ঙসি প্রধান মন্ত্রী শ্রী নরেন্দ্র মোদীনা গুজরাতকী এক্তা নগরদা মেজ গার্দেন অমসুং মিয়াৱাকি ফোরেস্ত মীয়ামদা কৎথোকখ্রে।

প্রধান মন্ত্রীনা বু্দ্ধগী মীতম লৈরিবা মফম অদু য়াওনা উমংগী শরুক ফাওদুনা চৎখি অমসুং তুংদা মেজ গার্দেন য়ৌখি। মহাক্না নৌনা শাবা এদমিনিস্ত্রেতিপ বিল্দিং, ভিশ্রাম গ্রুহ অমসুং ওয়ো হাওসবোত শঙ্গাখি। প্রধান মন্ত্রীনা মেজ গার্দেন ফাওদুনা চৎখি।

নুঙগীৱারোল

মিয়াৱাকি ফোরেস্ত অমসুং মেজ গার্দেন অসি স্তেচু ওফ য়ুনিতিদা হাপচিনবা ফজরবা মফমশিংনি। চহি ৪গী মমাংদা স্তেচু ওফ য়ুনিতি শঙ্গাবা মতমদা, মফম অসি তুরিজমগী মফম অমা ওইহনবা অমসুং চহি মতাং খুদিংমক্কী মীওইশিং চিংশিনবা হায়বসি প্রধান মন্ত্রীনা পান্দম্নি। মদুগী মহৈ ওইনা হৌজিক ফাওবদা মীওই মিল্লিয়ন ৮ হেন্না স্তেচু ওফ য়ুনিতি য়েংখ্রে।

লম একর অহুমদা শেমগৎলিবা, মিতর ২,১০০গী খোঙলম্বী অমা য়াওরিবা লৈবাক অসিগী খ্বাইদগী চাউবা মেজ গার্দেন অসি শুপ্নগী তেল্লবা থা ৮গী মনুংদা শেমগৎপনি। কেবরিয়াগী মেজ গার্দেন অসি ‘য়ানত্রা’গী মওংদা শেমগৎপনি অমসুং মসিনা পোজিতিপ ইনর্জি ফোঙদোক্লি। মসিগী মওং অসিদা শেমগৎপগী মরুওইবা পান্দমদি খোঙলম্বীশিংগী অরুবা নেতৱার্ক অমা শেমগৎনবনি। লৈকোল অসিগী কোক ঙাউগদবা লম্বীশিং অসি লমকোয়বশিংগী পুক্নিং, হকচাং অমসুং ৱাখলগী অচৌবা শিংনবা অমা ওইগনি অমসুং মসি ফাওদুনা চৎপদা মখোয়দা অঙকপা নুংঙাইবা অমা ফাওহনগনি। মেজ গার্দেন অসিদা উ চারা ১,৮০,০০০ থাখ্রে অমসুং মসিগী মনুংদা ওরেঞ্জ জেমিনি, মধু কামিনি, গ্লোরি বোৱার অমসুং মেহনদি য়াওরি। মেজ গার্দেন শেমগৎলিবা মফম অসি অহানবদা অমোৎপা হুন্দোকফম ওইরম্বনি অমসুং হৌজিক নিংথিরবা মফম অমা ওইনা শেমগৎলে। লমহাং ওইনা লৈরম্বা মফম অসি শেমগৎপদগী অকোয়বগী মফমশিং ফজহনবা খক নত্তনা উচেকশিং, কুরাকশিং অমসুং হয়িংখোইশিংনা লৈবদা নুংঙাইগদবা লৈফম অমা শেমগৎপদসু মতেং পাংলে।

মিয়াৱাকি ফোরেস্ত অসি এক্তা নগর য়েংবা লাকপশিংগী অতোপ্পা ফজরবা মফম অমা ওইরগনি। অশুকপা সহরগী উমং অমা শেমগৎনবা তোঙান-তোঙানবা মখলগী উ চারাশিং য়াম্না কুংনা থাবা জপানগী বোতানিস্ত অমসুং ইকোলোজিস্ত দোক্তর অকিরা মিয়াৱাকিনা পুথোকপা তেক্নিক্কী মমিং লৌরগা উমং অসি মমিং থোনবনি। মসিগী পাম্বৈ অসি শীজিন্নবদা উশিং চাউবগী চাং শরুক ১০ য়াংই অমসুং মসিগী মহৈ ওইনা শেমগৎলিবা উমং অসি শরুক ৩০ কুংই। মমাংঙৈগী পাম্বৈ শীজিন্নরগা উমং শেমগৎপদা য়ামদ্রবদা চহি ২০দগী চহি ৩০ ফাওবা চংবা অদু মিয়াৱাকি মেথোদ শীজিন্নবদা, শুপ্নগী চহি ২দগী চহি ৩গী মনুংদা উমং অমা শেমগৎপা ঙমগনি। মিয়াৱাকি উমংদা মখাগী শরুকশিং অসি লৈরি: লমদম অসিগী লৈশিংগী লৈকোল অমা, তিম্বরগী লৈকোল অমা, উহৈ-ৱাহৈগী হৈকোল অমা, হিদাক ওইনা শীজিন্নবা য়াবা পাম্বীশিংগী লৈকোল অমা, য়ানশিন্নবা মখলগী উগী মিয়াৱাকি সেক্সন অমা অমসুং দিজিতেল ওরিয়েন্তেসন সেন্তরনি।

লমকোয়বশিংনা মফম অসি য়েংবা লাকপা মতমদা অখন্ননবা মহাও অমা পীনবা প্রধান মন্ত্রীগী পান্দমনা লমজিংদুনা মসিগী ফজরবা মফমশিং অসি শেমগৎখিবনি। ফজরবা মফমশিং অসিগা ইরোইন্না অকোয়বগী ফিবম ফগৎনবা অমসুং মসিদা ঐখোয়গী কলচরগী মমি তাহন্নবা মীৎয়েং চঙলি। হন্দক শেমগৎলিবা মেজ গার্দেন অসিগী অখন্নবা অমনা, মসি দিজাইন তৌবদা ঐখোয়গী কলচর মমি তাহনবা অমসুং অফবা থবক অমা শন্দোকপদা মহৌশা অসি শক্তি লৈরিবা খুৎলায় অমনি হায়বা উৎলে।

স্তেচু ওফ য়ুনিতিদা লৈরিবা অতোপ্পা ফজরবা মফমশিংগী মনুংদা তেন্ত সিতি; হার্বেল গার্দেন, বতরফ্লাই গার্দেন, কেকতস গার্দেন, বিশ্বা বন, ভারত বন, য়ুনিতি গ্লো গার্দেন, চিলদ্রেন নিউত্রিসন পার্ক, জঙ্গল সাফারি য়াওরি।

*****