ ਇੱਕ ਅੰਤਰਰਾਸ਼ਟਰੀ ਕਾਨਫਰੰਸ ਦੀ ਮੰਗ ਕੀਤੀ ਹੈ।

ਐੱਚ – ਮਾਨਵਤਾਵਾਦੀ ਸਹਿਯੋਗ ਲਈ

ਇਸ ਖੇਤਰ ਵਿੱਚ ਭਾਰਤ ਮਾਨਵਤਾਵਾਦੀ ਸਹਿਯੋਗ ਅਤੇ ਆਪਦਾ ਦੀਆਂ ਸਥਿਤੀਆਂ ਵਿੱਚ ਪਹਿਲੇ ਜਵਾਬਦੇਹ ਦੀ ਭੂਮਿਕਾ ਨਿਭਾ ਰਿਹਾ ਹੈ। ਸਾਨੂੰ SCO ਦੇਸ਼ਾਂ ਨਾਲ ਆਪਣਾ ਅਨੁਭਵ ਅਤੇ ਮੁਹਾਰਤ ਸਾਂਝੀ ਕਰਨ ਵਿੱਚ ਖੁਸ਼ੀ ਹੋਵੇਗੀ। ਸਾਨੂੰ ਆਪਦਾ ਲਚਕੀਲੇ ਬੁਨਿਆਦੀ ਢਾਂਚੇ ਦੇ ਵਿਸ਼ੇ 'ਤੇ ਵਿਸ਼ੇਸ਼ ਧਿਆਨ ਦੇਣਾ ਚਾਹੀਦਾ ਹੈ।

ਮਹਾਮਹਿਮਜਨ,

[ਮੈਂ ਬਿਸ਼ਕੇਕ ਐਲਾਨਨਾਮੇ ਦਾ ਸੁਆਗਤ ਕਰਦਾ ਹਾਂ; ਸਹਿਯੋਗ ਲਈ ਇੱਕ ਉਪਯੋਗੀ ਖਾਕਾ] ਮੈਂ ਇੱਕ ਵਾਰ ਫਿਰ ਸਾਡੇ ਮੇਜ਼ਬਾਨ ਮਹਾਮਹਿਮ, ਰਾਸ਼ਟਰਪਤੀ ਜੀਨਬੇਕੋਵ ਦਾ ਧੰਨਵਾਦ ਕਰਦਾ ਹਾਂ। ਮੈਂ ਅਗਲੇ ਸਾਲ ਐੱਸਸੀਓ ਦੀ ਅਗਵਾਈ ਕਰਨ ਲਈ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੂੰ ਆਪਣੀਆਂ ਸ਼ੁਭਕਾਮਨਾਵਾਂ ਅਤੇ ਵਧਾਈ ਦੇਣਾ ਚਾਹੁੰਦਾ ਹਾਂ ਅਤੇ ਮੈਂ ਐੱਸਸੀਓ ਦੀ ਸਫ਼ਲ ਪ੍ਰਧਾਨਗੀ ਲਈ ਰੂਸੀ ਸੰਘ ਨੂੰ ਭਾਰਤ ਦੇ ਪੂਰਨ ਸਹਿਯੋਗ ਦਾ ਭਰੋਸਾ ਦਿੰਦਾ ਹਾਂ।

ਤੁਹਾਡਾ ਧੰਨਵਾਦ।

 **************

ਡੀਐੱਸ/ਐੱਲਪੀ