প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা রবি কুমজা ২০২২-২৩গীদমক্তা (ওক্তোবর ১, ২০২২দগী মার্চ ৩১, ২০২৩ ফাওবগী) ফর্তিলাইজর বিভাগনা ৱাহৌদোক থম্বা ফোস্ফেতিক অমসুং পোতাসিক (পি. অমসুং কে.) ফর্তিলাইজরগী নাইত্রোজেন (এন.), ফোস্ফরস (পি.), পোতাশ (কে.) অমসুং সলফার (এস.) য়াওবা তোঙানবা ন্যুত্রিএন্ত কয়াগী ন্যুত্রিএন্ত বেজ সবসিদী (এন.বি.এস.)কী কিলোগ্রাম অমদা পীগদবা মমলগী অয়াবা পীখ্রে। অয়াবা পীরবা মমলশিং মখাদা পীরি:

শেল কাইথোকপা:

এন.বি.এস. রবি-২০২২ (১/১০/২০২২দগী ৩১/৩/২০২৩ ফাওবগী)গী কেবিনেতনা অয়াবা পীরবা সবসিদী অসি লুপা করোর ৫১,৮৭৫গী ওইগনি অমসুং মসিদা ফ্রৈত সবসিদীগী খুত্থাংদা ইন্দিজিনিয়স ফর্তিলাইজর (এস.এস.পি.)গীদমক্তা তেংবাংলিবসু য়াওগনি।

কান্নবশিং:

থৌওং অসিনা লৌমীশিংদা রবি ২০২২-২৩দা পি. অমসুং কে. ফর্তিলাইজর খুদিংবু সবসিদাইজ/এফোর্দেবল ওইবা মমলদা লায়না ফংহনগনি অমসুং লৌউ-শিংউ সেক্তরবুসু তেংবাংগনি। ফর্তিলাইজর অমসুং রো মেতরিএলশিংগী মালেমগী মমলদা অকা অকুম লৈরিবা খুদিংমক কেন্দ্র সরকারনা পানখ্রবনি।

বেকগ্রাউন্দ:

সরকারনা ফর্তিলাইজরশিং, মিং ওইনা পল্লবদা য়ুরিয়া অমসুং পি. অমসুং কে. ফর্তিলাইজরগী গ্রেদ ২৫বু ফর্তিলাইজর শাবা/ইম্পোর্ত তৌবশিংগী খুত্থাংদা লৌমীশিংগী মফমদা সবসিদাইজ তৌরবা মমলদা ফংহল্লি। পি. অমসুং কে. ফর্তিলাইজরগী সবসিদী অসি এন.বি.এস. স্কিম্না ১/৪/২০১০দগী হৌনা শেন্নদুনা লাক্লি। লৌমীশিংগী খন্না থবক তৌবগী মখোয়গী থৌওংগা মরী লৈননা, সরকারনা পি. অমসুং কে. ফর্তিলাইজরশিংবু লৌমীশিংগী মফমদা সবসিদাইজ তৌরবা মমলদা পীনবা খোঙফম চেত্তুনা লাক্লি। মালেমগী ওইনা ফর্তিলাইজর অমসুং ইনপুতশিংগী (দি.এ.পি., এম.ও.পি. অমসুং সলফর) মমল কা হেন্না হেনগৎখিববু য়েংলদুনা, সরকারনা দি.এ.পি. য়াওনা পি. অমসুং কে. ফর্তিলাইজরশিংদা সবসিদী হেনগত্তুনা মমলদা হেনগৎখিববু এব্জোর্ব তৌনবা ৱারেপ লৌখ্রে। ফর্তিলাইজর কম্পেনীশিংনা লৌমীশিংগী মফমদা অহোংবা মমলদা ফর্তিলাইজরশিং ফংহনবা ঙমহন্নবগীদমক্তা সবসিদীশিং অসি অয়াবা পীরবা মমলদা কম্পেনীশিংদা থাদোক্কনি।

*********