ওক্তোবর ২৭ অমসুং ওক্তোবর ২৮, ২০২২দা হরিয়নাগী সুরজকুন্দদা পাংথোক্কদবা ‘রাজ্যশিংগী হোম মিনিস্তরশিংগী চিন্তন শিবির’দা হোম অমসুং কোর্পেরসনগী য়ুনিয়ন মিনিস্তর শ্রী অমিত সাহ থৌরম মপু ওইনা শরুক য়াগনি।প্রধান মন্ত্রী শ্রী নরেন্দ্র মোদীনা ওক্তোবর ২৮, ২০২২দা ভিদিও কনফরেন্সকী খুৎথাংদা চিন্তন শিবিরদা ৱা ঙাংগনি।

নুমিৎ নিনীগী চিন্তর শিবিরদা শরুক য়ানবা রাজ্যশিংগী হোম মিনিস্তরশিং অমসুং য়ুনিয়ন তেরিতোরিশিংগী লেপ্তনেন্ত গভর্নরশিং অমসুং এদমিনিস্ত্রেতরশিং চেবাউ পীখ্রে। চিন্তর শিবির অসিদা রাজ্যগী হোম সেক্রেতরিশিং, দি.জি.পিশিং অমসুং সেন্ত্রেল আমর্দ পুসিল ফোর্সশিং অমসুং সেন্ত্রেল পুলিস ওর্গনাইজেসনশিংগী দিরেক্তর জেনেরেলশিংসু শরুক য়াগনি।

নুমিৎ নিনী পাংথোক্কদবা চিন্তন শিবিরগী পান্দমদি নিংতম্বা নুমিৎগী ৱারোলদা প্রধান মন্ত্রী নরেন্দ্র মোদীনা লাউথোকখিবা “ভিজন ২০৪৭” অমসুং পঞ্চ প্রান থবক ওইনা পাংথোক্নবা এক্সন প্লান শেম্নবনি। হোম মিনিস্তরশিংগী মীফম অদুদা সাইবর ক্রাইম থেংন্নবা থৌরাং তৌবা, পুলিস ফোর্স মতমগা চুন্ননা শেমগৎপা, অরানবা তৌবশিং ৱায়েনবগী থবক্তা আই.তি শীজিন্নবা হেনগৎহনবা, কংফালগী ঙমখৈ শরুক য়েংশিনবা অমসুং সমুদ্র মপানগী ঙাক-শেন অমসুং লৈবাক মনুংগী ঙাক-শেনগী মতাংদা খন্নগনি।‘২০৪৭দা চাউখৎলবা ভারত’ ওইহন্নবা পান্দম ফংনবা ‘নুপীগী শক্তি’গী থৌদাং অসি য়াম্না মরুওই অমসুং নুপীশিং ঙাক-শেন্নবা অমসুং মখোয়গী অশোই-অঙাম লৈতবা ফিবম অমা শেম্নবা অখন্নবা থৌরাং পায়খৎকদবনি। লৈবাক্কী থৌশিল শেম্বা অমসুং থৌরাং তৌবা অমসুং মতেং পাংনবগী থবকশিংদা খুদোংচাবা পীবা অসি মীফম অসিগী পান্দমনি।

চিন্তর শিবির অদুদা সেসন ৬ লৈদুনা তোঙান-তোঙানবা হিরমশিং খন্নগনি। মীফমগী অহানবা নুমিৎতা হোম গার্দশিং, সিবিল দিফেন্স, মৈহৌ-লাংপোক্তগী ঙাকথোকপা, ইনেমি প্রোপর্তিগী মতাংদা খন্নগনি। অনিশুবা নুমিৎতা, সাইবর সেকুরিতি, দ্রগ ত্রাফিক্কিং, নুপীশিং ঙাক-শেনবা অমসুং ঙমখৈ য়েংশিনবগী মতাংদা খন্নগনি। মীফম অদুদা দ্রগ ত্রাফিক্কিংগা মরি লৈনবা হায়বদি এন.দি.প.এস এক্ত, এনকোর্দ, নিদান অমসুং নিশা মুক্তা ভারত অভিয়ানগী মতাংদা খন্নগনি। লেন্দ বোর্দর মেনেজমেন্ত অমসুং কোস্তেল সেকুরিতিগী থিমশিংদা ঙমখৈগী শরুকশিং ঙাক-শেন্নবগী মতাংদসু খন্নগনি।

আই.সি.জে.এস অমসুং সি.সি.তি.এন.এস সিস্তেমশিং অমসুং আই.তি মোদুলশিং-নাফিস, ইতসো অমসুং এন.দি.এস.ও অমসুং ক্রি-মেক য়াওনা তেক্নোলোজিগী য়ুম্ফম ওইবা থিজিনবগী থবকশিংনা অরানবা তৌবশিং চৈরাক পীবগী চাং হেনগৎলকপগী মতাংদসু খন্নগনি। সেফ সিতি প্রোজেক, ১১২-শিঙ্গল ইমর্জেন্সি রেন্সপোন্স সিস্তেম, জিলাশিংদা হুমেন ত্রাফিক্কিং থিংনবা য়ুনিতশিং লিংখৎপা, পুলিস স্তেসনশিংদা নুপীশিং মতেং পাংনবা মফম শেমগৎপা অমসুং ঙামীশিংদা বাইওমেত্রিক আইদেন্তি কার্দশিং পীনবগী মতাংদসু খন্নগনি। তোঙান-তোঙানবা হিরমশিংদা সেসনশিং পাংথোকপগী পান্দমদি হায়রিবা হিরমশিং অসিদা রাজ্য সরকারশিংগী শোইদনা শরুক য়াহনবা অমসুং পুক্নিং থৌগৎপনি।

*****