এক্সিলেন্সীশিং,

ঐহাক্কী মরূপ বোরিস, এদাপতেসনগী মরুওইবা ইশুদা ঐহাক্কী ওইবা মীৎয়েং লান্থোক্নবা তাঞ্জা পীবিবগীদমক থাগৎচরি!

গ্লোবেল ক্লাইমেত দিবেত্তা মিতিগেসনগুম্না এদাপ্তেসনবু অদুক হকনা মরু ওইনা লৌদে। মসি ক্লাইমেত চেঞ্জনা হেন্না চৈথেং পীরিবা চাউখৎলক্লিবা লৈবাকশিংদা ইনজস্তিস অমনি।

ক্লাইমেত অসি ভারত য়াওনা চাউখৎলক্লিবা লৈবাক অয়াম্বদা লৈরিবা লৌমীশিংগীদমক অচৌবা শিংনবা অমনি – ক্রোপ্পিং পেতর্ন অহোংবা লাক্লে, মতম চাদবা নোং অমসুং ইচাও নত্রগা নোংলৈ নুংশিংৎনা মহৈ-মরোংশিং মাংহল্লে। ক্লাইমেত চেঞ্জকী মায়োক্তা দ্রিঙ্কিং ৱাতর সোর্সশিংদগী হৌরগা এফোর্দেবল হাউজিং ফাওবা পুম্নমক অসি রেসিলিয়েন্ত ওইহনবা মথৌ তাই।

এক্সিলেন্সীশিং,

মসিগী মনুং চন্না ঐহাক্কী ওইবা মীৎয়েং অহুম লৈরি। অহানবদা, ঐখোয়না এদাপ্তেসনবু ঐখোয়গী দিবলপমেন্ত পোলিসীশিং অমসুং প্রোজেক্তশিংমরুওইবা শরুক অমা ওইহনগদবনি। ভারত্তা ‘নল সে জল’- পুম্নমক্কীদমক তোতি ইশিং, ‘স্বচ্ছ ভারত’- ক্লিন ইন্দিয়া মিসন অমসুং ‘উজ্জ্বলা’- পুম্নমক্কীদমক ক্লিন কুকিং ফুএলগুম্বা প্রোজেক্তশিংনা ঐখোয়গী মথৌ তাবা নাগরিকশিংদা এদাপ্তেসনগী কানবা ফংহনবতা নত্তনা মখোয়গী পুন্সীগী ক্বালিতীসু ফগৎহল্লি। অনিশুবদা, ত্রেদিস্নেল কমুনুতী কয়া অমনা নেচরগা লোয়ননা পুন্না লৈমিন্নবগী গ্যান লৈরি।

মসিগী ত্রেদিস্নেল প্রেক্তিসশিং অসি ঐখোয়গী এদাপ্তেসন পোলিসীশিংদা মরুওইবা মফম পীগদবনি। মসিগী মহৈগী ইচেল অসি স্কুল সেলেবসতসু মনুং চলহনদুনা অনৌবা জেনরেসনদা য়ৌহনগদবনি। অহুমশুবদা, এদাপ্তেসনগী মেথদ অসি লোকল ওইগদবনি, অদুবু শোত্থরিবা লৈবাকশিংনা মখোয়গীদমক গ্লোবেল সপোর্ত ফংগদবনি।

লোকল এদাপ্তেসনগীদমক গ্লোবেল সপোর্তকী ৱাখল্লোনগা লোয়ননা ভারতনা কোলিএসন ফোর দিজাস্তর রেসিলিয়েন্ত ইনফ্রাস্ত্রকচর সি.দি.আর.আই.গী ইনিসিয়েতিব লৌখৎলে। ঐহাকনা লৈবাক পুম্নমক্কী মফমদা ইনিসিয়েতিব অসি শরুক য়ানবা হায়জরি।

থাগৎচরি।

দিসক্লেমর: মসি প্রধান মন্ত্রীগী ৱারোলগী ওইথোকপা য়াবা ৱাহন্থোকনি। অশেংবা ৱারোলদি হিন্দিদা পীখি।  

*****